Goobne Chicken (瓊華中心)

營業中

休息中

今晚相約咗3個同學聚舊食飯，佢地話見多人，所以想食炸雞，多啲人可以試多幾樣。見到 Goobne Chicken 評語唔錯，所以試下呢間。 七點黎到，都唔算好多人，等咗15分鐘就入得。裝修唔花巧，以簡約木色為主。烤雞標榜非油炸。韓式烤雞 $160 - 一份入面有晒雞翼、雞槌、雞胸肉。 係雞胸肉比較"鞋"，其他都烤到外脆內軟。烤雞帶點微辣，非油炸真係食多幾件都唔怕油膩。甜辣烤雞 $160 - 醬汁甜甜辣辣，雞肉烤得好香口，juicy 得黎好惹味。特製雞蛋卷 $148 - 雞蛋卷包住火腿、黃瓜、青瓜 等等，雖然餡料普通，但做得幾出色。厚厚嘅蛋卷有蛋汁，配埋旁邊嘅茄汁同芥末醬，味道更添層次。Somersby Apple Cider $38

炸雞熱潮已經有一段時間，成日行過瓊華都想試下Goobne，今次終於有機會食到啦平日七點幾放工時間去到已經迫滿左人等位，好彩我既好飯腳A小姐已經一早拎左籌。呢間Goobne好貼心門口係有位比客人可以坐住等等左大概一個鐘左右就可以入座，我地三個人安排左一張四人枱比我地，所以坐得好鬆動好舒服。1. SOMNERSBY APPLE RITA（酒精） $88，其實係同平時飲既蘋果酒一樣，不過加左冰同果肉係底，提升左蘋果酒入口既層次，大大杯消暑一流2. SHARK BLOOD RITA（非酒精） $88，朋友唔想飲酒所以叫左呢杯非酒精既鯊魚之淚，酸酸甜甜但又唔係好甜，係沙冰既質感，睇得又好飲。飲完我地仲拎左條鯊魚玩左陣，小朋友一定好中意(用HSBC簽帳惠顧任何烤雞都可以半價追加飲品，所以其實每杯只係HKD$44)3. 特製雞蛋卷$148，蛋卷係我中意食既韓國菜之一，因為一份好食既蛋卷唔係係間間餐廳都食到。Goobne既蛋卷係我既評分係6.5/10，其實呢份蛋卷係我係香港食過之中算好食不過不失之列，所以我都會推介。特製雞蛋卷賣$148係性價比上係好高，原因係佢好大份唔吝嗇，每一舊都係咁足料，一口絕對

      星期六係繁忙既旺角，同朋友二人本身係爆丼屋攞左飛，知道有排等，所以去朗豪坊行陣先，點知行完返黎過左超過100張飛即刻唔想再等，就search下附近有咩食，朋友話食過Goobne Chicken幾好食，於是就上左瓊華搵呢間店~      上到去都要等，但一定唔洗好似爆丼屋咁等到2046...，等左約20分鐘就有位，同朋友諗左好耐食乜，因為胃就得一個，但樣樣都想食諗左好耐，終於決定到，就係叫蛋卷同唔少得既炸雞~睇擺碟都好簡約風，一件件排好晒隊等我地食~蛋卷暖暖地，雖然餡料係普通火腿同蘿蔔等等，但夾埋d醬又幾開胃，好快就清左個蛋卷等主菜~主菜出場~本身其實都驚炸雞會好熱氣，但知道佢係用烤既方法烹調，感覺好似冇咁熱氣 (自欺欺人~)蜜糖同咖哩估唔到出奇地夾，d肉都好嫩好juicy，一d都唔乾，平時唔食皮既我今次都食晒d皮

