Potluck Eatery

《Potluck Eatery (尖沙咀)》西餐控今日又出動一波食牛扒同羊扒，叫左兩個set meal食到好飽好滿足😊🐑烤焗香草保雲蘇紐西蘭西冷羊扒羊架羊扒平日就食得多，指定食羊西冷就真係好少有！擔粗粗叫左個五成熟嘅羊扒，以為會好多血水，點知比我預期中出色粉嫩嘅肉切開流出嚟嘅係濃濃嘅肉汁😋經廚師介紹知道原來羊扒面頭嘅麵包槺係連埋件羊一齊入焗爐烤，所以脆脆嘅麵包槺緊緊咁痴實羊扒有雙重口感👍🏻🐮炭燒美國安格斯肉眼炭燒肉眼同羊扒唔同，係厚厚一塊肉感滿滿😋牛扒五成熟燒得剛剛好，我自己就喜歡佢牛扒邊有少少筋而且無乜油脂令到成件事無哂罪惡感🍨綠茶雪糕🍰藍梅芝士蛋糕Set dinner嘅兩款甜品真係小孩才選擇，雪糕同蛋糕嘅味道都夠哂濃郁，幫餐飯劃上左完美句號😀如果你都想試下呢間環境靚食物出色嘅餐廳，記得bookmark定呢間餐廳，約埋三五知己一齊嚟試下👨‍👨‍👧‍👦 地址: 尖沙咀柯士甸道136-138號金門商業大廈地舖#potluckeatery #tst #steak #lamb #icecream #cheesecake #wine #alcohol #drinksanddine #hkfoo

先前來Potluck Eatery食過下午茶，印象好味又超值，今晚再次和朋友相約食晚餐晚市Set Dinner比起單點主菜，只需加40元，就可以多享有包麵包、湯品、甜品與飲品🥂花椰菜濃湯濃稠的湯汁味道十分濃郁，麵包酥脆可口🥂烤焗香草保雲蘇紐西蘭西冷羊扒西冷羊扒不帶骨，外觀看上去十分厚實。Medium的熟度切開沒有血水，嚐起來嫩度適中，口感帶點咬勁具彈性，調味保留羊扒的鮮度，配上mustard或是mint sauce都很合適。🥂芝士菠菜龍蝦蟹肉意粉卷這道意粉用的是整塊面皮，將所有的配料都包裹在裡面。呈現的方式確實讓人眼睛為之一亮，餡料很豐富，蟹肉滿滿，龍蝦肉切成塊狀十分彈牙，味道新鮮且清爽。🥂抹茶雪糕🥂藍莓芝士蛋糕甜品有抹茶雪糕與藍莓芝士蛋糕選擇。芝士蛋糕細緻且芝士味道濃郁，抹茶雪糕份量十足甜度不過甜整體而言，餐廳環境舒適，餐點有一定水準，適合做為與三五好友聚會的好地方。

一入到嚟就見到好大幅既打卡牆，餐廳樓底高，空間感十足，裝修走悠閑木系風，室外位置可以帶埋寵物一齊坐。店員服務有禮，環境簡約舒適，啱哂收工約埋朋友一齊食晚飯🥰Dinner set包咗蒜蓉包🍞、餐湯🥣、主菜🥩、甜品🍨同飲品🍹。芝士菠菜龍蝦蟹肉意粉卷 $298用咗好多千層面既面皮包住龍蝦肉🦞同菠菜蟹肉🦀，面皮厚薄度適中，口感煙煙韌韌，龍蝦肉同菠菜蟹肉鮮甜😋，菠菜同蟹肉混埋一齊，令蟹肉既甜味更突出✨。蕃茄醬酸酸地🍅同面皮好夾，伴碟有兩隻炸蟹鉗🦀，炸粉超薄身，好似天婦羅做法咁。烤焗香草保雲蘇紐西蘭西冷羊扒 $328紐西蘭西冷羊扒叫咗五成熟🐑，羊扒口感柔軟鬆化，容易入口。羊扒上面搽咗香草蜜糖芥末🌿，加埋燒汁醬汁一齊食，好惹味啊！😍 仲有個香草薄荷醬可以沾，食落會清新啲🍃。Cheesecake 芝士入口軟滑🧀，輕盈唔太膩。芒果雪糕大大球雪糕，份量夠多🍨。凍檸茶x2📍 Potluck Eatery (尖沙咀)尖沙咀柯士甸道136-138號金門商業大廈地舖

作為一個東鐵線人,成日都會由尖咀行去紅磡坐車,而途中就會見到呢間店~因為新開又水泥工業風,完全打中我嘅心!今次趁有朋自遠方來,就嚟呢間試下~呢個晚餐包埋湯,包,甜品同嘢飲~個湯係忌廉磨菇湯,裏面有打蓉咗嘅磨菇,足料又香,配埋蒜香十足嘅蒜蓉包~主菜揀咗紐西蘭西冷羊扒,難得朋友都食羊,有人肯陪我食羊扒😍😍唔太敢食生,所以叫咗7成熟,入面都仲有少少紅紅地,又軟又多汁~佢配嘅汁唔會搶過羊肉香,仲有芥末同薄荷醬可以點~另一個揀咗呢個芝士菠菜龍蝦蟹肉意粉卷,要等大嫩20分鐘~呢個菜真係好靚,面頭有大蟹鉗!佢個皮應該係啲千層面哥啲大塊皮~入面捲住好多蟹肉,加埋蕃茄醬唔會覺得膩~餐後甜品係cheesecake,味道都唔錯~仲有跟埋餐茶,佢哋仲有其他飲品,例如mocktail, cocktail咁,加少少錢就可以試到啦~

星期日同老公去食西餐，餐廳環境好舒適。Set dinner包餐湯、餐包、主菜、甜品、餐飲。餐湯係西蘭花忌廉湯，真材實料，每啖都飲到西蘭花蓉，好健康。餐包係蒜蓉包，焗得非常之脆。芝士菠菜龍蝦蟹肉意粉卷意粉卷上有炸龍蝦肉，整到好似天婦羅甘，好香脆。意粉卷包住既餡料夠飽滿，真心好食。烤焗香草保雲蘇紐西蘭西冷羊扒羊扒叫左七成熟，完全無羶味，肉質軟腍，佢有個酸酸地啫喱狀既醬同羊扒好夾。芝士蛋糕芝士味濃，蛋糕質地好軟滑，好易切，好好味。餐飲叫左英式奶茶同洋甘菊茶，滿足既一餐。

香煎法式鵝肝多士($118)，鵝肝飽滿肥美，未食已經聞到油脂香味，入口完全在口腔溶化，生果和法包此時能發揮作用，有助解除油膩既感覺。烤焗香草保雲蘇紐西蘭西冷羊扒($288)，揀左7成熟，食落都唔會太韌，羊扒既羶味夠濃，頂層放左應該係炸蒜增強口感，兩個醬係簿荷和黃芥末，個人覺得黃芥末比較好食，微酸得黎帶點芥辣，小薯仔都煮得唔錯，有咬口，可以連皮食。芝士菠菜龍蝦蟹肉意粉卷 Set($298)，淨主菜係$258，加$40有餐湯和包和甜品和飲品，我覺得幾抵，蒜蓉法包焗得好脆，意粉卷個皮較結實，食落有咬口一d，而且餡料仲有蟹肉棒，啖啖肉既滋味，蟹鉗經過炸去處理好酥脆，最後甜品係藍莓芝士餅，唔會太甜或太漏，好濃郁既芝士味。