好湯好麵

營業中

休息中

😍超有驚喜嘅大圍人氣小店😍週未中午12 點左右到，門口已經有條小小人龍，等大約半個鐘左右可以入座。海龍皇湯 $138 湯底足滿蝦鮮味，蝦頭油嘅香，好好味😋 連湯都飲哂。美中不足係配料一般，墨魚滑口感好散，是較為失敗嘅配菜😅蕃茄蛋牛 $80睇個湯睇就知落足蕃茄！真材實料！迷你佛跳牆 $138湯底鮮甜，帶點微腥，怕腥嘅朋友仔未必岩😅濃蝦餃 $88朋友話都好味，大大粒肉餃！湯頭鮮味。小食水準中規中矩，雞翼無乜特別。餐廳整體價錢合理，湯底鮮味濃郁，最鍾意海龍皇湯，絕對會重訪。

上次黎，排隊都排左最少十五分鐘。是日下雨天，竟然唔駛排隊～😎👏🏻朋友黎過好多次，問佢有咩好食，佢都推介左好多款，首推好頭好尾同蕃茄蛋牛，事關我上次已經食左好頭好尾，所我最後揀左濃蝦餃！1️⃣濃蝦餃（$88）有兩隻大蝦同兩粒豬肉餃子，但重點始終係湯底！高湯用上龍蝦牛油同蝦子烹製，味道濃郁如龍蝦湯！🤤2️⃣蕃茄蛋牛（$80）其實都好想試蕃茄湯，可惜我唔食牛舌。但朋友已經食過唔止一次，推！👍🏻

睇完衛食攻略就專程撘車去食個中午，叫左一個濃蝦餃麵+檸檬意米水,大概等左10分鐘左右就上餐,湯底好鮮味，麵量都幾夠，食一碗飽曬，食完都唔會覺得好口渴，高質素，舖內整潔衛生😀😀😀

大圍好湯好麵，濃郁既湯底好食到可以連湯都飲晒既湯麵🍜！應該最近係大圍人氣幾好既湯麵店，lunch time都坐滿人！ 不過店主應該要控制一下入場人數🤔😂話明係好麵 所以就得麵食，仲有啲小食，甜品咁，估唔到有啤酒飲添叫咗一碗海龍皇湯麵$130 材料有藍蟹肉、海蝦、北海道帶子、蝦頭油、黃湯、陽春麵。一上菜就聞到勁香蝦湯味，店員好細心咁俾咗濕紙巾我哋滅蝦殼。食材都好新鮮，蝦好爽口。麵質正常。我諗主角應該係碗湯，就好似日式拉麵咁，都好香濃！好飲到我哋差唔多飲晒咁滯！另一碗叫咗濃蝦餃$88材料有海蝦、豬肉餃、龍蝦牛油、蝦子、高湯，配扁陽春面。對比起頭先嗰碗，呢一碗嘅湯底冇頭先海龍皇湯咁濃味，但係都好香蝦湯味。有兩粒豬肉餃同埋兩隻蝦 ，豬肉餃似係自製嘅，餡料好似小籠包咁嘅味。總括來講，湯麵嘅湯底真係好濃郁，感覺上真材實料，而且冇味精，好好飲！不過價錢來講都實在係幾貴，以海龍皇黎講，仲貴過一碗日式拉麵🙈如果定價減返10至20蚊比較合理。

呢間湯麵店，在大圍應該算是人氣熱店，每次想飲湯即想起這裡，因為之前已經試過唔同湯底，今次帶埋朋友仔來幫襯！！湯麵款式口味多， 今次試下啲新口味蠔豉豬豬👉🏻日本蠔豉、黑豚五花腩，味鮮甘香叉燒飽👉🏻日本叉燒配鮑魚，鮑魚新鮮，叉燒稍嫌過瘦濃蝦餃👉🏻海蝦配豬肉餃，蝦肉爽口彈牙好頭好尾👉🏻牛既面珠墩同牛尾豉油雞翼，正常入味油蔥湯青菜能把湯一滴不留放進肚子裡的一碗靚麵，湯頭材料用大量食材心機餚成，張力十足，完全沒加味精，喝過湯後也沒有口乾感覺，喝出是回到家裡老媽子的靚靚老火湯味道，是真材實料，也是我常光顧的原因

