陳根記

營業中

休息中

是日係團年飯，一家約左星期六7:30食飯，當日一早6:15去到攞飛，但已經爆場，外面門口仲有好多人排隊。拎左大枱18號飛，眼見7點仲係叫緊1號枱，我地都打定輸數，要轉場，諗住人齊睇下食其他野。好好彩人齊7:30左右，就岩岩叫到我地，不過就要同其他人搭枱。 琶琵豆腐外脆內軟，豆味最重，反而食唔出其他配料味道，整體偏清淡。 椒鹽瀨尿蝦瀨尿蝦偏細隻，主要都係食味道，蝦殼脆卜卜，炒得好乾身，唔錯。 金銀蛋時菜好家常的菜式，鹹蛋有鹹香味，皮蛋係食口感，食落時菜都有鹹香味，整體清爽又好味。 香煎蠔餅今次可能太忙，上次比較大塊同完整，今次好散，蠔仔份量好似都少左咁，但都煎得好香口，又有蛋香味。 WASABI 蟹籽手撕雞一食落太大陣WASABI味，食多2舊眼淚水都出埋，真係有D 頂唔順，WASABI味搶曬雞味、火腿、青瓜等其他配料的味道，蟹籽份量太少，食唔出蟹籽的口感。 陳根記黎左石門之後，食過2次，今次水準好似無預期咁理想，可能臨近過年人多，食物水準下降。吸取上次經驗，如果多人食飯真係要一早6點前攞飛，因為大枱好似比較少。第1次黎都要等2個半鐘左右，所以想食就要早D 攞飛啦!

陳根記由禾輋搬入石門京瑞廣場身為沙田人 梗係要去試下啦裝修仍然整返大排檔既環境#Wasabi蟹籽手撕雞 例 ($85)呢個係招牌菜 但已經失色不少完全食唔出Wasabi味 只係2隻雞脾啲肉撕開哂連雞既鮮味都冇埋#琵琶豆腐 ($62)呢碟野超大碟加抵食！大大粒既豆腐有成14粒咁多食5粒落肚已經飽到上心口味道一般 都係魚肉撈豆腐拎去炸如果想試多啲其他菜建議唔好叫呢樣餸#椒鹽鮮魷 ($82)呢碟真心失望 可能求其一間茶餐廳都好食過佢椒鹽去咗邊呢？問個姐姐原來就係分開放個啲淮鹽鮮魷就咁撈勁厚既炸粉拎去炸原完冇調過味 冇味同好似食緊炸粉咁#估你唔到砵仔腸粉($68)呢個有驚喜 原來係炸左既腸粉 外脆內軟再撈肉醬同豬肉 另外有牛肉揀呢個幾特別 撈飯食就最岩#馬拉盞炒白菜($58)一邊係蒜蓉炒 另一邊係馬拉盞炒不過大部分都係食到蒜蓉味欣賞佢既大碟only!