高麗軒韓國料理 (已結業)

好耐冇去尖沙咀金巴利街食韓國菜。在那條街覓食總離不開韓國菜，今晚就帶屋企人去食韓烤放題。餐廳設置於地庫一層。多款優質肉類，每位加$38便可升級享用加拿大Prime grade 雪花牛，A3雪花牛，帆立貝、帶子、法式羊架和紅炆牛肋骨。飲品選擇唔算太多，不過都足夠，主打係烤肉。泡菜味道正常發揮。超級推介依度嘅法式羊架，大大件厚切，肉質軟腍而且勁juicy，羊羶味唔算太濃烈，肉味香濃，非常優質。Prime grade 雪花牛薄身，油脂勁香，入口融化美味，已經encore 了幾次😋👍🏻。牛舌厚切，每邊略燒一會，入口特別肥美唔韌。帶子好厚肉又大隻，鮮甜美味！海虎蝦新鮮有蝦味。推介燒銀鱈魚，超多魚油極肥美。一品料理也十分吸引。當然必試升級選擇，紅炆牛肋骨。平常單點石鍋料理都要百幾二百蚊。超濃味牛肋骨炆得又腍又入味，紅蘿蔔吸滿牛嘅精華同醬汁極之入味！鰻魚石鍋飯，味道唔錯。湯品試了牛肋骨湯和海帶湯，海帶湯偏鹹了一點。海鮮煎餅，比較一般。生菜及韓國麵豉醬，配烤肉特別地道又更健康。今晚6人可以試到更多一品料理和湯，非常盡興！

高麗軒韓國料理📍：尖沙咀金巴利道46-48號地庫🚗：尖沙咀地鐵B1出口 步行4分鐘📞：+852 2368-9409💲：~HKD370/head for dinnerFood quality✔️：Prime雪花牛、帆立貝、帶子、牛舌、牛小排、特級牛頸肉、前菜、生菜包👌🏼：其餘肉類及菜餚❌：蒙古羊肉、泡菜煎餅總結：👍🏼韓式燒肉店 300蚊任食唔嬲 肉嘅質素普遍中上 唔劣質 建議加68蚊轉靚料食 絕對唔會失望👍🏼佢嘅雪花牛係真係好食😋 高質 建議加咗錢集中戰力去雪花牛、帆立貝同帶子 全部都好新鮮 食得出係靚嘅 而且冇加任何調味料 👍🏼如果唔想加錢 可以集中食下牛小排、特級牛頸肉同牛舌 排名係有分先後 呢三個係我覺得特別啲 好食啲 值得叫多幾碟👍🏼食開韓燒嘅各位一定知 生菜包必叫 菜包住肉 泡菜 蘿蔔 蒜頭 真係超好食 最緊要呃到自己夠健康🤣👍🏼收費唔平 不過大部分肉質對得住價錢 而且雖則款式唔多 但勝咗佢哋好多其他韓式料理 例如石鍋飯 煎餅 湯品 小菜 滿足下愛好韓食嘅朋友😍👍🏼每款都有得叫半份真係超好 啱哂啲得2個人燒嘅組合 每樣試少少 真係皆大歡喜👍🏼有個姨姨超nice 我哋初初唔識燒 佢

位於婚紗街的低調韓燒店！因為店舖其實是在地庫，因此我覺得很低調，而且也在一堆婚紗店的附近，其實不特意前來應該很難發現呢！。店內座位及環境算是滿舒適的！韓國餐廳必備前菜有我最愛的泡菜和大芽菜然後是我必點的牛舌！薄薄一片，食再多也不會覺得油膩！而且一碟的份量也不少，（2個人）一碟有8片海鮮方面除了我喜歡的魚柳外，一定要食帶子！大大粒得來仲好鮮好有口感忘了說剛剛的帶子是特別推介系列，每位需要另加$38才可以任食的～但真心覺得值得加錢～因為好戲在後頭，特別推介中的以下幾款都叫人食到停不了口！。必食推介 - 皇者牛排骨至少食了3碟，肉質超～級～軟棉棉完全不韌之餘更沒有牛的騷味！！！其次就是熊本霜降和牛、特級牛頸肉和肉眼扒·熊本霜降和牛的雪花分佈得剛剛好，可以說是肥瘦適中！但又不會覺得韌、牛味比較重～特級牛頸肉適合跟我一樣鍾情偏瘦肉質的朋友肉眼扒⇣飲品種類以汽水為主，也可以另外叫啤酒或其他飲品～總括來說食物種類超多，除了以上肉類（也有豬肉的啦）之外、也有海鮮（蝦、青口、帆立貝、多春魚 等等...）、還有熟食...例如炒飯、湯類等等...可以滿足同行朋友的口味和喜好，這裡可以算是不錯的選擇喔！

