迷你毛

想試好耐 , 今日黎開呢邊一於試下 ! ▫️Jumbo炸雞煎蛋窩夫炸雞好大塊 , 雞肉嫩滑多汁 ! 🧇窩夫烘得金黃香脆、充滿蛋香 , 好味 !▫️香煎北海道刺身帶子配鮮蟹粉墨魚汁燴飯Risotto 口感煙韌 , 墨汁+ 蟹粉 + 帶子鮮味十足👍🏼▫️溫泉蛋什菌牛肝菌汁貓耳朵粉貓耳朵粉比較有咬口 , 🍄牛肝菌醬汁香濃 , 加埋溫泉蛋撈埋一齊好creamy▫️椰子奶蓋芒果蛋白脆🥥椰子奶蓋咸咸甜甜 , 好香椰子味 , 配埋芒果醬同蛋白脆口感豐富 , 做飯後甜品一啲都唔怕膩 ▫️法國士多啤梨乳酪▫️芒果乳酪兩杯乳酪都好靚❤️ 而且係用100%新鮮生果打制🥭🍓 , 味道酸甜可口 , 特別推薦士多啤梨口味🍓順帶一提 , 餐廳最近做緊一個小型相展 “Nights and Lights” , 霓虹燈下既香港真係好靚❤️…查看更多

夏日熱辣辣，去Cafe係一個避暑好節目～呢間Cafe算出名，社交平台Cafe群組出現過幾次Menu選擇豐富，意粉、窩夫、taco、慢煮肉都有，甜品飲品亦唔少✨▶️ 溫泉蛋什菌牛肝菌汁貓耳朵粉 Onsen egg, mushroom, porchini sauce, oriecchiette ($105)一上枱已經聞到超香～溫泉蛋一切開流心，蛋黃融入意粉好正，蛋白就比較水汪汪貓耳朵粉似厚身貝殼粉，煮到al dente，食落比正常意粉/通粉硬身🤏🏻間唔時有啲疊埋咗一齊，咬落非常有質感，個人好鍾意😻加上佢係一個兜兜形狀，可以裝住牛肝菌汁，入口更加濃味😋牛肝菌汁夠香，有啲似carbonara (少咗奶油味而菇味重啲)，稀杰度啱啱好，足以黏住耳朵粉但唔會太heavy另外應該落咗青醬？有啲pesto香草味，增加味道上嘅層次，冇咁快「漏」意粉之間食到唔少什菌菇菇，同牛肝菌汁好襯🍄口感上都好食面頭落咗芝士碎同幼豆苗作點綴不過如果有啲肉類會更好，依家感覺差唔多成碟貓耳朵粉好齋🙈▶️ 香煎虎蝦海鮮牛油果米形粉Tiger prawns, avocado, granoro ($138)一開始以為係risotto😂點知原來都係意粉type，純粹形狀似飯，好特別又神奇嘅口感上面有一隻有蝦膏嘅虎蝦頭同連尾嘅蝦肉🦐仲有BB八爪魚、魷魚、三文魚籽牛油果醬味道比較淡🥑幾乎食唔出，不過夠creamy，佈滿每一粒面積小巧嘅米形粉鹹味主要來源都係海鮮▶️ 熱玫瑰咖啡Rose latte ($42)有靚靚拉花☕️面頭灑咗少許花瓣碎咖啡味道唔苦遍甜，可能係奶嘅比例較多細味品嘗都飲到少少玫瑰花香味🌹-鍾意佢啲意粉唔係一般食到／買到嘅類型，似手工意粉🍝醬汁亦特別，全部自己調配當然賣相精緻，打卡啱晒星期日12:30pm嚟到都未多人，一去到1:30pm就開始滿座要等位🤯明明間Cafe都算大同多位，可見佢受歡迎程度 (仲要各年齡層男女都有)環境裝修舒服，粉紅色牆配白色雲石枱面同灰色梳化，好少女心💗唯一係多人嘅時候要同人share張四人枱，中間用膠板隔住，似covid隔離措施實施嘅時候咁，感覺冇咁自在服務正正常常，水係自助嘅價錢中規中矩，唔收加一會話係一間值得試嘅Cafe👍🏻推介試吓佢啲好特別嘅意粉類型～…查看更多

