日本黒毛和牛焼肉 牛太 (MOSTown新港城中心(4期))

營業中

休息中

又貴又難食，人均400蚊一位晚市，份量少得黎但d肉係未解凍！上枱完全好似d邊角料甘。肉的顏色偏紫，吾新鮮又冇牛味！！鰻魚份量更係每舊切到好似手指尾甘細粒，炒完後得返一粒豆既大小。總括而言，完全吾值呢個價！！

見到OpenRice有買一送一優惠，即刻book咗試一試，呢個係最高級別100品呀燒肉放題枱上會放咗多種醬汁，有果味燒汁、蒜味鹽、自家製燒肉汁、黑胡椒、成吉思汗汁、海鹽……一坐低會上5款厚切和牛，和另外三種醬料，有黑松露月見汁，蘿蔔蓉柚子醋…如果唔鍾意黑松露，亦可以自己點日本生雞蛋呢碟叫做辣椒肉，係冇辣味嘅，油脂比較少，肉質有咬口厚切特上和牛油脂非常靚，食兩件已經好滿足因為太油膩的關係，我哋食食吓要叫返低一級別的級和牛，再加啲菠蘿消下濟火炙和牛壽司薄薄既和牛燒到半熟，加上烤肉燒汁，少少Wasabi，好好味，我一個人食咗四件😝😝除咗牛肉之外，仲有海鮮🦞澱粉寶寶要食返碗飯，我就叫咗碗月見紫菜飯配埋和牛一齊食再嚟多碗月見和牛湯烏冬，烏冬不過不失，細細碗一人份量，好啱放題食最後燒棉花糖，係考真功夫既時間喇平時要BBQ先有機會燒到嘅棉花糖，呢度都有大人細路都燒得好開心🤭🤭飲品方面，除咗雪櫃自取罐裝飲品外，仲可以有啤酒果汁酒任飲👍🏻👍🏻

食週末午餐， 分定食同套餐！ 定食得60 分鐘 套餐 就120 分鐘！ 質素好一般 我哋3 個人 點左雞，豚， 牛. 食定食，真係好趕😅 質素好一般… 好彩有個沙律吧同飲料任飲兼有開心果雪糕…. 講真 … 1 個鐘 真係食唔到好多野. 會考慮再去.. 抵食 呀嘛！ 仲有一樣野 就係個日式咖哩汁.. 同熱狗 我本人鍾意食

平日星期三下午2:20分到，當然唔使等位直入，室內地方大，好多卡位，單人座位也有，因為平日唔多客人🤭，佢畀咗四人梳化卡位我，坐得寬闊舒服😍。我點咗一人餐，99蚊牛舌定量(60分鐘)嗰個餐，保守估計有20塊牛舌，個餐有麵豉湯，飯&泡菜， 再加出面自助任食bar: 日式咖哩飯， 一啲生果 例如西瓜哈密瓜， 甜品( 日式大福 蛋糕仔)，汽水，雪糕(有軟雪糕 &維記迷你雪糕糯米糍)，炸物等，同埋沙律菜 ， 另外可以自助攞啲蔬菜嚟燒 (有秋葵、冬菇、紅椒、青椒、黃椒等等)。 食完發現最好味係佢個煲日式咖哩🍛， 內面啲牛肉炆得夠入味又夠腍，而且仲好濃鬱牛肉味， 牛奶軟雪糕🍦嘅牛奶味都好重，係出乎意料之外有驚喜，好味💯!埋單連加一 $109， 個人覺得 cp值一般，出面啲食物 質素好一般 ， 略有粗製濫造， 亦選擇不多，我就覺得60分鐘夠曬🤐🤐🤐。如果係大食量嘅話，係可以 百零蚊 吃飽個肚，但係咁樣純粹係重量不重質😅。

2點先入去 2:10落單 大概2:20已經有人拎張單過嚟埋單 2:35已經叫人走 好癲！前後食咗半個鐘都冇 完全唔夠時間食嘢 嘢食味道係可以嘅 不過食嘢時間極少 唔會再去嘅餐廳！

