一幻拉麵

說起來也有點尷尬😅，一幻拉麵開業多年竟然是首次光顧！(有小朋友的應該會明白帶小朋友食拉麵是何其的大挑戰😆)星期五晚上7點不用排隊就可以直接入座，遲十分鐘已經要大排長龍了！不過呢個時段都好多人，想request坐海景吧檯位都好難。特濃蝦汁叉燒拌麵驟眼睇以為拌麵好乾，原來麵下面有醬汁，蝦醬汁味道好香濃又唔會過鹹，伴以彈牙的粗麵食，惹味非常，而且沒有拉麵的油膩，非常適合炎夏食；形狀切成似五花腩的叉燒都好腍，撈埋蝦酥食都唔錯；最弱反而係隻溏心蛋，熟得滯。撇除隻蛋，整體非常唔錯👍🏻相比下，拉麵就顯得有點普通，醬油、味噌的湯頭亦較濃較鹹和較油膩；兩碗拉麵各選了粗麵和幼麵，個人喜歡彈牙點的粗麵，反而小朋友喜歡腍軟的幼麵。兩塊薄切的叉燒腍軟但脂肪位也較多，相對較為香口；溏心蛋同樣是失望的。拉麵店的餃子通常都是不錯，一幻的餃子也不例外。煎得香口的餃子皮薄而餡料不算豐滿，平時不愛吃餃子的嘴刁小朋友，竟然一口氣吃下整碟5隻的餃子，可想而知美味的程度😆- 原味拉麵(全蝦湯) 醬油幼麵 $88- 濃厚䐁骨蝦湯拉麵 味噌粗麵 $88- 特濃蝦汁叉燒拌麵 $88- 餃子 $35…查看更多

這天又想吃拉麵🍜！今次來到位於海運大廈的一幻拉麵。看很多人都點蝦湯拉麵，自己點了蝦湯醬油幼拉麵。吃一口已經覺得心心眼，很美味蝦湯濃而不膩，上面的紅薑和葱很開胃！平日食量不算大的我，一個人吃掉整碗麵呢！另外也點了特濃蝦汁叉燒伴麵。起初以為是沾麵，原來是像撈麵的做法。拌麵只能選粗拉麵，整個感覺不一樣呢！同樣有叉燒、紅薑和蔥，還伴有紫菜，蝦汁依然濃郁。要比分的話，自己比較喜歡原味蝦湯拉麵🍜！又找到一間美味拉麵啦！會再來的…查看更多

好早已經聽聞過一幻拉麵呢間餐廳但咁耐以嚟都未食過今日經開海港城就決定入去試下 ～餐廳位於海港城裏面可以坐海景位望住海景食拉麵 🙂感覺非常 chill餐廳既招牌菜色係蝦湯拉麵 🍜但因為個人嚟講，平時鍾意食拌麵多啲所以就點咗佢既特濃蝦汁叉燒拌麵 🍤🍜特濃蝦汁叉燒拌麵 🍤🍜一上就有超級濃郁既蝦汁香氣撲鼻而來 💨食落蝦味濃郁鮮味拉麵既配料除左有叉燒、蔥、紫菜和溏心蛋最特別就係灑上咗紅色的脆卜卜蝦味麵酥令口感更有層次 足料配搭 👍…查看更多

今次來到尖沙咀既一幻拉麵我在日本時也吃過, 給我的印象係蝦湯湯頭非常濃厚餐廳環境以拉麵店來說都算大, 座位有卡位, counter位, 海景位我當然選海景位, 看海吃麵, 正枱上調味料有七味粉, 胡椒, 蒜泥可以加, 水可以自己斟Menu 拉麵有4款, 其中一款係屯門限定香港既拉麵店通常都是賣湯拉麵(ラーメン)或者沾麵(つけ麺)但是在日本的拉麵店還有一款麵叫油そば或者叫まぜそば即是拌麵, 今次來到一幻就係食拌麵特濃蝦汁叉燒拌麵 ($88)這個拌麵是香港限定, 即是在日本也吃不倒拌麵既配料有蔥, 角肉, 紫菜, 麵酥(紅薑天婦羅), 仲有半粒糖心蛋角肉有肉汁, 唔會嚡, 麵條係粗麵, 拌勻後一食入口, 蝦味就出黎, 味道很濃厚加埋蒜泥一齊食更加好食另外加了一碟餃子 ($35)賣相都幾好, 餃子有5件餃子底部煎到好脆, 皮好薄, 餡料都好足, 好吃總結, 尖沙咀分店有海景真係無敵拌麵蝦味濃厚, 非常好食, 餃子也不錯, 可以再來…查看更多

