NUTTEA (葵涌廣場) (已結業)

我第一次飲Nuttea嘅時候，只係得新蒲崗分店，宜家Nuttea已經開到有7、8間分店🎉。Nuttea以堅果奶取代牛奶，啱晒素食者同鍾意杏仁奶嘅大家試試。Nuttea嘅堅果奶以五種堅果🖐🏻製成，包括: 核桃、榛子、腰果、杏仁、夏威夷果仁。Nuttea嘅奶蓋味道特別，我幾乎次次都一定要，最近去咗葵廣新店試吓。芒芒堅果奶蓋茶 $43Nuttea俾嘅堅果奶蓋絕不吝嗇😍，奶蓋茶嘅奶蓋好厚，奶蓋味道偏重榛子味，質味濃厚細密，奶蓋面另外會有啲堅果碎，令口感更加豐富。至於芒芒茶底就比較清新，因為Nuttea本身唔會加冰，所以唔怕有冰溝稀茶底。芒芒茶底🥭有好多新鮮芒果粒，足夠又多份口感。每杯奶蓋茶Nuttea都會附上一隻小小嘅白色膠鏟，用嚟舀奶蓋一啖啖咁食。牛油果堅果奶 $46牛油果堅果奶🥑有好香濃嘅堅果合桃奶味，好似合桃糊味一樣。而牛油果本身唔算係啲重味食品，你可以係每啖尾尾飲到牛油果味😆。牛油果堅果奶質感厚滑，會似smoothie 質感，所以飲完都幾飽，好似代餐咁。另外，牛油果堅果奶已經同冰blend好，但佢唔會太凍變咗沙冰，平衡得幾好😋。