Owl’s Stage

營業中

休息中

燒焗脆豬腩配自家製南瓜蓉$218燒紐西蘭特級肉眼扒 8oz 配自家製南瓜蓉$238好味指數：😋😋😋😋抵食指數：💲💲💲💲環境舒適：😌😌😌😌環境衛生：🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：一向喜歡貓頭鷹🦉，有日經過太子這間西餐廳，見到店名、門口的貓頭鷹吊飾、店內的貓頭鷹畫及佈置，就被吸引到了！二人點了2個套餐，套餐有沙律🥗、餐湯、主食及飲品。沙律的青蘋果🍏夠清新，沙律菜新鮮爽口，配了酸酸的黑醋，好醒胃。餐湯是甘筍湯。湯內不少甘筍蓉，味道濃郁。選了2款主菜。特級肉眼扒肉質夠腍不韌，又不鞋口。燒香過的6成熟扒，切開有點紅，沒有血水。肉眼扒不乾身，反而有點juicy。可以點鹽食用，要刺激點可點芥末，又或是點不會過咸的燒汁。燒焗脆豬腩不會太油，肉質夠嫩。豬皮燒得呈金黃色。兩款主菜都配有南瓜🎃蓉，好鮮甜，口感幼滑細膩。飲品要了熱檸水及凍檸茶，亦可加錢要特飲。餐廳現時有提供一些優惠，如身分證🪪含指定字母，可獲朱古力布朗尼/龍蝦湯/柚子蜜糖雞翼等。另外有$68半隻龍蝦🦞想讚讚其中一位侍應。我老公那杯水差不多喝光，侍應有主動來問他「要幫你加點水嗎？」，超有禮貌！👍🏻

又到同老公久違既拍拖日，喺太子食個西餐。呢間餐廳係貓頭鷹主題。店內裝修好有特色，座位都算闊落會見到open 嘅酒水Bar。我哋order咗蝦蟹膏蟹肉帶子意粉再加一個一人套餐有餐湯，沙律，主食同飲品。一定要推薦大家去試吓蝦蟹膏蟹肉帶子意粉，好有驚喜。煎香左嘅帶子大隻又新鮮，意粉本身有濃郁嘅蝦蟹膏味，啱晒鍾意食海鮮嘅我地。餐湯係甘筍湯，鮮鮮甜甜好似南瓜湯嘅質地。沙律係青蘋果紅菜頭沙律，個人好鍾意食紅菜頭，因為紅菜頭有一股清甜味。佢係用沙律醋，所以食起嚟口感唔會太甜。主食我哋揀咗西冷牛扒，揀咗五成熟。牛扒本身都幾重牛味，份量一個人食都足夠。配菜我哋加咗錢轉五重芝士醬焗薯條，芝士味濃郁，焗完薯條都保留到有脆身嘅口感。餐飲我地點咗triple chocolate，朱古力味好濃，上面嘅忌廉唔會太甜，啱晒鍾意朱古力嘅我。而且餐廳位置離地鐵站好近，非常方便。

偶然經過見到呢間餐廳 就入咗去試 餐廳用貓頭鷹嚟做主題 餐廳都放咗好多貓頭鷹嘅擺設😉頭盤鮮蘆筍帶子田園沙律 幾鍾意呢個沙律 因為入面嘅用料特別 有青瓜 鮮蘆筍 仲有輕輕煎香咗嘅帶子刺身🥗 而呢日嘅餐湯係甘筍湯 都幾creamy 甘筍味道唔會太草青黑松露卡邦尼意粉呢個卡邦尼意粉有煙肉 芝士做配料 黑松露嘅味道都好突出 意粉幾有咬口 唔會過腍 同朋友share食啱啱好 感覺唔會太膩🍝 燒紐西蘭特級肉眼扒呢個足足有八安士嘅肉眼扒望落都幾大塊 我哋嗌咗五成熟 所以入面嘅肉仲好粉嫩 呈粉紅色☺️ 由於佢係肉眼扒脂肪比例幾高 所以食落口牛味幾濃郁🐮 側邊仲有甜薯角及紫椰菜做伴碟 煎脆咗嘅甜薯角同牛肉嘅鹹味有個對比 所以都算突出 啲邊仲有黃芥辣同埋海鹽 鍾意食牛扒有調味嘅朋友可以點嚟試吓😙藍莓芝士蛋糕呢個藍莓芝士蛋糕睇得出係店舖自家製作 本來以為係面頭加啲藍莓醬嘅cheesecake🍰 點知呢度係一舊cheesecake再喺碟邊加藍莓醬 幾鍾意呢個做法 點唔點醬食都得😉餐飲檸檬茶同埋奶茶 茶底正正常常☕️ 除咗呢啲飲品仲可以加錢嗌特飲 不過我哋今次就冇嗌到啦呢餐食齊餐湯 沙律 主菜 甜品同飲品 真係夠晒