BYOB Coffee Roaster

職員靚仔，服務好，食物對得住價錢，沖咖啡的姐姐好手勢，mocha 圖案有狗仔同海馬，意粉有喺高蟹肉意粉，同北海道帆立貝明太子意粉，較好食，餐廳氛圍舒服，這個牛油果華道夫沙律，好易入口，靚仔廚師，好似謝霆鋒，第二個好似陳奕迅，有兩位實習職員，服務好，服務周到，餐廳不會話很多人，大多數時間入嚟都有位坐，多謝各位…查看更多

29.11.2022 BYOB Coffee Roaster今晚放工在附近扮靚靚，本來想去Taste Cafe或廚匠食好西；怎料兩間都無營業，結果又走回BYOB Coffee Roaster。之前已經食過蕃茄忌廉蟹肉闊條麵，很好吃，現在轉了蟹膏蟹肉意粉，不知味道如何？下次要再來試試。地方仍舊寛敞，樓底好高，座位之間有充足距離，坐得很舒適。灰牆多了兩架單車作裝飾，餐牌轉了掛頁，雖然仍然是意粉和沙律為主，選擇不算多，但欣賞他們每一份食物都很用心製作，一點也不馬虎，無論賣相和味道都是上乘。主菜還有德國黑麥啤慢煮咸豬手，$168，需時38分鐘 （很準確呀），非經油炸不脆皮，有機會真的要試試。牛油果華道夫沙律 $75這款沙律已吃了好幾遍，每一趟也不叫人失望，花型的牛油果既新鮮又漂亮，精緻得叫人不捨得吃，伴著牛油果還有雜菜、蘋果片、提子、果仁，加上日式沙律汁……既健康又美味，百吃不厭。煙三文魚沙律 $80花型的煙三文魚，配上蕃茄仔、青瓜、果仁、雜菜，又是一款健康美食。榛子鮮奶咖啡 $37又一驚喜，拉花是很神似的飛馬！香滑的咖啡，榛子又不會太甜，好喝。自助購買、取餐具，之後乖乖等美食上枱，用餐後好多職員主動說再見，是一個愉快、滿足的用餐經驗。…查看更多

23.07.2021 今晚出發去睇話劇前，到BYOB Coffee Roaster食個早晚餐，好耐之前已經食過呢度，最愛佢地嘅沙律，好多生果同菜，啱晒我！😋店舖裝飾簡約風格，好喜歡門外的一個玻璃窗櫥，好漂亮呀。其實未疫情前，座椅之間已經很寛闊，本身樓底好高，所以坐起上來很舒適。餐牌選擇主要分意粉、沙律同各類咖啡/茶，小食主要星期六/日才供應。為咗要咖啡拉花，所以平時唔飲咖啡嘅我，都要咗杯鮮奶咖啡淺嚐。牛油果華道夫沙律：首先食自己最愛嘅沙律，果然仍然保持一貫水準，賣相十分吸引，牛油果好新鮮，配上沙律菜、蘋果之類，呢個值滿分。番茄忌廉蟹肉寬條麵：蟹子份量好多，食起上嚟咀裡卜卜聲；蟹肉混合在麵裡，味道口感不錯，值得推介。鮮奶咖啡：拉花好靚，不太苦。咁啱老闆坐喺我隔離枱食午餐（但我食晚餐🤣），於是可以閒聊咗一陣。佢好nice，好好傾，同我講呢期用澳洲牛油果，有時會用墨西哥，話雖然呢兩度貴啲，但質素會高啲。又介紹我去幫襯佢地喺建生（exactly應該珀御）嘅新舖，有新口味可以試試；仲主動問有無乜野值得改善嘅地方。正如佢話，喺Open Rice有人批評個職員態度唔好；但我所見就正好相反，由落單哥哥、替我拍照嘅靚女同老闆全部都好親切，服務週到。環境、食物質素同服務都滿意，下次會再來！BYOB Coffee Roaster 網址: https://s.openrice.com/QrbS0aK4800~uMDTuAw地址: 屯門青桃徑5號文翔大廈地下2A號舖電話: 23001163…查看更多

因為疫情既關係，堂食只限兩人一枱。想找個有足夠枱與枱距離既食肆食個lunch同飲杯咖啡，呢度係唔錯既選擇。但想坐耐d 既傾下計既朋友，呢度就唔係咁啱啦，因為佢有限時，由淨飲/食件cake到食正餐都有不同時限，45mins到個幾鐘不等。呢度主打意粉，即炒係有水準。係街外等位時亦會聞到強烈既香氣。🥶咖啡也不錯，足夠為我一天上到電。牛油果沙律清新好味，牛油果花砌得好靚👍🏻有時晚餐夜左去食就會賣哂🤪…查看更多

