牛角日本燒肉專門店 (又一城)

營業中

休息中

講到食燒肉食黎食去都係覺得牛角最好～皆因佢哋嘅牛角飯和九州產極上黑毛和牛カルビ～不可不食～😍😍😍除咗以上兩款每次必點之外豚カルビ同沙律都係必點之一，今次沙律就試下新口味明太子沙律，賣相好特別以為係雪糕，燒肉方面平時甚少會叫雞今次都叫咗雞腿肉同雞軟骨，兩款都相當唔錯，雞軟骨仲encore多一碟。另外，今期嘅夏日特飲一定要試，好飲之餘打卡又靚。最後食埋個爆穀雪糕，大滿足

繼續疫情外賣系列。外賣打邊爐玩了幾次，今次轉玩外賣烤肉。預先打電話落單，話要30-45分鐘準備。嘩。來到店前人頭湧湧。其實廣告優惠都唔係話好勁，使唔使咁多人先。2人餐一個袋裝晒。首先有一盒枝豆。牛肉拼盤、一口和牛、菇類、蔬菜。牛肉唔錯，油份夠晒。喺屋企烤肉，個廳無抽風設備，煎左一陣已經煙霧瀰漫。Anyway，自己的烤盤，烤得似模似樣。跟了醬汁，同喺現場食一樣。腸仔就一般正常啦。兩個牛角飯跟溫泉蛋同紫菜，依然係咁正！全家福（墨魚片是自己加料的）始終喺屋企真係好油煙，75折又唔係抵到無可抗拒，下次都係玩返打邊爐。

完全冇諗過午餐時段可以食到燒肉，今日有同事提議到又一城牛角，這裏有午市套餐，都值得一試。店內環境都舒適，有卡位，只是燈光暗了一點，而家周圍都係電子化，呢度用notepad 點菜。午市燒肉套餐包括昆布湯、雜菜沙律、兩款肉、一碗飯及飲品。個白飯可加$18轉牛角飯，好大碗，上面鋪滿紫菜，非常可口，很喜歡。飲品有多款選擇，冷/熱也可，柚子茶、咖啡、檸茶、汽水等等。肚餓嘅同事先點左一個午市燒肉套餐，她不吃牛，揀咗丹麥皇冠豬扒及雞腿肉，雞肉連皮非常肥美，豬扒賣相也不錯。我自己選擇丹麥皇冠豬扒及牛肋肉(4片)，新鮮肉類上枱時已經很吸引，燒熟之後當然非常美味，豬扒有肥肉很香，牛肋肉豐富肉味，不要太熟，否則會乾。另外兩位同事都點了最貴嗰餐，選了牛肋肉及肩脊肉(牛)，共八片，都非常可口。網燒牛肉真係好正。除了這個燒肉套餐，另有一個三合一餐，柚子沙律、一款肉及牛肉飯/雞肉飯/炒麵，也包括飲品。原來午餐都可以食到燒肉，不需要花太多時間，很滿足呢！