磯野水產

位於銅鑼灣的居酒屋「磯野水產」🐚，除了主打的浜燒料理🔥，為客人席前即叫即燒新鮮海鮮🦐🦪，餐廳還有提供其他日式食品，例如刺身、壽司🍣、燒物🔥、一品料理、主食🍱等，店內海產均由日本直送抵港✈️🇯🇵😍 居酒屋裝潢充滿日式氣息🏮，店內設有吧枱座位及普通座位🪑，四周掛有不少日式裝飾🎏，增添居酒屋風味✨，環境氣氛一流🎶，而且店員服務到位👍🤗✨️在Openrice訂位還有8折優惠呢😉刺身盛合八款刺身盛合包括海膽、吞拿魚腩、帶子、油甘魚、火灸左口魚邊、赤蝦、三文魚及三文魚籽🧡🧊 每款都非常新鮮呢🤩 我最喜歡海膽🧡，肉質呈淡淡橙黃色，口感厚實，味道濃厚鮮甜，回甘強💥；還有吞拿魚腩和油甘魚🐟，肉質彈性、魚油香濃，食落淡淡甘甜😋 另外，加$20 即可將赤蝦刺身的蝦頭酥炸🍤，#炸赤蝦頭 外脆內香✨磯煮鮑魚 店家用自家製醬汁浸煮🫕，味道鮮甜濃郁💛，鮑魚肉質彈牙，入口鮮嫩多汁🤤來都來了😂 要點些浜燒水產試試🔥🦐🦪店員先端上海鮮讓我打卡📸，再席前浜燒🔥😝赤蝦浜燒 赤蝦肉飽滿，肉質嫩滑彈牙💥，灑上海鹽🧂，燒後入口甘香豐腴，味道濃郁鮮味🤤活日本白貝浜燒 白貝肥大肉厚，燒完後原隻上枱，好鮮甜美味😋，我地汁都飲埋😝鐵罐酒蒸文蛤將文蛤放進鐵盒蒸架上🫕，加入清酒🍶，清酒煮滾變成蒸氣令文蛤開口✨，蒸到剛好肥美飽滿🧡，口感嫩滑多汁，還能保持文蛤的鮮味，yummy‼️鹽燒白鱔 外皮微焦酥脆🔥，肉質細嫩滑口💫，入口彈牙，鹽的簡單調味突顯白鱔本身的鮮甜🧂，油脂豐盈卻不膩😋牛舌鋤燒 牛舌面層微焦脆🔥，口感爽口彈牙，厚切卻不失柔嫩，經燒烤後散發濃郁香氣，口感豐富😋蟹皇雜炊 師傅自家拆一絲絲的蟹肉出來🦀，配搭甘香的蟹膏混入粥底，粥底濃郁鮮香🍲，入口滑順，充滿海味層次。日本卷蛋 因為我生日呢🎉，店家寫了”Happy Birthday"的甜品碟🎁 日本卷蛋口感柔軟細緻🧁，蛋香濃郁🥚，甜度恰到好處💛這一餐非常圓滿。不得不提，店家的前菜配搭自家製魚醬，魚醬是由沙甸魚和多春魚製作出來，非常鮮味。…查看更多

年尾要去吃好東西好好慰勞一下自己。二訪銅鑼灣的「磯野水產」。彷彿置身於日本的居酒屋。坐下不久便送來前菜($34)，自家製魚醬用沙甸魚和多春魚做成，充滿魚香但沒有腥味，配爽脆的青瓜、甘筍和沙葛，叫窩夫吃得津津有味。去「磯野水產」當然要吃高質水產，職員先將選好的水產送來打卡，以及確認煮法。打頭陣是手釣池魚($688)，擺盤精美，打卡一流。薄切刺身的魚肉有光澤，肉質有彈性，味道鮮甜。薄切刺身蘸的酸汁要加入辣蘿蔔蓉、薑蓉和蔥粒。另加100元升級做二食，有四件池魚壽司，池魚切得較厚身，更有咬口，壽司飯大小適中，溫度和酸度都控制得很好。活日本文蛤蜆浜燒($98)的蜆肉飽滿，海水味濃，一點也不韌。活響螺浜燒($438)的螺肉切成小塊，方便進食，爽口鮮甜。白蜆湯($52)加了池魚的魚骨，鮮上加鮮，寒冷的天氣下喝一碗熱辣辣的湯，太幸福了。最後來一客牛舌鋤燒($108)，薄切牛舌爽口彈牙，配蔥蒜非常惹味，窩夫特別喜歡那些蒜片，蒜香在口腔內久久不散。…查看更多

