築地日本料理 (金百利廣場)

這天晚上我約了家人去銅鑼灣吃晚飯，經過朋友的推薦，我們便決定來到這間日本菜試一試，店內環境明亮和清潔衛生，店內客人是坐滿的，證明食物質素應用有一定的保證，餐廳會播放音樂牛油果軟殼蟹卷($48)青瓜爽口，牛油果清新淡雅，軟殼蟹彈牙，用蟹籽鋪面，壽司是用日本米，質素非常高，十分足料牛肉野菜壽喜燒($88)牛肉稔香軟彈，肉味非常濃，質素非常高，溫泉蛋十分嫩滑和新鮮，豆腐嫩滑細密，白菜爽口，冬菇軟彈煙韌，白菜仔爽口微彈，秋葵彈牙，壽喜燒湯底清甜芝士玉子燒($58)章魚十分新鮮，醬汁味道酸酸的，令人非常開胃，玉子雞蛋香軟鬆綿，芝士份量非常多，芝士味道非常濃郁，用生菜絲鋪底黑蒜油豬軟骨拉麵($78)豬軟骨非常香稔軟嫩，非常新鮮，拉麵十分軟身，吸收了黑蒜油湯底的味道，份量非常多海膽三文魚籽花之戀($34)三文魚籽富有水份，海膽清新淡雅，腥味比較少，厚切三文魚稔香軟彈，十分肥美，十分新鮮火焰芝士三文魚腩($14)用火槍燒，令到芝士和三文魚腩融合一起，芝士味道很濃郁，三文魚腩油脂分布十分完美，質素非常高，非常新鮮蟹膏花之戀($26)花之戀，是用三文魚刺身包住壽司飯，面層再鋪一層鮮甜的蟹膏，十分豐富整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的選擇非常多，每張枱都有七味粉，胡椒粉，鼓油，芥末，價錢相對合理，而店員亦有良好的服務態度和積極，所以我認為這間餐廳是值得再去惠顧…查看更多

2月舊同事又飛返來港，4人又再聚下，就腳都係銅記食飯，今次食日本料理，Thanks友人book位。小小的店子，空間狹窄有點壓迫感，坐位都幾擠迫，好在4人係坐卡位比較闊舒服點。餐牌，揀了精選二人前及特上二人前。精選二人前，$298 :蟹子沙律，份量十足，清新爽口。串燒拼盤，菠蘿、雞柳及雞中翼，正常水準。日本芝士年糕，一開二咁縮皮，口感煙韌芝士餡多。泡菜黑豚肉石鍋飯，熱騰騰的鍋飯，黑豚肉口感鬆化，正常水準。牛肉野菜壽喜燒，蔬菜份量多，牛肉片份量適中，同有豆腐及温泉蛋，味道鹹甜平衡，因為當日好凍之下食覺得幾好味。特上二人前，$498 :三品盛合，魷魚軟骨、中華沙律及海瓜子。松葉蟹肉香芒蟹籽沙律，有芒果及蟹肉，清新開胃。特上2人櫻盛合，煙霧迷漫恍如仙境好夢幻，刺身唔算好肥美，尚算新鮮，海膽鮮甜。鐵板牛小排，肉質軟嫩，味道不俗。蕃薯蝦天婦羅，脆口不油膩。黑椒和牛粒飯，和牛粒份量多，香口惹味。清酒，熱的，好暖身。綠茶雪糕，淡淡的綠茶味，有甜品食好滿足。食物上有種似放題之感，味道正常水準，價格合理。…查看更多

💨天氣開始轉涼就會想食鍋物暖下個胃咁，算係冬天嘅一個小小嘅儀式感(?)😝🍭牛肉野菜壽喜燒 $88CP 值真係好高！味道比較清同甜，温泉蛋半熟嘅蛋汁加埋牛肉一齊食真係好正🫶🏻 鍋底亦有好多蔬菜同粉絲，等佢可以索晒啲湯汁😋本身見到冇配飯/烏冬以為會唔夠飽，但其實一般女仔食量都好夠飽😂 呢個價錢可以食到壽喜燒過下口癮真係冇咩好投訴😌🍭日本芝士年糕 $38外脆內軟，入面年糕超級軟糯，加埋濃郁嘅芝士醬，又係一個不敗嘅組合🥰🤟🏻↪️回頭率 90%⭕️加一服務費📍築地日本料理銅鑼灣記利佐治街1號金百利廣場1樓R1室…查看更多

