木玥巷

營業中

休息中

今日放假去左屯門虹橋探個朋友，佢話附近開左間台灣菜水準幾高，知我都中意食台菜所以帶我試下😀我叫咗個蒲燒鰻魚轉安格斯滷肉飯，飲熱檸檬蜂蜜，朋友叫咗個黑糖蘋果西打豬軟骨飯，飲百香果鳳梨水果茶，另外叫左個炸花枝丸share～伴碟小食有啲青瓜同雞絲，食落幾似鹽水雞，有少少胡椒香味，伴碟黎講幾好食同製作幾認真👍個魯肉飯一食就好香牛肉味😋 同平時食開豬肉整既好唔同，呢個創新既整法特別得黎好出色！👏鰻魚幾大份，厚肉，鰻魚汁唔會覺得“漏”👍檸檬蜂蜜俾左四片🍋好豪爽😂 用左靚既真蜂蜜，飲落好香～黑糖蘋果西打豬軟骨飯醬汁比較濃，食落偏甜兼有焦糖香味，豬軟骨既骨帶啲咬口，豬肉部分夠淋，要黎送飯好正！我同朋友見到佢杯嘢飲都呆咗😂😂 超級高身超級大杯，好多水果真材實料，飲落好香，唔會太酸亦都唔會太甜，好清新👍炸花枝丸好香脆，面頭有少少淮鹽，裡面超彈牙，配埋台灣百搭既甜不辣醬就有另一種滋味😋我諗以後黎探佢都會黎呢間飯堂😂

想食呢間台灣野好耐啦！我愛台灣味🇹🇼趁有時間可以等下位，呢間餐廳長時間都有人喺門口等位。連等位都係台灣風格，自己填名加人數，然後乖乖地等招牌便當$74雞髀大大隻好入味🍗 仲有粒鳥蛋🥚一絕！令人好掛住台鐵便當🍱鹽酥雞飯$58 至愛鹽酥雞♥️🐥 好食好食好食😋 香脆入口小食有炸花枝丸$38 6粒呢個價錢加味道正常發揮🍡黃金水果茶 跟餐加$28，上枱個刻真係比佢既誇張嚇親，杯身夠高，味道唔錯🍹可以兩個人飲都得

疫情關係...好耐都無試過台灣既味道。 最近原來屯門開左間新式台灣菜餐廳~~- 紅燒牛肉面(Hk$92): 賣相特別在佢個鋸齒形既豆卜👍 好少台式牛肉面有依個配料 另外除左牛肉外佢仲有牛肚牛筋 幾足料🙊- 安格斯滷肉飯:有驚喜! 香濃既牛肉味,不同於用五花腩肉整既滷肉飯, 冇咁漏- 戰斧鹽穌雞(HK$78): 大過同行朋友塊面...配上柚子醋, 入口即時冇咁漏- 炸花枝丸(HK$38): 大大粒, 有d 椒鹽係面頭, 真係好有夜市既味道!!飲品方面, 同朋友分別飲左冬瓜茶同蘋果茶~ 冬瓜茶: 唔會好甜,淡淡地 唔錯!蘋果茶: 真材實料!原塊封乾左既蘋果沖出黎既, 淡淡蘋果香 都唔錯!! 環境: 木系裝修, 大概二十個位置 坐得都舒服既服務: 有禮貌,親切! 總括, 可以encore 試埋其他菜式!

今日同男朋友黎到屯門行藍地水塘，首先要食個lunch先，食完明白點解會甘多人排隊啦。星期日都有午市套餐，我地揀左黯然銷魂安格斯滷肉飯同紅燒牛肉麵，再加炸花枝丸。黯然銷魂安格斯滷肉飯有一隻流心既煎蛋，加上滷肉既油脂同飯撈埋食，真係黯然銷魂，好食。紅燒牛肉麵湯底清甜唔油膩，紅白蘿蔔同牛肉都好腍，係一碗出色既牛肉麵。炸花枝丸大大粒，即炸熱辣辣。雪菊蘋果茶甜甜地，唔錯。玫瑰可可鮮奶好好飲，玫瑰同朱古力原來甘夾，多左陣玫瑰既清香又唔會過甜，口感順滑。