銅鑼灣澳門逸園中心一向美食多，更是日式餐廳集中地，這次去了19樓一間居酒屋，這裡的日本海產都是每日新鮮空運送到，居酒屋的場中更設置小型浜燒檯，以縮短傳菜時間，將最新鮮的食材盡快送到食客口中，可見餐廳老闆對新鮮食材的執著✨前菜 $34緹魚醬由多春魚和沙甸魚製成的，充滿鹹香味，將新鮮爽口的沙葛、紅蘿蔔和青瓜沾一點醬更清爽惹味✨響螺刺身 $438食材新鮮，響螺刺身鮮味爽口✨池魚薄切刺身$688原條池魚做刺身，肉質鮮嫩肥美，師傅刀工精美，更可以將魚肉切片切成花一樣✨活帆立貝磯燒清酒 (原隻)$138✨活帆立貝磯燒黑松露 (原隻)$138最喜歡吃帆立貝鮮甜的味道，師傅在場中親自做浜燒，未食已經先聞到浜燒的香氣，先由較淡味的清酒帆立貝開始，有淡淡清酒香味唔會蓋過本身帆立貝的鮮味，帆立貝鮮甜軟腍，沒有過火。之後再試黑松露煮法，黑松露味比較濃，兩款煮法我都很喜歡✨牛舌鋤燒 $108牛舌牛味香濃爽脆有咬口，配蒜片和香蔥好惹味✨鹽麴五花腩(2串) $68五花腩外皮焦香，一咬滿口油香味，有層次感非常惹味✨清酒煮蜆 $98蜆好新鮮大大隻，每粒蜆肉都很飽滿掛滿清酒和蜆肉的鮮甜味道✨白魚湯 $52奶白色魚湯充滿魚香鮮味，味道鮮甜唔腥✨白蜆湯 $52蜆肉大粒鮮味十足，湯頭比白魚湯濃郁充滿海水味…查看更多

◦•●◉✿✿◉●•◦ Birthday month真係好幸福😆 因為試到好多美食🤤 今次朋友預訂咗呢間磯野水產🦐 餐廳主打日本海鮮為主 ⁡當然要叫個日本海膽味噌甲羅燒啦🦀蟹膏味好濃 不過都食到海膽少少清甜味蟹籽好突出 幾新鮮如果可以有器皿熱住應該會再好食dd⁡北海道馬糞海膽手卷🤤 見到個手卷即刻嘩咗出嚟D海膽多到拎起手都裝唔到😂 好鮮甜🤤 一個字～爽磯煮鮑魚 第一次食日式煮法嘅鮑魚入味得嚟又爽口☺️👍🏻⁡壽司系列🍣 三文魚腩好肥美🤤 黑松露帶子好鮮甜🤤 火炙左口魚邊壽司好肥美⁡松葉蟹肉青蘋果蟹籽沙律🍏🥗呢個沙律幾好味😋青蘋果條條好爽口蟹肉&蟹籽好鮮甜 ⁡牛舌鋤燒🐮會建議最後先叫呢個牛舌因為有大量蒜&蔥 牛舌好爽口 雖然好惹味不過真係太太濃味😂 食完之後已經覺得食其他野都無咩味😆⁡最後想介紹個前菜—野菜條沙律伴鯷魚醬👵🏻同朋友都覺得好出色 重點係個鯷魚醬 咸咸地鮮甜嘅醬配新鮮嘅野菜條 好夾🥰🧡⁡Overall覺得食物還可以海鮮幾新鮮🦀🦑🐙不過到離開個時等咗大約25-30分鐘嘅lift先落到地面 可能因為限聚令關係 差唔多全楝樓所有餐廳都收10pm呢間餐廳位於高樓層 但都入唔到lift 等到灰心諗住行樓梯走(餐廳19樓都想行落去 等到十分絕望) 但係後樓梯係污糟到好恐怖🥲 最後都死死地氣去返等lift 所以⋯大家想去嘅真係唔好等十點先走😆⁡😋: 𝟟/𝟙𝟘…查看更多

2018除夕夜，約了英雄聯盟一起倒數迎接新的一年。英雄聯盟聚會要待至晚上十時才開始。尚未與一眾英雄會面之前，肯恩先行會合胖虎英雄及XO小弟來個除夕大餐，慶祝新一年的即將來臨。食店位處銅鑼灣澳門逸園中心，鄰近地鐵站，交道非常便捷。澳門逸園中心有廿七層高，當中竟有十四個樓層都是日式食店，競爭可謂相當激烈。食店主打海鮮食物，以刺身、浜燒、天婦羅等煮法的菜式都有供應。從餐牌所見，九成以上都是海鮮類菜式。海鮮盛合是食店較有趣的菜式項目之一。食客可以按個人喜好選取不同的煮法(刺身、蒸、汁煮、炸及鹽燒)去烹煮海鮮，所以就算是同一款海鮮，每次來到食店都可依據不同煮法吃出不同的味道。前菜 尚未點菜，服務員先送來鯷魚醬前菜小吃。鯷魚醬以多春魚及沙甸魚製成。由於魚醬冷了之後味道會變腥，食店特意以蠟燭台為魚醬保温，很是週到。鯷魚醬極富鹹鮮，味道比較濃重，因此較適合以蔬菜伴吃。青瓜、甘荀、西芹及沙葛條，每款蔬菜條都非常爽脆，一濃一淡兩款食物伴在一起同吃味道搭調，更能提昇魚醬的鮮味。肯恩對當中的沙葛條特別鍾情，既爽口亦夠鮮甜多汁，單吃已足夠美味。