涼粉豆漿

新加坡文華大酒店殿堂級海南雞飯前排睇YouTube仲咁啱見到有人介紹過聽聞喺新加坡係老字號所以我哋特登嚟會一會佢🐔香港呢間選址一樣咁方便 唔失禮K11 Musea 落雨都唔怕 環境都幾靚幾光猛💡文華海南雞飯 $123 🙆🏿‍♀️果然名不虛傳份量夠多 10幾嚿雞 仲要大大件望落已經好滑嫩多汁 咁啱一排係雞胸另一排疑似係雞髀🍗嚿嚿都無骨啖啖肉 小馬鍾意食雞胸小妹就鍾意食雞髀 啱晒數😂雞有雞味 少許嘅醬汁更提鮮海南雞飯嘅雞油飯當然都係主角之一粒粒分明 索晒啲味 一啖接一啖到最後又唔會有嗰種油膩感 幾好👍🏿仲有碗湯 清清哋 唔似味精湯白胡椒肉骨茶配白飯 $112 🙆🏿‍♀️佢係偏向新加坡口味所以胡椒味較重 但唔會好嗆佢啲骨有成6-7嚿 份量都算幾足而且好軟腍 雖然未到一夾就散但絕對一咬就散 仲索晒啲胡椒味😋入面仲有豆卜同金菇 唔會太單一豆卜索湯能力又係💯配飯一流 再加上有一小碟油炸鬼真係好似去咗新加坡食咁樣😆豬肉沙嗲6串 $98 🙆🏿‍♀️燒正好香口 惹味熟度啱啱好 唔會過熟導致太韌肉質較爽口易味餣料調味適中 每人幾串好快分完 幾好食😋涼粉豆漿 $38 🙆🏿‍♀️見佢幾特別就叫咗嚟試 豆漿少甜涼粉彈牙 唔係煙靭嗰款加分欄⭕️ 神速上菜⭕️ 地理位置✅ 加一服務費✅ QR code落單…查看更多

一般要我等超過 30分鐘既食肆, 我都唔會去等, 只係因為太多人都話佢地既野整得好好食, 所以就破例等下, 最後係等左成 55分鐘先入座, 講真 staff 既態度真係一 D 都唔友善, 唔知係因為太忙太多人而影響, 還是本身就係咁, 反正都入左來坐低左, 主要既都係食物, 服務都係其次, 只要唔好再差都可以忍受到本來打算叫傳聞好好食既喇沙, 竟然話太好賣沽清, 即刻有 D 失望囉, 唯有海南雞飯, 白胡椒肉骨茶, 另加一個椒鹽豆腐, 飲品就係一杯檸檬薏米水, 涼粉豆漿, 埋單 $383- 海南雞飯, 入面有齊雞胸雞脾肉, 肉質都算幾嫩滑, 但個油飯就普通左少少, 而且唔夠香唔夠油- 白胡椒肉骨茶, 平衡可能食慣藥材底既肉骨茶, 感覺呢個有 D 似胡椒豬肚湯既味道, 肉排都算淋, 但湯味就唔夠濃, 胡     椒味稍弱, 普普通通- 椒鹽豆腐, 一份簡單既椒鹽豆腐反而係三樣食物中最好食, 熱騰騰, 豆腐好滑好香, 而且味道岩岩好- 檸檬薏米水,  涼粉豆漿兩個飲品就當然唔會有咩驚喜, 不過不失總括來講, 並唔係其他人所講既咁好食, 更加唔值得等成個鐘, 來到 K11 呢度其實可以考慮其他美食…查看更多

好幾年前去星加坡旅行，去過當地文華酒店chatterbox，對於佢個海南雞飯我嘅印象唔深刻，反而好鍾意食佢個喇沙。今日行經K11 Musea，本來想食間牛油果餐廳行嚟行去都搵唔到，見到佢又唔使排隊，所以就入咗去食，回味下星加坡嘅味道。兩份豆漿味都唔錯，唔會太甜，幾有特色，而且豆漿同涼粉嘅味道算好夾。諗諗吓自己都可以係屋企整相比起海南雞飯，我自己比較喜歡Chatterbox嘅喇沙，雖然美中不足係佢嘅喇沙冇落螄蚶，但味道濃郁，極度足料。有三隻帶子，起碼係日本帶子最少3S大小，帶子生熟剛好，但鮮味不足。湯底好味到我全部都飲晒。之前響新加坡都冇食過佢哋嘅鹹蛋雞翼， $78一碟雞翼聽落有啲貴，但佢足足有六隻，仲要size一啲都唔細，其實唔係貴過快餐廳好多，而且調味都做得幾好。佢嘅座位都相對舒適，價錢有少少貴啦，不過行開嚟呢頭都可以試吓。…查看更多