田記魚蛋牛腩專門店 (塘尾道) (裝修中)

今天到附近辨點事,心思思想食腩,二話不說自然入座.已過了午飯時段,又沒有做任何特價餐,店內都有6、7成滿,不無道理.小時候不喜介蘭,因覺有少許苦味,但人漸大了,漸覺苦味全消,只有甜味.炸魚皮浸上湯,絕配.牛腩配蘿蔔,牛腩炆得來軟淋,蘿蔔無渣吸盡腩汁,清碟.又到自制撈河的時候,請店主攞隻吉碗,腩汁撈河粉.走時已三點幾接近四點,食客仍進進出出,不無道理.

當提到塘尾道,很少會記起這一段.但吃過了這裏的牛坑腩,我相信大家唔記得街名,都會記得這裏的牛坑腩,牛味夠濃,那份咬下去的口感和那份油香,會令人心感滿足,麵吸了腩汁~掂,在腕底的生菜份量不少,再沾上碗內的蠔油,自制成蠔油生菜,可能年紀漸長,對吃蔬菜需求漸多,再來個腐乳通菜.有上湯怎小得炸魚皮,這裏的魚皮比較厚身,浸耐少少,會令你有意外驚喜.小成員喜歡肉肉,又不喜肥膏,普通牛腩最適合,牛味夠濃,她差不多喝晒成碗湯.魚蛋及魚角夠彈牙,魚皮餃咬下油香滿滿,再沾辣椒油,在口中混合~~如果不是食了之前的食物,應該會再添~再添~~

太子站好食牛腩魚蛋粉😃啲嘢好大份！好抵食！舒服環境，兩點入到去唔使排隊，冷氣大，感覺比一般嘅魚蛋粉店乾淨舒服👍🏿試咗招牌菜：崩沙腩河😍🤤-油脂分佈完美，牛味重，份量足，$50真係好抵食。舊蘿蔔仲要好淋，好入味。淨雲吞- 好似有成8粒，仲要粒粒好多蝦好飽滿😊😍，下面仲有唔少生菜👍🏿又係抵食到爆！炸魚皮-新鮮炸出嚟好香脆，好好食！見到好多人都外賣買走，其實拎返屋企食都唔錯😊叫到成枱野都係$120，性價比真係好高絕對推薦

雖然聽唔小人講田記既魚蛋比牛腩好食，但個人黎講真係對魚蛋無咩太大既興趣，反而作為一個同牛有仇既人，梗係要食返牛先得，而田記既崩沙腩只係43蚊，係43蚊呀，我出去食個碟頭飯都無咁平啦，最緊要佢除左平之外，仲要好有質素，真係無食錯呀！除左叫左牛腩之外，雲吞都好好食，大粒，爽口彈牙！專登叫左一碗淨雲吞食！牛腩河粉| $33崩沙腩河粉|$43淨雲吞|$28炸魚皮就香脆可口！炸魚皮|$18比較可惜今日去到，啲菜已經賣哂無得食！餐廳評分，價值便宜，街坊之選。味道⭐⭐⭐⭐環境⭐⭐⭐⭐服務⭐⭐⭐⭐衛生⭐⭐⭐⭐抵食⭐⭐⭐⭐

朋友問我太子附近邊間崩砂腩好食…搵完諗住帶佢去食 等我哋去試食先😂零負皮嘅牛腩魚蛋專門店 應該唔會伏得去邊我哋叫咗牛腩魚蛋河$39 同牛腩河$33凍飲+$6 炸魚皮散叫$18魚皮係有骨魚皮，通常有骨魚皮都會特別濃味嘅，同埋佢呢度嘅魚皮浸湯係唔會聽到「沙喇沙喇」嘅魚皮收縮聲，一般脆得嚟係偏硬嘅，浸左湯都唔稔果種！但係好食！平時想食有骨魚皮都係去九龍城買/去上水食…第一次食先叫牛腩同魚蛋兩個招牌因為我冇特別喜好食崩砂腩 佢雖然貴啲$44但有蘿蔔跟，我哋叫咗魚皮驚食唔哂就另一碗要牛腩算喇！牛腩炆得好稔而且好厚身 魚蛋因為雙拼得2粒一人試咗一粒 一啲腥味都冇嘅 平時好多人買返去打邊爐 係真材實料 不過我自己平時比較鍾意食棉花糖魚蛋 呢間未至於好軟綿綿 但彈牙我又食慣林昌記白魚蛋🤣喂 下次我要再叫一碗魚蛋粉試真啲先🤣第二次同第三次去：就係要試哂先心息！今次試崩砂腩、蘿蔔、魚蛋 、魚片、片頭😆崩砂腩比牛腩炆得再稔啲 明明見網上面啲人叫崩砂腩河係有好多蘿蔔跟 但我就得兩嚿😢於是加購一碗蘿蔔清甜但有渣🙁$8 湯底依然係比較清 本人重口味只好叫佢另上一碗腩汁 魚肉真材實料軟綿彈牙 魚片頭係鍾意外皮炸左香