鈴鹿川純米大吟釀300ml慶祝節日總要有美酒相伴。來自鈴鹿川的純米大吟釀，酒味香淳易於入口。食店有細樽裝的清酒供應，正好滿足我們較少人數的飯局。炸蝦仔開始吃主菜之前先來少許小吃送酒。蝦仔炸得惹味香脆，沒有多餘油份，佐酒之選。烟燻蘿蔔伴芝士漬蘿蔔保留爽脆口感，蘿蔔當中的烟燻氣味與夾在其中的半融芝士香氣十分配合，另一伴酒佳品。磯野刺身盛合八款 (3ppl)是夜食店沒有吞拿魚腩供應，店員以其他鮮魚替代。八款刺身包括北寄貝、小鯛魚、深海池魚、赤鯥魚、三文魚子、三文魚腩、牡丹蝦及馬糞海膽。刺身盛合內的海鮮都是較經貴的刺身級別，質素甚高。鮮魚刺身都是厚切類型，魚鱗輕泛銀光，足見魚肉的新鮮。刺身擺盤亦一絲不苟，除了鮮花襯托，厨師亦以青瓜雕砌成花蕾或花托的模樣，賣相精美。刺身夠新鮮已經是成功的關鍵，三文魚腩已很肥美可口，其中赤鯥魚、小鯛魚更是冬季特別肥美的高級魚食，肉質爽嫩，鮮味十足。原隻上桌的北寄貝刺身爽口無渣沒有腥味，跟日式放題那些粉紅色經已煮熟的北寄貝絕對是兩碼子的事。牡丹蝦吃到最後，還可以要求食店把蝦頭拿回厨房去煮炸，變成另一道佐酒小吃。磯煮鮑魚磯煮鮑魚是冷盤菜式，每隻鮑魚都預先切開為四份。鮑魚飽滿肥美，size也很夠斤兩，每隻$98的價錢也算合理。磯煮是日本一種煮海鮮的方法，把鮑魚混合醬汁及昆布以慢火炆煮，讓鮑魚既能保持彈牙口感，亦吸滿湯汁的甘香，風味十足。鱈場蟹腳浜燒/松葉蟹腳浜燒點了兩款品種的蟹腳，一次過試勻兩款蟹腳的味道。食店在用餐區的當眼位置擺放了燒烤爐具，一來可以讓客人親歷海鮮浜燒過程，二來海鮮在浜燒過程中溢出的香味亦可讓其他客人聞到，吸引其他客人點選浜燒類菜式，是很好的廣告植入。蟹腳配以蟹醋提鮮。鱈場蟹蟹腳蟹肉豐厚，啖啖肉的滋味令人津津樂道。松葉蟹蟹肉相對較少，肉質較纖細，值得慢慢品嚐。吞拿魚腦天額浜燒這是肯恩首次嚐到的吞拿魚部位，亦是食店推介的名菜之一。腦天，是吞拿魚位於額頭部位的肉，每條吞拿魚額頭部位的肉其實比魚腩還少，是很稀有的肉，價錢亦不便宜。吞拿腦天部位魚味濃郁，油脂亦很豐富。腦天先以醬汁輕腌，之後店員即席在客人面前用火熗把腦天兩邊輕焯，熱力讓油脂從魚身迫出，即燒即吃全完能吃到魚脂的脂香及入口即化的口感，齒頰留香，令人回味再度。鐵罐酒蒸岩蠔餐牌上有數款以鐵罐酒蒸為名的菜式，煮法頗為新穎，於是亦點了其中一款鐵罐菜式來一探究竟。岩蠔即席在客人面前煮製，店員先端來注入清酒的金屬容器加熱，待容器內的清酒煮滾後立即以火槍讓清酒燃燒起來。趁著火光熊熊之際，店員立即把岩蠔放入罐中蒸煮。罐中清酒燃燒起來形成的藍色火焰離罐足有一尺高，肯恩看見店員把岩蠔放入罐內時也不禁要替他掐一把汗。不過這裡的店員已經訓練有素，對整個侍餐煮製流程胸有成竹。在密閉的環境中難以目測食物是否已經煮熟，店員需要依賴沙漏的協助去計算岩蠔蒸煮的時間。經過精確時間的蒸煮，岩蠔依舊保留充盈的肉汁及軟滑飽滿的質感，經過閉封的清酒蒸煮後更吸滿陣陣馥郁酒香，味道醉人。響螺浜燒活響螺原先打算作刺身享用，不過之前已經吃過北寄貝刺身，店員提議改作浜燒煮理。活響螺以昆布及燒酒去烹煮，煮出的響螺肉肉質份外彈牙可口，連帶煮汁都滿有螺肉鮮味，全部一拼吃掉不要放過。牛舌鋤燒除了海鮮，也點了一些非海鮮項目，一試厨房厨師的功架。牛舌煮得半熟後連鐵板直接上桌，上桌時牛台仍繼續在鐵板上被烹燒，熱力讓香氣四溢。牛舌薄切，不用煮太久已可品嚐。牛舌略帶少許嚼勁，脂香豐富，配搭葱粒及炸蒜粒，惹味可口。