又到Weekend，今日想食豬手，因上星期六想食但食唔到😅；記得之前去過屯門一間小店「BYOB Coffee Roaster」，見過有人食豬手，好似唔錯，就一於入屯門食Lunch估計這間餐廳食lunch時間會多人，所以今日早一點出發，未夠12:30 PM 已經去到餐廳這間餐廳需先到櫃面購票；我哋叫左1️⃣ 德國黑麥啤慢煮咸豬手 $1382️⃣ 牛油果華道夫沙律 $68慢煮咸豬手製作需時40分鐘，我哋先食牛油果華道夫沙律，牛油果砌得好靚，食材都新鮮；第一次食慢煮咸豬手，味道都算OK，但沒有太大驚喜價格💰：$206 (免收加一服務費)味道😋：OK…查看更多

由港島乘搭960回屯門，途中哥哥跟嫂子相約一起晚餐，提到紅橋有一家氣氛不錯的餐廳，於是就在紅橋下車走過去。遠看店面頗大，進店便會看到右手邊放有一大部炒豆機(?)，還有一些文青氣息擺設，桌與桌之間很有距離，空間感十足，真不錯。點餐要到櫃台買單，然後店員會送餐過來，而櫃台旁有飲用開水提供，客人可按需要自助取用。沒仔細看餐牌，點了冰咖啡，以為是冰滴咖啡，原來是house blend on rock，咖啡味香濃，口感也不錯哦。剛剛才吃了下午茶不久，同時準備餐後去吃甜品，因此只點了一個沙律和一客意粉。牛油果華道夫沙律，嘩！賣相好漂亮哦......店今天最後一份給我們!拿下了據說華道夫沙律一定有蘋果，而眼前的沙律真有薄薄的蘋果片舖在碟底，承托住上面豐富的食材。看看究竟都有些什麼材料：牛油果、蘋果、車厘茄、沙律菜，還有琥珀合桃哩。新鮮爽脆，夾雜牛油果的香滑，真的很不錯，有驚喜！黑松露雜菌意粉意粉拿來時，黑松露香氣四溢，放有兩條迷你蘆筍裝飾，頓時令意粉升了格。雜菌有本菇、雞脾菇和鮮冬菇，意粉口感煙韌不會硬，好味道。閒來坐坐喝杯咖啡，吃點東西，是一個不錯的地方。…查看更多

一到weekend就好想周圍走去食下好野，拎個電腦出去做下野咁，但係奈何香港好多cafes都係打住cafe嘅旗號，實際上又嘈食物質素又低，仲要空間感好差好易聽到隔離講咩，今次我特登走到出屯門就真係覺得無揀錯。早餐淨係想食得light，所以我淨係嗌左個牛油果沙律同lime soda，點知一上碟真係嚇親，竟然擺到咁有心機全部都砌得咁fancy!!!無花果牛油果都好新鮮，如果覺得唔夠黑醋可以叫佢加比你，份量真係大到我食左成朝都食唔曬...我感覺呢間舖有心機做，但係略嫌餐牌選擇唔夠多呢，希望佢遲啲會豐富佢個餐牌等我嚟好好食一次！…查看更多

每個週末只想懶慵的過，或是到咖啡店過慢時光，只是屯門的咖啡店選擇不多，而像BYOB Coffee Roaster如此規模的更是少有，正因如此，BYOB在小區裏算是小有名氣，相信除了屯門咖啡店難求以外，親民價錢也令這家小店很受歡迎。也許是咖啡店已有固定的落處，即使知道BYOB 已有一些日子，卻是昨天才有了到訪的念頭。周末下午的BYOB是人滿之患，難得的是有不少食桌，等位也未算太費時。水泥的牆身營造簡約的工業風，木系桌椅、綠色植物加上日光感覺溫暖，如此簡約、自然、舒適的環境，誠然很適合周末來放空。BYOB的主打，是簡單的家庭風意粉，也有數款健康清新的沙律，咖啡師都是擁有專業資格的，咖啡的選擇眾多，意式咖啡以外也有手沖咖啡，但更難得的是供應TWG靚茶，還是最Signature的口味，來個英式下午茶也不錯。喜歡這家牛油果華道夫沙律($68)，instagramable的花形牛油果，聽說自製牛油果花一點也不困難，但對於手殘的我來說就是難事了。新鮮的牛油果、蘋果片、紫葡萄、車厘茄、生菜片，配以和風沙律醬，感覺甜美清新，定價也算合理。香蒜橄欖油紐西蘭小蜆意粉($78)，家庭風的意粉口味不會太濃，愛重口味的或會吃不慣的。小蜆、意粉份量不少，急凍小蜆未算鮮甜，意粉也不是al dente的那種，就是能令人飽肚的那種程度。茶品選了TWG最受歡迎的Grand Wedding．皇家婚禮($50/壺)，點餐只減5元有點不夠大方。以壺上關係會稍微貴一點，但用上別緻的小鳥茶具，茶杯也是英國的瓷杯，英倫風確令女生很難抗拒。皇家婚禮是TWG Signature 口味之一，茶的主調是異國水果配黑茶，花果之香令茶帶自然的甜調，實在很適合點一壺慢慢地品嚐。至於凍巧克力奶($35)表現是恰如其分，但跟TWG茶相比是被比下去了。沒有嚐到BYOB的咖啡出品，但這家的靚茶帶點驚喜，若是茶迷便不能錯過了。…查看更多