之前返工都有叫外賣，因為真係好抵食，記得外賣自取試過有七折定八折🤔總之一個照燒雞扒飯折完都係20幾蚊😂未試過食晚餐，所以今次試吓，放咗工同朋友20:00左右到，已經坐滿九成，我哋揀咗好多嘢食，好似餓鬼上身咁🤣牛油果軟殼蟹卷 $48牛肉野菜壽喜燒 $88魷魚雞肉卷$88自家製餃子 $38金菇牛肉卷 $38黑蒜油豬軟骨拉麵 $78咁多樣嘢食質素都好平均🙌🏻我最鍾意牛肉野菜壽喜燒同牛油果軟殼蟹卷😋😋魷魚雞肉卷都好特別，魷魚🦑彈牙有咬口，雞肉口感嫩滑，雙重口感。本來仲想食甜品嘅，但已經冇晒位🤫😂…查看更多

前排銅鑼灣好熱鬧, 我都黎呢頭搵下食😂😂 又掛住鄉下, 搵下日本菜食🇯🇵 發現呢間極高性價比小店, 入咗我黎銅鑼灣嘅飯堂list!精選二人前套餐 ($298)有沙律+小食+串燒拼盤+2個主食+甜品+2杯特飲, 咁多野食, 竟然抵到咁!以為主食之外的餐點會細細份, 單知份量全部都唔細!😦蟹子沙津 : 一上碟個份量嚇親, 好大碟XD, 好多蟹子同蟹柳絲!海鮮野菜天婦羅: 小食有6款揀, 揀咗天婦羅, 有2件, 份量又係拳頭咁大, 包住蝦、魷魚、南瓜等, 外層炸粉唔厚, 好鬆脆👍🏻串燒拼盤: 有”燒菠蘿+雞翼+雞柳, 燒菠蘿爆汁又鮮甜, 雞翼香脆身又唔會太油, 雞柳都好juicy, 幾高質!牛肉野菜壽喜燒: 主食4選2, 叫揀咗壽喜燒, 牛肉好多又唔肥, 絕對唔係cheap cheap肥牛料, 仲有一粒半熟蛋, 野菜索晒壽喜燒湯底食一流呀, 仲跟埋加左味素嘅飯, 食到呢到我已經飽咗😝黑蒜油豬軟骨拉麵：另一款主食, 黑蒜味重, 雖然比唔上拉麵專門店, 湯底較油, 豬軟骨較韌身, 但麵身搭夠, 係九洲幼身拉麵, 都幾彈牙北海道牛乳奶凍：食完太飽, 完全唔記得仲有2個甜品, 仲叫埋單走🤣🤣 綠茶雪糕正常唔多講, 奶凍就幾好食, 奶味濃郁又夠嫩滑!☺️板燒香蒜牛舌：由於我係燒牛舌控, 見咁抵食都叫碟黎食, 係薄切牛舌, 連鐵板燒上, 個賣相有d似燒切片嘅腸仔XD 唔算好彈牙, 不過不失, 燒汁多咗少少, 食得多會有少少咸, 呢個價錢黎講可以接受, 但下次會叫下其他小食XD😝❗️P.S： 跟餐仲有兩杯野飲, 大杯又解渴, 食完咁多野都未飲完, 呢個set真係勁抵食! 佢仲有豪華版2人前, 有埋刺身set同再多D野食, 我細食就真係搞唔掂😂😂 …查看更多

銅鑼灣平民價日本料理😋今次發掘到銅鑼灣呢間日本野位置雖然唔算闊落 但勝在價錢比較相宜 而且選擇多多好啱口痕食下😋👍.🎈三文魚腩刺身 ($68)食日本野又點少得三文魚😋見有唔少人介紹一於點一份試下一份有四塊超厚切嘅三文魚腩 性價比都幾高👍仲有用到大量冰座底 夠哂凍啊😋.🎈味之鰻 ($45)顧名思義即係鰻魚卷🤣面頭仲有灸燒過嘅芝士 係邪惡之選👏再加埋照燒汁 味道好豐富.🎈鹽燒雞中翼 ($25)一串有兩隻 仲要係開邊燒啊👍燒嘅面積大啲所以啖啖肉都有鹽燒過嘅味道伴碟仲有檸檬比你加檸檬汁上去.🎈牛肉野菜壽喜燒 ($88)呢個可以話係成餐飯嘅highlight🌈呢個價錢嚟講都冇expect d咩🤣不過份量真係超多 係性價比之選單係牛肉已經有好幾大塊😋再加上大量野菜同雞蛋 感覺上好多野食.🎈總括而言整體性價比幾高 份份都超足料🤣不過真係超多人食啊 大家有興趣記得打電話問下先啦👏…查看更多