晚上9時去都仲爆場，應該算係人氣拉麵店之一了，但不用等位:)朋友點了特濃蝦汁叉燒拌麵，而我則點了招牌蝦湯拉麵。各跟有兩塊叉燒和半隻半熟蛋！非常之香的蝦湯味，拉麵都唔會太淋同太硬叉燒厚薄適中，味道就不過不失啦，半熟蛋正常發揮。總括而言，唔差，但就無驚喜！🥟餃子就令我大感失望:(，可能係提早煎定嘅關係，已經凍咗，唔夠熱所以內餡嘅豬肉已經有陣豬嘅騷味又或者係d豬肉唔夠新鮮。相信啱煎出嚟，熱辣辣個時會好吃好多！…查看更多

聖誕節將至, 同家人去海港城睇燈飾同夜景。睇完燈飾, 見一幻個得一賞二套餐仲未完, 於是決定一齊同父母去食日本拉麵, 咁抵! 媽媽應該唔會哦我啦! 星期五既尖沙咀本身都比較多人, 而一幻亦不在話下。所以我同老公先行去排隊, 等爸媽可以影下夜景, 行下, 唔駛一齊企咁耐。去到見到人龍都唔少, 排左差不多30 分鐘先有位。除左得一賞二套餐, 外賣亦都有折。得一賞二呢個套餐真係好抵! 包2 碗麵, 6 隻鍋貼同2 杯飲品 (只限汽水)今次我地仲試埋蝦味飯糰。套餐正價加10%服務費, 再減返$148。麵種類: 仲有飯同其他小食。飲品選擇如下:首先到左鍋貼先, 皮唔夠脆, 有D 失望。蝦味飯糰好好味呀! 飯糰充滿住蝦湯汁既味道, 每一粒都係蝦湯味!暖暖的, 包埋個脆脆紫菜, 好好味!而且個飯糰好大個! 只係$20, 好抵食!!! 今次我同老公都不約而同叫左特濃蝦汁叉燒拌麵蝦汁濃, 叉燒淋, 流心旦味道各方面都合乎水準不過可能已經食左幾次, 感覺味道冇第一/二次時食咁驚喜。…查看更多

一幻自從8 月完咗買1 送1 優惠後, 10月16 日再次推出另一個得一賞二優惠。咁抵食! 我哋即刻飛撲去試呀!我哋喺優惠推行第一晚去食O既, 大約8 點去到餐廳, WOW! 要等位! 大約要等7 – 8 枱左右, 唔緊要! 為咗食好西, 等!其實都只係等咗十幾分鐘就有位, 我哋見到海景位有位, 就要求坐, 好開心呀! 可以對住個海景食飯! 今次優惠係得一賞二, 二人同行尊享套餐。主要係包2 碗拉麵 (點餐紙上任何拉麵都可以), 6 隻餃子 (平時一客5 隻的), 同2 杯特定飲品 (可樂/波子汽水)因為8 月時試咗拌麵, 今次想試下個拉麵, 點知我地不約而同點咗同一樣O既配搭: 招牌蝦湯拉麵, 原味湯底鹽味幼麵。先上餃子,  餃子都頗大隻的, 皮薄, 饀豐富, 加埋個醬汁已經好正! 如果個皮再脆D 就PERFECT 啦! 招牌蝦湯拉麵 - 果然係招牌, 湯底好濃蝦味, 作為一個蝦控, 感覺滿足; 隻流心旦都好好味。另外D 叉燒好淋, 一咬即化開, 掂! 今次要左幼麵, 可以沾多D 湯, 麵質軟硬度適中, 簡直係我杯茶呀! 呢年冇得去日本旅行, 唯有去一幻食個麵FF 下啦~!! 埋單係先計返原價o既10% 服務費再減返HKD 148 優惠, 2 個人都只係HKD 178, 一個人都只係需要俾一個拉麵O既價錢就可以享用埋餃子同飲品! 好抵呀!!!!----------------我是分隔線----------------今次想分享埋8 月31 日果次O既食評, 果日係最後一日做買1 送1 優惠, 拉麵同飲品都有優惠, 我同老公知道後就即刻飛去食啦! 呢次係第一次食一幻, 我哋叫左一碗招牌蝦湯拉麵, 一碗特濃蝦汁叉燒拌麵, 一碟餃子, 可樂同啤酒。特濃蝦汁叉燒拌麵 - 好好味呀!!! 個汁好濃蝦味, 叉燒粒好淋，夾埋啲紅薑天婦羅碎一齊食，好夾！高質！真係好似去咗日本食拉麵咁! 配埋啤酒，為炎熱嘅8月添上一個完美嘅句號。老公第一次去食都係點咗招牌蝦湯拉麵加可樂。相信佢真係好欣賞個拉麵，所以兩次都食同一樣野。埋單都係計原價嘅10%服務費，再減返一碗麵同較平飲品嘅價錢, 圍返每人唔使$100就可以嘆住啤酒食日本拉麵，真係好抵呀！…查看更多