韓燒？A姐最鍾意！ 放題？M佬最鍾意！ 減緊肥嘅A姐話今日星期五要放縱一下，所以我哋就去尖沙咀嘅高麗軒食盡佢啦！一坐低店員就送上各款泡菜，又新鮮又開胃！拼盤有青口、扇貝、魷魚、魚柳、海蝦等！款款都夠晒新鮮，其中首推扇貝，除咗夠晒新鮮彈牙，最吸引都係上面嘅蒜蓉汁，同隻扇貝好match呀！至於次推魚柳厚切又夠嫩滑，無骨又唔腥。而海蝦有成隻手掌咁大，肉質彈牙，仲有唔少膏。粒粒都豐滿，漲卜卜，望到都覺得好吸引！燒好咗嘅帆立貝外脆內軟，好juicy呀！除咗海鮮之外，M佬嘅極力推薦！和牛嘅油脂豐富，肉質嫩滑，牛味非常濃郁，以呢個價錢確實超值。呢個牛排骨就係A姐嘅最愛，佢一個人食咗足足兩碟！佢話呢個同和牛最大嘅分別係個醃料超入味，而且牛肉味比和牛更香！唔好以為薄切就無口感呀，燒好嘅牛舌一樣好有質感，而且牛味濃郁。無得彈！燒到半焦微燶嘅豬頸肉相當好味，脆卜卜又夠爽，一啲都唔韌。  一向少食羊，但唔小心叫錯咗就試吓啦。經過醃製嘅羊肉，一啲都唔膻，反而有啲大漠風味。韓燒燒雞翼就最麻煩，好難燒得熟，但又真係最好味！除咗各類燒烤，仲有唔少熟食，而呢個蛋伴生牛肉就係呢度招牌菜。牛肉夠晒光澤，將蛋黃、雪梨絲同生蒜

朋友仔想食韓國料理、又想韓燒都冇問題， 因為之前去過尖沙咀的傳統韓國料理放題 <高麗軒韓國料理>就可以滿足晒! 餐廳位於地庫，環境舒適， 呢度點菜方式幾得意，  將菜式號碼寫底係白紙再交俾店員就ok~  呢度任食任飲的燒肉+料理放題只係每位$218， 識食的我地當然會加$38可以升級肉類啦， 可以點熊本霜降和牛、特級牛頸肉、什錦海鮮拼盤等等~ 一開始仲會有5款可以refill的韓式小菜， 我最愛泡菜，酸酸辣辣~ 我自己好鍾意呢度的肉類，選擇多質素又高， 特別係以下必食新款推介: <熊本霜降和牛> 肉質粉嫩而多汁，入口即化， 我同朋友都食唔停~ <皇者牛排骨> 肉質幼嫩，仲有雪花添，香濃的牛味~ <牛舌> 一片片薄薄的，非常爽滑，有嚼勁 ~ <黑毛豬腩> 油脂分布平均，燒到外層微脆更正， 食落去有大大的滿足感~ 我地2個女仔的食量都不可睇少家!! <什錦海鮮拼盤>有蝦、帶子、青口、魷魚、魚柳 帶子肥美蒜味香濃，青口冇海水味， 蝦新鮮彈牙，魚柳醃得都幾入味~ 而我最愛的非

