很得輝 (金滿閣)

營業中

休息中

▫️炸脾 $32新鮮咁炸 拎上手既時候係熱辣辣😍枱面有好多調味粉可以落 但我地就咁食 已經好夠味！炸脾最重要係咩？係脆！！！真係超級酥脆🤤 咬落去真係卜卜聲～炸衣恰到好處 個人覺得佢唔算超油膩 雞髀肉又夠嫩🤤 and超大隻 超碼大過我隻手先😳佢係會有魔力令人一啖接一啖咁咬🤤本身以為會食唔晒點知完美ko😋 超好吃!!.由細到大都好鐘意食炸脾可惜附近都已經賣少見少🥲好耐無食過咁正既炸脾 超滿足的🍗雞脾除佐炸 仲可以簡滷水或者沙薑另外小店仲有其他小食可以加set🙆🏼‍♀️

住唔住開大西北，對炸脾有期望的人，都應該會聽過、食過呢間炸脾，事關呢隻炸脾真係有啲料到。喺屯門又唔係太方便的位置的一間細鋪仔，路過，無乜裝修，簡單黎講係路過左都唔知。但一到夜晚，就會聚集左一班喜歡炸脾的愛好者。呢度的炸脾，每隻大細都差唔多，有訪問報導過店主因為品質監控下，每隻雞脾選240g 至260g ，生炸脾先可以做到皮脆肉滑。亦選用細的面包糠，令炸皮更幼細。炸脾食落真係造到老闆想要的效果，就係皮脆肉嫩，上台時熱辣辣，可以隨自己喜好加各種調味粉，仲有唔同級數的辣粉任意選擇。咬落口脆卜卜，咬落去的聲音同食薯片一樣。肉質多汁唔會乾硬化咁，真正食過返尋味。今日的營多就煮得岩岩好，仲有彈牙感，而且份量十足。飲品最喜歡蜜瓜奶綠，唔會好假而且比較少飲到呢種味道的飲品。

呢間店話試話試，但一直無機會，今日終於的起心肝去試喇!!!因為行過去既途中穿過新墟街市見到有隻米奇，所以一路等緊果陣真心好驚，勁驚再見到米奇，事關店舖就係垃圾站附近只係相離一條馬路咋!不得不讚，個炸脾真係好脆，粉漿好薄，隻脾仲好juicy，咁講真新鮮熱辣食，好難係難食既同埋一定係最好味!!!它仲有啲套餐40幾蚊配個飯或者麵，另外食法都有3個味道選擇(炸，滷水，沙薑)，今次試左最出名既炸脾先，下次先再試其他味道，沙薑聞落都好香噴噴，有機會一定要試下，同埋見到個秘製蘑菇飯望落都幾吸引!!