平日下午 商場哩個角落 都小貓三兩隻今日假期 一上到離 這兒 變得水泄不通人們的談話聲浪與號碼機的呼喊 吵鬧得很餐牌近來更改了一點發現有90分鐘的選擇但細心查閱之後 它有一個“bug”就係 只要你枱有友人唔食牛嘅咁你就同哩個90分鐘無緣其係要迫人一定要食和牛先有90分鐘嘅話可以出個有 雞&豬拼和牛 嘅啫係咪歧視啲唔食牛嘅人同其他食牛嘅朋友離食先！？咁冇辦法啦 成隊人都小鳥胃咁 無謂揀食放題只有硬揀60分鐘嘅定食冇90分鐘 亦都無謂揀太多貴啲嘅定食一入坐嗰下 記得先要去拎嘢食因為本身食燒肉得60分鐘 時間已經好短佢計時仲要係前枱一撳張單出離嗰下已經開始計時然後先帶你去個位度 再比個code你落單再篤埋下單已經又少咗五分鐘上肉大約5分鐘 即係燒嘢嘅時間夾埋少咗10分鐘所以 一入場應該一個留守落單其他人出去夾一堆嘢返離 倒晒落個網度燒先再出去拎飲品同掃熱食拎得進 網上啲菇菜 都可以夾晒係一個碟度再夾晒啲肉落網燒 先再開始食啲菇菜鐘意食飯嘅 可以先𢳂定一碗咖哩餸飯食完啲菜 先反反啲肉 再出去拎蛋糕生果拎完返到離 啲肉就熟得七七八八 可以夾離餸飯食倒晒啲熱食入胃 就可以拿拿林啪埋啲生果&蛋糕嘢飲

星期日60分鐘午市套餐+buffet bar任飲飲食，基本上時間真係唔夠，不過當日我哋太肚餓，一早開咗打工仔lunch time模式，首先出去拎飲品同小食，飲品有超過15種選擇（啤酒要另收費），而小食就有沙律、炸雞、章魚小丸子、薯條、炒什菜、咖喱牛腩飯，refill得好快，水準都唔錯。另外仲有幾款蔬菜for燒烤，因為有太多嘢食，每樣試啲都會好快飽，所以我哋就求其叫咗兩款較平嘅燒肉套餐。🥢燒肉五品（牛肋肉、橫膈肉、牛舌、豬頸肉、雞腿肉） 包泡菜+湯+飯 $119 ⭐️⭐️⭐️🥢燒肉三品（豚腩肉、豬頸肉、雞腿肉） 包泡菜+湯+飯 $99⭐️⭐️⭐️燒肉質素好一般，呢點我哋都預咗，只係貪佢百零蚊有得任飲任食，同埋雪糕甜品都任食，如果下次再嚟馬鞍山，一定會再嚟食，真係大滿足！二人共消費：$240

▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼日本人氣燒肉品牌「牛太」已進駐咗馬鞍山新港城一段日子👏🏻餐廳主打日本產黑毛和牛燒肉放題，和牛由日本自家牧場直送到港🥩再由經驗豐富嘅料理長因應和牛嘅部位選用最適切嘅切割手法處理👨🏻‍🍳最後配搭秘製醬汁，品質有一定保證👑各位燒肉愛好者千萬不要錯過！🔸特上日本產黑毛和牛燒肉放題套餐▪️120分鐘任食100款食品及任飲Sapporo生啤👨🏻成人$629｜👦🏻小童$309▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲推薦指數：❤️❤️❤️❤️🤍📍日本黒毛和牛焼肉 牛太 (MOSTown新港城中心(4期)) (馬鞍山)🏠馬鞍山鞍祿街18號MOSTown新港城中心(4期)3樓3229-3230號舖