繼上次食完佢嘅姊妹店, 今次終於食到迷你毛啦!!!! 今次book咗平日食, 店舖位置始終唔係好旺嘅位置，平日夜晚又未至於話full。 溫泉蛋什菌牛肝菌汁貓耳朵粉 牛肝菌汁好香好cream，呢間店D什菌好有趣地落冬菇，不過成件事都夾嘅，味道唔錯。 成日覺得溫泉蛋撈咩都好好食，唔會有違和感，不過覺得向呢個粉上就冇咩特別畫龍點睛嘅作用啦!香煎虎蝦海鮮牛油果米型粉 除咗大大隻虎蝦外，海鮮方面都仲有幾隻墨魚仔，虎蝦就正常凍貨質素，墨魚仔比較OK。幾比較欣賞佢個牛油果米型粉。米型粉食落似淋D嘅Risotto，融入咗牛油果意粉汁，味道唔錯，本身個汁已經唔膩，再加埋檸檬汁同埋魚籽，口感同味道更加突出! ❤️意大利雲吞配軟殼蟹冬蔭功泡沫軟殼蟹炸得唔錯，食落都仲脆。冬蔭功泡沫個汁顏色偏黃，睇落唔多似冬蔭功汁，但事實上冬蔭功夠重，再配合芝士滿滿嘅意大利雲吞。大愛!🔥安格斯牛腰扒配阿根廷青醬 大推! 雖然冇得揀牛扒嘅熟度，但佢有咬口得嚟都有少少嫩嘅感覺，熟度大概7成同冇乜血水！醬汁方面除咗青醬，仲有粗鹽同佢嘅特製醬汁（應該係梨/木瓜味？！），幾款醬汁俾到唔同嘅味蕾享受。🔥法式多士 呢款多士好受歡迎，見好多檯都叫。 法式多士做到焦糖化嘅表面，入面就係浸滿蛋汁嘅麵包😋，就算冇汁都已經好好食，不過有埋Vanilla Custard同埋水果係有加分嘅。 配合埋雙色雪糕同朱古力脆脆，滿分❤️🔥Earl Grey Latte ($40) 一入口已經有濃濃嘅Earl Grey味，但係就唔算甜，呢點幾好!Chocolate Latte (Cold) 雖然只係一杯凍朱，但係佢造型上都做到似Dirty咁有D朱古力掛杯!Matcha Latte ($45)有濃郁嘅抹茶味，奶泡綿密，與抹茶的苦甜相得益彰。🔥火龍果乳酪($46)顏色鮮艷，好有夏天嘅感覺🥰火龍果肉同籽增加咗口感，乳酪酸酸酸甜甜咁，飲落好清爽。今次滿意度幾高，不過覺得係份量較少，同埋收得比較早 (收9點)。 …查看更多

想嚟呢一間Cafe打卡好耐💛環境好靚 食物質素又高 難怪長期都爆滿人呀‼️.📌煙三文魚班尼迪窩夫 $100每次見到Egg Benedict都一定嗌🍳水波蛋切開勁流心 口感一流😍除左厚厚嘅鹹香煙三文魚🍣竟然仲有牛油果蓉🥑再加埋個荷蘭醬 味道非常豐富🫶🏻呢到好特別 唔係配英式鬆餅 而係配窩夫🧇外面脆脆地 咬落好鬆軟 蛋奶香唔算濃 甜甜地咁 但加埋鹹嘅配料就麻麻地🤫.📌溫泉蛋什菌牛肝菌汁貓耳朵粉 $100貓耳朵粉口感一流 勁有咬口 每一粒都沾滿晒牛肝菌醬 勁香濃菌味🤎什菌份量都幾多 大大粒 成個菌味更加昇華🍄面頭仲流心溫泉蛋 切開蛋汁 撈埋啲芝士碎落去個粉到 真係冇得輸🥚🧀.📌法式多士 $80見好多人都話呢度嘅法式多士好推介 即刻試試佢😎但佢個口感我個人就唔太鍾意🥺個多士沾滿晒汁 勁重蛋奶香味 但係就超級淋 變到好似麵包布甸咁🥚🥛不過佢外面加咗啲焦糖脆卜卜焗 又唔錯 豐富左成個口感🍮一切開 流晒啲雲呢拿吉士醬出嚟 個包都勁多雲呢拿籽 好香🤍另外佢落咗啲檸檬汁 令成件事更開胃🍋但我就覺得唔太夾🙈多士上面有柑橘, 西柚同牛油脆餅 賣相更靚更精緻🍊🍪旁邊係牛乳同朱古力扭紋雪糕 朱古力味幾濃 食落唔會好甜🍫🍦凍冰冰 再加埋熱辣辣嘅多士一齊食 冰火交融❄️🔥.📌紅豆牛奶咖啡 $48Dirty奶香同咖啡味平衡得好好 口感好順滑 🥛☕️轉左燕麥奶+$5 淡淡麥香味🌾底超多紅豆蓉 勁滑甜 除左綿密口感 仲有粒粒顆粒咬口🫘撈勻飲又幾夾喎😍.📌火龍果乳酪 $46好有驚喜 推介必飲呀❤️‍🔥酸酸甜甜嘅乳酪 加埋火龍果清甜味 飲落勁fresh✨而且好足料 感覺加左成個火龍果入去blend 啖啖果肉💜健康又飽肚👍🏻…查看更多

行過路過唔好錯過，優質小店當然要朝聖，偽文青風打卡必到📸 餐廳環境舒適，裝修用色和諧，令人可以好好放鬆心情享受餐點☺️👑香煎帶子黑魚籽龍蝦汁闊條麵 $138帶子腍滑入口即融，再配黑魚子一齊食帶點鹹香更惹味😋 龍蝦汁味道濃郁，闊條麵爽口有咬口，食落帶微微辣味，香口又滋味😍✨溫泉蛋什菌牛肝菌汁貓耳朵粉 $100溫泉蛋煮得剛剛好，蛋味香又夠滑，什菌配牛肝菌汁令整體菌味更香濃，貓耳朵粉有嚼勁，粒粒煙韌美味🤤✨抹茶鮮奶 $45使用西村番茶屋"媛"，抹茶味道濃厚唔苦澀，鮮奶香滑，甜度亦剛剛好🍵✨拿鐵咖啡 $44咖啡濃郁滑溜，奶味同樣香濃，比例剛好，味道唔錯👍🏻🔍整體感覺：室內環境唔錯。職員服務主動亦好有禮貌。餐點質素及味道都好高質👏🏻 絕對值得一試再試🤣…查看更多