而家一幻做優惠，堂食係買一送一，咁樣除翻開兩個人都係40幾$一碗拉麵勁平。我好鐘意尖沙咀呢間一幻係因為佢可以對住個海景。而家40幾就可以對住海景食拉麵真係要日日黎先得。我叫左香港限定既特濃蝦汁叉燒拌麵 而我朋友就叫左普通既蝦湯拉麵。其實我好少食蝦味既拌麵，覺得好新鮮。雖然而家做特價，但係材料無偷工減料，個汁真係好濃好有鮮味。呢度無得選麵既彈性，我覺得呢度係偏硬但係又爽口。我試左朋友個湯，比起普通豚骨拉麵都係偏重口味，岩晒我。另外估唔到原來叉燒同蝦味原來都幾match，有特別驚喜。仲有個流心蛋熟度控制得好好。…查看更多

去了跑馬地辦點事後，下午百無聊賴駕車去了海港城。 到達時已是五時，我們趕緊去找食店，冀在六時前提前吃晚餐。這店平時一向有一班年輕人排隊，今天今日商場人流稀少，門前人龍沒有了。店員在門前為我們量了體温後，帶我們到近窗口位就座。 店員這時對我們說這時段是點一送一優惠，主菜、飲品都享有這優惠，加一照計。我們點了適量豚骨蝦湯拉麵湯底和特濃蝦汁叉燒拌麵，並點了綠茶和烏龍茶。我曾經在香港光顧了很多「過江龍」的日本拉麵，每次吃完都有點失望。 曾想過，是否在日本光顧這些名店時，心裏已加了分數，所以例必讚不絕口？  有一間出名壽司店，每次去東京，差不多一到埗行李未執拾便去朝聖。他們在旺角開店時，我第一天就去光顧，但感覺質素和日本是有一些差距。 同樣，一間以醬油麵馳名的日本店，在香港品噹時卻覺得太油。 那麼，究竟是香港店有落差還是我們一廂情願？（感覺上日本地道店永遠是好些？）說回此店，兩碗麵備上後，我倆不約而同拿起勺去嚐嚐蝦湯。 嚐一口後，腦裏回憶起久違了的濃濃蝦湯味。上一次我們體驗這樣的蝦湯是一間在灣仔的麵店，可惜老閭退休後，蝦味也隨他走了。據聞此店每日以大量甜蝦蝦頭新鮮熬製，用上北海道的海洋鹽，再加上經熬煮過後的蝦頭磨碎的蝦粉，才能造出濃濃的蝦湯。拌麵的醬汁也同樣出色。我們一邊吃一邊想起昔日日本之旅，真希望疫情一過可以立即飛往北海道。今次的百無聊賴地逛，意外驚喜，值得，值得！…查看更多

吃了香港限定的辛辣味噌蝦湯拉麵。蝦湯味濃，夠辣，好味。幼麵剛剛好，不會太硬亦不會太軟。加了蔥和麵酥更好吃。不過吃久了會覺得有一點油膩和少許咸，但屬於可接受範圍。…查看更多

喺海港城happy hour完已經9點，上網睇睇訂檯折扣，近近地黎食碗拉麵~ 問問可唔可以安排坐窗邊位,幸好剛有位呢度款式唔多,主打係蝦湯拉麵我點了特濃蝦汁叉燒拌麵呢碗係無湯既，不過有D香濃蝦汁，所以唔會覺得乾！叉燒係切粒，唔係薄薄一片，食起上黎有質感得多，份量仲幾多添。拌上青蔥，紫菜絲，麵酥（紅姜天婦羅)，撈埋一齊食層次口感豐富。辛辣味噌蝦湯拉麵味噌夾雜住濃湯味道，辣辣地幾惹味，幼麵麵條掛湯入味叉燒係薄片，相對之下比較中意拌麵既叉燒 …查看更多

今日又去左尖沙咀海港城行街, 睇水牌搵食見到G/F 「一幻拉麵」 就去試下啦! 🦐行到門口聞到一大陣蝦味, 先知原來係專食蝦湯拉麵 大約三點幾四點完全唔洗等位入座, 正! 店內燈光令我覺得好舒適, 環境都好乾淨!本身自己都鐘意食蝦湯味既拉麵, 所以拿拿聲ORDER喇🍙蝦味飯糰 ($20)完全冇特別, 只係聞到少少蝦香味, 但食落口係好淡,好失望🍜香港限定-特濃蝦汁叉燒拌麵 ($88)個汁唔會好稀同真係好濃味, 完全可以令每條麵都掛到D汁, 好好食, D叉燒好腍好入味, 加埋D蔥花同脆脆麵酥(紅薑天婦羅), 口感好豐富, 不過隻蛋就有D失望, 冇乜調味又掛唔到D汁🍜蝦湯拉麵-鹽味 ($88)因為想食到本身既蝦湯味, 所以揀左鹽味底, 的確好香好濃味, 不過食食下就覺得好咸喇, 至於呢碗既叉燒, 我就覺得一般…查看更多

