ROJO

這間西班牙餐廳於天后木星街，鄰近炮台山站，主打新派Fusion西班牙菜，融入亞洲元素的Tapas及飲品。店內環境寬敞舒適，裝潢以型格的黑紅色為主調，氛圍悠閒浪漫，適合約會或多人聚會。ROJO Set For 2 - $535包括任選五款指定前菜、一款主食及一款甜品西班牙薯仔軟臘肉腸蛋餅大大塊厚度十足的蛋餅，煎炸到略帶微焦，切開有洋葱、薯仔及西班牙臘腸，鬆軟又足料，淋上紅椒醬及蛋黃醬，還撒滿鹹香的巴馬臣芝士碎。炸西班牙火腿可樂餅金黃酥脆的可樂餅以麵粉、芝士及麵包糠製成，即叫即炸毫不油膩，咬開軟呼呼的內餡綿密細膩，有鹹香的西班牙火腿帶點油潤感。炸西班牙蟹肉南瓜可樂餅絲絲香甜的蟹肉，又有綿密軟糯的南瓜，味道較清新。炸黑松露野菌芝士可樂餅淡淡黑松露的飄香，再加入野菌，菌香味十足！黑松露芝士風乾火腿比堅尼酥脆的烘三文治鬆軟濕潤，夾著鹹香的芝士帶點松露的飄香，又有柔軟細膩的西班牙風乾火腿，甘甜芳香且鹹香得有層次。香煎石班魚、燴西班牙臘肉腸厚度十足的魚扒份量十足，香脆的魚皮帶點鹹香，雪白的魚肉結實又嫩滑充滿彈性，有豐富的魚脂之餘，又帶點膠質；西班牙臘肉腸油脂芬芳，帶紅椒的煙燻香氣，還有鮮甜無沙的蜆肉及青口，長柄西蘭花及薯仔平衡肉膩感。西班牙肉桂油條, 朱古力醬, 雪糕金黃酥脆的西班牙油炸鬼毫不油膩，撒滿肉桂砂糖帶有獨特香氣，蘸上濃郁的朱古力醬，又有幼滑細膩的雲呢拿雪糕，有明顯的溫差感。…查看更多

有個老友話一直好想試西班牙菜，就為佢揀咗幾間心水嘅，最終決定嚟到炮台山嘅「ROJO」，因為食過好幾次，覺得水準穩定，加上近期發現店家推出咗二人套餐，覺得抵食喎，就扑鎚嚟呢度。印象中，餐廳嘅環境無乜點大變，一室以黑白灰為主調，摩登時尚，喺多咗好些植物點綴吓！知道佢哋嘅西班牙小食有好多選擇，主菜亦都唔錯，不過，因為今次主要都喺睇啱佢個二人餐「ROJO Set for 2」，西班牙小食12款中揀5款，主菜就6揀1，不過，要留意部分菜式需要另外加錢，仲包埋一款指定甜品。成個餐折實定價$535，小食方面，似乎加入咗少少亞洲元素，例如油甘魚、可樂餅、泡菜。Cool Mint $60、Pineapple Juice $36近排天氣熱焫焫，所以，我哋都先嗌番杯凍飲。老友就唔飲得酒，所以，揀杯菠蘿汁，而小弟對酒亦興趣不大，就揀呢杯Cool Mint，因為加咗大量薄荷葉，飲落真喺涼透心，下面仲有少少荔枝肉咬下。黑毛豬火腿、薯仔沙律、蛋黃醬先嚟一道沙律開胃吓，你可能會話薯仔沙律普通料啦，喺嘅，做得正正常常唔會有咩特別嘢，不過，加咗富油香嘅黑毛豬火腿，立時升咗幾個層次，雖然唔知啲火腿熟成幾多個月，但睇閃爧爧嘅色澤及油脂，已經知喺高質嘢，食落鹹香油潤，肉質柔韌中有細膩。油甘魚他他配牛油果 +$18再嚟多一道帶和風嘅開胃菜，將油甘魚切成粒粒，再混入紫洋蔥、紅甜椒、牛油果造成他他塔，賣相非常之精緻，又好有立體感，配以香脆嘅百吉包，味道多層次，酸香醒胃，確實唔錯。不過，配多兩片百吉包就仲好！黑松露芝士風乾火腿比堅尼名字改得好鬼馬，簡簡單單加入黑松露醬、西班牙軟芝士及風乾火腿，因為用料上乘又十足，堅多黑松露醬，加上麵包刻意用上薄薄嘅方包，仲將包面煎香過，入口時達至焦脆嘅口感，味道鹹香再加黑松露獨特幽香，成件事就變得更正。炸西班牙蟹肉南瓜可樂餅簡單嚟講，就喺炸肉丸球，之但喺，用上蟹肉，自然升多一級，雖然唔算話有好重蟹味，但食得到一絲絲蟹肉；仲有，餡心嘅南瓜蓉搓得軟滑粉香，而外層炸到脆而不膩，整體嚟請，仍覺得成唔錯。西班牙薯仔軟臘肉腸蛋餅呢個唔使多介紹喇，西班牙蛋餅絕對喺西班牙小食中嘅經典。厚厚嘅蛋餅煎得金黃，份外吸引，啲蛋入口好軟熟嫩滑；內裡填滿好多薯仔粒，更加有軟滑溶透嘅芝士、鹹香嘅西班牙軟臘腸，夠咬口，味道又豐富，令口感、食味都唔單一。西班牙海鮮飯 +$38西班牙海鮮飯其中一個大特色就喺「大鑊飯」，飯面鋪滿海鮮食材，包括虎蝦、大蜆、青口、魷魚，加上啲海鮮幾靚，可謂甚有睇頭，而呢個份量，大概可以預2-3人享用。 不單只啲海鮮好有鮮味，飯底加入蕃紅花、海鮮湯去煮，並混入少少豬腩肉，除鮮香之外，更有份鹹香嘅惹味，且入口微微濕潤，飯粒卻好分明，的確好好食。 西班牙玉桂油條、朱古力醬、雪糕套餐所包嘅甜品喺指定嘅西班牙油條，呢一款甜品亦喺西班牙菜嘅經典。油條炸得金黃，脆而不膩，裡面好軟綿，灑咗唔少玉桂粉，多啲就更好，沾上朱古力漿，再配少少雪糕，份外美味，更有冰火嘅感覺。再訪ROJO果然夠穩陣，啲食物保持到水準，怪唔之得就算今晚只喺閒日星期三晚，都可以咁旺場啦。…查看更多

