黑龍

營業中

休息中

黑龍都係灣仔開左一排，一直想試都無機會試，lunch永遠都有長長人龍，唯有放工之後去食，6點幾收工之後去到都要等齊人先可以入坐。其實呢到間店好細，不宜約個朋友一齊食，不宜聚會談心，因為食完要讓位比下一堂客，同埋呢到都早關門。呢到只適合快食。黑龍賣拉麵黎講都算多選擇。 1. 黑龍豚骨拉麵2. 炭燒牛筋拉麵3. 牛筋black沾麵4. 黑龍叉燒飯難得見到有牛食既嗜牛者的我，當然揀左炭燒牛筋拉麵。 其實牛筋唔太特別，可能香港人平時食太多，不過係好香炭燒味。不過，拉麵湯好濃好香好油，拉麵湯要夠油，食拉麵先夠味。塊叉燒（應該係）都好食，原本以為係牛肉拉麵，睇清楚d其實應該只係牛筋，隻流心蛋d黃好流，好正。其實個拉麵湯底係可以自己揀濃度、辣度。自己搵番自己要既味。但個人鍾意味濃同少少辣。甘樣食先最正！呢個個拉麵好快整好，半個鐘就可以食完，快靚正！

早到店舖，無人龍兼好好睬有4個空位，唔使等即係可以坐定定，揀心水拉麵。店內裝修仿似日本拉麵店，大部分位都係圍住廚房，可以清楚睇到廚師煮麵，同埋將麵送到你面前。我嘅位置可以睇到廚房兩位師傅嘅合拍度、認真度同埋手勢都係好好，すごいです。位前面已經貼出店舖供應嘅食物，分別係黑龍豚骨拉麵、炭燒牛筋拉麵和牛筋BLACK沾麵3種款式。仲有每日只限供應10碗黑龍叉燒飯。一個ORDER紙已列出晒所有選擇。原先我選每日限量供應嘅"叉燒飯"，不過聽到店內唯一一位講廣東話職員介紹後，我決定轉軚食"炭燒牛筋拉麵" ($98)。點解轉軚，除咗因為第一次試有牛嘅拉麵，仲有另一個原因，之後先講。由於我早落單，所以我碗麵好快就上檯喇。終於有一碗正宗日本拉麵出現喺我面前，真係開心到難以形容。(因為之前某幾間嘅經驗，真係差到難以形容)第一吓，當然係喝返啖湯先喇。嘩， おいしい （o i shi i）﹗個湯真係好濃稠，而且仲好夠熱添！原來係店舖獨門湯底，以沖繩特產「Agu豬」的豬骨和豬手熬製，質感濃稠，而且骨膠原特別豐富。下一步就試拉麵，拎起一注，知道係正宗日本拉麵，即係安心晒。(之前喺銅鑼灣拉麵站食埋D不知所謂嘅拉麵，麵

睇食評好似評價麻麻，雖然如此，作為拉麵粉仍然係要親身試一下。午飯時間早去唔駛等位直入，點左哩款炭燒牛筋拉麵，個湯底真心唔錯夠濃稠重口味，但唔知尐牛筋係咪煮到溶晒，成碗只係見到好細的幾粒，雖然有隻糖心蛋同一小片叉燒，但９８文感覺好唔抵下。