日本黒毛和牛焼肉 牛太 (MOSTown新港城中心(4期))

平日星期三下午2:20分到，當然唔使等位直入，室內地方大，好多卡位，單人座位也有，因為平日唔多客人🤭，佢畀咗四人梳化卡位我，坐得寬闊舒服😍。我點咗一人餐，99蚊牛舌定量(60分鐘)嗰個餐，保守估計有20塊牛舌，個餐有麵豉湯，飯&泡菜， 再加出面自助任食bar: 日式咖哩飯， 一啲生果 例如西瓜哈密瓜， 甜品( 日式大福 蛋糕仔)，汽水，雪糕(有軟雪糕 &維記迷你雪糕糯米糍)，炸物等，同埋沙律菜 ， 另外可以自助攞啲蔬菜嚟燒 (有秋葵、冬菇、紅椒、青椒、黃椒等等)。 食完發現最好味係佢個煲日式咖哩🍛， 內面啲牛肉炆得夠入味又夠腍，而且仲好濃鬱牛肉味， 牛奶軟雪糕🍦嘅牛奶味都好重，係出乎意料之外有驚喜，好味💯!埋單連加一 $109， 個人覺得 cp值一般，出面啲食物 質素好一般 ， 略有粗製濫造， 亦選擇不多，我就覺得60分鐘夠曬🤐🤐🤐。如果係大食量嘅話，係可以 百零蚊 吃飽個肚，但係咁樣純粹係重量不重質😅。…查看更多

啲人成日話馬鞍山係美食沙漠，所以可以想像當連鎖高質日式燒肉店牛太喺度開分店時，大家係會幾亢奮。是日去開住馬鞍山嘅朋友屋企玩，夜晚當然食埋飯先走，佢地話牛太今日開張一齊去食，我地5:30pm去到已經滿座同勁多人拎飛等位，原來新張期間有九折，最後我地都等左大半個鐘先可以入座。店內以淺木色做主調，配上紅白色燈籠，非常醒目搶眼。店面空間十足，座位都好闊落坐得舒服。牛太嘅燒肉放題分左四個價錢，分別係$389/人、$469/人、$629/人同$899/人，我地就揀左第二平嘅日本產黑毛和牛燒肉放題套餐($469/人)，全部限時120分鐘，所有肉類、海鮮等等貴價野都可以經QR Code落單，其他野飲、沙律、小吃、甜品就可以喺自助區拎。野飲選擇唔算太多，不過汽水、果茶、冷泡茶都有。唔飲凍野都有多款茶包揀，不過因為新開張未有酒牌，所以就冇提供酒精飲品。甜品雖然冇大牌子雪糕，不過就有雪糕機，都算有誠意。每張枱上面都有簡單調味料，因為有唔少肉類本身都已經有調味，基本上都唔洗再加調味都夠。一坐低例牌出去拎左野飲先，見有哩隻新出嘅有汽檸檬茶就試下，唔會似汽水咁多氣，比較似飲野梳打咁，配烤肉都唔錯。溫泉蛋係原隻連蛋殼上，自己打喺碗入面，蛋白仲係半生熟狀態，蛋黃更加唔洗講。雖然我揀嘅係第二平嘅黑毛和牛燒肉放題，但肉類質素已經非常唔錯，除左有好多款唔同部位嘅牛肉，好似封門柳、牛肋肉、板腱肉、腹胸扒，每款仲有唔同味道，例如燒汁、鹽或者和風京蔥，款式非常多。另外佢地亦有其他橫隔肉、牛脊肉、壺漬牛肋肉、牛舌、牛仔骨、牛腸......等等。趕住食都唔會記得邊款肉打邊款肉，不過睇下啲雪花紋，堅係靚，而且上枱時全部都解凍得夠，唔會有硬繃繃嘅情況，哩啲肉全部都係可以任食，而唔係一次性架！除左燒肉，佢地都有鹽燒大蝦、牛油燒帶子同鹽燒鮑魚，雖然海鮮唔算特別大隻，不過主角始終係燒肉，所以海鮮質素唔差已經Pass。壺漬果味牛肋肉除左牛肋肉之外，佢仲有菠蘿同洋蔥喺入面。食得多肉，食下牛蒡絲甜甜地清下腸胃都唔錯。沙律菜都好新鮮爽脆。雖然飽，但都會想試少少炸物小吃，薯條就腍左少少，炸雞粒同雞軟骨反而幾香脆。抹茶蕨餅抹茶味都幾濃，煙煙韌韌幾好食。軟雪糕有3.5牛乳同愛文芒兩款口味，亦可以揀紐紋，愛文芒個味幾出，所以如果食紐紋會遮左牛奶味，真係鍾意食牛乳建議分開食，餅筒都好鬆脆。總結，烤肉質素好高冇令人失望，全部超靚雪花紋嘅黑毛和牛都可以任食，其他周邊野食款式就唔算太多，不過黎得主要係為食牛，所以都冇所謂，因為新張期間有9折，所以我叫嘅第二平嘅黑毛和牛放題埋單人頭都唔洗五舊水，以哩個質素性價比算高。…查看更多

今晚夥朋友來到這家新開的燒肉店落戶被譽為美食沙漠的馬鞍山燒肉套餐有四個價錢選擇由最貴的899到最便宜的388是日選了469的日本試黑毛和牛剛剛開業環境有濃厚傳統日本風飲品區除了有向式汽水更有冷泡茶小食區有不少炸物可以先填填肚子上級牛肋燒肉絕對是燒肉的主角牛肉有光澤大理石紋非常漂亮肥瘦相間輕輕一燒表面微焦肉味濃郁質感軟嫩質素極高其實部位橫膈膜牛舌牛脊肉都不錯壺漬果味牛肋肉更添加了果香日本產豚梅肉豚腩肉肉香嫩口比較特別的有羊架可選擇海鮮有大蝦牛油帶子鮑魚等值得一提是他們的白飯很軟糯吃得出是非常高質的米種烏冬有熱湯牛肉和冷烏冬選擇雪糕機有北海道牛奶和杧果兩種口味奶味極濃有別於坊間的味道…查看更多