丼燃食堂

營業中

休息中

呢間主打高Cᴘ值丼飯嘅餐廳一直都係我哋係旺角嘅飯堂之一，貪佢質素好同價錢相對貼地，今次咁啱經過又見好耐無食丼飯，就決定去飯堂食返餐好嘅🤣金龍卷 $68呢個卷物真係儀式感滿滿，服務員擺低個卷物後，會嚟個點火儀式，相當吸睛，打卡啱哂👍🏻 最欣賞呢到嘅卷物細細卷，食哂成條都唔會食唔落其他喇😝 主要係用咗炸咗嘅軟殼蟹做一個主要食材，再配合佢哋嘅醬汁，入口脆卜卜又甜甜哋，一啖一粒真係好爽🤣激突三文魚丼 $148以三文魚為主嘅丼，除咗一般三文魚，仲有腩位，帶子，甜蝦同埋三文魚籽，魚生部份都俾得相當大方，數量同Sɪᴢᴇ都好夠，整體刺身都鮮甜，腩位就再多一份油脂感👍🏻九公丼 $178呢款嘅配料會再多啲，有角切三文魚，角切吞拿魚，拖羅蓉，蟹肉碎，三文魚籽，海膽，帶子同牡丹蝦，配料夠哂豐盛，真係食哂啲飯都未食哂啲餸🤣 雖然多咗款式，但刺身質素一樣都係咁高質，完全唔洗擔心🫶🏻

每次食呢間嘢都覺得好似食積咁食，個分量超多，而且小編都係一個非常鍾意食魚生嘅人，所以就叫朋友仔叫咗一個乜🦀都有丼，因為自問自己都唔係太鍾意食🦀，但係我個朋友係非常鍾意食，所以就叫咗呢款，基本上係原隻🦀肉，個蟹蓋大過我隻手，真係冇講笑🦀肉好鮮甜，蟹膏亦都好香濃，但係蟹柳就還好覺得比較普通冇乜特別，呢個份量簡直係夠飽有突。而另外一款就係激突三文魚丼🍣，每款魚生都好新鮮而且好肥美好厚肉，都可以見到佢嘅紋理好理都知係好新鮮

最近旺角開咗間新嘅日式丼飯店但為食貓每次夜晚經過都大排長龍，搞到遲遲未有機會去試🥹但早幾日黃雨，咁啱朝早我喺旺角做完facial，見餐廳冇乜人，就即刻入咗去食啦🤭環境《丼燃食堂》有別於一般嘅日式餐廳，佢嘅裝修十分型格，以黑色同紅色做主題🖤♥️而且店面非常乾淨企理，絕對唔會令人卻步👍🏾食物話明叫「丼燃食堂」，所以餐廳主要賣唔同種類嘅丼飯、打卡必叫嘅卷物，同埋日式小食金龍卷 $68 必叫餐廳嘅2款卷物都係會著火嘅👀👀由於朋友唔食三文魚🍣，所以我哋就叫咗個金龍卷 🐉店員一送上個壽司，就會喺則邊點火，大家可以先影相😂😂等個火熄咗之後，再慢慢食呢個金龍卷上面鋪滿沙律醬、蟹子、炸軟殼蟹，入面係青瓜同番薯🍠，食落去，真係口感一流👅正乜蟹都有丼 $138呢個丼都係打卡必叫‼️佢上面有個勁大隻嘅蟹蓋，而下面乜蟹都有，有蟹膏啦，蟹鉗啦，蟹柳啦，蟹肉啦等等，再配埋個海膽醬，甜甜地咁，送飯真係一流激突三文魚丼 $138個丼d三文魚好肥美呀，真係好啱為食貓呢啲超級鍾意食三文魚嘅人😍😍另外，個丼重有幾隻偏大隻嘅甜蝦、大大粒嘅三文魚籽同埋帶子，$138呢個價錢絕對係成正比👍🏾白桃烏龍 + 桂花烏龍 （各$15）食完個丼

是夜到旺角晚餐，選了元氣十足的丼燃食堂📣 由裝潢到餐牌都讓人心情不禁燃燒起來🔥🔥這裡主打丼燃火爆丼和丼燃新鮮刺身丼，我們就各選一款試試看～🔸虎燃四皇丼丼燃火爆丼系列可自選醬汁，我就選了惹味的明太子醬～ 虎燃四皇丼有左口魚邊、三文魚、蟹棒、赤蝦和蟹籽，蠻豐富的，微微火炙後將香氣迫岀😋😋🔹激突三文魚丼朋友是 salmon lover所以點了這個激突三文魚丼🐟 有三文魚、三文魚腩、三文魚籽、甜蝦和帶子，厚切！滿足！🔸金龍卷另點了個好食又非常IGable的金龍卷，上菜後店員會在旁點火，視覺效果一流🔥🔥 頂層是炸鰻魚，卷著蕃薯天婦羅和青瓜絲，多重的口感🔹鰻魚玉子燒玉子燒軟綿綿很濕潤🤤 不錯的小食

