新九記粥麵

營業中

休息中

灣仔一帶雖然很多餐廳，但有時候還是想食道地香港美食，這次我選擇這間正宗粵式粥麵專家，點了招牌菜淨豬手和牛筋腩，肉質好淋好入味，那個汁和肉的口感都做得好好，真是原汁原味！朋友試了炸醬麵讚不絕口，炸醬不會太甜，麵質彈牙，湯底濃醇，值得一試！店內主打不同配料的粥，粥底味道一流，配料都用足材料，豬潤好厚，也可以試下放雞肉，所有材料都好新鮮，好好味，同朋友食午飯或一家人打粥底火鍋食晚飯都好適合，值得再來，Yummy!

一條車多過行人的橫街,一間門面毫不起眼的小店,每天都人流暢旺,總有一定的原因吧!跟食友晚上要出席另一活動,就先來一個飯局,填飽肚子.店內檯椅看似不多,再深入一點,原來另有天地,近店內較後位置,大概是樓梯底的地方,開闢了兩間房間,更有冷氣設備,檯上放置有電磁爐,方便粥底火鍋之用.要等齊食友,還有好一段時間,聽聞店子的炸醬麵做得不錯,可以試試.港式炸醬麵是以辣豆瓣醬及蕃茄醬作主要醬料，配合廣式生麵及肉絲拌吃,跟滬式是兩碼子的事,說真的,醬汁調教得不錯,微酸的醬汁,令人增加胃口,只可惜幼麵底的鹼水味太重,將整碗麵的質素都拉下去.粥底其非單純的白粥水,而是有味粥,再加上大量雞,豬及魚肉,想不鮮甜都幾難.先將已泡軟的蠔豉放入煲,令粥底散發陣陣幽香,蠔豉軟綿的質感,濃郁的蠔味,確實非常吸引,難怪是叫了再叫.黃油雞油份不多,就算泡浸至全熟,鍋面的油份依然不多,大概兩斤多的雞肉,都比較嫩滑,但食落雞味真的欠奉.有食友言豬膶最難拿捏時間,太快會生肉,太耐會變韌,而事實上,只須等豬膶浮面,看見有血水滲出,再反轉焯多一陣,挾起時柔韌有彈性就可以了,沒難度,但要細心,不過店方用料的確新鮮,雖然並非黃沙膶,但豐

生病的日子，醫生都係建議食方包、粥同通心粉。過左兩日之後，都總要搵d清淡得黎又有味既野黎食，今次搵左呢到，由食粥開始，到試埋d麵，都幾唔錯，其實呢兩三個禮拜，大大話話都幫襯左好幾次，又分享下。皮蛋瘦肉粥 x N次 。食過n次，係第一次黎就食既一款，阿哥哥都好老實話本身粥底實有「味」，不過都要食架，粥底本身夠棉，米香明顯，「味」係有不過唔算係好好好好強勁，至少食完唔算係太好渴，都岩正在康復既我。皮蛋係一大隻，唔係得幾舊。瘦肉係好東西，一絲絲的帶點鹹味，呢排食得粥多，好多地方既瘦肉真係無咩味，呢到明顯水準高幾班。肉丸粥。其實係聽見阿姐介紹人食肉丸，就跟風要碗，肉丸好彈牙，不過就未算鮮甜，記得係澳門食過一次好鮮甜既肉丸粥係好唔錯，不過唔記得名，呢到就普普通通。粥底就依舊都係好食。$22蚊，正路價。豬潤滑雞粥。其實真係差唔多叫做正常返先叫黎食，豬潤夠粉嫩，熟透度剛好，雞未食，已經見有少少油係粥面浮浮下，食落雞就唔係太鮮甜，不過就帶點酒味。記得上次去沙田食粥食到一肚氣，這裡的我收貨。不過要$38蚊，都唔平。魚片麵。其實係食魚片粥先，總覺得魚片配粥夾檔d。不過見有個人黎親叫都唔洗叫，d伙記就會落魚

咁多篇食評居然無一篇講過粥，連腸粉都介紹左，點可以無粥既呢。講起粥，好多人病左個時才會想起食粥呢回事，可是平常都很少會食，其實香港賣粥既地方真係好多，特別係專賣魚粥既舖頭仲多。而粥亦分開好多類，例如潮州粥和生滾粥，而我對於生滾粥更加情有獨鍾，因為可以有好多新鮮材料一起煮，及第呀，艇仔呀，魚卜呀等等，煮完出黎，熱辣辣，係冬天食真係既保暖，又實際。灣仔有一間以食粥聞名的粥舖，佢就係新九記粥麵，每逢放飯時間，門口總有一批人等著，目的就是一嚐這裡滋味無窮的粥，粥底好鮮味，而且好綿，可以選擇的配料何其多，由各部份既魚，以至新鮮既豬雜都有，當然普普通通既皮蛋咸瘦肉粥都有啦，價錢大約30蚊以上一碗，不過保證嚐過後，會覺得超值。今天當然不例外，叫了一碗蠔豉皮蛋粥，碗內既蠔豉足足有一隻匙羹咁大，而且唔止一隻，係有四隻咁多，本來以為咁多隻，一定係d好渣既蠔豉，點知食落，味道超級濃郁。魚片粥當然都係非常之鮮味，魚片剛剛好熟度，唔腥，又多蔥同薑。終於等到講最好味既野啦，就係粥灼豬雜，可以揀位置的，食左兩次，一次剩食豬潤，一次係食粉腸拼豬潤，兩次都有叫潤係因為非常之新鮮同好食，剛剛好熟度，爽口，而粉腸更加正，食