1963 木十豆寸

營業中

休息中

呢度最有特色嘅就係佢嘅裝修好復古 周圍擺咗好多懷舊嘅擺設 雖然野食唔算超級特出 不過環境特別同埋坐得舒服今日試咗4個lunch set1. 茶燻雞佐烏龍茶漬飯 - 呢個係幾個set入面最好食 茶燻雞好香唔會燒到好乾 因為上一次食晚餐嘅時候叫過茶燻雞但就燒過龍 烏龍茶漬飯個人幾鐘意 因為好清新 2. 滷肉飯套餐 - 一般正常滷水味 個海帶幾好食夠入味 滷肉飯都幾大碗同埋食到底都仲有汁3. 麻醬麵套餐 - exactly 係腸粉嘅味道 如果自己一個食晒應該都幾膩 個餐仲有碗貢丸湯 試左一啖超級鹹:S4.紅燒牛肉麵 - 以普遍牛肉麵嘅價錢黎講佢算幾平 仲有三大舊牛腩 可惜 超 級 硬 佢d筋係完全未炆腍 最後放棄真係咬唔到我哋落完單食緊野嘅時候分別有兩個staff過嚟問咗我哋三次嗌咗d咩 最後忍唔住住問佢哋係咪漏單因為問咗好多次同埋個牛肉麵好耐都未到 佢先話係廚房漏單啊所以咪問你哋爭咩 不過可能lunch time比較繁忙所以有d甩漏 偶爾想同fd揾個環境好d嘅餐廳可以揀呢間 不過食物質素真係唔太高 同埋記得要訂枱如果唔係通常都無位

灣仔復古風台灣餐廳 打卡一流😍每次經開灣仔都會上嚟食 係回頭再回頭嘅一間餐廳Walk-in 通常都冇位 所以lunch time時候建議大家都book位先😋除咗環境靚 食物質素都OK每個套餐仲配左青瓜前菜 酸酸地味道似泡菜😋.🎈滷肉飯套餐 ($65)雖然外表唔係特別吸引 但係其實味道都唔錯👍呢個套餐除咗有各種滷味小食 仲跟咗個滷肉飯👉蘿蔔非常之入味 索晒啲滷水汁👉豆干唔算好硬 但係就冇咁入味👉海帶煮到非常之淋 又係好入味好送飯評分: 7/10.🎈台式三杯雞飯 ($70)呢個應該係三個入面最惹味😋😋雖然偏淡 但調味調得幾好不過相對來講雞肉就比較鞋🥲除左雞肉之外仲有蒜頭 佢個做法幾特別😋蒜頭個質感似薯仔 就連我唔食蒜頭都接受到評分: 7/10.🎈古早味滷排骨飯 ($70)呢一個滷排骨就相對味道比較淡 而且肉質有少少鞋🥲比較值得一讚嘅係佢滷肉飯味道都唔錯相比起其他兩個套餐 排骨飯跟嘅滷肉飯係一粒粒滷肉 都非常之入味評分: 7/10.🎈總括而言呢間餐廳環境的確唔錯 係行復古風嘅💁🏻‍♀️雖然調味普遍做得幾好 不過肉質就撐傘差少少喺灣仔區來講算係性價比唔錯嘅一間台灣餐廳🤣評分: 7/10

想試呢間台灣餐廳都唔係咁容易🤭 幾個禮拜前嘅夜晚想去買個外賣, 佢忙到連訂單都唔接... 😇 卒之要等到呢排佢做緊外賣折扣優惠, 先有機會喺午飯時間過嚟買個外賣返去食~本來係諗住電話落咗單先, 但店員喺電話度同我講話要親身過嚟買先有嗰個外賣折扣, 好細心~ 🥰去到餐廳嘅時候12點幾, 有Walk in客坐喺度等緊位, 餐廳滿座, 我個外賣都等咗15至20分鐘 😌茶燻雞佐烏龍茶漬飯 ($78)茶燻味都幾特別, 略嫌乾身咗少少 滷肉飯套餐 ($65)呢個滷肉拼盤啲餸都幾豐富, 有豬耳, 牛腱, 豆干, 蛋, 蘿蔔, 海帶, 雞翼, 都幾入味, 送飯一流 隻雞翼可能熟啲會好啲.. 一個幾豐富嘅外賣, 絕對會回頭再幫襯, 希望下次有機會一試堂食, 餐廳環境同裝修睇落都好似幾唔錯~ 😎