不知怎麼最近好像每次聚會選擇的都是炸雞店，明明星星熱潮已過，但炸雞的滋味還是欲罷不能。今次girl's night選擇了位於旺角的人氣炸雞店 - Goobne Chicken。由於不接受booking，便提早上去等候。星期一的夜晚，人龍依然不斷，足足等候25分鐘才被安排入座。一早上網做定資料收集，人氣No.1推介的特製雞蛋卷，差不多每枱食客都必食之選。無論顏色，賣相，味道都絕對配得上$148的高價。厚厚的蛋卷入口綿化，內涵又豐富，兩個截然不同的口感，雖然清淡普通，但卻忍不住多吃一件。淋上蜂蜜的炸雞，感覺上不太熱氣及油膩，外皮香脆，咖喱的辣味越吃越辣，甜和辣的比例調校得剛剛好。雞肉肉質結實不鬆散，雞胸也依然嫩滑不會乾。大大一碟份量足夠3人分享。濃味的芝士炒年糕，香辣軟糯的年糕配上拉絲芝士，愛辣之人大概會中意，可惜我對辣的接受程度一般，只是淺嘗一口，舌頭麻痺了，是直嗆入喉嚨的辛辣味。全晚最難食的莫過於這個雞肉沙律，雞肉不似雞肉，肉質鞋口，面層炸粉太多，一個字：乾！另外黑醋配雞肉真是難吃到極點，沙律菜不新鮮，大多偏黃和殘，絕對是中伏之選。平時一支SOMERSBY大概賣$38，換個賣相就可高達

突然"炸"雞癮起，再戰Goobne，並沒有令我失望。 平日放工六點來到，不用等位便可入座。第一次吃這個蛋卷，真的很不錯。數層蛋皮疊成厚厚的外層，富有蛋香之餘，金黃色的賣相也很吸引。內裡包著蟹柳、青瓜等似加州卷，有爽脆的口感，再蘸茄汁和沙律醬便是簡簡單單的美味。芝士炒年糕有點辣，但也算可以接受，尤其是有很多拉絲芝士中和辣味。有年糕、公仔麵、雞蛋、魚糕，也算豐富，用來飽肚是很不錯吃的。為甚麼要用collen括著個炸字，是因為這家餐廳強調的是用烤的並非炸的，雖然外皮烤得香脆，但比炸的沒那麼油之餘，也少了那層厚厚的炸粉，所以一直都是我最喜愛吃雞的餐廳。第二次吃沒令我失望，仍是高水準。因我不大能吃辣，蜜糖的甜調起了雞件的味道，非常正!

炸雞啤酒已經係常識，但係呢間食炸雞既韓店就係用健康烤雞方式取代左多油既炸雞。我地喺星期日既下午3點黎到，呢度無乜人，坐得好舒服，而且地方又大透明玻璃窗加上外面既陽光，心情都好啲，影相都靚啲！裝修都好特別，好似置身於小木屋咁。枱面上放置食雞三寶 : 放骨既桶，手套，夾我地叫左new 既活火山烤雞食左2啖，真係feel 到佢辣得好過癮！愈食愈辣，但真係好好味。外面加上醬汁烤到好香，入面保留到雞肉既汁同嫩滑口感，正！溫馨提示：辣既程度都幾高仲叫左雞蛋卷，口感外軟內爽脆，但感覺普通。有配醬汁因為大塊關係，所以直接用手拎黎食。真係好方便，手套好好用！再黎2杯野飲有條鯊魚倒插左喺杯野度係幾得意 Shark Blood Rita $78，呢杯揀左無酒精，飲落去酸酸去，但其實味道普通另一杯叫左有酒精 Corona Rita $88呢杯味道唔錯！待應服務方面，按了幾次枱上既鐘都無人理，我坐嗰個位既area係一個待應都無，所以服務係差啲。 價格方面都略貴，而且無set ，如果有set 會好啲總結係雞是好味和可以試的！

離開舊公司後，好耐都無見過K小姐，終是終於的起心肝約左佢出黎食飯，一出到黎，佢就話要食韓國炸雞，於是就上網睇吓邊間好食，之後就去左呢間餐廳開飯去坐低後睇左一輪餐牌後就叫左幾樣野先送黎就係甜辣烤雞，個樣得得地，食落又甜又辣又香口，肉與幼嫩之餘仲有D肉汁，而且加上清香的芝麻下，口感尤是豐富，好食得我地2個女人仔係咁食食食侍應又緊接送黎特製雞蛋卷，當中分別有黃瓜、火腿、腌黃蘿蔔、紫菜同芝士，咬落感覺就好似韓式紫菜包飯咁，加上少量的茄汁點綴下，更是滋味無窮，口感又爽又嫩又滑又清新，仲有少少甜甜地，是我最愛既味道，同樣因太好味，所以瞬間就俾我地完全食晒落肚席間我地亦叫左蘋果酒特飲，好大杯之餘，亦好清甜易入喉，同時由於係沙冰底，所以好似飲極都飲唔完咁，真係好抵飲加上又好解喝，我覺得用佢配炸雞就係最合適不過~~埋單每人$ 2XX幾都算OK喇今餐食到勁飽，最後仲食唔晒要打包返屋企俾細佬食，係又食又拎，又坐得好舒服下，今晚好滿足呢