燒自家製免治雞蟹肉棒以免治做法，把雞肉與雞軟骨攪碎再混入洋葱粒、葱花製成。雞肉棒厚度相當，內裡裏着蟹肉，蘸上蛋漿同吃，更覺香滑。雞肉棒嚼感豐富，風味十足，令人回味。海膽野菜天婦羅海膽通常是當作刺身直接去吃，用海膽作熱食料理，肯恩還是首次。海膽經炸後，口感頓時變得不一樣。有點吃著多春魚籽的口感，卻又有着海膽獨特的香味，新鮮感十足。若果能把海膽煮炸的時間稍為縮短，讓海膽保留那種半creamy的狀態口感應會更佳。日本蠔粥全晚最後以一道粥品作結，不要少看一道粥品，店員可是花最多的時間去煮製這道粥品。粥品現場即製，店員先讓大米與甘荀、西芹及菇粒煮滾再慢熬，期間要不斷翻動粥品讓熱力均勻傳到食材當中。當粥品煮而半途再添入雞蛋、葱粒及生蠔，一道海鮮粥品漸漸成形。一道粥品大概要花廿分鐘方能煮起，店員按步就班地製作，煮出的粥品質感軟綿，配搭飽滿蠔肉，嚼感豐富，香氣四溢，吃完份外覺得飽足。柚子雪葩椰子雪糕吃過晚餐後再品嚐甜品。甜品種類較少，只有柚子雪葩及椰子雪糕兩款。雖然甜品選擇較少， 但都是由日本直接進口，質素自有保證。吃前宜先把雪葩擱置在室温環境下五至十分鐘，以最佳口感享用。這頓除夕大餐吃了差不多三個小時，在節日氣氛下大家的胃口都出奇地好。晚餐最後開了兩瓶酒，吃了十多道菜，埋單每位要過千元。價格雖然不算便宜，不過食店從刺身海鮮以至厨房的料理味道都很有水準，當中的粥品及鐵罐菜式都是很值得一試。在全晚滿座的情况下員工的協調亦做得很好，沒有待慢客人的情况出現。若果想一次過品嚐不同日系煮法的海鮮料理，這裏是不錯的選擇。…查看更多

大除夕晚約咗兩位真假阿哥去倒數，因為啱啱去完東京大玩大食後仍意猶未盡，晚飯就決定繼續食日本野，並由K哥揀咗去「磯野水產」。聖誕節剛過，店子內外仲可以見到不少燈飾擺設，小肥最愛就係吧位中央隻聖誕招財貓，節日氣氛濃厚，班哥哥仔又幽默好客喎，感覺當真輕鬆自在。點菜全權交由兩位哥哥負責，好飲爛玩o既XO仔埋位即從兩頁飲品牌搵酒飲。有意轉場後飲香檳，所以開頭就好保守地叫咗枝米味濃郁啲o既細樽裝「鈴鹿川純米大吟釀」（$328）。三口子邊飲邊回顧及分享2018個別o既餐飲歷程，更互相祝賀「長飲長有，日日有食神！」野菜條沙律伴鯷魚醬（$30）：週一乃小弟免食蔬菜之假期，但眼見鯷魚醬以小蠟燭暖住，所以就試咗條K哥一再讚嘆o既沙葛。白雪雪o既沙葛爽脆多汁，點上濃味o既鯷魚醬能增添鮮香，幾有驚喜。炸蝦仔（$78）：蒙面哥哥極力推介o既小食炸蝦仔不單顏色鮮橙吸睛，炸得又夠乾巧惹味，食落脆卜卜，連同蝦頭、蝦尾、蝦腳、蝦眼食真係一啲渣都冇，送酒一流！磯煮鮑魚（$98/隻）：凍食o既磯煮鮑魚軟腍甜美，簡單可口。磯野刺身盛合七款（$1,347/三人前）：寫餸時得悉三人想點二人份o既七色刺身拼盤，但又怕魚生唔夠分，蒙面哥哥好好人地話包喺佢身上！嘻嘻，二人前升呢成三人前後，數數吓仲發現刺身竟然有成八款咁多，佢仲幽默地答話「七星又點都要搵返個月陪吓o既」，認真搞笑。刺身拼盤左起分別為牡丹蝦、三文魚腩、三文魚籽、赤鯥魚、小鯛魚、深海池魚、北海道馬糞海膽及北寄貝，色彩繽紛得堅有台型架。牡丹蝦唔止有姿勢，蝦身爽潤滑溜，且極富彈性，絕對有埋實際！三文魚腩鮮美潤澤。粒粒三文魚籽爆於口中，濃烈o既鮮味即洋溢口腔，！赤鯥魚魚皮香濃帶脆，肉質柔潤中帶微微嚼勁。銀光閃閃o既深海池魚厚潤肥美。北海道馬糞海膽鮮甜幼嫩。成個拳頭咁大o既北寄貝連殼上，爽脆清甜，冇得頂呀！