係海港城shopping完，又搵間餐廳食個晚飯，又唔想咁多食物，就決定揀 一幻 食拉麵啦～當時係大約晚上九點，無乜人，所以唔洗等就有位。坐低先發現原來得兩款麵揀，其中一款係香港獨有的 特濃蝦汁叉燒拌麵。一黎到望落以為個麵個味好淡，原來啲汁係哂最底，拌好哂其實好夠味！而且叉燒粒食食下都好多份量，好夠飽！不過奇怪的係啲拉麵麵質有啲唔似日本既拉麵味道ok! 比較淡餃子好普通，餡料比散少同散現場有得買盒拉麵返屋企自己煮～咁岩睇到年初二煙花匯演的套餐…查看更多

嘆住海景食拌麵, 何其享受。另外, 餐廳設有充電位, 但不是所有座位都有。蒜蓉, 胡椒和辣椒粉可隨意添加。食物選擇不多, 勝在夠簡單, 一於試其尖沙咀店限定拌麵。特濃蝦汁叉燒拌麵 $88 + 10%拌麵色彩繽紛, 材料有葱, 蝦酥, 紫菜, 叉燒和溏心蛋。根據餐牌資料, 醬汁是利用鮮蝦頭及原味湯底製成特濃蝦汁。蝦汁濃稠份量適中, 拌麵後不會水溜溜, 麵身保持乾身。麵質有咬口, 蝦酥味濃脆口, 叉燒軟淋, 雖然已掛上蝦汁, 但加上蒜蓉同吃, 增添滋味。流心蛋滑, 蛋黃雖然不太流心, 但都軟綿。…查看更多

Order左特濃蝦汁叉燒拌麵同蝦湯拉麵，一次過試曬兩款口味兩碗拉麵都係原味湯底、口味就揀左鹽味，同粗麵有蔥。蝦湯拉麵配料：叉燒兩片、溏心蛋半隻、麵酥同蔥。-叉燒瘦肉比例較多，好少肥膏。可惜，叉燒做得唔算出色。肉質偏韌同乾，唔係一咬就斷果種質地；叉燒唔夠入味；切成薄片，食完冇咩滿足感。有待改善。-溏心蛋🥚無論蛋白定蛋黃都好軟淋，唔知係因為比湯浸左定本身就係咁；蛋黃呈半固體狀，冇咩流心效果，不過顏色幾靚。食到少少溏心蛋既鹹味，正常水準。-麵酥拉麵上要紅色既就係麵酥。但實質係咩我就唔太清楚。因為炸過，冇浸湯果啲咬落去脆脆地，同少少鹹。放落碗麵到我覺得冇咩作用，湯麵既話浸淋左就冇曬口感了～-拉麵🍜粗麵麵質好好煮既時間啱啱好，咬落彈牙有口感，亦唔會因為浸耐左湯而變淋同變糊！不過就食唔到拉麵本身既麵味，可能湯底太濃味掛～掛湯力尚算可以。質感黎講，粗麵有水準！-湯底拉麵未上台前，就聞到好香既蝦味，但唔知點解食落就唔多覺有蝦味。湯底好油，面頭浮住一層油；湯底偏稠身，唔係水汪汪果種；味道方面都幾鹹；整體感覺係重口味！因為食完之後口好乾，想飲水🙈蝦湯拉麵因為湯底而令到拉麵變得油膩，拉麵越食越油、越食越鹹特濃蝦汁叉燒拌麵配料：叉燒粒、紫菜絲、麵酥、溏心蛋半隻同蔥。-叉燒粒整到肉粒咁，細細粒，幾有咬口；叉燒多數係瘦既，冇咩肥既部分；肉質硬實、唔嫩滑，一絲絲既肉；味道方面亦好入味，但食落唔似叉燒、似五香肉丁既走油版。我覺得好味過蝦湯拉麵果片叉燒。其他配料一樣就唔再重複啦～拌麵冇比好油既湯浸住，成件事清爽左！但拌麵亦相對較湯麵鹹少少。個人黎講，覺得拌麵少左油膩感，略勝一籌拉麵整體表現不過不失，冇咩驚喜位，但唔算伏。再試就未必啦～因為就個人口味而言，一幻既湯底唔係我杯茶，太油膩同太重口味，食完會口渴但麵條做得唔錯，最滿意既就係拉麵既部份。而且兩者相比，拌麵更為推薦…查看更多