今次搵食黎到銅鑼灣食日本菜，係SOGO旁邊金百利廣場樓上，地點非常方便之餘，價錢仲非常相宜👍🏻食物選擇其實唔少燒物、炸物、鍋物、刺身、壽司、拉麵、丼飯都應有盡有。重點係佢嘅套餐真係抵到爛，仲要係良心小店，真係唔撐點得?😍😍我地叫咗個精選二人前套餐，入面已經包咗沙律+小食+串燒拼盤+2份主食+甜品同兩杯特飲，份量仲一d都唔嘢少!首先黎咗個➡️”蟹子沙津"，蟹子同蟹柳絲份量都唔少，蛋黃醬加埋青瓜絲夠哂開胃!小食我地叫咗➡️”海鮮野菜天婦羅"，雖然係得兩舊，但係舊舊都拳頭咁大，入面仲要有唔少嘅蝦、魷魚、南瓜等等嘅材料，樣樣都炸到好鬆脆，味道唔錯架👍🏻串燒拼盤就有➡️”燒菠蘿、雞柳同雞翼"，燒菠蘿好甜好多汁，雞翼外皮脆身又唔會太油，雞柳就啖啖肉加埋燒汁，質素都幾高，呢個價錢真係性價比一流👍🏻主食方面，我地叫咗➡️”牛肉野菜壽喜燒"，同黑蒜油豬骨拉麵😁壽喜燒一黎到其實真係牛肉多到嚇親，完全係就快滿瀉嘅狀態，加埋半熟嘅蛋係表面，真係食指大動，跟埋仲有個飯，面頭加左味素，送飯一流😆➡️”黑蒜油豬軟骨拉麵"就真係黑蒜味好重，味道會遍咸，豬軟骨都一般, 口感比較韌，當然同專門拉麵店無得比啦，但係拉麵麵身就非常唔錯，係近似九洲比較幼身，掛湯能力好好又夠彈牙😋跟餐仲有兩杯野飲，我地叫左➡️”綠茶拿鐵" 同 "白桃乳酸梳打"，又係大大杯，大熱天時夠哂解渴☺️ (最尾拍片唔小心影到粒冰來回飛出街😂)甜品都有6款選擇，我地揀左➡️”綠茶雪糕同北海道牛乳奶凍，雪糕正正常常，但係奶凍真係相當唔錯，嫩滑得黎又好夠奶味，正😝😝✨P.S: 有85折壽司，仲有9:00pm後係餐廳半價時段, CLS, 抵上加抵, 不過而家限聚到10點就可能做唔到住先，大家快D Save低啦!精選二人前套($298)…查看更多

呢間日本餐廳喺銅鑼灣心臟地帶，地鐵站出口轉彎就到，好適合行完街後來醫肚。今日放工過來都不用等位直入，實在太好，食完仲有時間去買嘢。叫左3樣嘢食埋單都係2百幾蚊，價錢係呢區黎講都算合理。蟹子沙律 $50沙律大大兜，味道唔錯。牛仔骨石鍋飯 $98石鍋飯配料有泡菜、木耳、紅蘿蔔絲同粟米粒，加埋醬汁撈勻就食得，醬汁微微辣加上牛仔骨，整個飯好有韓式風味。牛肉野菜壽喜燒 $88牛肉同野菜份量都好多，再配上溫泉蛋，壽喜燒湯底甜甜的味道很不錯。…查看更多