吞拿魚腦天額浜燒（$298）：席上只有小肥一人食過浜燒吞拿魚腦天額，仲要係一試難忘嗰隻喎，當然係要推介俾大哥們啦！蒙面哥哥喺大家面前以火槍燒製吞拿魚腦天額，保證真材實料。看似厚厚o既吞拿魚腦天額半溶於舌上，質感幼滑軟嫩，鮮香慢慢滲進味蕾，食過包保返尋味！食到一半左右，話咁快就已經飲完第一樽小瓶裝清酒。。。眼見仲有成四個鐘先轉香檳喎，XO仔就應建議點多枝清香啲o既細樽裝「京姬一酌一景大吟釀」（$258）。由於餐桌上位置有限，其中兩款鱈場蟹腳浜燒及松葉蟹腳浜燒就由哥哥仔喺側旁慢燒。俾人燒前，靚蟹當然係要亮一亮相，露一露腿啦！以下相片中之生蟹腳，上為松葉蟹腳，下為鱈場蟹腳。兩款蟹腳均可點上醋汁食用，但係個人覺得原汁原味最為美味！鱈場蟹腳浜燒（$268）：長長o既鱈場蟹腳燒好後一分為三，肉厚鬆爽，不用多點汁液已夠鮮甜。松葉蟹腳浜燒（$108）：相比起下，松葉蟹腳肉質更為白滑幼細，但就同樣鮮美，各有特色，不過單睇價錢，下次一定會主攻松葉蟹腳。活響螺浜燒（$328）：浜燒最後一道活響螺切成粒粒以碗仔上，螺肉濕潤輕巧，煙韌脆口，鮮香味佳。鐵罐酒蒸岩蠔（$198/三隻）：深知兩位哥哥均愛好攝影拍片，又記得餐店o既鐵罐酒蒸岩蠔有大鐵罐火舞表演場面，一客剛好有三隻，所以就提議點黎食。大大隻生岩蠔放進藍火清酒鐵罐內蒸煮後，再於橙紅火海中開殼兼撈出，過程相當精彩。堂蒸時，四周已被酒香包圍，到真係有得食時就知岩蠔肥潤軟滑，甘香醇厚。燒自家製免治雞蟹肉棒（$98）：月見免治雞肉棒就食唔少，「磯野水產」好有心思地喺雞肉棒中間加入蟹肉，個人覺得組合好夾。自家製免治雞蟹肉棒香口嫩脆，本身又鮮又甜，混入秘製日本生雞蛋醬油食則更為香滑。牛舌鋤燒（$98）：薄切牛脷以鐵板燒住呈上，熱力十足！快速影完相後，六成熟o既牛脷爽薄香脆，連同頂面o既蔥花及蒜片食用即倍感惹味，掂呀！日本蠔粥（$188）：蒙面廚神淨係招呼我地三個壯漢已夠佢忙碌，燒完吞拿魚腦天額，再蒸埋鐵罐酒蒸岩蠔，單尾仲要佢玩埋煲粥仔，真係辛苦哂！廚神喺面前將一鍋清湯煲滾後，好有心機地逐步混入米飯、蛋黃汁、日本生蠔、碎蔥慢慢攪，可真絕無欺場！嘩，真係冇諗過堂煲蠔粥不單暖胃窩心，而且極其軟綿，蠔隻好似冇縮過水咁，肥嘟嘟、滑捋捋，鮮香甜濃，唔食真係走寶！日本直送柚子雪葩（$48）：原個柚子殼上o既雪葩清新微甜，清涼討好。大除夕晚與兩位真假阿哥於「磯野水產」晚聚，豪拆日式海鮮大餐慶賀一番。餐店o既聖誕佈置極有氣氛，年輕o既服務生更加係落力又風趣，效率高，煮得又傾得，感覺很是輕鬆。日本料理有魚生、浜燒、鋤燒、串燒、鍋物等咁多範，好難得廚房樓面內外都可以請到一隊咁高質素o既班底，可將不同海鮮及肉類食材烹調得如此多元化及出色美味，XO仔超級支持你！…查看更多

同老公週年紀念, 問左幾個朋友, 都話呢間餐廳唔錯, 今日一於俾藉口老公要佢帶我食豪D , 嘩哈哈哈!!一入到去, 餐廳店員們非常有禮貌, 因為我地話第一次食磯燒, 店員仲好細心推介同埋講解比我地聽, 而家好少餐廳會咁貼心啊~~~點完餐, 店員話而家點一個”盛合”set就可以免費玩 ”一手蜆”, 玩法係帶住手套一手拿到幾多蜆, 就可以免費食幾多, 餐廳真係好有花思啊~~ (以為我老公手大抓得多d,不過勁搧手,得13只,結果用左黎整清酒煮蜆,都幾好!).首先黎個前菜: 野菜條沙律伴鯷魚醬鯷魚醬用左個蠟燭座住, 令D醬暖暖地, 然後用爽脆既蔬菜點黎食, 蔬菜沾上咸香味的鯷魚醬, 好惹味, 咸得黎又清新, 一問之下, 原來呢個鯷魚醬係用沙甸魚醬加多春魚蓉而成, 從未食過, 味道好特別! 