No Milkshake No Life (白田街)

營業中

休息中

依間美式快餐店主打奶昔，以「No Milkshake No Life」做slogan，裝潢stylish，食物真材實料，份量十足。情人節拍拖行完嘉頓山，再落嚟嘆嗰burger，滿滿嘅幸福，依個行程我好滿意呢 🤭-💛無敵美式班戟漢堡 $108班戟漢堡認真無敵，一次過滿足你想食甜嘢又想食正餐嘅願望😎。班戟厚實重牛油味，配料有兩隻流心煎蛋（超脆邊，勁香口，正🤩）、幾塊好惹味嘅煙肉（有加入少許乾辣椒）、以及鋪滿蒜蓉嘅大啡菇（好入味啊）。依個配搭甜鹹交疊，配上自家製楓糖，雖然邪惡，但認真好食😍。-💛士多啤梨奶昔 $63奶昔飲落第一啖我已經覺得：果然名不虛傳！士多啤梨奶昔質地濃厚，超挺身（唔小心將杯奶昔打斜攞，都冇倒瀉🤣），口感夠滑。香濃嘅奶味加上士多啤梨果香，一啲都唔會死甜，令人超幸福🥰。除咗士多啤梨味，佢哋仲有好多款口味，下次一定要再嚟飲過😍。-回頭推介度：5/5食物質素：5/5餐廳環境：5/5

🇺🇸 No Milkshake No Life 🍽️之前喺IG見到佢嘅無敵美式班戟漢堡覺得非常吸睛🤩但見要排隊有少少卻步，所以趁平日得閒就去試下👍🏻星期五3點左右去到，唔洗排隊即刻入得🤩餐廳裝修非常美式，每個角落都可以做打卡位📸🥞 無敵美式班戟漢堡💵 $108Pancakes夾住煙肉🥓、太陽蛋🍳同大啡菇，太陽蛋面頭仲加咗少少辣椒粉，食落鹹鹹甜甜又帶點辣，層次都幾豐富😋大陽蛋唔單止流心，邊邊仲要煎得非常脆🤤除咗本身淋咗少量嘅糖漿，另附一小兜糖漿可按個人喜好嚟加都幾好👍🏻🍔 煙肉芝士炒蛋漢堡配墨西哥粟米片💵 $85麵包非常軟熟，煙肉煎得啱啱好，炒蛋亦非常滑，配埋芝士同生菜，整體都唔錯。👍🏻漢堡比較大，食到最尾啲醬同餡料跌曬出嚟，成手都係，比較捩𠾍🥴至於nachos方面，雖然脆口，但口感都係爭啲，味道亦較淡。如果可以配薯條會更好🍟🥤石板街奶昔💵 $79黎到點可以唔試milkshake，一上枱見到超多cream就口水都流埋🤤除咗超多cream，面頭仲有粒粒棉花糖、朱古力醬同oreo。一入口都唔算好甜，仲飲到棉花糖粒同杏仁片，幾有咬口，但飲到最尾有少少偏甜🍬咁大杯兩個人share啱啱好，唔會太漏😉