朋友推介左一間西班牙菜餐廳，裝修風格以灰黑色為主調，氣氛有情調。餐廳有多款融入亞洲元素既Fusion Tapas同埋飲品，每次去西班牙菜餐廳都必點Tapas，西班牙一個重要菜系。🍽️二人餐 （$535）✨Tapas 12選5✨黑毛豬火腿薯仔沙律蛋黃醬黑毛豬火腿既鹹香味，與薯仔綿密口感完美結合，蛋黃醬既濃郁為沙律增添了豐富既層次。炸西班牙蟹肉南瓜可樂餅外層炸至金黃酥脆，內餡蟹肉鮮美，南瓜香甜。煮青口，香檳忌廉汁(+$18)青口新鮮爽口，配搭creamy香檳忌廉汁，香氣濃郁。黑松露芝士風乾火腿比堅尼外層麵包焗至香脆，黑松露既香氣與芝士既濃郁互相融合，風乾火腿的鹹香味為整到菜増添豐富既口感。西班牙薯仔軟臘肉蛋餅經典西班牙菜Tapas，必試之選，蛋餅口感柔嫩，每一口都感受到薯仔既綿密和軟臘肉既香氣。✨主菜✨西班牙燒乳豬，青蘋果茸，燒新薯(+$38)燒乳豬外皮酥脆，内裡鮮嫩多汁，搭配清甜既青蘋果茸的和燒新薯既香氣，讓整道菜的風味更加豐富。✨甜品✨西班牙肉桂油條，朱古力醬，雪糕肉桂油條酥脆，可以加少少濃郁既朱古力醬一齊食，配埋順滑嘅雪糕帶來清爽嘅感覺。…查看更多

近排鍾情西班牙美食，依間位於炮台山，隱藏於街巷之中，估唔到餐廳好旺場，食客奇多。有著酒吧餐廳格局，有點型格，大班友聚餐都好合適。Tapas多款加了亞洲元素，美食味道唔錯。當晚有人慶祝生日，生日歌的播放讓氣氛更加興奮。ROJO Set For 2 二人餐 $535有五個Tapas,一個主菜,一個甜品，黑毛豬火腿,薯仔沙律,蛋黃醬火腿薄片脆身，咸香味濃，搭配清淡的薯仔沙律，味道平衡且不錯。炸西班牙蟹肉南瓜可樂餅可樂餅口感有層次，外層酥脆，綿綿的南瓜蓉裡有絲絲蟹肉，非常美味。黑松露芝士風乾火腿比堅尼多士脆身，芝士加黑松露的味道濃郁，非常惹味。西班牙薯仔軟臘肉腸蛋餅蛋餅鬆軟有蛋香，切開時蛋漿流出好治癒，有拉絲芝士加臘肉腸加持下，咸香美味，薯仔粒粒，口感味道豐富。青口,香檳忌廉汁 +$18香檳忌廉汁味道豐富好有酒香，青口大殼細肉，肉質軟嫩，超級美味，值得推介。雞肉臘肉腸西班牙飯次次食西班牙飯都係配海鮮，今次朋友揀配雞肉臘肉腸，確係有另一番風味，雞肉軟嫩彈牙，臘肉腸風味十足，加上豆角，口感不錯。西班牙肉桂油條,朱古力醬,雪糕油條酥脆，沾上朱古力醬和Oreo雪糕，甜美作結，滿意一餐。…查看更多