一風堂 (朗豪坊) (已結業)

今晚我們去咗旺角朗豪坊嘅「一風堂」食晚飯！我們叫咗特製黑拉麵、黑雲吞、鰻魚飯、溫泉蛋叉燒沙律、溫泉蛋豚肉丼、牛油果熟蝦伴山葵醬同一風堂叉燒角包！特製黑拉麵嘅豬骨湯底非常濃郁，再加埋黑蒜油，令到味道更加香口惹味，拉麵嘅麵質係比較粗身，所以更加爽口彈牙，口感更加豐富！黑雲吞嘅皮都幾煙韌彈牙，但餡料嘅份量就比較少！鰻魚飯嘅鰻魚肉質非常嫩滑彈牙，炒飯炒得鑊氣十足，味道相當惹味！溫泉蛋叉燒沙律嘅賣相非常吸引，叉燒嘅肉質好腍好鬆軟，炸麵炸得相當香脆！溫泉蛋豚肉丼將溫泉蛋、豚肉同酸薑撈埋一齊食，酸酸嘅味道相當惹味醒胃，豚肉嘅肉質亦好嫩滑！牛油果熟蝦伴山葵醬嘅熟蝦非常爽口彈牙，牛油果相當香滑，山葵同沙律醬加埋一齊嚟做醬，真係好惹味，不過唔會攻鼻！一風堂叉燒角包嘅叉燒味道好香甜，包質相當香滑鬆軟！

昨晚我們去咗朗豪坊戲院睇完戲之後去咗4A樓嘅美食廣場諗緊想食咩餐？點知就畀一風堂張貼咗幪面超人嘅海報吸引住，同埋接待員非常有禮，所以我們就喺度食飯！我們叫咗一風堂龍蝦豚骨拉麵、溫泉蛋叉燒沙律、一風堂叉燒角包、炸紫菜墨魚鬚、明太子鷄翼、牛油果熟蝦伴山葵醬，赤乳酸梳打冰「荔枝」！他們新推出咗一風堂龍蝦豚骨拉麵，湯底非常鮮味濃郁，龍蝦非常新鮮彈牙，拉麵嘅麵質好有咬口同彈牙！好食到令我們連湯汁都一滴不漏全部飲晒！真係超讚！係本人嘅必食推介！溫泉蛋叉燒沙律非常有創意，他們將溫泉蛋，炸麵同生菜夾埋一齊食，令我覺得有意想不到嘅新食法！本人極力推介！牛油果熟蝦伴山葵醬嘅味道非常夾，熟蝦非常爽口！赤乳酸梳打冰「荔枝」啱啱攞上檯嗰陣飲第一啖係淡而無味，但等到枝冰條溶化後，整杯飲品就變成一杯極品，味道非常清甜！值得一試！所有食品都創意十足，令我們回味無窮！我們必定會再嚟食！

很久沒有去一風堂。記得第一次去，是2011年在尖沙咀店，那時職員會在門口派籌，採取先到先得形式，但就算幸運拿到籌的也要等一小時才有位，當時熱潮一時無兩。2012年去銅鑼灣店，看見門口新設的自助取票機那刻的感動，至今仍然記得。2013年出差時到過台北店，那次的松露清風冷拌麵，結果有點慘不忍睹。旅行時曾經到過心齋橋店，那次味道反而最深刻，不知道它的美味是源於食材和水源的關係，還是心理作用。今次來到旺角朗豪坊店，吃的仍然是最經典的白丸元味豬骨濃湯拉麵，麵身軟硬適中，湯身只消一會便起膠，濃度很夠，但熱度不夠是致命傷。配料只有木耳和蔥花，沒有流心蛋，顯得有點單調和冷清。明太子雞翼把浸漬過的辣味明太子釀入去骨雞翼之中，雞翼雖然被炸至金黃色，但外皮一點也不脆，而且雞肉過份吸收明太子的辣，味道亦顯得太鹹，有點可惜。鮮蝦一向是百搭食材，尤其適合配搭於不同的沙律上。這款牛油果熟蝦伴山葵沙律，wasabi和牛油果的味道很搭，不過山葵的辛辣還是很嗆喉。原隻大蝦有四隻，尚算足料。餃子端來的時候，已經不再溫熱，頓時滿足感大減。記得在日本一風堂吃的餃子，皮薄餡靚，餃子底部煎至金黃香脆，而且並排連着，不用加薑和蔥簡簡