今天和太太來到銅鑼灣逛街，晚飯時間很自然地來到金百利廣場，這次選擇了日本料理的「築地」位置：銅鑼灣Sogo旁的公司百利廣場7樓，地點相當方便環境：餐廳看上去面積少，但座位亦有很多，環境也沒壓迫感服務：店員端茶密，下單上菜亦快食物：味道好，選擇多，可惜魚頭很快沽清炸軟殼蟹天婦羅（$68）最先上的食物，軟殼蟹炸的香脆又不算油膩，份量亦有不少，算是不錯炎辛地獄拉麵（$78）我最喜愛吃地獄拉麵，而這裡的只是一般的辣，但勝在香辣開胃，拉麵質地煙韌，配有兩隻蝦和一片日式叉燒，及配菜的海苔、玉米粒、木耳及香蔥。蝦算是新鮮，蝦膏味濃日式叉燒比較厚身，肥瘦適中，味道幾好黑蒜油豬軟骨拉麵（$78）太太愛吃豬軟骨便選了這款拉麵，黑蒜油湯底很香濃，拉麵同樣質地煙韌，配菜同樣有海苔、玉米粒、木耳及香蔥，而主菜的豬軟骨煮得很淋及入味，而且很大塊和很重肉香另選了四款壽司跟太太分享：蟹膏蟹肉軍艦壽司（$14/件）蟹肉鮮甜，蟹膏濃而不腥，質素滿意火炙芝士熟蝦壽司（$12/件）火炙芝士溶在熟蝦上，很Juicy而蝦亦鮮甜火炙芝士三文魚腩壽司（$14/件）芝士在三文魚腩上燒永遠是最美味的，芝士混合三文魚腩，入口即溶蟹子軍艦壽司（$10/件）蟹子算是新鮮，但沒什麼特別驚喜牛肉野菜壽喜燒（$88）原本是想點油甘魚頭鮫鍋，可惜售罄。改選壽喜燒，味道比想像中出色。牛肉新鮮而且有幾大片，配合生雞蛋、生菜、冬菇及百福豆腐等，使湯底很鮮甜，鍋的份量亦有不少原本對金百利廣場的食肆沒什麼期望，想不到這家日本料理卻比想像中出色，味道固然不錯，環境及服務均有一定水平，難怪能成為這座廣場中少有客似雲來的餐廳…查看更多

呢間餐廳以居酒屋為格調🇯🇵有海鮮缸每日供應新鮮海鮮，仲好甜心設計全素套餐，菜式配搭勁有心思🌸💗牛肉野菜壽喜燒 + 御飯($100)壽喜燒湯底都算濃郁，富甜醬油味。蔬菜有京蔥、冬菇、金針菇、娃娃菜、小棠菜、秋葵同紅蘿蔔，味道清甜爽脆🥬而嫩豆腐同粉絲吸收晒湯嘅精華。肥牛份量都算多，肉質幾軟嫩唔鞋🐮中間再加一隻流心溫泉蛋，更加香滑🐣💗芝士雞卷($65)外層炸至金黃酥脆，雞肉嫩滑多汁而且脂肪少🐔中間釀左忌廉芝士，不過芝士味唔夠突出🧀仲有紅蘿蔔同青瓜，中和油膩感。面頭嘅蜜糖芥末醬酸甜開胃🍯再配埋鹹鮮脆卜卜嘅三文魚子💗海膽魷魚($14)海膽魷魚軟淋得嚟有嚼勁，完全唔韌，味道鮮甜濃郁，完全唔腥🦑💗火炙芝士玉子($10)玉子燒食落甜甜地，但唔夠新鮮熱辣辣🥚加上芝士同沙律醬火炙，微微焦香又惹味🍣…查看更多

築地日本料理 Tsukiji Japanese Restaurant📍 銅鑼灣記利佐治街1號金百利廣場7樓R1室.🥑 牛油果軟殻蟹卷 $48: 軟殼蟹炸得夠脆同厚肉，配埋牛油果好match😍.🍲 牛肉野菜壽喜燒 $88: 牛肉有點韌，但勝在多蔬菜 (有豆腐、蘿蔔、秋葵、娃娃菜) 分量搭夠😆.🍛 咖喱豬扒飯 $68: 吉列豬扒幾好食，粉漿唔厚而且保持到鬆脆👍🏼 豬肉亦唔肥😆 不過薯仔太硬，完全咬唔開😌.🍜 綠茶冷麵 $58: 普普通通😀.🐟 鹽燒多春魚 $32: 燒得幾香脆😍 …查看更多

