渡邊屋

原來九龍城都幾多好食嘅日本餐廳，尤其呢一間渡邊屋，門面好日式feel嘅壽司店，店面唔大但係成日都見到full House，所以一直都喺我嘅清單入面🍣店舖入邊位置唔多，全部都係吧枱，所以可以勁近距離見到師傅製作食物，師傅又幾好傾喎，每次上菜之前都會細心介紹食料材同埋食法👍🏻原條梭子魚刺身 ⭐️⭐️⭐️⭐️⭐️原條梭子魚刺身好抵食👍🏻 印象中未試過食梭子魚，見到師傅推介，一於試吓！原來梭子魚刺身同平時啲刺身唔一樣，我哋平時食開嘅刺身係冇魚皮嘅，但係原來梭子魚係連皮食！梭子魚油份重，建議一開頭食嘅時候咩醬汁都唔好點，你會食到魚嘅鮮味，同埋感受到油花係充滿晒成個口，當你食咗幾片後覺得有點油膩嘅時候，就可以點酸汁中和油膩感，又係另一種食法，兩款食法各有各優勝❣️金目鯛壽司 ⭐️⭐️⭐️⭐️⭐️平時比較少見金目鯛，上網睇吓原來佢係屬於極高級嘅魚類😳 一上枱係覺得個紅色好鮮艷，睇得出好新鮮👍🏻 金目鯛油脂適中，魚味濃郁，如果你都未食過，推介你一定要試！松葉蟹腳壽司 ⭐️⭐️⭐️⭐️⭐️超級新鮮嘅松葉蟹🦀 絕對唔係連鎖壽司店嘅蟹腳！一絲絲嘅蟹肉絕對冇雪藏味，食入口好新鮮，其實唔點豉油都得，但我本人食壽司就鍾意點少少豉油加Wasabi，味道更豐富🤭火炙壽司盛盒 ⭐️⭐️⭐️⭐️⭐️朋友鍾意食火炙壽司，所以點咗呢個火炙壽司盛盒，入面有我最愛嘅火炙左口魚壽司😍 一向都最鍾意食火炙左口魚，因為佢嗰種入口即溶，滿口充滿油脂嘅感覺令人覺得太幸福！其次就係赤蝦壽司，蝦面上面嘅醬汁係用蝦膏同埋醬油火炙而成，味道好濃郁！仲有推介jumbo海鰻壽司，鍾意食海鰻嘅一定覺得好滿足！極尚刺身丼 ⭐️⭐️⭐️⭐️我係俾極尚刺身丼上面嘅兩大塊吞拿魚吸引到， 配埋醋壽司飯真係好享受🤤 原本以為呢個價錢唔會太大碗，點知份量好足夠，我同朋友share食都爭啲食唔晒，可能因為今次貪心咗啲，之前已經叫咗太多嘢食！下次嚟我會試埋佢個吞拿魚腩丼，見到隔籬枱食覺得勁正😎…Read More

之前喺附近食廚師發辦嘅時候有同日藉老闆渡邊先生傾開偈，講起附近有間分店主打壽司刺身，早幾日經過見到個名就估到係呢間，可惜已經滿座，今日收早終於有機會。象拔蚌刺身用上超新鮮嘅九洲白象拔，經過師傅拍打令肉質更清爽彈牙，加入檸檬汁更加突顯出清甜嘅味道，非常推薦！蝦蛄壽司唔係度度有，難得仲要咁原整同新鮮彈牙，值得一試。八爪魚壽司同樣新鮮，初入口味道清淡，細細咀嚼之後慢慢感受到佢嘅鮮味，係先生嘅最愛。火炙壽司盛盒一客七件，件件新鮮，特別係火炙帶子同左口魚，前者肉質肥厚，味道鮮甜，後者入口係滿滿嘅魚油甘香，令人回味！牛油果芝士三文魚卷大大份，非常抵食，清淡嘅牛油果同新鮮三文魚配上惹味嘅鰻魚汁同cream cheese，一拍即合。餐廳店仔細細，座位亦唔多，但食物種類多，價錢亦合理，難怪咁多捧場客。如果想食高質嘅日本壽司同刺身，但budget又未去到食廚師發辦，呢間小小嘅居酒屋會係唔錯嘅選擇。…Read More