沙律：火炙刺身沙律火炙過既肥美三文魚、爽口鮮蝦、吞拿魚, 加埋新鮮沙律菜, 酸酸地好開胃, 幫我地開左個胃食大餐!Sake講得週年紀念又點可以無酒呢？食日本野一定要配靚清酒, 店長話佢地d清酒唔錯,recommend我地試”文佳人”,咁我地就點左支700ml來飲! 店長話呢支酒凍飲一流,飲第一啖已經覺得酒清而味濃, 有好重既果香, 好醇好甜, 真係超正! 講真飲咁多次sake真係最正呢支!下酒物：牛舌鋤燒既然有靚sake,又點可以無下酒物呢! 所以點左個牛舌鋤燒, 燒得好香, 店長話上台要即食,咁先食到牛舌既滑同爽, 牛舌面配埋蔥花同炸蒜,牛味更加濃, 送酒一絕!極盛合•喜其實店長點餐果陣問我地想食乜野海鮮,我想食龍蝦, 老公話想食燒蠔! 所以店長執左盤海鮮俾我地睇下,建議我地揀個盛合set, 有晒唔同既海鮮,每款都可以按我地意思去整 (當然店長會推介點整先最好食啦)!   咁我地就決定叫呢個set, 坐定定好快有得食 (p.s. 全部海鮮都好新鮮, 隻龍蝦中係度郁緊, 好期待呀~~) 首先係龍蝦刺身賣相好靚, 師傅好刀功, 片片都好薄, 晶瑩剔透, 放入口感受到又鮮又甜, 上面加左蟹子, 令味道更加提升.龍蝦頭濱燒配餅干咁大隻龍蝦, 當然唔會得刺身咁簡單啦! 食完刺身之後, 師傅話做個龍蝦兩食! 龍蝦頭刮晒蝦頭d肉同膏出黎, 再撈埋麵豉醬釀入個蝦頭度, 蝦頭連蝦鬚一齊燒! 師傅一路燒,我地係旁邊聞到都覺得超香! 但最估唔到既係, 燒完既龍蝦頭竟然係配埋梳打餅一齊食! 燒過既蝦膏同蝦肉搽係梳打餅上面, 估唔到陣味咁夾,  真係好梳干, 果種滿足真係不得之了~~ 再飲返啖sake, 真係無得輸!~~磯煮鮑魚舊鮑魚好大隻又厚身, 望落去好似好硬咁, 點知一咬落去不知幾淋, 又爽口彈牙, 好入味! 我個鐘意煮野食既老公忍唔著偷師問點整, 師傅話”磯煮”即係要先炆45min,然後再用日式豉油去浸! 唔怪之得鮑魚咁甜咁入味, 但肉質仲咁嫩啦厚珍岸濱燒蠔好簡單一句講晒! 隻蠔勁………大隻! 好creamyyyyy…一啖咬落去果種飽滿感, 真係好滿足! 配埋sake,當堂覺得d蠔味更加鮮, 更加甜, 我老公直頭滿足到唔識講野! 牛油黑松露活帆立貝濱燒燒帆立貝唔係第一次食, 但燒活帆立貝真係除左係日本食過之外, 都無係香港食過! 講返呢碟帆立貝濱燒, 一向就咁燒來食, 不過師傅建議配黑松露同牛油去燒, 咁帆立貝既味可以更加豐富, 而且唔會帶走本身既鮮甜!  Umm…一試難望, 帆立貝好大粒, 燒完外脆內鮮, 配埋黑松露更加香口!赤蝦濱燒赤蝦經浜燒後蝦肉依然鮮甜彈牙! 清酒煮蜆 (遊戲: 一手蜆)我地只係一手拿到13隻, 哈哈~ 用左黎清酒煮,每一粒蜆都充滿左清酒, 又香又好味. 最後係甜品: 柚子雪葩餐廳一d都唔求其, 選用左呢個日本空運到港既甜品, 滿滿既柚子味酸酸地, 正好同之前既海鮮互相呼應蕃薯雪糕無論味道同質感都非常似蕃薯, 好特別, 好鬼正! …查看更多