龍蝦沙律花之戀 • HKD$26呢個組合比較少見，又意想不到地夾而且都幾大舊，想一啖食晒係比較困難香蔥吞拿魚腩壽司 • HKD$15都幾足料，不過紫菜就淋左但質素係對得呢個價錢有餘～三文魚腩刺身 • HKD$68都幾厚切同肥美佢呢款係連皮，所以近皮嗰邊唔太淋，口感幾豐富～牛肉野菜壽喜燒 • HKD$88入面除左牛肉同蔬菜之外，仲有豆腐同粉絲，呢個價錢黎個都算好足料不過d牛肉比較肥，所以令到個湯都愈煮愈油膩北海道忌廉肉餅 • HKD$48上到黎係熱辣辣，咬落去係聽到d脆卜卜既聲音味道就好香忌廉嘅甜味，外脆內軟好正芝士玉子燒 • HKD$58超大件同厚身芝士既味道唔會濃到蓋過玉子燒本身既蛋味～而且入面仲好嫩，唔會乾爭爭燒廣島蠔 • HKD$55蠔好鮮味，而且好飽滿💛個人推介菠蘿串燒 • HKD$18呢個就中規中矩～可能過左當造季節，所以一串比較甜，另一串就比較酸鹽燒雞中翼 • HKD$25都燒到外皮幾香，不過調味就淡左d～鹽燒帆立貝 • HKD$32燒得幾好，唔會韌～而且幾中意佢個燒汁，惹味得黎又唔會太咸…查看更多

為左個friend我竟然過海！呢間日本餐廳抵食又多選擇🤓————————🔸板燒香蒜牛舌 $50送到黎個鐵板仲燒緊，蒜香味濃👍🏻👍🏻評分：🌕🌕🌕🌗🌑-🔸牛肉野菜壽喜燒 $88好足料，湯底好甜，d菜食落都好甜😍評分：🌕🌕🌕🌕🌑-🔸壽司叫左好多款三文魚壽司😂件件都好食😋評分：🌕🌕🌕🌕🌑-🔸味之鰻 $45鰻魚上面加左芝士一齊燒，令個壽司更加香🤩評分：🌕🌕🌕🌕🌘————————…查看更多

每次到銅鑼灣晚餐都只懂到地鋪或商場內的連所餐廳用膳，總覺得乏味無新意。那晚友人帶到我樓上餐廳用餐，感謝她讓我發現了這間性價比頗高的日本餐廳！築地位於金百利廣場7/F三間餐廳中其中一間，餐廳主要以黑灰色為主，主牆身貼有一幅築地魚市場檔攤的海報，頓時從深實的顏色中變得有生氣。現時疫症有所緩和，餐廳雖不用等位但座無虛席餐廳提供信封與每枱一瓶消毒噴霧，還提供消毒濕紙巾用餐前使用，一切的抗疫法寶使我倆更放心見到有2款二人前、1款四人前及1款一人前套餐選擇，心中簡直有解脫的感覺，二人終於不用糾纏在點選食物那步驟當中，其套餐更相當豐富，第一次到訪的我對每款食物都大感興趣，決定點選1款較簡單的二人前及追加壽司8件蕃茄上鋪著沙律菜並撈過柚子沙律醋，柚子醋帶動了蔬果鮮，而蕃茄多汁非乾身，味道偏甜應撈過糖粒，冰梅夠冰凍但並非想像中多肉多汁，而且梅味清淡，最可惜是一碗內只有冰梅一顆每次看到「咋咋」聲的鐵板呈上時總覺特別餓，蒜與牛香伴隨著聲音四散，牛舌比起以住品嚐過之串燒牛舌來得厚，保留到爽脆之餘還多添一份嚼勁，蔥與蒜充分吸收鹹香醬汁，並包裹著每一片牛舌，味道更惹味雞翼整體較乾身，可以剪開燒容易令水份流失，但雞皮與雞肉表面也脆身，少許鹽巴灑在雞翼上帶出雞肉味。燒焦後的菠蘿有如增添了一層薄膜包裹著多汁菠蘿，味道偏酸有開胃去油膩感覺。雞肉串雞肉頗大件，同樣燒至表面帶微脆，但略嫌較乾身乏味頗大份量的一盆壽喜燒，內裡包含娃娃菜、豆腐、粉絲、南瓜、肥牛片及溫泉蛋一顆放在中央，還附上白飯一碗，香甜湯底令蔬菜粉絲帶清甜，肥牛大約有4-5大片，較厚的切片方式加上脂膏分佈不算平均，所以咀嚼時更有嚼勁，而且更飽肚，2人吃過壽喜燒後已有七成飽，那是意想不到的份量！買相十分吸引，食材一點也不吝嗇，有粟米粒、木耳絲、蔥花、紫菜及兩大件豬軟骨，湯底帶有幽香蒜蓉味，卻欠卻黑蒜香與味，令濃郁度有所下降。豬軟骨相當嫩滑，肉質鬆散得把湯汁都充份吸收，咬下時湯汁從牛肉中溢出，湯底夾雜著牛肉汁味道變濃郁，麵條屬軟身略嫌欠缺口感十分香濃及滑嫩的3.6牛乳味奶凍，甜度適中一點也不覺溜。豆腐雪糕有淡然豆腐味，口感偏硬，相信是冰的比例較奶為多我倆對整個二人前份量豐富感到十分意外，還以為不夠飽的我們額外點了7款壽司品嚐，較喜愛當中2款：蟹膏蟹肉- 紫菜包裹壽司飯的軍艦款式，紫菜與預期般煙韌淋身，壽司飯黏稠程度剛好夾起時不會鬆散之餘亦不會過於濕潤，酸度也適中不會奪去刺身鮮味，飯上鋪著一層蟹肉並點上少許蟹膏，不但吃到一絲絲蟹肉的鮮甜，還配上香濃蟹膏，就像一整隻蟹的味道濃縮於此，但略嫌蟹香及蟹鮮味不足，未能完全散發出來.火炙芝士三文魚腩-三文魚保留到整件屬刺身同時表面經火槍微燒焦，不但可散出魚油香還保留到三文魚嫩滑口感，加上帶鹹酸之沙律醬增添惹味度.由於菜式甚多，而上菜速度快速，就座二人桌的我們桌面空間有限，幸好服務員亦窩心地因應我們的進食速度上菜，我們也吃得不至於太匆忙～我倆飽得撐著肚子離開才每人平均二百多元！疫症時期九時後壽司更半價，看來我找到我的銅鑼灣食堂了。…查看更多

