DAY22 STEAK

營業中

休息中

喺荃灣又發現咗隱世美食🥩✨我就揀左佢哋嘅石燒美國牛柳配鵝肝牛油佢地無用鬆肉粉 保留咗本身肉嘅質感之餘 仲可以口感咁滑嫩👍🏻鵝肝牛油的香濃帶出牛肉的原汁原味燒到差唔多可以按自己喜好加入喜馬拉雅山岩鹽同埋黑椒店員好貼心架 會主動問你使唔使幫你燒埋😍如果好似我咁擔心第一次燒得唔好可以睇佢表演😂燒到3-5成熟啱啱好👍🏻我就好肚餓所以轉套餐啦 算係物超所值！先係酥皮湯 係暖暖嘅滋味個湯夠濃 酥皮厚薄恰到好處再加埋大杯裝嘅飲品（真係好大杯）🍹🍹真係解渴又開胃🍋青檸梳打 夠晒fresh 真係令成餐更加清爽🍇🍎雜果賓治 唔會太甜加上微微嘅酸味 啱啱好！估唔到炒意粉都咁正🍝茄汁沾滿左意粉但炒得夠乾身仲估唔到有蘑菇添🍄最後嘅甜品 芒果布甸🍮都唔可以唔好錯過架細緻嘅口感同芒果嘅香甜perfect ending!😋DAY22 STEAK唔單止係味蕾嘅享受更係對美食用心烹調嘅感受🩷

喺荃灣行街後去附近食石燒牛扒做晚餐🥩 餐廳內有7張4人枱，週末晚市好快滿座，當晚6點半後開始要排隊，最好預先訂位點咗⏱期間限定Prime 肉眼扒配蒜香牛油($288)，及🇺🇸美國牛柳配黑松露牛油($148)。餐廳屬小店式經營，當晚樓面雖然只有兩位店員，但服務亦足，在燒肉前會在客人隨身物品上鋪上餐巾，避免油花濺到物品上，並會協助燒肉及調味，十分貼心❤️ 相比日式石燒燒肉，西式石燒嘅火力較猛🔥 肉眼扒只需燒一陣就有6成熟，好快就可以上碟；而牛柳較為厚身，需要燒多4分鐘左右先食，或者切細少少去燒。兩款牛扒牛味都十分濃郁，兩款牛油相比，個人認為蒜香牛油味道較突出，以迷迭香、胡椒及玫瑰海鹽調味，更能提升牛扒味道😋扒類可配套餐，加$38有餐湯、炒意粉/芝士醬薯條、飲品及甜品；或者加$58，餐湯會加上酥皮，飲品亦會升級為大杯飲品。🧀🍟芝士醬薯條新鮮炸起熱辣辣又香脆🍅蕃茄炒意粉有蘑菇，味道香濃好好味😋👍🏽 飲品點咗☕️凍咖啡及大杯🍹雜果賓治，大杯裝飲品份量好大🤣 甜品係芒果布甸，芒果味非常香濃🥭餐廳食物及服務很好，環境亦坐得舒服。餐廳堂食收加一服務費，如果餐牌排版設計清晰一點會更好

想飲酥皮湯喺google搵 對比之下揀咗呢間舖面唔算大，但環境舒適。店員態度好好，好有耐心。+$58有超大杯嘢飲，成個餐好飽最後同同行都飲唔曬。飲品選擇唔算多～都係+$58 set包嘅酥皮湯，溫度好夠個底係忌廉蘑菇湯。$58 set嘅意粉，有蘑菇，用茄汁炒過，整體都ok，但有啲部份有少少硬。唔鍾意食意粉可以揀芝士醬薯條。今次冇食到，下次都想試下！雙拼set嘅大蝦，可以配其他嘢，有羊架、三文魚等，加錢有唔同。雙拼餐本身係西冷，可以+$20轉其他扒牛柳好嫩好juicy，可以自己控制熟度，成餐最正芒果布丁，冇乜大特別，有花奶加分🩷用OpenRice 訂位有8折好抵🥹🥹兩個人食到捧住個肚行出門口$500都唔洗唔知之後仲會唔會有呢個discount

超厚牛柳‼️巨大杯飲品‼️仲有酥皮湯‼️餐廳主打石燒牛排🤤主食有牛羊揀，加$38套餐配炒意粉or芝士醬薯條/餐湯/飲品/甜品 或者 $58將餐湯升級做酥皮湯＆飲品升級做大杯飲品😊今次叫左牛柳同肉眼都加$58升級套餐#酥皮湯 🥣愈來愈少地方有得叫酥皮湯🥺呢度有即刻加左😋酥皮配蘑菇湯，好飽肚😆#美國牛柳 🥩❣️石燒爐上既牛柳，超厚身2大塊，侍應哥哥會提下話可以切開再慢慢燒會容易啲熟～有4款牛油（原味/蒜蓉/黑松露/鵝肝）可以揀，揀左鵝肝牛油，不過勁高温石燒牛，被牛味蓋過左唔係好feel到鵝肝味🤣牛柳煎得外焦香 內軟淋😃牛味都幾濃又有油香😋唔怪之得佢係冇醬汁揀，只靠牛油/鹽/黑椒調味～fafafoodie 鐘意牛柳多過肉眼😛HKD148#美國肉眼 🥩揀左黑松露牛油，肉眼比牛柳薄，加上石板好夠熱，2-3分鐘都唔洗就食得，好彩店員會幫手整🙈唔係就好易過熟🤣Rosemary 味好出，牛味冇牛柳咁重，如果鐘意肉眼既朋友仔或者可以試下佢地既prime肉眼HKD158#芝士醬薯條 🧀🍟芝士醬濃郁，薯條新鮮香脆，芝士控表示再多啲芝士醬會開心啲😆🧀🧀🧀#炒意粉 🍝唔係普通白烚意粉，而係茄汁炒意粉🍅🍅仲有啲磨菇片，跟

黎開荃灣，想食牛扒而經過聞到依間超香牛油味😳Day22 Steak，扒房，專門做石燒牛扒，裝修西餐風，幾舒服既，由最常見既肉眼西冷到Tenderloin都有，最吸晴就係仲有四款牛油揀✨專業！餐紙仲會教埋你點食石燒👍🏻餐湯係蘑菇忌廉湯，濃淡適中，飲完湯即刻到主角，期間限定食豪啲：Prime肉眼扒🇺🇸每日只供應5份，上枱牛肉係火山石上面燒到滋滋聲即刻食欲大增😙都好大塊下，燒兩燒就食得！俾左隻靚碟你放，好多石燒有時就係差依個重要既一步🍽️半熟，加少少鹽黑椒，好多肉汁，牛脂好夠好香好正😍肉嫩滑加埋蒜茸牛油香氣，好好味🙌🏻🙌🏻另外配左燒大蝦，真係幾大隻，燒得超香，因為開邊燒所以蝦膏蝦頭都燒晒啲蝦香出黎🥳蝦肉惹味得黎鮮👏🏻飲啖青檸梳打，幾refreshing，套餐入面既意粉用菇菌加茄汁炒，唔錯既配菜，花蜜雞翼，驚喜地好香脆，味道好好，雞翼配意粉🍝正，最後送埋甜品精緻布甸，完美作結😎食石燒牛最重要梗係塊牛先，高質，性價比高😀整體食物味道都好好👍🏻讚，服務都好好，又快手，仲有私心加分就係：最鍾意專心只做一件事既地方💚