銅鑼灣Sogo旁邊的澳門逸園中心是一棟銀座式商廈，裡面有很多不同食店，單是水產濱燒店就有幾家，之前跟朋友試過漁獲和鳥居，今次食友就建議到新開的磯野水產試試。＊＊＊＊＊＊＊磯野水產是一間水產濱燒crossover居酒屋的食店，店內主打不同製法的海鮮，亦提供多款酒品，如汽酒、清酒、梅酒等等。前菜($30)前菜有什錦蔬菜條，有別於一般日本餐館配麵豉醬，磯野提供了有蠟燭座熱的鯷魚醬，味道帶點鹹香，但味道不及麵豉醬濃，雖然蔬菜條新鮮爽脆，但個人還是偏好配麵豉醬多一點。和牛他他蓉沙律($188)和牛他他蓉沙律配生菜和紫菜一同上枱，玫紅色的和牛他他上有隻生蛋。和牛他他是整晚最令我驚喜的菜式，因為和牛他他本身口感已經非常嫩滑入口即融，而且預先用鹽、黑椒和芝麻醃過，會食到一點點黑椒的辛辣，非常惹味。和牛他他可用紫菜或生菜裹著吃，個人覺得前者比後者更佳，因為紫菜乾爽脆口，跟和件他他可謂絕配。乳酸果酒($46)食濱燒不能沒有酒品，我和朋友就各點了一杯乳酸果酒，果酒酒味不重，非常易入口，有乳酸的酸甜味，最適合想飲返杯又怕酒味太烈的女士。磯野海鮮盛合($1,498)磯野海鮮盛合大大盆，內有六款不同海鮮，包括喜之次、蟹腳、響螺、帆立貝、鮑魚和赤蝦，雖然一盆索價千五大元，但觀其數量和質量定價都算合理。海鮮可製作成刺身、磯燒或天婦羅，侍者會問我們意見，也可以由餐廳發板。赤蝦刺身鮮甜的赤蝦最適合用來做刺身，天婦羅感覺有點浪費。赤蝦體型都算大隻，比食指還要粗，鮮甜得來肉質亦爽彈。響螺刺身響螺肉預先從殼內起出並切片，旁邊的響螺殼只是作裝飾之用。以前媽媽久不久都會用響螺煲湯，那種鮮甜味是我最愛的。當刺身食印象中是第一次，原來有別於煲湯後的彈牙口感，刺身響螺非常爽口，味道亦更鮮甜，蘸上芥辣和豉油後味道更大大提昇。磯燒蟹腳燒蟹腳如果燒得過久，蟹肉很容易黏著蟹殼，令蟹肉量本身已不多變成少得可憐，不過這磯燒蟹腳卻燒得剛剛好，蟹肉仍帶水份，一梳梳的蟹肉帶點海水鹹鮮味，即使不用另蘸調味已經很好味。鹽燒喜之次喜之次由於難捕獲，所以在日本人眼中是貴價魚，平時在香港食一條都索價$600至$800不等。喜之次通常都會用鹽燒方式，今次亦不例外。這條喜之次魚肉嫩滑，油份適中，美中不足是魚皮燒得不夠脆，但整體味道都算不錯。磯燒鮑魚磯燒鮑魚不會過乾過硬，咬落帶點嚼勁，鹹鹹香香用來佐酒不錯。磯燒黑松露帆立貝燒過的帆立貝黑松露香氣撲鼻，體型沒有因為燒過而有太大改變，口感微彈不黏牙，非常好味。牛舌鋤燒($98)牛舌鋤燒以鐵板上，薄薄的牛舌上鋪滿蒜片和蔥花，等牛舌變色就可以食用，口感嫩滑帶點彈口，食味不比平時厚切牛舌差。手握飯團($38/個)手握飯團有三款口味，由左至右分別是梅子、明太子和三文魚，我們一人點了一款口味。每次食燒飯團通常我都會選梅子，因為最喜歡它酸酸的味道。這燒飯團燒得外表焦脆而不過硬，梅子酸味突出，既飽肚又好味。總結，海鮮質素高之餘，師傅掌控火喉的能力也恰到好處，沒有浪費大好海鮮，個人特別推介和牛他他和響螺刺身，雖然人均消費不便宜，但絕對值回票價。…查看更多

剛從日本旅行回來，不過幾天時間，卻仍然對日式料理念念不忘。剛好朋友約定慶祝生日，大家一致讚成試試新開張的「磯燒水產」。甫入門口仿佛時光轉移又飛到去日本一樣的感覺，木色的裝潢正代表日式風格，一箱子的水產殼令人信心加強，第一印象是非常良好的。場內燈光柔和，座位之間寬敞，椅子有軟墊令人坐得舒服自在。通過玻璃望向街外燈火輝煌，如此放鬆的晚上，當然少不了喝點小酒，梅酒給人感覺清爽而不濃烈，最啱我們平時少喝酒的朋友，容易入口而又不易醉，磯燒配上梅酒，更加盡興。坐下來不一會兒，前菜已經送上，杯子上盛載著紅羅白、日本青瓜和生菜，顏色鮮豔，吸引眼簾。旁邊是利用多春魚及沙甸魚調配的醬汁，受熱情況下香味散發，沾上醬汁味道頓時豐富起來。