開源蛋行

營業中

休息中

放假同呀媽去咗將軍澳行街買吓嘢，喺尚德廣場中庭位置見到有期間限定市集，我哋又埋去襯墟先，其中有個攤檔「開源蛋行」係賣皮蛋同鹹蛋。呀媽話啱哂，因為屋企無哂要入貨，本身都諗住要去街市買，而家就可以試吓第種貨😝。呢度有三款產品，我哋三款都買哂。呀媽話價錢只係稍為貴街市少少，但啲蛋望落大隻啲👍。1️⃣溏心皮蛋 ($39 / 六隻)，皮蛋嘅溏心效果果然厲害😍，切開後蛋黃流到四周圍都係，哈哈。皮蛋外層非常通透，就好似啫喱一樣；而溏心蛋黃口感細糯，味道濃厚，停留喺口腔極耐，所以一次過食唔到幾多隻。2️⃣鹹蛋 ($16 / 四隻)，屋企煮飯間唔中都會蒸兩隻鹹蛋當加餸，但時不時都會聽佢哋講啲蛋唔靚。不過今次呢盒四隻嘅鹹蛋隻隻都唔錯，因為金黃色嘅蛋黃漏油兼起沙🤤，唔會實的的。3️⃣酸薑 ($22 / 200g)，酸薑濕度夠，薑嘅味道拿捏得好，酸甜適中，而且最緊要係夠哂辣，食一片已經好甘🙈。出街食未必有咁正，始終餐廳有機會放耐咗，啲酸薑就會變乾。皮蛋鹹蛋除咗就咁食之外，當然仲可以用嚟做料理啦🥢，就好似我呀媽咁整咗碟三色蛋，好靚😋。總括嚟講，蛋行專家嘅出品確係有水準，唔會做壞招牌✨，而且包裝亦好得體。另外，其實我幾估唔到

經朋友介紹~上網買皮蛋都係第一次咁岩就快到新年，入定D貨，想團年同屋企人一齊歎~~年廿六落單..年廿八朝早就收到啦皮蛋、咸蛋同酸薑都包裝得超精美～好貼心期待左兩日...年三十晚一家人開黎食真係好驚喜一切開溏心到極完全無＂壓＂味溏心皮蛋配埋佢地的酸薑～～好食到講唔到野屋企5歲同70歲個位都食唔停口食完好滿足，個流心係口到種感覺令人超回味之前食過上環李煥，感覺都係開源最正咸蛋之後愛黎就咁飯面蒸黎食，好甘香又唔太咸仲漏油起沙最正係唔使特登去到西環咁遠水路買車費都係番晒到一定會再幫襯