黎到太子呢間價錢實惠，材料充足，出名手打魚蛋同牛腩既港式粉麵店，相信好多香港人都一樣，時不時都想食番碗牛腩麵/魚蛋河👍🏻搵番一啲屬於香港既美食。不得不提，呢間既辣椒油真係超香👍🏻🌶———————————————招牌魚蛋河粉$28手打魚蛋口感果然不同，因為採用全魚肉手打，所以比起一般魚蛋更有魚味，更易入口，一咬就到底，軟軟彈彈的口感，四粒真係食唔夠啊！牛三寶河粉$43吃得出牛肉很入味，這味道不煮個5-6小時，是很難有這濃郁牛味。牛腩、金錢肚、牛筋這牛三寶中，我最愛的是牛筋，煮得非常軟糯，而且是大大的一條，入口即化，說實話真的想要再來一入牛筋，真的太好吃了😋炸魚皮$18吃得出不是一般街邊買的炸魚皮，因為魚味太濃了，而且比一般的炸魚皮厚，雖然吃起來比較硬，但浸湯食就岩岩好。————————————————環境：👅👅👅👅食物：👅👅👅👅性價：👅👅👅👅服務：👅👅👅👅

食牛腩好多時候都第一時間諗到去天后，但最近發現咗一間喺太子嘅牛腩魚蛋粉，價錢出奇地抵，味道亦都有返咁上下質素！💚 崩沙腩麵 $43（伊麵再+$6）超高質嘅崩沙腩，數一數有成8舊咁多，每一舊肥瘦好均勻，而且個腩邊位油香好重，仲一啲都唔痴牙添！通常食牛腩我都會揀河粉，但見佢有伊麵就梗係要試下啦！伊麵都幾爽彈嘅，不過不失。💚 雲吞魚片頭麵 $34雲吞味道正常，係啲蝦有少少細隻。但魚片頭就好正，好似魚腐嘅感覺，亦有魚味，唔似得出面有啲會好強油益味。呢度嘅魚蛋好似係香港自家工場製，唔怪得水準都好好。💚 炸魚皮 $18呢度食到嘅魚皮有啲似出面果種貴價黃門鱔魚皮（唔記得向店員求證），因為佢係連骨同埋超級厚身嘅，唔建議就咁乾啃因為真係會有啲硬，但係浸湯食就perfect，超有味亦都唔油其他生菜同嘢飲就正正常常無咩特別，都係加$6-8左右。整體嚟講幾欣賞佢哋無咩味精，湯底食材都偏淡味，同出面魚蛋粉果種死鹹有好大分別。味道: 🌕🌕🌕🌕🌑服務: 🌕🌕🌕🌕🌑價錢: 🌕🌕🌕🌕🌕環境: 🌕🌕🌕🌗🌑－－－－－－－－－－－－📍 田記魚蛋牛腩專門店太子塘尾道201號華安樓地舖－－－－－－－－－－－－#tiufufood

之前喺油麻地試過田記，覺得性價比好高又好食，今日喺太子都順道再嚟食多次。呢間粉面店嘅價錢都幾相宜，鮮蝦雲吞麵都只係$28，不過最吸引到我嘅都係上次試過好難忘嘅崩沙腩。崩沙腩牛丸湯河 ($49)崩沙腩份量都幾多，牛丸就有兩粒，仲有蘿蔔。雖然蘿蔔係配角，但係蘿蔔都非常之林同入味。重點係崩沙腩超級鬆化，食落完全唔會有渣，加上好重牛味！牛丸都好高質素，咬落係有少少汁。崩沙腩牛肚湯河 ($63)崩沙腩湯河係$43，雙拼牛肚就要加$20。一上枱，可以見到崩沙腩同牛肚嘅份量都幾多，尤其是牛肚非常之入味同非常之林。腐乳通菜 (+$8)呢個價錢真係好抵食，自己一個嚟食嘅話加碟菜都唔錯。炸魚皮 ($18)呢度嘅魚皮係比較硬身啲，啱晒鍾意食脆卜卜魚皮嘅人，我自己就鍾意擺落去牛腩湯度浸一兩下再食，覺得更加滋味。黑芝麻豆漿 (+$6)加$6有一支，價錢相當之合理。總括黎講，我覺得呢間舖頭嘅粉面都幾高水準，份量又多，價錢都相當之抵，性價比好高。

夜晚行過依間野招牌勁搶眼😂就入咗去食啦！首先，抗疫期間，我好注重環境衛生，果日我去，依間都算唔錯，枱枱櫈櫈都算乾淨。是日菜單如下：崩沙牛腩河：個崩沙腩好夠牛肉味，又軟又煙靭，口感不錯呢，重點弓！佢一d都唔黐牙！！！👍🏻👍🏻因為我箍緊牙，好怕牛腩黐牙 牛三寶河粉：有牛腩、牛肚同牛筋，牛筋好林，好入味😍 牛肚都唔差 炸魚皮：我當日個魚皮好脆同新鮮，無咩油膩味👍🏻配左個魚湯 仲好好飲🤣 依個有d估佢唔到當然...一定要有油菜一碟，補充下啲纖維啦😁全日抗疫優惠 😂😂 油菜有半價🤩唔係唔叫呀嘛？！重點疫情下，平平地簡簡單單又一餐已經好幸福嫁啦🥰

✔ #金牌牛腩雲吞河 #金牌牛腩魚皮餃河 // $32+6 牛腩份量超多！肥瘦適中 入口軟腍 牛味超濃郁雲吞很大顆 餡料是蝦肉混合豬肉 彈牙多汁同樣推介魚皮餃 皮薄煙韌彈牙 餡料飽滿鮮味配上蘿蔔很爽甜 還有滑溜厚身的河粉 超水準而且湯底沒有味精 清淡而不算油膩期待再試試撈麵 配上特濃腩汁 應該很好吃~.✔ #炸魚皮 // $15炸得超香脆 厚身 而且分量超多.店內非常整潔 而且光線充足- ‎- - - - - - - - - ‎- - - - - - - -follow IG @ fisweet for more like this.