位於油麻地及旺角站中間的日式刺身丼飯專門店，店內裝修風格充滿玩味，四周都有招牌的老虎公仔，連茶都有精美的設計。餐牌有八款招牌丼飯，以及多款卷物、小食及飲品，還可自由組合丼飯。乜蟹都有丼 - $138將食材堆砌成一隻蟹的形狀，造型好有氣勢。打開蟹蓋內藏綿密香甜的蟹膏，更有一絲絲甘甜的蟹肉，還有一堆爽脆蟹籽，一條條蟹棒和兩隻蟹鉗好鮮甜多汁；更可自選醬汁一款，選了黃澄澄的海膽醬有點鹹香。激突三文魚丼 - $138結實飽滿的三文魚好肥美，尤其是三文魚腩，有著豐溢的魚脂香，還有一粒粒爽脆多汁的三文魚籽；還有爽滑彈牙的甜蝦和帶子好鮮甜。金龍卷 - $68招牌噴火卷物，升起紅紅烈火大約一分鐘，非常吸睛。頂層有一片肥美鰻魚，裡面再包裹著炸番薯、青瓜絲和炸葱絲，入口好清爽。白桃冷泡茶 & 無糖可樂 - $15 & $10自家製的冷泡茶好可愛，有天然的水果味和茶香，好解膩。

餐廳內位置不多，環境唔算好優雅，不過勝在特別。叫左好多野食，第一樣黎既係金龍卷，HKD 68。侍應哥哥仔一點火，佢起碼燒咗成分鐘，可以慢慢影相，效果好靚，打卡之選。味道方面，因為比火燒完，入口仲係熱辣辣。唔需求點豉油，因為佢原本有汁，上面又有沙律醬，本身都咸咸地好夠味。之後，主食，叫左一個激突三文魚丼，HKD 138。有三片三文魚、三片三文魚腩、三隻蝦、帶子一粒、魚子，算係好豐富。第二個係乜蟹都有丼，HKD 128。呢款可以自選汁，我選左芝士蟹子，所以上面會有蟹子。有蟹鉗二個、好多蟹柳、蟹膏。個人認為性價比冇第一個咁高，不過都好食。小食，三件炸雞 HKD 28，兩件炸蠔 HKD 22，幾好食。小食，炸三文魚鰭，HKD 22，呢個價錢有咁大舊好抵食！上面既芥末醬有d多此一舉，冇好食啲。叫埋野飲同加一之後，埋單一共HKD 463。不過，每一樣野望落都唔貴，但份量不多，男士好大機會唔飽，因為我地食完之後都馬上搵甜品食飽肚了。

旺角又開咗新餐廳啦！今次呢間丼燃食堂店面已經好吸引，餐牌D野食名都好特別，例如有乜蟹都有丼、九公丼😂//環境🌕🌕🌕🌑🌑餐廳係一個窄既長方形咁，座位唔多，比較逼，不過設計的確加唔少分，好鍾意佢個「元氣水」水杯，好得意🤣//食物🌕🌕🌑🌑🌑我order咗個激突三文魚丼（$138），入面有三文魚、三文魚腩、三文魚籽同帶子，散叫價錢同叫佢呢d set既價錢差不多🙉個丼既賣相都幾吸引，不過個日落漏咗我張單，所以等咗一段時間先有得食，份量唔算好多，帶子得一粒，同埋唔會話有咩前菜或者味噌湯送，所以呢個價錢覺得偏貴😖另外仲order咗個白桃烏龍茶，佢茶味都濃既，白桃味就唔多覺有，我同友人一致覺得本身送既熱茶仲好飲過呢杯另外order既😂雖然個飯食落個味道係無問題，但個晚食完返到屋企就好肚痛，痾爛屎，雖然唔一定係關個丼事，但都驚驚地，應該唔會再幫襯了☹

今日收工諗唔到食乜好，喺IG見到有人share，就決定去試吓！雖然鋪頭唔算好大，但係睇得出裝修同設計都好有心思，打卡一流🤩➖➖➖👅虎燃四皇丼 $118見到個名好霸氣，又有👍🏻，就揀咗佢嚟試試！有輕微炙燒過嘅四款魚生：三文魚、赤蝦、蟹棒同左口魚邊，仲有好多蟹籽🤪自選醬汁就揀咗海膽醬😋蟹籽同醬汁嘅份量都足夠食晒成碗飯🍚👅激突三文魚丼 $138同行者本身好鍾意食三文魚，佢就覺得今日嘅魚生唔算太新鮮，性價比嚟講就一般般〰️但係份量就足夠😆下次會再去試吓多人推介嘅焦糖三文魚卷🍣🤤