之前經過呢間燒肉店，見到放題價錢唔平，一直都冇試過。但有次星期日行街經過，見到午市有燒肉定食，價錢只係$100左右，仲包埋沙律吧放題。所以假期就去咗試午市燒肉定食，限時60分鐘。定食有幾款肉可以揀，我揀咗壺漬果味牛肋肉。牛肋肉醃得好入味，有陣陣果香味，肉質又嫩又多汁。店員幫我燒到七成熟，啱啱好。沙律吧有好多嘢揀，有蔬菜、水果、沙律醬等等。我夾咗啲沙律菜同水果，配埋牛肋肉食，好清爽。

好多人都介紹呢間啲燒肉好食，今日晚餐就嚟試吓。佢有四個級別，級別愈高價錢愈貴，可以選擇嘅食物款式同質素都會隨之提升。只有最貴嗰兩個餐先可以叫日本產黑毛和牛，如果想食嘅就要留意返。今次就試咗第二貴嘅日本產黑毛和牛燒肉放題套餐😋入座後店員會俾個QR Code，用手機就可以落單叫套餐包嘅肉🥩、海鮮🐟、飲品🍺、熟食🍲、甜品🍨等等自助區亦有飲品、甜品、雪糕、小食、沙律可取。燒肉質素的確好唔錯👍🏻仲可加提供嘅沖繩海鹽、各種日式燒汁等等燒，各有唔同風味😊海鮮我呢個餐就包鮑魚、廣島蠔、蝦、日本帶子、青口、帆立貝、鰻魚、魷魚仔等等。個人就最推介日本帶子同廣島蠔👍🏻鮮味十足，正👍🏻用餐時間就計入座起120分鐘，時間到前30分鐘就last order。燒肉放題嚟講時間唔算太充裕，所以我都冇乜時間影相。環境設計相當唔錯，係用咗江戶時代作概念設計🌊座位亦闊落，燒嘅時候坐得好舒服。可惜冇乜時間欣賞。員工服務態度亦好好，多嘢做好忙都好有禮貌😇價錢方面日本產黑毛和牛燒肉放題套餐成人$469，加一後人均$515.9。呢個價錢可以任食咁高質素嘅日本黑毛和牛真係超值👍🏻仲有咁好嘅環境同服務，下次一定會再嚟食😄

無意中發現呢度嘅lunch set性價比好高，佢最平嗰個set 只需要$99（要加一）可以食埋佢出邊嗰個自助吧自助包有沙律🥗⋯⋯一啲炸物，雪糕🍦飲品🥤，咖喱飯，窩夫等等…雖然60分鐘嘅時間係有啲趕但係你只要用盡呢個時間不停咁樣食其實走嘅時候真係飽到黐咗線$100頭鬆啲就已經可以一次過食燒肉同埋以上咁多嘢，其實佢嘅性價比都唔錯不過成個過程你會好忙好忙不停咁樣出去攞嘢返埋位又要整燒肉佢除咗有汽水之外，佢仲有一啲茶類嘅飲品🥤我個人嚟講其實嘅欣賞佢個咖喱飯，我覺得誠意十足咖喱啲牛肉一啲都冇揸流攤…份量仲好多添

之前經過見到放題價錢唔平，一直都冇試過呢間燒肉，但有次星期日行街經過，見到午市有燒肉定食，價錢只係$100左右，仲包埋沙律吧放題。所以假期就去咗試午市燒肉定食，限時60分鐘。沙律吧都好多嘢食，有沙律外，仲有熱食、咖哩牛肉飯、甜品、生果同雪糕。仲包飲品放題。幾款沙律菜都好新鮮，仲有車厘茄，蟹柳同牛旁絲，沙律汁都有3款，好味😋熱食有炒雜菇，炸雞，炸薯條。全部都唔錯，熱辣辣。好味😋定食揀咗牛肋肉(燒汁)，比想像中份量多，好似都有7-8塊，配埋Kimchi同白飯一齊食，好味😋正👍🏼但個燒肉醬汁就有點偏咸，如果個肉本身醃咗就唔好點啦。自助吧另外仲有幾款蔬菜可以一齊燒。非常好。本身想攞少少咖喱牛肉試吓，但原來第一round食晒就唔會加，所以試唔到。第一Round嘅窩夫甜品同樣冇哂，所以都試唔到😅但最後食埋雪糕生果都好滿足😋下次再去試其他燒肉同咖哩飯😊