剛在日本食了馬肉刺生，特別鮮美留下美好印象，懷著期待的心情試下和牛他他蓉，同樣是鮮肉制成。從表面上看得出很新鮮，和牛蓉的口感少了嚼口但更加綿密，無論直接吃或者混合生菜一齊食都能感受到它的鮮甜，刺生食法會令牛肉味無咁出，但感覺還是挺不錯。厚切而肥美的吞拿魚，色澤亮麗吸引，師傳即時在眼前進行濱燒，純熟的手勢，熱情的火炙之下吞拿魚顏色漸漸變深，表面形成一層淡淡的炙燒香味，鎖住肉汁，肉質鮮美，入口即化的感覺。薄切的牛舌用鐡板直接燙熟，在牛舌上再鋪上蔥蒜點綴，更能带出牛舌特有的香味，爽脆而香口，汁感豐富，食完感到齒甲留香，配上一口小酒，簡直是一種享受。活凡立貝濱燒，熱火透過凡立貝的殼傳送熱力，再透過熱力令凡立貝煮熟，更加能夠保持原汁原味，特別適合新鮮海鮮的食法。新鮮的凡立貝肉質非常鮮嫩滑口，我個人比較喜歡清吃，因為顯得特別鮮甜。朋友就喜歡加上黒松露，更加惹味。柚子雪葩，是今晚的甜點，是採用挖空的小柑仔，非常特別，雪葩帶點柚子的酸味，吃起來很清新透人的感覺。為整晚的味蕾帶來全新感覺，作為完滿的結束。…查看更多

一年容易又生日，今次係朋友生日，梗係要賀賀佢！之前食過漁獲浜燒就加入左係我個生日飯list度，因為真係豪華得泥又好好味！依排經過見到係同一棟大廈入面有一間新開既浜燒餐廳叫磯野水產，感覺會似日本既磯丸水產，我地就訂左枱試試佢！去到先知原來係漁獲浜燒既另一浜燒分店，甘質素就更有保證啦～未嗌食物前就先嗌酒啦，真係好愛日本既清酒！我地對清酒吾係幾擅長，梗係要問下專業人士既意見啦，經經理既介紹以下就叫左文佳人既清酒～係原酒來的，飲落吾會好濃烈反倒帶點甜味，我覺得好易入口呢！之後就點左主角—磯野海鮮盛合配喜知次 $1498一個盛合有齊好多海鮮，真係過足癮呢！而我地就比經理發辦，用最鮮味既方式去處理海鮮，仲好多樣化，每款海鮮都可以吾一樣既整法～另外我地多人就再order一啲小食，卡拉卡拉甘食，感覺就好豐富！等浜燒期間，先食左個前菜沙律先，和牛他他蓉沙律 $188和牛他他完全吾會覺得別扭呢，我仲幾鐘意，和牛配左啲洋蔥粒蔥花帶點清新，拌埋鵪鶉蛋一齊更滑！我地既喜知次用燒既方法，所以我地就再點一個活魚既刺身($488)依條魚叫蝦夷目張，蝦夷鮑魚就食過，蝦夷既魚都係第一次食，師傅擺盤好靚呢，仲砌左朵花泥！魚既肉質係偏腍身，魚味比較淡，但更顯鮮味呢，配搭蘿蔔蓉及蔥花就更添美味！另一個刺身就係盛合裡既粒貝，好爽口啊！仲有貝類既鮮甜～小食中牛舌鋤燒($98)係我既最愛店員特別提醒我地要快啲，吾係就會有太熟，我地就拿拿臨食，好剛好啊！牛舌爽口一啲都吾韌！加埋蔥花蒜片調味～另外赤蝦整成天婦羅。平時真係麻麻地天婦羅，但一食依個又覺得不錯喎，因為入面既蝦係大又彈牙，同以往食到既不一樣！燒魚終於到了，用上鹽燒既喜知次味道好夠，魚仲好嫩滑仲有每次食浜燒必點既味噌蟹甲羅燒 $78好濃尬蟹膏味，帶蟹肉既口感，配上餅乾就平衡番個味道，剛剛好我既另一最愛仲有磯煮鮑魚，磯煮得好透，整個鮑魚都入晒味，又吾會覺得over！而盛合既帶子就可以用清酒燒同埋黑松露牛油燒我就更鐘意黑松露牛油燒帶子，好香，加上黑松露就更惹味！之後就用左松葉蟹腳去煮粥，粥底好鮮甜啊，全部都係松葉蟹既精華！仲有滿滿既蟹肉！最後仲有甜品—堂島卷($68)，平時係街見到堂島卷都差吾多價錢，而食晚餐再可以食一件結尾，真係好幸福！一定有下次encore既機會，真係好正，仲好食過日本磯丸水產好多倍添！…查看更多