今天友人帶我去TST一家很神秘的韓國料理店，非常有驚喜跟高質，我忍不住馬上打上食評給大家介紹介紹。老實說其實我是個大吃的女生。最喜歡就是肥肉。不過我自覺是有要求的人，所以通常不會去任食的韓燒和放題，因為食物質素太差。但如果每牒每牒的去計數，那請我吃飯的人一定得花大錢哈哈。友人這次帶我去的這家韓燒是雖是任吃，但這裡的肉絕非等閒之輩，絕不會因為是任食就低水準。真令我大開眼界。內在環保很乾淨舒適。掛的畫也滿有韓店精髓。店的桌子餐具燒網都絲毫不油膩。乾淨維生我給十分。海鮮肉類應有盡有。前菜我最愛的是大豆芽，麻油香。這三款肉是我的大愛。牛舌不要燒太熟，太熟便老了不好咬。黑毛豬腩是最正豆的，肥和瘦的部分剛剛好一半。我自己都吃了一大牒。肉的質素是出面80元一牒的單叫靚肉般。而肥肉位十分野火，燒的時候要小心。再來是湯品。人蓼雞湯雞味出較出，內有新鮮雞肉紅棗等上等材料。湯的口感是濃的，帶點膠質。沒味精。吃韓燒都算熱氣，大家不妨叫碗雞湯解解火喔仲有最靚的蛋伴生牛肉  牛肉望上就知道是高質牛吧。把蛋搞搞再加一點點鼓油再搞搞。入口滑滑的，連我這種怕吃生肉的也吃光了。生的牛完全可以吃出牛的原味。海鮮中必叫的。蔬

舊地重臨，再來到尖沙嘴食這一間位於地庫的韓燒放題，星期日LUNCH 每位$198，再另加一些高級的配菜就再另加入38先來指定菜式，點完餐很快就送到，飲品主要是罐裝皇者排骨和羊架最先送到，標準份量放滿一爐的景象已令人垂涎三尺羊架軟嫩，而且很入味。牛舌薄切，但都算多，放上去很快就熟味道略淡，不過都尚算爽口然後就是招牌的霜降和牛，那些紋理很吸引，不要燒太熟，這樣可以更保留那種口感今次也點了一些炸物銀雪魚煎得很香口，肉質沒有煎過火，肉質還很嫩滑之後的蛋包魚和蛋包蝦，如一般的炸魚和炸蝦不同，蛋味更濃更香。味道保持水準，肉質夠入味，吃著吃著就很飽，服務亦很有效率，整體依然令人滿意。

之前經過過好多次，一直想試下，見openrice評論不錯，今晚放工就同老公去試下以放題黎講，食物質素真係好有驚喜！食物好新鮮，而且質素都很不錯！最愛皇者牛排肉口感好林！脂肪分佈好均勻！A級牛口感會實過皇者少少，但係一入口就好有肉汁！另一種的美味！牛舌好爽口！唔會覺得韌！另外其他海鮮都好新鮮！完全唔會有腥味！五花腩醃得好入味！燒到脆脆地咁食！仲有不得不提係佢個麵豉醬生菜！個醬甜甜咸咸，用來點肉，夾埋生菜一齊食！勁正！其實呢度除左燒烤，仲有其他韓國料理食架！石鍋飯，湯果d都有！但因為太飽啦！實在食唔落！只係叫左個嵾雞湯飲，都幾香嵾味！

燒肉，愛韓之人相信都食唔少，但普遍高質既燒肉店都要每碟計錢，食下食下分分鐘食左成千蚊！行得尖咀多都知有咩好野食，高麗軒韓國料理係一間質素唔錯既燒肉放題，岩晒啲上班族同冇咩錢又係食肉既學生(姐係我)XD門面招牌普普通通，比佢既燒肉放題吸引左，心諗燒肉放題好抵食，價錢都夠晒實惠！入到去係地鋪黎，環境唔算好大，裝橫冇太大既特色，但坐低都幾舒服燒勞爐有別於韓國餐廳既爐，係日式燒烤咁，放係鐵網上燒～一坐低冇耐，店員就上左前菜出黎～蔬菜爽口，我會留番黎做包生菜既配料～牛舌，口感煙韌，份量夠多而且唔肥膩，味道中規中矩牛肉，腌完既牛肉再燒係特別入味，又香又多汁，不過牛肉有啲位太散碎開餐喇開餐喇！一黎就將海鮮同肉分好晒，快熟既就放中間，海鮮放一邊慢慢燒～依個要另外加$38先食到，咁平緊係要加喇XD而且可以多食幾種唔同部位～皇者牛排骨，肉質口感鮮嫩，7成熟即刻可以拎上黎食，口感岩岩好，咬兩咬已溶係口中，已經腌醬非常入味！食開韓燒都知道，生菜加豆板醬再包住舊肉食係另一種味覺享受，冇咁油膩之餘，仲有爽中帶韌既口感，生菜又夠新鮮，GOOD~花甲，份量雖多但有沙，有大半部份都有沙，味道都有海水腥味，所以一般般，食