稚

營業中

休息中

一進店，店內裝潢從牆壁到擺設皆以日漫為主，從龍珠、死神到海賊王，全是伴你成長的熱門作品，童心未泯的我很大感受🤭。而店家就像媽媽，永遠在家準備一手好家常菜等你回家，這是家的味道。香煎和牛漢堡扒 (照燒汁) $94 (爆推🌟🌟🌟🌟🌟) 手工漢煲扒，非常大塊。採用和牛製作，肉味既香且濃，表面微焦具有點點脂香。一啖咬落去，肉汁傾瀉而岀😍😍😍，肥瘦比例恰到好處，口感豐富❤️。淋上照燒汁，甜咸交替，口中盡是滿足😋😋。西京燒比目魚 $94 (爆推🌟🌟🌟🌟🌟) 朋友話非常好吃😋表皮剪得香脆脆但肉非常軟腍，不會太乾。而且調味剛剛好，不會太淡。最重要是同時保留魚獨有的鮮味😍，我見朋友食到舔舔脷🤭。每份主食加$30 升級定食 (爆推🌟🌟🌟🌟🌟) 升級定食有前菜，漬物，煎茶，味噌湯，珍珠飯。🤩每一道也非常高質，盡見店家誠意，推薦大家一定要升級。味噌湯：自家制，原來十分足料，小小湯內有大量蜆及不同菇類，超級鮮味。前菜：關冬煮，巨型獅子狗，大根，最重要有不常見的年糕福袋❤️❤️❤️。腐皮吸收晒鰹魚清湯的湯汁，配上入面煙煙韌韌的年糕，是簡單的溫暖滋味。貓飯(加$10） (爆推🌟🌟🌟🌟🌟) 貓飯這個名字很特別，記得在日劇深夜

元朗唔係好熟路朋友帶左我黎呢間日式小店 雖然細細間但又幾好喎呢動裝修用左動漫做主題 牆上有好大幅由唔同動浸角色組成既畫 超型 仲播住日本動漫既歌曲動漫迷一定好中意呢個環境!!🤩食物方面 我地兩個人都叫左幾多野食 份份都好大份講左主食先🐟招牌蒲燒鰻魚 跟定食 (前菜、漬物、煎茶、味噌湯、珍珠米)前菜同漬物分別係帶子裙邊、山藥、黃瓜值得讚既係帶子裙邊 好甜美個味噌湯好有誠意 裡面有幾隻蜆架😋鰻魚都幾大條 燒得岩岩好 個皮唔會燶左 連埋食先正架嘛🍳厚燒玉子真係好厚😂 同埋個蛋好甜 蛋味都叫香 加埋面頭煎到小燶 唔錯🐡味淋魚干魚干都幾大塊啊 又係燒得岩岩好唔會太乾太硬 口感幾好 點埋個沙律醬真係食唔停口架😋🐗熊本和牛串細細間餐廳都有和牛食 仲要幾平 有兩串喎仲要咁多粒喎食落口感好軟 脂肪均勻 唧D檸檬汁落去就唔會膩🦪酥炸生蠔又係抵食之選 4粒都大大粒每粒蠔炸完都仲好juicy差D想食曬咁多粒🤣總括黎講食物真係性價比好高 雖然平平地 但質素比得上出面中價既餐廳有機會黎元朗會再試下其他唔同食物😋

元朗日式料理飯堂，店舖小小最啱兩個人撐枱腳💛(4個人都得😂但單數就難就啲)蒲 燒 饅 魚 定 食($78)大大條饅魚燒得又香又Juicy，用黎餸飯一流。而飯底亦用上日本米，平時唔太好飯嘅我都清哂🙊汁 煮 豬 軟 骨 定 食($68)豬軟骨炆得又淋又入味，但唔會過於油膩。定食set配埋麵豉湯同前菜，Lunch呢個價錢，性價比極高！大 蔥 雞 肉 串($22)本身我都麻麻地大蔥，但食落原來同雞肉都好夾，仲可以令串燒無咁dry，我幾中意😆熊 本 和 牛 串($24)和牛雖然未去到入口即溶，但肉味香濃唔會過肥，正常發揮👍🏻