難得出開黎九龍區…朋友歡天喜地要到旺角搵食…就係呢間新登陸既韓式烤雞店…呢度裝修簡單...感覺清新…侍應都係韓國人…有d懂英語…有d懂普通話…溝通唔算好難…menu中英韓文都有...但碟碟都好大碟咁...好彩兩個人只係點了左三味...呢杯鯊魚之淚...幾乎每枱都總有一杯...睇佢紅紅藍藍...好大人造色素咁...實則係橙汁加蜜桃汁既沙冰...甜甜地幾好味...另一杯柚子沙冰...雖然賣相並不突出...但亦足料好味...雞旦卷似足壽司做法...但唔會黏…要一口一卷…唔係就實散哂…餡料係簡單既蘿蔔青瓜午餐肉之類...伴沙律醬...芝士少左d....感覺一般...豬肋骨腍而入味…捲埋芝士一齊食…又係另一種感覺…如果芝士可以暖住熱辣辣食就更加好…期待已久既必食之選…大大碟…估計有大半隻雞…雞肉非常嫩口多汁…雞皮係烤唔係炸…亦很脆口…蜜糖已經好味…配合埋唔辣既咖哩…微香又惹味…平時唔食皮既我…都忍唔住口…埋單仲有禮物送…原來消費滿300就有一個水樽…

goobne駐入香港將近一年，最近開左分店係閙市區旺角，地方大過尖沙嘴店 旺角分店就係瓊華中心，地點位置不錯7點幾上到黎15樓，已經有人等緊位，我大概等左半個鐘由於係新店開張，環境好靚，好舒適 staff有幾個係韓國人，係識講英文同普通話 特制雞蛋卷 賣相很不錯，交叉擺放，上有番茄醬汁卷内有火腿, 蟹柳, 青瓜,酸瓜等配料雞蛋皮外層很薄，软嫩滑爽 香酥烤雞 上次係尖沙嘴分店無食到，今次唔可以再錯過啦 goobne烤雞稱無用反式脂肪，更爲健康。烤雞配以2款醬汁，雞肉原先的鹹度足夠，所以唔點醬都已經夠味 外層香脆鬆化不油膩，雞肉肉質挺嫩滑，外脆肉嫩的。

忘了何時，曾聽聞一個說法『中國人喜歡吃雞』，所以每逢喜慶，都必定備有鮮雞作餸。因此，多次大規模屠宰活雞，對香港人的打擊確實非常大！BeautySearch也不否認，自己也甚為喜歡吃雞，所以，早前品嚐過尖沙咀Goobne Chicken 的「韓式照燒烤雞」Teriyaki Chicken，一直念念不忘，好想再吃，卻又未有機會。誰料，Goobne Chicken 竟在旺角開設分店，對BeautySearch而言，地點位於彌敦道的瓊華，非常方便。食飯當晚，正巧樓下的百貨公司大減價，BeautySearch還可順道shopping，實在太完美呢！甫出電梯，便看見兩名少女與店子門前的人形牌合照，BeautySearch當然好奇，是那位韓星的人形牌如此吸引呢？離去時，BeautySearch刻意走近，原來是姜素拉同徐康俊Goobne Chicken 旺角分店的店內裝潢設計與尖沙咀相近，同樣這兒地方寬敞，屬簡單舒適設計，不過，這兒環境較為光猛，而且，感覺亦較年輕化。與尖沙咀一樣，這裡大部份店員都是韓國人，英文也不算流利，偶有出現，就好像當晚，隔鄰的食客吃了一會發現上錯食物，但由於雙方溝通出現問題，不