Fish & Chick (新海旁街)

營業中

休息中

假日去海邊chill下，同朋友睇住日落食dinner，發掘到一間隱世炸魚店😋當踏入Fish and Chick，迎面而來的是溫暖而熱情的微笑，以及細心的講解，餐點的擺盤十分講究，簡約卻不失精緻，每一道料理都透露著廚師的用心。主菜炸魚外皮金黃酥脆，刀叉落下時，能感受到結實的口感，魚肉不僅鮮嫩，更帶著恰到好處的濕潤度。搭配薯蓉，更是絕妙的組合，綿密滑順的質地與炸魚形成完美對比，口感層次豐富。沙律前菜則以清爽為主，脆嫩的蔬菜與精心調配的醬汁提升整體風味，不僅讓人食指大動，也為接下來的主菜鋪陳了清新的開端。最後的海鹽檸檬梳打更是一道亮點，微微氣泡刺激味蕾，檸檬的清香與海鹽的點綴完美融合，讓整體餐飲體驗更為完整。

「Fish & Chick 」主打的炸魚薯條，提供每日從香港本地漁市場新鮮運來的鱸魚、盲曹、鯛魚、左口魚，無論揀咩魚都係即叫即炸。「Fish & Chick 」堅尼地城舖以海洋色為主題，店鋪係半開放，小店得幾張台！今次難得有位一於喺度lunch chill下。今日揀選咗鱸魚，食得出佢地炸漿薄脆，魚肉豐盈多汁！又厚又大件，真係成隻手掌咁大呀！肉質紮實又唔嚡口，炸皮香口鬆脆，無雪味，而最重要係一啲都唔腥。至於薯條夠晒長又夠粗，自己落少少鹽調味，薯味濃郁！

平日午飯時段來訪，十二點半獨自一人毋須等位。點了午餐，前菜煙三文魚沙律、主菜英式炸魚薯條、飲品熱檸檬茶（$88加一）。煙三文魚沙律實物份量比相片要大，少許蜜糖刁草醬汁淋面，煙三文魚有一點雪味，整體擺盤普通。幸好招牌菜真的出色。這種炸法是切切實實的英式，炸皮卻又比在英國當地吃的那些要得香脆。（尤記得在英國吃過很煙韌的炸皮，怕了）份量又是很足夠，女士未必能完成，男士都會夠飽。魚柳沒有加錢選本地新鮮的魚類，少少少許乾，但整體好吃不會過膩過鹹。隔鄰點菜時問侍應，點什麼魚最不腥，侍應說點sea bass（鱸魚）吧。大家可作參考炸魚薯條上菜時都是新鮮熱烘烘的，完全不油，薯條是外脆內軟的那種。餐茶點了檸檬茶，為藍色星期一的午餐劃上滿足的句點。最後，想善意一提：用餐時遇到一對老夫婦入座，他們點菜時也有問到不同問題，頗有禮貌的，可是侍應（說不定是合夥人）態度比較不耐煩，語氣亦頗倔，是可改善的地方。

西環既餐廳真係好多，不過應該好少係半露天同可以睇到海。英式風格既裝修加上天花既吊扇，令人感覺好休閒，所以其門若市，黎遲一步都無位我地兩個女仔叫左一份雞同一份Fish & Chips既Set Lunch，兩份都係$88，大件夾抵食，男士都唔會餓親。唔好睇輕小店，食物質素唔錯架，隻隻雞都係係bar榙既焗爐烤出黎，上到榙都有陣陣既香烤雞味，外面塊雞皮好脆口，D雞咬落好juicy，雞胸肉都好入味，唔鞋口架。另一份Fish & Chips更加係呢間餐廳既主打啦，四方形既魚炸到塊皮脆卜卜，加埋魚皮面小小既粗鹽，連埋入面既魚肉一齊食好好味。不過就無咩魚味，無左D雪味已經好好啦。伴碟既薯條係令人期待既粗薯牙，炸得鬆脆得黎唔油，點埋新鮮自家制既沙律醬或茄汁都好好食。另外前菜既煙三文魚沙律好開胃，煙三文魚好大塊一D都唔孤寒架。跟餐既檸檬紅茶都好有誠意，餐牌都寫係Homemade架，茶同檸檬淡口小小，飲得出係錫蘭紅茶同檸檬既香味。沉悶既返工生活，有呢個空間忙裡偷閒一下都令人醒神左。今次唔夠時間食埋甜品，值得再有下次既餐廳