朗屏西鐵站下面行遠啲，有間專食日式食品嘅食店，成日都聽到佢個名，覺得好特別，今次終於第一次食到，覺得好高質！都幾多食物嘅選擇，樣樣都好吸引，忍唔住叫多咗😂招牌蒲燒鰻魚定食(原條)✨✨見佢個鰻魚係推介，咁就配埋個定食。定食有埋啲小菜、飯同湯！飯上面有啲飯素，撈埋一齊食，幾好食！而且珍珠米好飽肚！味增湯好飲，入面有唔少蘿蔔，增加咗湯嘅甜味，而且入面有幾粒蛤，都增加咗唔少鮮味，好飲！漬物同前茶都好食，當開胃菜唔錯。一送上嚟真係嚇親，鰻魚真係好大條，仲要極厚肉！食落嘅魚骨唔算多，肉質都係有彈性同嫩嘅；配埋醬汁味道極好！高質！！七味唐揚炸雞✨✨小食叫咗個炸雞，炸雞每嚿都算大件，外脆，而且粉漿唔厚；雞肉好滑，而且唔會乾。食得出雞醃嘅時都應該有用啲薑之類，所以食落味道都好好。熊本和牛串✨✨串燒真係要大推熊本和牛串！肉質好軟，多汁，而且燒到出曬油，一放入口啲牛味同油脂味喺個口入而噴發，真係好好食！最後上埋個燒雞泡魚，都好好食，有啲焦香！呢個份量，呢個質素，真係少數cp值高嘅日式小店！絕對有下次下下次同下下下次。

難得入元朗去南生圍踩單車，點會放過呢個覓食嘅好機會～今次就嚟到呢間日式小店，牆身有好多日本漫畫，仲有我至愛嘅slam dunk，充滿兒時嘅回憶！有選擇困難症嘅我地都覺得小食好吸引，所以決定share一個主食，咁就可以叫多幾款小食。日式咖喱吉列豬扒定食非常豐盛，前菜芝麻醬玉子豆腐同海蜇好refreshing，吉列豬扒好彈牙，香甜帶微辛嘅日式咖喱撈粒粒分明嘅珍珠米真係冇得輸！大愛厚燒玉子燒，外表厚實而內裏幼滑，滲出一絲絲甜味，好正！雖然其他小食同主食都配有兩片薄薄嘅玉子，但厚燒玉子燒嘅細膩同幼滑口感係獨有嘅，係另一種層次！另一推介嘅檸檬柚子雞翼都好出色，雞翼烤到外皮好脆，檸檬柚子好清新而柚子蜜味好出，食到舔舔脷～熊本和牛串就一般般，過下口癮都可以。小店佈置用心，食物好高質，而且價錢又親民，係非常唔錯嘅選擇！Menu-

我朋友話想喺元朗國揾間日式餐廳，但又要感覺好似置身於日本咁！What❓佢想日本想到傻咗🤣呢個難題又點會考得起我呀！一於帶佢去具有居酒屋風格嘅餐廳👉🏻<稚>🥘鐵板金菇肥牛卷包得好實淨嘅金菇肥牛卷，金菇份量都算多，單單望落去都覺得個size夠粗線條🤣食落味道啱啱好，又唔會太甜或太鹹，唔錯！🐟海塩燒鯖魚前菜有芝麻醬玉子豆腐加惹味海蜇，呢兩款前菜令人好開胃👍🏻鯖魚食落無乜腥味，點解咁講？因為我個朋友係超唔鍾意食魚有好大陣腥味，佢話呢碟鯖魚乜腥味之餘，仲越食越滋味，又夠肥美，好正呀🤤我最欣賞碟魚嘅配菜，入面有兩片玉子燒，味道同我喺東京食到嘅味係一樣咁好食😋珍珠米嘅黏度同我喺日本食到嘅口感係一模一樣，水份夠，而且粒粒飽滿🤩抵讚👍🏻🟡燒物🐮熊本和牛串一啖一口size，入口牛香味濃！但又唔會有和牛嘅油膩感，好好食！我十分推介😍🥓車厘茄腩片串車厘茄咬入口夠多汁，又唔會酸！腩片肥瘦均勻，加埋車厘茄，味道都好夾！只可惜腩片有啲羶味，唔夠完美😌

元朗真係好多嘢食，當中好多小店都好值🉐️去試吓，就好似《稚》日本料理，雖然店舖細細，但從食物嘅質素就可以睇得出係用心製作😌汁煮豬軟骨定食肉同軟骨都煮得好林又夠入味，夾雜少許脂肪，口感更軟滑。而且醬汁唔會過鹹，調味啱啱好，用嚟送飯真係一流😋海鹽燒鯖魚定食加錢轉配貓飯就更加惹味😋🤤連魚骨嘅鯖魚味道甘香，肉質結實。加入紫菜、木魚花、日本醬油同牛油嘅貓飯更香口感成豐富，空口都可以食曬成碗😆厚燒玉子蛋味香濃質感鬆軟，外面微微燒焦後🈶️好似焦糖嘅味道👍🏼熊本和牛串非常抵食‼️牛肉肉質嫩滑軟腍，燒過更能帶出油脂香味‼️日本青椒豚肉串半肥瘦嘅五花腩包裹住青椒一齊燒🔥逼出油脂，所以唔會膩，反而微辣又香脆。