又到咗星期五啦～今日一收工，我就即刻彈閘過黎呢間期待咗好耐嘅築地日本料理度食嘢。呢間日本嘢喺係銅鑼灣嘅金百利廣場入面嘅，同一棟大廈有超多嘢食。但真係好想試吓呢間嘅玉子燒所以就揀咗呢間😆首先要喺樓下搭𨋢上七樓，一出𨋢門就會叫到築地嘅牌匾啦～佢嘅門面都幾細，出面有部等位攞飛嘅機。不過喺肺炎嘅陰霾之下，當然用唔着啦... 雖然係咁，但呢間餐廳又比隔離幾間多人，睇黎都有返咁上下品質保證😆雖然門面唔大，但餐廳入面都唔細咖。我同朋友兩個人可以坐一張四人枱，位置都算寬鬆咖。AC15 芝士玉子燒 （$58）✨係聞名已久嘅芝士玉子燒呀😋 玉子燒份量咁大而且外形都好吸引，一上枱第一件事緊係幫佢打卡啦～玉子燒上面舖滿咗木魚絲同兩種醬料，底又舖咗幼身嘅生菜絲，食玉子嘅時候連埋底面兩層食，口感就更加豐富啦🥰 一切落個玉子度，啲芝士就開始流出黎，oh my god，超多芝士呀～ 而且玉子又夠滑，同埋都好厚，呢個絕對係5/5分😋AP04 牛肉野菜壽喜燒 （$88）✨主食方面，首先叫咗個牛肉壽喜燒，份量又係超級大😍 呢個壽喜燒入面有超多肥牛、蛋、秋葵、生菜、金菇、豆腐、粉絲等等，材料超級豐富。壽喜燒味好濃好入味，唯一可惜嘅係壽喜燒要配飯而呢個冇飯。所以我哋就用咗豬扒滑蛋飯嘅飯黎配壽喜燒食，哈哈！AJ04 豬扒煮蛋飯 （$72）✨豬扒煮蛋飯嘅外表非常吸引，成個飯嘅面舖滿咗豬扒、洋蔥同蛋，再加少少蔥花，連個碗都好靚，睇得出廚師嘅心機🥰 想講多次呢間餐廳嘅蛋真係好出色，就算煮法唔同，都一樣咁滑。豬扒同洋蔥都滲滿咗日式嘅豬扒汁，偏醎少少，送白飯食就啱啦～而白飯係採用日本珍珠米，煙煙韌韌，好食😋豬扒飯仲配一個清清哋嘅麵鼓湯😋黎到先知9:00p.m.後有壽司半價，下次再黎姇壽司先！…查看更多