NUTTEA (葵涌廣場)

營業中

休息中

主打堅果奶同埋堅果奶蓋而聞名嘅Nuttea，絕對係為唔飲得牛奶但係又想飲手搖嘅人帶來多一種選擇，呢到嘅堅果奶係用咗5款堅果萃取而制成，簡直就係素食人士同埋乳糖不耐症人士嘅恩物！今次就嚟到位於葵涌廣場嘅呢間分店，飲下佢哋嘅招牌特式飲品先～青提堅果奶蓋茶💰HK$45青提味道酸酸甜甜，仲有啲粒粒提子碎，而堅果奶蓋飲落去堅果味濃郁芬芳，質地好似一堆豐盈厚實嘅泡沫咁，入口絲綿順滑！青提茶同堅果味估唔到都幾夾喎！呢到堅果奶蓋真係好優秀，面頭仲有少少堅果碎，用匙羹仔一啖一啖咁慢慢不來食，又係另一種風味～牛油果堅果奶💰HK$47牛油果係用成個牛油果即打而成，所以一飲落口就會感受到牛油果嘅味道係非常之濃郁，配合埋堅果奶，除咗有本身濃濃嘅果仁味之外，更加突顯到牛油果嘅原汁原味，質地比較香滑，鍾意牛油果嘅人千奇唔可以錯過啊～

落雨天同友人去咗葵廣行街，見到間人氣旺盛嘅飲品店，試咗兩款新鮮嘅飲品，感覺真係好好味嘅！第一杯係牛油果堅果奶，個味道好濃郁，有牛油果嘅香味同堅果嘅香脆口感，加埋鮮奶，喝落好滑順。而且我哋問咗店員，佢哋話所有嘅飲品都唔加糖，所以都好健康，又唔會太甜，好適合我哋呢啲健康人士飲啦！第二杯就係宇治抹茶奶蓋堅果奶，味道亦好正，抹茶嘅味道好濃郁，同埋奶蓋好香濃，記得啱啱整好嘅時候就要飲啦！mix左果仁嘅堅果奶蓋放落口，脆脆地口感好有趣味。而且佢哋用嘅宇治抹茶係日本進口嘅，質量有保證。整體黎講，呢間飲品店嘅飲品好有特色，而且都好健康，全部都唔會太甜，好適合我哋啲控制糖分嘅人飲用。而且價錢都符合高質既原料，好啱我哋呢啲追求性價比嘅人。如果你哋都係鍾意飲手搖，又想健康啲，就一定要嚟試下啦！

我第一次飲Nuttea嘅時候，只係得新蒲崗分店，宜家Nuttea已經開到有7、8間分店🎉。Nuttea以堅果奶取代牛奶，啱晒素食者同鍾意杏仁奶嘅大家試試。Nuttea嘅堅果奶以五種堅果🖐🏻製成，包括: 核桃、榛子、腰果、杏仁、夏威夷果仁。Nuttea嘅奶蓋味道特別，我幾乎次次都一定要，最近去咗葵廣新店試吓。芒芒堅果奶蓋茶 $43Nuttea俾嘅堅果奶蓋絕不吝嗇😍，奶蓋茶嘅奶蓋好厚，奶蓋味道偏重榛子味，質味濃厚細密，奶蓋面另外會有啲堅果碎，令口感更加豐富。至於芒芒茶底就比較清新，因為Nuttea本身唔會加冰，所以唔怕有冰溝稀茶底。芒芒茶底🥭有好多新鮮芒果粒，足夠又多份口感。每杯奶蓋茶Nuttea都會附上一隻小小嘅白色膠鏟，用嚟舀奶蓋一啖啖咁食。牛油果堅果奶 $46牛油果堅果奶🥑有好香濃嘅堅果合桃奶味，好似合桃糊味一樣。而牛油果本身唔算係啲重味食品，你可以係每啖尾尾飲到牛油果味😆。牛油果堅果奶質感厚滑，會似smoothie 質感，所以飲完都幾飽，好似代餐咁。另外，牛油果堅果奶已經同冰blend好，但佢唔會太凍變咗沙冰，平衡得幾好😋。