阿木台灣麵 (廣華街) (已結業)

同男朋友加媽媽在星期日食這間黃店，當然還是感動有咁多客人排隊，可惜有少少不滿意（我們明明早黎，到我們還是要等，起碼3對2人入座了才到我們，又乜都唔講，我覺得起碼要同客人溝通一聲）環境都算寬敞，乾淨整齊又清潔，服務普通，又忘了單，我覺得有待改善；食物方面，都好食；-炸花枝丸（4粒）熱辣辣又有花枝肉，口感不錯-招牌紅燒牛肉麵牛肉有4片，好軟腍又易咬，牛肉味不是太濃；麵口感是幼身比較軟，湯底唔咸、食完唔口渴，配了枱上特製辣醬更正-番茄牛肉麵番茄酸酸甜甜好開胃，這個比較好味、味道更出！牛肉還是一樣軟又易咬，媽媽喜歡這口感，麵軟口感，湯底這比較好味凍檸檬四季茶（跟餐價）不錯，茶清淡、檸檬開胃又夠凍，可惜點了走甜又來了少甜

同朋友行完山 好肚餓 一行四人就嚟咗旺角食dinner喇五一黃金周 揀咗黎呢間食 黎到外邊 見到已經排咗長龍了 排咗15分鐘倒 差唔多到我哋嘅時候 職員就俾咗餐牌我哋㨂食物了有好多台灣特色小食㨂🤩🤩揀完冇幾耐我哋就入得去了呢杯係走冰嘅珍珠奶茶 佢嘅奶味會濃過茶味 就算唔吸珍珠都好 飲嘅時候亦會混合左珍珠嘅黑糖味 😛珍珠嘅份量都幾多 我諗大概有三份一杯係珍珠黎的🤗 .呢個係炸甜不辣 炸到金黃色的 口感煙靱唔怕辣嘅話 一定要落埋枱面上面ge 辣醬點埋黎食 個辣醬真係好出色 有好重嘅椒麻香味 但又唔會話死辣 即刻令甜不辣嘅味道提升炸花枝丸 有四粒 炸得唔會乾 如果有多少少調味粉沈喺上邊就更好了😛台式炸大腸 大腸係滷過先炸 就算唔點任何醬都好夠味 上面加咗少少蔥花點綴 一咬落去 皮都係脆脆的大腸洗得好乾淨 入邊亦會保留左本身嘅少少肥膏 食落去就唔會話太乾 又或者太肥膩芝士肉鬆蛋餅 蛋餅上邊有啲類似日式燒八爪魚丸嘅醬打開入邊有啲肉鬆 雞蛋 食到入面有小小脆ge質感 芝士味唔算話好出 呢個蛋餅都幾飽肚 所以我食左一舊就唔敢再食了鹽酥雞便當 飯上面有d滷肉醬 滷肉醬係可以免費任加的 炸雞就比較普通

同朋友一行4人係西貢行完山 搭小巴落旺角食晚飯 (無違反限聚令呀 4人詐)好肚餓 好肚餓 黎到大概7:30pm門口有10幾20人 果然係五一黃金週💪🏻💪🏻💪🏻照等 以為鋪頭細細 要等成個鐘先入到但唔洗30mins 就可以坐低啦係門口 哥仔已經派左menu俾我地我地實在太餓了 揀左4個飯 4款小食 5杯飲品估唔到4個女仔既食量 可以咁強😂😂😂由小食講起炸甜不甩好香口 唔會油膩係台灣既味道 好好𡁻口炸花枝丸呢到既炸物真係幾岀色 唔會乾唔會油配埋佢個自家制麻辣醬 正唔會太辣 又真係麻台式炸大腸又係岀色之作 個皮係脆㗎又係不油不乾仲好味過小食檔既炸大腸腸身無咩脂肪 一啲都唔膩芝士肉鬆蛋餅有讚有彈 蛋餅比較濕個醬汁太濃了 有啲似小丸子個醬肉鬆味好強 食唔到芝士味主食 我地叫左2個台灣腸便當好食😋😋😋就是台灣的味道肉燥方面 如果係台灣既滷肉飯 就very good 另外2個就揀左鹽酥雞便當反而個雞就無咩特別 無話令你一試難忘哥哥見我地啲肉燥食得7788 仲問我地要唔要多啲仲話唔洗客氣 之後成碗拎黎俾我地朋友行完山話口渴 最後叫多杯冬瓜茶哥哥又驚野飲未到 朋友會口渴所以又主動俾杯水一個小小既舉動 已

太座話要去家樂坊買衫，一家三口都好耐冇去嗰邊，唔揸車由石門坐鐵路出去都好快又方便!出到去都十人十睇吓有咩食，發現到呢間台灣麵呢個鐘數仲係咁多人，於是入去試吓有咩咁好食，坐低唔知食乜，睇餐牌見到標示“好吃”之類照點唔會點錯，一定係招牌食品!食台灣麵當然首選係食牛肉麵，個人較喜歡食牛筋，叫咗紅燒牛肉牛筋麵，牛肉夠淋有肉味，牛筋一定唔可以硬，呢度夠軟身有食骨膠原嘅感覺；湯底濃度適中，唔會飲完覺得口渴；家傳鹽酥肉便當，夠膽叫家傳果然名不虛傳，條狀外形以為古怪，食一啖就知從來未食過咁好食嘅鹽酥肉，加上適嘅量肉燥飯，吃清光!炸花枝丸已經好味但都唔夠台式炸大腸咁驚喜，慶幸之前冇喺隔離街食街邊炸大腸，呢度皮脆肉滑，唔會過鹹，廚師好嘢!太座飲芝士岩鹽奶蓋青春茶，佢話更勝出面嘅茶舖，我揀咗金鑽鳳梨紅茶，每飲一啖都有細細粒嘅菠蘿，又唔太甜，所以我建議大家唔使點少甜；值得一提係呢度嗰隻自家制麻辣醬，對於唔嗜辣嘅我都覺好香口，難怪嗜辣嘅太座係咁加，最後仲買咗一樽返屋企!我見到餐牌仲有好多款食品都好吸引，好似炸甜不辣、芝士肉鬆蛋餅唔係度度有，下次一定叫嚟食!期待!