豐信餃子店

營業中

休息中

餐廳：豐信餃子店地點：太子汝州街菜式：餃子餐牌：17款餃子口味，包括：韭菜鮮肉餃椰菜鮮肉餃紫甘藍粟米鮮肉餃小棠菜鮮肉餃雲耳椰菜鮮肉餃白菜鮮肉餃素餃咖哩椰菜鮮肉餃梅菜粟米鮮肉餃南瓜粟米鮮肉餃西洋菜鮮肉餃紫菜鮮肉餃麻辣白菜鮮肉餃薺菜馬蹄鮮肉餃 芫荽鮮肉餃香菇鮮肉餃芝士粟米鮮肉餃呢間餃子店好有特色，全部都係手工餃子，以多款食材製作。餃子最少7隻一份，亦可揀10隻一份，雙拼加$2。又可以加$8配粉麵。湯底係椰子海帶鮮雞豬骨湯，可以加$10轉惹味酸辣湯底。另外都有多款風味小食同飲品。餃子超級熱辣辣上枱，即食要小心。先飲一啖湯，果然帶淡淡椰子香，味道清得黎配餃子好夾，因為餃子本身已經夠味。至於主角餃子，皮又薄又滑，而餡料非常多，所有餐牌上面寫左既料都食得出，size足有半隻手板咁大。芫荽鮮肉餃 $55芫荽鮮肉餃好香芫荽味，超多菜！香菇鮮肉餃 $55香菇鮮肉餃食到粒粒爽口菇粒。芝士粟米鮮肉餃 $55芝士粟米鮮肉餃有少少芝士流心同爽口粟米粒，味道較濃，多食會頗膩。涼拌雲耳 細 $19爽口雲耳仔加上辣椒、蒜蓉同蔥花，辣辣哋好醒胃。Coke Zero, 忌廉 $8 一罐汽水夠凍，可攞獨立包裝紙飲管。枱面有

食過咁多間餃子店，「豐信」一直都係我心目中無法取替，穩居榜首！☺️人氣一直爆燈，幾時去食都大排長龍，不過而家可以用排除 Apps排隊，方便好多！👍🏻餃子有18款之多，除咗較傳統嘅韮菜餃、椰菜餃、白菜餃，仲有咖喱椰菜餃、雲耳椰菜餃、西洋菜餃、紫菜餃、素餃、芫茜餃、香菇餃、麻辣白菜餃、梅菜粟米餃、南瓜粟米餃、芝士粟米餃等，全部餃子🥟都可以揀煎或湯，🌟雙拼都加$2，以較高價錢作計算🌟🔸雙拼湯餃 —— 湯餃沿用自家煲製嘅老火湯—椰子海帶鮮雞豬骨湯，味道鮮甜～識食一定叫多湯！😏▪️薺菜馬蹄鮮肉餃 （$43/7隻，$53/10隻）‼️推薦‼薺菜幾香口，加上馬蹄更增添口感！▪️麻辣白菜鮮肉餃 （$40/7隻，$50/10隻）唔算好辣，相對地麻香比較突出，好惹味！😋今次搞搞新意思，試下煎餃子🥟加邪惡金沙（加$16）加左金沙嘅鹹香，煎餃子果然更惹味！😎▪️芝士粟米餃（$43/7隻，$53/10隻）‼️推薦‼煎完之後餃子裏面嘅芝士呈半溶嘅狀態，「芝」味十足～▪️香菇鮮肉餃（$39/7隻，$49/10隻）‼️推薦‼香菇煎左之後好香口，愛菇之士不可錯過！📌食餃子，梗係要配自家製嘅辣菜脯，微辣惹味！😋加啲豉油加啲醋，搞掂！😇🔸

食豐信主要係比佢嘅金沙煎餃吸引咗！所以點都要叫一款加金沙！餃子同小食都好多款，有17款餃子同埋14款小食，連調味料都有齊晒菜甫、辣椒油、醋、豆瓣醬、同埋豉油，好似都比其他餃子店款式同口味多～😆除咗金沙煎餃，比較特別嘅仲有麻辣白菜餃、梅菜粟米豬肉餃，不過我哋第一次嚟就試啲基本款先😛•🥢 邪惡金沙 + 芝士粟米鮮肉煎餃 (7隻) $43+2+16揀咗芝士粟米鮮肉煎餃加金沙，呢款亦都係舖頭推介嘅配搭，真係無介紹錯~ 芝士粟米餃本身就係比較多汁嘅一款，即使加咗乾身嘅鹹蛋黃碎，一咬落芝士餃都爆晒汁！鋪喺煎餃面嘅鹹蛋黃碎份量剛好，唔會多到漿住個口/淨返好多鹹蛋黃碎喺碟。•🥢 雲耳椰菜鮮肉餃(7隻) $40每隻椰菜餃都好飽滿！餃子皮煙韌，厚薄適中～份面啲雲耳好爽口，加上餡料本身嘅調味好足夠，蠔油味好突出，好香好好食🤤湯底係用咗椰子鮮雞豬骨濃湯，鮮甜得嚟唔會蓋過咗餃子嘅味～ •🥢韭菜鮮肉煎餃 (7隻) $38+2與其話係煎餃，其實似炸餃多啲🫢 不過佢嘅餃子皮真係幾好食，煎(炸)咗嘅餃子皮脆卜卜，唔會太油膩，但唔太煎到嘅餃子皮就保留咗煙韌口感😋 韭菜餡相比椰菜餃鬆散少少，但都幾多韭菜幾香～ 同埋佢嘅餡料

太子除咗cafe林立，更係餃子勝地，可謂餃餃鎮一片其中有間，晚市時段都未到，已經成堆人喺門口等位等外賣究竟咩事幹咁受歡迎？大胃都好願意排隊一嚐究竟最多人係嗌湯餃，湯底係椰子海帶鮮雞豬骨濃湯，好香純，飲完感覺好有益處咁芫荽餃嘅茜味真係好出聚，但同湯底又好夾加兩蚊就可以雙拼，拼香菇好啱當湯餃，皮薄而實，大大嚿肉餡爆香菇味都想試堆煎餃食力，小棠菜餃子煎得皮爽餡都爽同樣加兩蚊可以雙拼，拼芝士最好不過，最適合煎嚟食，超香濃芝士味以為煎餃已經夠邪惡？煎外有煎，人外有人，加鹹蛋黃醬惡到飛起，但性價比極高，醬料份量係超過分樓面對住大胃叫咗聲「老闆」，原來係上「鹵蛋」畀我地，雞蛋掛汁入味，有白芝麻吊吓味，醒目不少已經嗌咗細份涼拌雲耳，仲係好大份，啖啖香爽，辣得醒胃辣到落淚，好彩有菊花蜜飲吓，唔會死甜，但又解得吓渴羅漢果甘草茶都唔錯，食煎餃熱氣到變聲，呢支真係及時雨