瀧宴日本料理

營業中

休息中

今晚Happy friday 約左男朋友兩個人食飯，一齊食左呢個鐵板燒omakase 🥰 呢個set 優惠價$880 （原價$1380） 🤣 有新鮮龍蝦🦞！ 一坐埋檯就有今晚食材睇下，見到個龍蝦好大隻，睇落啖啖肉😍 自家製醬汁煮南非鮑魚 鮑魚肉質彈牙，而且煮到好入味，一啖食落下面舊蘿蔔就知道軟腍腍醬汁完全吸晒入去，應該係煮左好耐好入味😋 季節刺身三款食法跟魚嘅淡到濃味，應該先食右邊嘅白身魚— 伊佐木（上面配上薑蓉）、之後係左邊嘅池魚（配上柚子胡椒）、最後就食燒咗一燒嘅吞拿魚～ 個人就最鍾意左邊嘅池魚😍 吞拿魚米餅 呢個難忘好味，佢個底花型嘅係米餅，要成個放入口，面上白色一片片係鹽，但係唔會太鹹，成個配搭味道好夾😋 一啖食哂好幸福☺️ 新鮮蜆肉湯 中間嚟一個清甜嘅蜆肉湯，味道鮮甜😚 茶碗蒸 雞蛋非常黃，應該係日本嘅高雞蛋，雞蛋好滑溜，而且我好鍾意面上嘅芡汁，味道濃郁！野生生猛龍蝦 🦞睇住師傅純熟嘅功架，好厲害可以起晒成隻龍蝦啲肉，蝦殼完好無缺，龍蝦用蝦膏同埋牛油汁煮成，成個醬汁好原汁原味，龍蝦唔係煮到全熟，內裏煮得剛剛好，保留龍蝦鮮嫩嘅感覺！ 龍蝦肉質都好彈牙😚 係今晚嘅signature

最近工作比較鬱悶😐,所以同母親大人嚟食下好嘢😋!呢間瀧宴日本料理喺26樓,所以可以俯瞰維港景色🏙~不過師傅就喺你面前做壽司同鐵板燒👨‍🍳,應該睇咩好呢🙈~佢哋而家做緊選兩個餐就會送活鮑魚嘅優惠🦪~所以我哋揀咗Lunch Special Menu同埋Lunch Sushi Omakase~又有鐵板燒🔥,又有壽司食🍣~佢嘅special menu都有兩款刺身同壽司,但主角當然係鐵板燒啦🤤!睇住師傅用兩個鏟,勁靈巧咁就燒好啲蝦呀,鮑魚呀🦐🥩~而且調味得啱啱好,🧂保留咗新鮮食材嘅鮮味~Sushi omakase包咗七款壽司,仲有個毛蟹腳非常鮮甜🦀~仲有個滑滑茶碗蒸~主角七款壽司有帶子,金目鯛,大池魚,仲有肥美嘅大拖羅🐟!師傅會跟據每種魚配搭不同嘅調味~例如個大池魚配搭咗煙燻過嘅白梭魚子,味道香濃~不過我最喜歡鰈魚哥款,燒香咗嘅魚邊真油脂味瀉出嚟🤤🤤🤤!最尾仲有個魚生飯~同埋漬物手卷~咁多款嘢食仲有靚景,人均都只係大約500~嚟慶祝或者慰勞下自己真係好值得👍~