今日與幾位拍檔在大圍收工，順便一齊食午餐，拍檔提意來食麵，呢間開咗咁耐，我一次都未試過，只因先入為主的關係，又不是高級餐廳，又沒甚麼裝修，在外看入去，檯與檯之間又要坐得咁迫，點解一碗麵賣得咁貴?? 為了探求真相，就答應拍檔去試試，我們叫了蠔豉豬豬，濃蝦餃，棉花雞，黑口黑麵，好頭好尾，小食叫了手工豆腐(口感似百福豆腐)及雞絲粉皮(這個唔得，麻醬很少，而且唔夠香)，另叫了他們自家煲的紅蘿蔔水(淡而無味)，我們叫的麵一起share來試，每款湯頭都很濃味，經常煲湯燉湯的我，飲得出這些湯都花了很多食材及長時間去煲個湯膽，不太喜歡吃陽春麵的我，能吃到這款滑溜的麵，都另眼相看。 總結: 家中少湯水，人少少嚟食，順便飲啖湯，係值這個價錢的，因為，出面一小碗燉湯，都賣數十元。但以我這個湯水充足、又怕同人迫既人嚟講，很難做到這兒常客。

係油站對面一啲都唔難搵，一睇門口有成十二個唔同嘅味道就覺得幾吸引，而且講明湯係每款唔同，自家制，果然無失望蠔鼓豬豬個味真係好夾，雖然我唔鐘意食肥豬肉，但佢切左薄片，再加埋個湯完全唔覺得油膩，蠔鼓味道甘香，推介一試！自家制特飲潤喉唔太甜，真材實料！細心位係佢濃蝦麵附上濕紙巾🙌🏻🙌🏻濃蝦麵賣相分好所以影左好多相，湯底濃郁有蝦味！味道有小小似西湯個龍蝦湯，蝦勁新鮮！但美中不足係餃子同湯唔太夾味，餃子有芹菜味搶左啲湯味因為少爺唔食得辣，所以選擇唔水多，但都好醒胃係愛心無蝦殼小碗麵

之前在網上看見力推這間湯底，而今晚剛巧在附近工作，所以便過來一試～每一款麵都很吸引😍我選了很久👉🏻👈🏻三心兩意下選了濃蝦餃😅上菜前侍應姐姐給了這個：原本是平平扁扁的，她倒了一些液體就發漲到這樣子😮她(可能見我目瞪口呆😅)解釋這是消毒紙巾～我的濃蝦餃湯麵上檯～豬肉餃鮮甜；蝦挺大隻，但蝦肉沒有味道及不夠彈牙(可能因為大隻😅)麵條一般；湯頭是濃郁蝦味👍🏻這間湯麵的種類較多及特別，下次想帶肥爸來吃😋

這家麵店標榜沒有味精的自家製湯底, 愛吃湯麵的我就來試一下了! 7點前來到已有不少人在排隊, 可見此店很受歡迎。等了約20分鐘終於可以入座了。涼伴手工豆腐:先點了一個小食分享, 豆腐切得很薄, 很有豆味, 配上微辣的醬汁, 清新得來又有點刺激, 滿開胃的。濃蝦餃: 有好幾個湯麵都很想試, 經幾番掙扎後選了這個濃蝦餃。先來一口湯, 一入口就有濃濃蝦頭湯味, 鮮而不咸, 確實是沒有味精又真材實料。麵條是扁麵, 很有咬口。湯內的餃子皮很薄, 內有肉汁, 與其說是豬肉餃子我更覺得像是放在濃蝦湯中的小籠包。碗內的蝦也非常岀色, 很新鮮爽彈。友人的雙冬羊肉就像一個羊腩煲放在湯碗內, 非常香濃。整體是非常岀色, 而且店家很貼心, 另外準備了小碗及濕紙巾供吃蝦的我放殻及清潔雙手, 值得一讚! 順帶一提, 店家的湯底賣完就不做的了, 想吃的要早點去才行。