南대門3號

金巴利道呢頭可以話係韓國餐廳嘅聚集地，差唔多間間都食過🇰🇷呢間犀利，有1號2號3號，2號專做BBQMenu選擇豐富，飯、麵、石鍋類、小食煎餅都有前菜有泡菜、椰菜花、大豆芽菜▶️ 雜錦拌飯 ($85)比一般大碗，面頭超多蔬菜配料有紅蘿蔔絲、白蘿蔔絲、醃菠菜、大豆芽菜、紫菜碎🥕大部份調過味，唔會太清淡仲有少少韓式烤牛肉，唔多肥膏🐂撈飯食唔錯不過上面嘅煎蛋有啲失色，蛋黃過熟而且偏油米飯亦比較乾身🍚欠缺飯香同質感▶️ 炸醬麵 ($85)面頭超多炸醬🖤上枱聞到香豆豉味撈勻嗰下好爽，望住麵條慢慢被醬汁沾黑醬汁味道濃郁，少少甜甜地唔會過鹹麵條質感煙靭彈牙🍜如果加入青瓜絲或其他配料會更好▶️ 海鮮煎蔥餅 ($143)比預期中大好多，成個pizza咁大煎餅薄身，樣子有啲似潮州煎豪格上層香脆，底層有煙靭嘅薄餅粉漿👍🏻唔算非常油膩或太厚粉材料亦足，咬到好多章魚粒🐙當然唔少得香口嘅香蔥同韭菜醬汁好配襯，應該係甜豉油溝魚露，食落鹹鹹甜甜，一定要點！-主食水準ok，冇話特別好食不過海鮮煎蔥餅有驚喜😍值得一試 (本身夠3-4人分)環境一般，星期六晏晝嚟到都唔少客人，但係坐得唔迫，有足夠位置放袋服務都唔錯，上菜快價錢還可以，加一後平均$170/人，係煎餅貴少少 (如果多啲人share就抵)…查看更多

喺香港想食最正宗嘅韓國菜🇰🇷就一定要去尖沙咀金巴利道🤭，今次就同朋友去咗食～一坐低就有三碟韓式小菜🇰🇷：微辣帶酸味嘅泡菜、涼拌黃豆芽同涼拌茄子，幾開胃😋炸醬麵🍜（$85）充滿韓國風味嘅炸醬麵，麵質彈牙，炸醬分量適中，同搵麵拌勻好美味😍，仲有青瓜絲增加清爽感🤤海鮮煎蔥餅🐙🫑🌶️（$143）煎餅好巨型，煎得香脆，仲有好多蔥同海鮮配料👍🏻雜菜炒粉絲🐮（牛肉)（$90）炒粉絲入味彈牙，雜菜同牛肉係絕配，估唔到配料分量仲多過粉絲😂…查看更多

唔係人人都得閒去到旅行，但飯日日都要食。去唔到韓國旅行住，食住韓國嘢頂住癮天氣咁凍，嚟尖沙咀食韓國菜暖身就啱晒呢個氣溫，點可以唔食牛肋骨？仲要係炆嗰隻呢一煲真係及時雨，夠晒暖胃，有好幾大嚿牛肋骨，好多肉地，仲有好大嚿蘿蔔同大根，索晒汁，暖笠笠石鍋飯真係韓國版嘅煲仔飯，嗞嗞聲齋聽聲都有股暖流流勻全身食落口熱焫焫，加啲辣醬吊味，惹味又保溫炸醬麵係韓劇嘅路人甲，同時都係飲食界嘅中流砥柱，可以好普通但呢間就整得相當不凡，每條麵都沾滿醬汁，仲有菜蔬碎增加口感𠻹前菜樸實得嚟又幾開胃，泡菜少少辣幾刺激，芽菜爽口，大根絲保留原汁原味又不失美味…查看更多