Soi.29

營業中

休息中

因為睇MM條片而認識呢間舖，一直都想搵機會試下今日咁啱有得早收工，於是18:00過嚟碰運氣，結果一嚟到門口就即刻有得入座(不過當時已經淨番一兩張枱，到18:15已經坐滿，要排隊。到18:45陸續有人埋單)三個人叫左醉貓炒河(走辣)、馬拉盞椰菜苗（走辣）、燒豬頸肉、串燒拼盤、咸蛋魷魚因為見到openrice 食評話食物偏辣而我唔食得辣，所以索性全部走辣串燒拼盤性價比高，有豬肉、雞肉、雞軟骨、腸仔。每樣都燒得好食，加埋個沙嗲醬冇得輸。臨尾幾串唔夠醬點，問店員可唔可以加醬，佢都回應得好爽快👍🏻醉貓炒河可能因為走辣，所以略嫌覺得唔夠味，但個河粉都好彈牙～咸蛋魷魚比較失色嘅一道菜，魷魚比較細隻，口感一般（唔係平時去大牌檔食果種咁厚身大隻) 燒豬頸肉好有炭燒風味，夠厚切，份量多馬拉盞椰菜苗掛住食唔記得影相，佢個調味好好，值得點總結：食物、環境、服務態度都好滿意食物嘅選擇多，會想再嚟試其他嘢食😄最後埋單$600/3位

Finally tried out the insanely popular Soi.29 located at TST. The hour-long wait was totally worth it because the food was really quite something! 🤤 Pic 1️⃣: 醉貓炒河 - $88 hkd 🌶 — This was SO good, I’d probably come back just for this dish! Insanely flavourful dish, as the flat noodles had so much surface area to hold and absorb all of the sauces and stir fried minced pork which was already bursting with flavour. Not to mention, the noodles had the perfect chewy texture to it. Definitely recommend th

大排檔式裝修，傳統泰菜款式多價錢唔貴，啱晒一班人聚餐。串燒拼盤好抵食，一碟有齊豬牛雞，每款有3串，仲可以加$20要埋牛脷。燒得有焦香，點沙爹醬汁食夠惹味。燒豬頸肉份量超多，夠抵食，燒得好爽口，再多少少焦香就perfect啦。皮蛋蝦餅熱辣辣超香脆，流心皮蛋加彈牙蝦餅超好食的配搭，不容錯過！蟹肉奄列雖然係香脆但好似淨係食炸漿，食唔到蟹肉，可以skip。燒豬頸肉份量多，燒得唔錯，肉質依然爽口。醉貓炒河其實係平時生菜包的肉碎豆粒炒河粉，叫醉貓因為係廚師醉酒後創作出嚟喎😂微辣香口好惹味，用咗幼身河粉，彈牙煙韌幾正。一定要留肚食芒果糯米飯！糯米飯熱辣辣加分，軟糯好食配香甜椰漿同超甜芒果，高質👍🏻

每次經過呢間泰國嘢都見到佢哋門口大排長龍，絕對係尖沙咀人氣餐廳之一💥 事前我有打電話訂枱先因為我哋係星期五嚟食晚飯，當晚到咗餐廳等咗一陣人齊就可以入座，用餐時間就60分鐘～餐廳主打泰式小炒，裝修勁有泰國大排擋嘅感覺，好似即刻飛咗去泰國咁✈️ 每次食泰國嘢我都一定要叫豬頸肉🙈 呢度嘅燒豬頸肉 ($108) 係廚師推介菜式之一，肉質都幾爽口彈牙，比平時出面食嘅豬頸肉更厚身，重要係有好多件🐖泰式乾炒河粉 ($88) 炒得乾身得嚟仲好有鑊氣，配料有雞肉，椰菜，同蛋絲，幾鍾意呢度嘅河粉好闊好大條，食落都幾口感👅串燒雞軟骨 ($78) 一碟有6串，不過雞軟骨就硬左少少有啲難咬～建議同我一樣唔食得辣嘅朋友仔可以唔駛點醬食因為醬汁都辣，就咁食都好夠味👍🏻 除咗食物種類好多之外仲有好多泰式特飲，我同朋友都叫咗龍眼冰 ($42)，不過都幾甜下，要等啲冰溶咗先好啲🙈整體嚟講呢度食物份量大份得嚟都幾高質，店員都幾友善！埋咗單臨走之前餐廳仲送咗每人一條雪條比我哋🍧

想搵泰國嘢食，行過見到間野咁岩食泰國嘢，裝修又幾得諗就入左去食價錢唔貴，樣樣都係幾十蚊但好大份，而且都幾好食服務態度都好好，職員們幾有禮貌又識做餐廳裝修風格好cute，有啲懷舊style大家可以去試吓，唔會中伏會再返去食

之前去開寶勒巷呢邊想去食嘉寶 點知勁多人要打退堂鼓🥱行前少少見到呢間新開裝修好有泰國風味嘅餐廳幾得意咁 於是就去一試一入到去勁有泰國街邊大排檔feel仿鐵皮嘅牆身 癡滿晒海報五顏六色嘅凳 設計好有心思而且環境寬闊餐牌上各式各樣嘅泰菜 小食 飲品都有而且又唔算太貴 仲係泰國廚師主理炒金邊粉我認為要試吓一間餐廳水準高O唔OK 都會佢嘅金邊粉就知！份量唔算少金邊粉炒得條條分明唔會黐埋一舊食落唔會覺得油膩有啲蝦同豆腐乾做配料算係豐富不過味道較淡甜酸味道唔出同埋唔夠鑊氣如果濃味啲會更好旁邊有啲花生同青檸加埋一齊食口感會豐富啲燒豬頸肉燒豬頸肉就幾有驚喜豬頸肉外層燒得啱啱好微脆又帶少少炭燒嘅香味爽口而唔會太乾厚厚一塊 唔會太肥膩配搭嘅醬汁酸酸辣辣 幾正🤤木瓜沙律泰國菜比較油同熱氣最啱就配木瓜沙律青木瓜夠爽口 一絲絲最特別係撈埋盅碎左嘅花生同蒜頭保證啖啖都食到花生同蒜頭香酸酸甜甜咁 真係好開胃整體來講食物質素都唔錯但係都有進步空間呢度嘅環境好靚而且算坐得幾舒服可能剛開業冇耐當日嚟到唔算太多客人但係店員亦都好用心咁介紹佢哋嘅菜式而且服務亦都好好👍🏿值得一讚！