六両三.台灣食堂

營業中

休息中

六両三 #sorriso_觀塘區 #sorriso_油尖旺區 #sorriso_灣仔區-講到台式牛肉麵，好似好難食到好食嘅，所以我就揀左呢間多人讚嘅試下，之前都有試過尖沙咀店，今次就試下觀塘店，鋪面都好大😂，有自助水機🍜【牛肉麵】 $77 (8.4/10)香港一直都好難搵到好食嘅牛肉麵，我依照佢嘅食法，先試吓佢個紅燒底湯，充滿藥材味，牛肉麵都啱啱好夠粗身好咬，我再將牛骨髓辣油加入去湯入面，味道啱啱好，食好食嘅牛肉麵，牛肉份量都幾多🍛【滷肉飯】 $32 (8.5/10)滷肉肥瘦均勻，個飯夠油，贏好多間台式滷肉飯🍱【古早味酥炸排骨便當】 $68 (6.6/10)個排骨略嫌炸得唔夠，似煎豬扒多啲，滷蛋唔夠入味，芽菜調味亦都不足，令到個飯食落去乾掙掙，建議加返啲肉燥落個便當🍱【滷雞腿便當】 $68 (7/10)呢個便當睇到頭都知咩事，簡單來講佢只係一個好普通嘅滷水雞髀飯🙂，加咗大量娃娃菜，但感受唔到台式嘅味道🥃【冬瓜茶】 $20 買一送一 (8.3/10)係正常喺出面飲到嘅冬瓜茶，偏甜#sorriso_觀塘 #sorriso_尖沙咀 #sorriso_天后 #sorriso_九龍 #

六両三·台灣食 - 環境好大，坐得好闊落！牛肉麵 $75👀嘩！一上枱個賣相好唔錯，啲牛肉排列得好整齊，牛肉係薄切的，不過牛肉煮得啱啱好，唔會嚡又唔會冇曬牛肉味。🤩而個湯底顏色好深，但唔夠濃郁。麵係粗身既有啲似上海粗面，幾有咬口而且都可以掛汁！👍🏻總括🥄賣相好靚，食物都唔錯！🫶🏻唯獨個價錢比較貴～———————————————————————————📍觀塘巧明街107號國基集團中心4樓價錢：🎖🎖食物：🎖🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其觀塘

一間聽得多但一直都未的起心肝去既食店今次揀咗係觀塘既呢間 環境好闊落😲設計上有種古老風格 我會形容為客棧咁😂另一邊牆就有一幅充滿台灣風格既大壁畫唔算好襯成個風格 不過就幅畫就幾靚幾好睇😂野食方面選擇都唔少 牛肉類偏主打🐂牛肉湯 牛肉切盤 牛肉麵 款式都好齊假日午市時間人流都幾多 見到都係keep住爆場要有心理準備上到黎要排隊等下🙆🏼‍♀️🙆🏼‍♂️➷🔸牛肉麵🔸麻醬拌麵 • 原味 牛肉麵當然要試下🍜不過驚喜唔算好大佢既賣相係靚仔既 香味都聞幾出 湯頭味道比較清淡唔算好飲得到牛骨既味道 雖然顏色上係好濃郁不過飲落就無個種濃郁口感😢呢個位有少少失望但牛肉既入味程度同軟腍度都係做得好👍🏼麻醬拌麵中規中矩 變化唔會太大 麻醬味夠香麵質夠彈牙 唔會腍啤啤一pat野咁 處理做得唔錯😋➷🔸厚切酥炸排骨🔸甜不辣排骨肉質唔算乾身唔韌 味道有啲似鹽酥 終於有返啲台灣感😂甜不辣口感煙韌 表面炸得都幾香脆👍🏼➷台灣野食黎講唔算十分好食 但又唔係話好差好差整體感覺徘徊係不過不失既狀態🤭➷🧸🌞C.ookngbear推介指數 👉🏼👉🏼7️⃣🌟

背景及環境🍽食過尖沙咀總店一次 係地道小店感覺官塘分店係樓上舖唔洗等位新型商廈十分新淨連廁所都好企理店面好寬敞仲有沙發 corner 坐得幾舒服 (坐住左唔記得影..)裝修有心思 仲好貼心準備橡筋比女仔綁頭髮店員親切有禮☺️食物👨🏻‍🍳🍲滷肉飯夠地道有驚喜‼️滷肉有肥有瘦有肉丁有肉絲又多滷水汁炸脾賣相平平 顏色太深可能重用油太多次食入口夠脆但略嫌油膩牛肉麵肉質都得 筋肉分佈平均湯底OK 麵質馬馬地Overall加埋黃店光環都唔錯已經食第三次啦😉關於台菜💬香港選擇咁多自然會有比較阿元來了對我而言屬神枱級(綠店)深水埗古早牛肉麵小店幾有feel食物唔錯(綠店)阿木台灣麵都好味但次次食完都好口渴(黃店) 程班長十分地道但環境馬馬坐得好逼(黃店)小時光轉手之後就不了簡直侮辱味蕾又貴(黃店)

之前尖沙咀岩岩開果陣已經食過一次，知佢開係公司附近梗係要試下😍 新開張仲有9折優惠😍.餐牌有主打牛肉麵，乾拌麵，飯，湯，台式小食，飲品。lunch可以任何一款飯麵加$18轉套餐就可以有多一份小食同飲品😍.牛肉麵 （川味紅燒）$75 麵類既湯底有川味紅燒或者清湯簡，湯底均以天然食材同大量蔬果用文火熬煮而成既牛骨湯😍 所以湯底飲落好香濃既牛骨味之餘，仲唔會好油膩，而且川味仲帶有微辣同藥材味，真係飲得出好有誠意👍🏻 牛肉每片既比例都差唔多，而且油脂分布得好好，而且個湯好濃味，所以牛肉食起上黎更加入味，同咬落微軟煮得岩岩好之餘仲啖啖肉。（好細心地如果怕麵量唔夠，可以落單果陣講定加麵先👍🏻包你食飽飽）.我地總共叫佐三個套餐，嗌佐三款小食試：涼拌小黃瓜🥒：咬落好爽口；台式泡菜：好開胃😍 有啲感覺似酸菜；百頁豆腐：加佐少少醬，食落有啲感覺似釀豆腐，三款都比我地清晒🤭 仲有飲佐冬瓜檸檬茶，飲落唔會太甜，甜度岩岩好😚 配返個牛肉麵止渴解膩一流👅.總結，店舖用料認真之餘裝潢都好花心思，環境仲好舒服😍