住咗馬鞍山超過十年嘅我，終於喺搬走咗之後，等到有高質燒肉店進駐新港城😂😂 始終對新港城都有情意結嘅😛 所以特意返去探下店‼️「牛太」個豪華燒肉放題又算幾抵食喎， HK$389@🔥 燒肉嘅choices & 質素絕對對得住呢個價錢👍🏻 仲有罐裝Asahi任飲🍻 食燒肉飲啤酒冇得輸😌 日本餐廳最鍾意搞夏祭限定， 呢度就整咗全新燒肉口味: 芝士 x 辛辣燒肉😋 味覺與視覺共同衝擊‼️當中我最喜歡豬頸肉, 煎香後放入半溶cheese, 即拉絲即食🤤芝士拉絲系列仲有手羽、腸、竹輪、粟米粒～其他special items有泡菜海鮮豆腐湯、辛辣墨魚仔、芝士鯛魚燒～ 就月巴一次啦🤪甜品仲有牛奶味/波子汽水味軟雪糕添🍦 如果遲啲有埋蜜瓜味哈密瓜味就好啦🍈哈哈😆呢度仲有另一個貴啲嘅餐，牛嘅質素自然再高一級🤩下次可以試下先，好似仲有Asahi生啤任飲㗎🍻

週末相約朋友到沙田踩單車，郊遊完大家都相當肚餓好像要大吃一番似的。馬鞍山新港中心不同的連鎖食肆在內。大家都一致想吃放題似的，那麼「燒肉」就最好不過。時間尚早的關係，並沒有人龍排隊那麼就是【牛太】。適逢【夏祭】的關係，牛太都有很多小遊戲及打卡點，供客人參與及打卡。飯後更會有抽獎的關節，可能會有意想不到的收獲。我地一行四人揀好了豪華燒肉放題 $398。餐廳的環境以好柔和的顏色的格調，令人好舒服。大部分都以卡位四人台的設計，相當寬敞。以日本街的設計的概念，可見餐廳的用心。適逢夏日又暑假，深信好多小朋友都會喜歡全因有玩具又有得食野。2小時的燒肉放題，外面會有炸物、前菜小食、小朋友至愛的炸雞薯條、仲會有自助沙律吧，食燒肉完全可以減其膩度。仲會有自助飲品有不同你汽水、茶飲及會有3.6牛乳嘅軟雪糕，旁邊會有不同的七彩繽紛的糖醬、或者綿花糖給予點綴，小朋友一定會很喜歡。燒肉離不開會有雞肉、牛肉、豚肉等，個人喜愛芝士拉絲的粟米、原味的牛肋肉、豬頸肉、雞腿肉添加少許鹽粉經好好味。如果連同泡菜、大蒜及生菜夾肉同吃，非常美味又可以減其膩度。仲會有鯖魚、魷魚、泡菜豆腐湯，明太子玉子，絕對是多元化各

今日同老公經過馬鞍山，試下食呢間店。我地叫嘅係$398嘅套餐，當然佢都有唔同價格比人揀。由於係新開無耐，門口同埋室內嘅裝修都好新淨，充滿日本風！🥩🔥首先要講，呢度嘅牛太好正呀！食物種類真係好多，有唔同部位嘅牛肉可以揀擇！每一塊牛肉都咁鮮嫩多汁，真係令人食品停口！😍🤤仲有一個我特別欣賞嘅地方就係店員會喺選擇食物嘅時候同我哋講清楚係乜嘢牛肉，同埋可以介紹配搭嘅醬汁。呢個真係令人貼心！我哋可以更加清楚地了解食物嘅味道同特色，選擇最合適嘅組合！👨‍🍳🍖👌另外，佢哋上食物嘅速度都好快！唔使等太耐，就可以即刻享受到新鮮熱辣嘅燒肉！真係令人感到滿足！⏰💨🍽️😋🔥