Lorway Coffee & Bakery

營業中

休息中

新認識的朋友特意來到屯門，事前做足功課尋找想打卡的餐廳。那麼筆者就乖乖的做個帶路角色，說來慚愧，身為屯門牛卻也是第一次來這邊～這間「Lorway Coffee & Bakery」落地玻璃的設計，可以令大量日光照進室內，感覺寫意。擺盤美美的，煙三文魚被捲成一朵朵玫瑰花，然後加了沙律雜菜作襯托。切貝果時感受到相當的硬度，抱著中伏狀態，豈料入口又頗為chewy，甚為討喜。除了煙三文魚和沙律菜，還有忌廉芝士粒，餡料豐富。反而意粉就有少許遜色。墨汁味未見濃郁，較突出的是蒜香味，唯整體都是偏淡味道。附有墨魚圈和小墨魚作配餸，一款口感偏煙韌，而另一款就偏爽口。拉花圖案很漂亮，入口偏重奶味，抹茶味就不太明顯。而整餐有一個扣分位，就是食物和飲品上枱時都是呈微暖而已，很快就冷掉。

Lorway Coffee & Bakery係屯門新開嘅cafe~ 店內只有10幾個位，樓底幾高，好有空間感，裝修行自然風，所以環境整體都舒服嘅～我哋星期六朝早去，可能座位比較少同新開，10點都已經開始要排隊～ 佢哋嘅餐牌暫時只有5款食物、2-3款cake 同唔同嘅飲品，我哋食咗貝果同全日早餐，份量偏少，所以唔太抵食😬另外我哋仲留意到佢哋係一間寵物友善餐廳，因為我哋食嘅時候見到有客人帶咗隻哥基入嚟😍•🥢 煙三文魚忌廉芝士貝果 $68Bagel有明顯烘過嘅坑紋，但唔太熱，所以口感都唔係好鬆軟，係偏硬啲啲，但可以接受，中間夾咗煙三文魚、生菜同忌廉芝士，好正常嘅配搭，但冇咩驚喜～ •🥢 全日早餐 $88呢個全日早餐嘅份量同食物嘅種類真係有啲少，食完真係唔太滿足呀，以呢個價錢嚟講都偏貴😟幾特別嘅係佢哋嘅多士用咗2片薄嘅酸種麵包，稍為烘過，有少少酥脆感，牛油味幾香～牛油果有啲黑椒調味，個牛油果夠熟，所以好夠淋又唔會好草青～ 煙肉嘅煙燻味好香，好似好廢話，但係真心幾好食嘅煙肉😂 另外煙三文魚就只得1片，炒蛋同沙律就正常發揮～•🥢 凍朱古力 $48朱古力味好濃郁，係黑朱古力，飲落一啲都唔甜🤤•🥢 W