趁端午節假期，兩個人走上了這家樓上店。可能新開未有太多人認識這裡，不用排隊而且不滿座不嘈吵，可以好好享受一個long lunch。店內滿有傳統台灣風味的裝潢和食品，令人有時光倒流，重回五、六十年代之感。食物質素尚可，滷水入味但比較硬。倘若第一次來，推介點他們特色菜 (都是一些台灣地道蔬菜)。今次我們試了蒜蓉炒「木樹水蓮」，入味又爽口。最後我還點了熱鮮芋拿鐵，每一啖都有香軟芋粒 (這個沒凍飲選擇，可能因為想保持芋粒軟熟)P.S.1. 有𨋢及樓梯，但建議揀行樓梯，由第一步慢慢穿越時空，感受60年代風情。P.S.2 最好選擇門口右手邊半圓，比較開揚寬敞

星期六，跟兩年沒見的舊同事見面。她是在香港長大的台妹，正好她想要吃正宗的家鄉台菜，於是跟她建議來這裡吃台式料理。2點多來到，人客不太多。環境懷舊，挺有特色的。我的擔仔麵套餐先到，看到也覺得夠豐富。三小碟前菜加上一大碟滷水併盤，還有擔仔麵，味道不錯。朋友點的滷排骨套餐配滷餐肉飯，也好像很美味啊。吃了一件滷排骨，香脆的配上疑似酸甜的柑桔醬，很特別。

不經不覺已喺公司做咗十年，每逢農曆新年舊阿頭都會專程過黎灣仔請食午餐兼派利是，今年亦不例外，地點全權由細佬選擇。多種理由下，二人近年都開始要注重飲食，XO仔今次就喺OpenRice度搵咗間連個大樹嘜頭感覺都健康過人o既「1963木十豆寸」；店名中o既「木十豆寸」原來正正就係由個「樹」字拆出，實在有趣。餐店置身於一九六三年建成之唐樓o既二樓，食客大多都會選擇行樓梯上，黎個飯前小運動。中午時份，擺放著好多懷舊物o既走廊企滿食客，幸好小肥早已訂座，準時到步即有位坐。二人被安排入座一張近窗o既四人圓枱，意外地繁忙時間亦不需搭枱，仲有隻可愛o既貓頭鷹牙籤座作伴。窗邊掛著一個連鐘o既搞鬼日曆，雖則個鐘唔識郁，但以中國加阿拉伯數目字組成o既日期就絕對正確。午膳餐牌內只有套餐可選，主菜第一頁全為飯類，而第二頁則全為麵品。據悉，每份套餐除咗主菜之外，都會有三小碟前菜，當日分別為淡味o既木瓜絲沙律、幾酸吓o既蕃茄仔及咸咸o既菜圃。阿頭點咗個滷肉飯套餐（$65），睇落都幾豐富。紅燒牛肉麵（$68）：XO仔碗牛肉麵份量都唔弱。碗中深啡色o既湯底濃而不俗，且毫不油膩，舖面o既紅燒牛肉軟腍入味，芬芳甜美，極之討好

台灣菜在灣仔選擇不多，經過灣仔道得知新開了一間名字特別的台灣菜，就一定要試試。 1963 booking很滿，我地都要提早一星期前訂 lunch.不只名字特別，餐廳裝修亦很別樹一格，布置很有懷舊風，一杯一碟一櫈都睇得出老闆花了不少心思，讓人有種時光倒流嘅感覺。lunch menu 有飯、麵選擇。set 包了餐前小食，但飲品側需額外加錢。我點了滷肉飯套餐，加了$15點了芭樂紅茶。3道小食有蕃茄，蘿蔔青瓜絲，同紫薯。去皮蕃茄和蘿蔔青絲都是冷盤，材料新鮮，甜甜的帶點微酸，很開胃。烚紫薯很甜很綿。滷肉飯好夠味。滷汁香濃，五花肉混和豬皮令黏滑飯汁充滿膠質。醬汁、肉碎分量適中，啱啱好拌完一碗白飯。 滷味拼盤有5拼，包括牛𦟌，豬耳，豬大腸，滷蛋同豆腐。牛𦟌很腍，豬耳夠爽，兩都都很入味。(因為我唔食大腸所以全數撥損俾友人) 滷蛋唔太硬，唔錯。但豆腐有點遜色，唔夠味之餘略為帶酸。。芭樂紅茶很鮮味，濃濃紅茶加入新鮮芭樂可以一清滷汁的濃味。1963 這間小店絕對是吃台灣菜不錯選擇，下次一定再試其它菜式。