在這炎炎夏日，我和好友相約於九龍城的一家壽司店度過了一個美好的下午。這家小店給我們帶來了非常高質量的食物，讓我們充滿驚喜。首先，我們品嚐了島根源原隻楚蟹配三文魚籽$188。用上松葉蟹肉質鮮美，口感細膩，搭配上三文魚籽的鹹香，既清爽又美味，讓人回味無窮。接著，我們品嘗了火炙壽司盛盒$138。這盛盒有三文魚、油甘魚、帶子、左口魚、鰻魚和赤蝦等多款火炙壽司。每一款壽司都經過精心製作，火候恰到好處，口感豐富多變。特別是鰻魚，炭火烤過後的香氣撲鼻，令人難以抗拒。最後，我們品嚐了特上壽司盛盒$258。這盛盒內的壽司種類更加豐富，有三文魚、真鯛、油甘魚、拖羅、左口魚、甜蝦、玉子、海膽、三文魚籽和加州卷等。每一款壽司都堪稱精品，其中的海膽同拖羅更是讓人驚艷，肥美鮮甜。總的來說，這家九龍城的壽司店給我們帶來了一場精緻的日式料理饗宴。無論是新鮮的食材、精湛的手藝，還是舒適的用餐環境，都讓我們留下了美好的回憶。下次再去九龍城，我們一定還會選擇這家店。…Read More

九龍城真係太多美食，今晚係九龍城尋找美食既時候，係轉角位見到呢間小店，真係小店，因為店內只有5個座位，而且已經坐滿，幸好等左一陣好快有位，店內裝修簡潔，主打食壽司同刺身，而且價錢唔貴，店內魚生全部由日本直送到港，而且每日都會推出不同既時令美食，真係唔洗飛去日本都可以食到新鮮魚生。梭子魚剌身梭子魚就係日本人春夏季常吃既白身魚，魚肉淡雅中帶有輕微脂肪感，食落好有口感。三文魚盛盒有三文魚、三文魚腩、火炙三文魚、辣味三文魚同三文魚小卷，三文魚非常肥美，辣味三文魚比較特別，辣得來又好香。本鮪壽司盛盒有赤身、中吞拿魚、大吞拿魚同蔥吞拿魚腩，大吞拿魚油脂豐富，入口即溶，中吞拿魚同赤身亦好鮮甜。火炙壽司盛盒有三文魚、油甘魚、帶子、左口魚、鰻魚、赤蝦、原條海鰻，全部都略略炙燒過，炙燒過既魚係更香，味道更濃郁，全部食材都非常新鮮。…Read More

呢間位於九龍城既壽司店需要鋪面細細，堂食位得5個吧檯位置，但係用料新鮮，而且由日本人主理，性價比高，絕對係禾稈冚珍珠！✨本鮪赤身蔥吞拿魚腩丼一直都唔太中意食赤身，因為佢係成條魚脂肪最少既地方，所以魚味最濃，食落硬係覺得有陣血腥味。不過呢到既赤身夠新鮮，完全唔腥，肉質充滿彈性，魚味濃郁鮮甜！至於吞拿魚腩蓉份量多，油脂豐富，入口即化，撈埋上面隻蘭王蛋食，又滑又香！中意食吞拿魚既值得一試！✨火炙壽司盛盒壽司有三文魚、左口魚、赤蝦、帶子、鰻魚、油甘魚同原條海鰻。師傅準備緊既時候已經聞到一陣焦香，令人超期待。呢個盛合既魚油脂都比較豐富，所以用火槍輕輕燒過之後，魚油滲入醋飯，增添左風味同層次。而且燒過之後，魚肉都會略略調味，食落唔會咁膩。我最中意就食加左蝦膏既赤蝦壽司，食落咸咸香香，配埋赤蝦既鮮甜，味道非常豐富。不過師傅都提醒要趁熱先食，如果凍左蝦膏就會變腥。✨刺身盛盒呢個刺身盛盒有成7款刺身，包括三文魚、油甘魚、真鯛、甜蝦、帶子、海膽魷魚同𩶘魚，三文魚超厚切；每片帶子之間仲放左檸檬片，提升鮮味；海膽魷魚卷鮮甜爽滑，口感唔會黏稠。呢個刺身盛盒性價比超高，值得推介！…Read More