海鮮蛋角

今日有朋友約食飯，選址九龍城， 起初仲以為佢帶我食泰國野， 原來佢一早訂咗枱打邊爐， 仲話之前試過，好想再去多次， 咁我聽到佢咁講當然冇問題啦，因為呢個朋友出名識得搵食，一於跟佢去食好野。泊好車，行了幾個街口，到了城南道，見到大大個招牌寫住大邊爐，呢間舖頭係樓上舖，入口不算起眼，但招牌易見，經過一條長長既樓梯上到一樓，已經見到舖頭內燈光充足，環境乾淨。侍應很有禮貌地確認好訂位資料就給我們入座，同時很快手地給了我們醬料及餐牌。醬料有六種給我們選擇打邊爐無野重要得過個湯底，我地都第一時間睇下有咩好野， 經過一輪商議，因為怕熱氣，我地決定揀冬瓜瑤柱湯底 ($64)，湯底上枱後我地慣性地先飲一少碗試味，真的很清甜，冬瓜及瑤柱都算多，仲有舊骨吊下味添。之後我地點既食物很快一碟一碟陸陸續續上枱，開餐 ！手切安格斯肥牛(大) ($288) - 雪花分佈平均，牛肉唔係薄切，所以食落十分有口感，入口時牛肉充斥口腔，牛味醇厚。海鮮蛋角 ($88) - 蛋角夠嫩滑，餡料好豐富，有蝦同帶子，做得好出色。唔錯特式魚蓉麵 ($42) - 出面較小食得到，魚蓉麵有淡淡魚嘅鮮味。桂花蚌 ($138) - 桂花蚌份量都算多，淥一陣，爽口鮮甜。四寶丸 ($124) - 朋友推介呢度四寶丸，因為係即叫即整，手打食落果然彈牙。三秒腐皮 ($60) - 即叫即炸脆到爆，放落鍋裏面3秒就要拎上嚟食。大邊爐四式餃 ($72) - 四色餃係朋友另一推介，各有特色，大大粒，皮薄用料新鮮。滋補花膠仔 ($66) - 花膠仔雖然唔大隻，但分量十分多，好抵食。朋友果然無介紹錯 …查看更多

生日飯局浪接浪，朋友帶我黎到九龍城打邊爐~ 九龍城出晒名係小泰國之稱。我黎親都係食泰國菜多，一係就xx牛肉館。朋友話呢間唔錯，想同我分享下~入口唔太起眼 ~ 行一層樓梯上去。上到去環境舒適，燈光鮮明。侍應好快送上餐牌同醬料俾我地自行"混醬"。冬瓜瑤柱湯 $64夏天熱辣辣，要咗個消暑袪濕嘅冬瓜瑤柱湯做湯底。湯底係用冬瓜丶瑤柱同唐排熬出黎，清甜唔油膩。湯底入面仲好多小瑤柱。竹蔗茅根水 $64打邊爐咁熱氣，梗係叫 jar 竹蔗茅根水。唔太甜，清熱又下火。手切安格斯肥牛(大) $288牛有4款選擇，我地要咗個中等價錢。牛肉新鮮呈鮮紅色，脂肪分佈平均，淥兩吓就有得食。放入口，牛味好濃郁又嫰滑，好正~ 係好好食~    (下次要試埋個手切肉眼邊肥牛先)加拿大桂花蚌 $138桂花蚌食落鮮甜，口感爽脆彈牙。海鮮蛋角 $88蛋角好食~ 嘩! 有蛋汁之餘，餡料仲好豐富，有杞子，鮮蝦仲有帶子花膠仔 $66朋友點咗個花膠仔，話俾我養下顏喎~ 好多膠原BB ~嘩…好大方，一碟有好多花膠仔。抵抵抵~ 咁大個女，都未試過打邊爐有花膠食，所以唔知都淥幾耐。於是問下侍應，佢都好好咁話我地知大約10-15分鐘就食得。四式餃 $72最鍾意叫d一碟有幾款嘅野，咁樣樣都可以試晒。四式餃有魚皮餃丶鮮蝦水餃丶瑤柱菜肉餃同西洋菜餃。新鮮，食落無雪藏味，皮薄多汁。四寶丸 $124 四寶丸有牛丸、豬肉丸、蝦滑同墨魚滑。    侍應介紹肉丸係佢地自家制，即叫即唧食落彈牙，真材實料 Juicy~脆香腐皮 $60三秒腐皮，淥三秒就要拎返上黎，吸到湯汁精華之餘，口感外脆內軟。唐生菜 $30新鮮~特式魚蓉麵 $42魚蓉麵有魚味，鮮甜口感煙靭。材料樣樣新鮮鮮甜，d精華去晒個湯到，最後忍唔住飲晒個湯底~水準唔錯，食物新鮮，值得再嚟嘅地方…查看更多

九龍城係一個好多美食既地方''*最多既就係泰國菜, 火鍋店同埋甜品店啦!!!早幾天又來到九龍城, 目的就係同朋友們打邊邊~就係於地南道的一間上樓火鍋店, 叫做【大邊爐 Da BINO】地點容易找到, 於門口沿樓梯行上就到的啦~~店內不算大, 只有5至6張台左右, 以及兩間 VIP 房''*場內都很乾淨企理!!!湯底未到時, 先來了調味醬料, 雖然只有五款, 但平時食開的都有齊''*另外仲附有一碟酸菜及一碟辣味醬料 (唔知係唔係 menu 上的豉味醬呢)那個辣味醬料我覺得很讚!!!有d 豆豉及味道少少辣, 蘸野食真的不錯~我地點選了【蕃茄野菌金湯蟹鍋】湯底''*入面有一隻新鮮膏蟹, 仲有什菇, 粟米, 豬骨同蕃茄等既配料!!!個湯底好鮮甜, 而 D 蟹膏融入哂個湯入面, 特別香~~先來的就係丸類同埋餃類, 仲有鮮冬菇, 隻隻都好大隻呢~~我地 ORDER 左墨丸拼蝦丸, D 丸好滑好彈牙!!!餃類就有鮮蝦水餃, 魚皮餃同埋莧菜帶子餃, 全部皮薄又多餡；大大隻好足料, 最特別既莧菜帶子餃, 好特別既配搭, 又好好味WOR''*打邊爐又點少得肥牛呢??這裡的肥牛是手切的, 我地就分別點了兩款：❤ 特級手切肥牛 (大, HK$248)這款脂肪較少及較瘦, 牛味不算濃, 肉質鮮嫩~❤ 手切安格斯肥牛 (例, HK$218)這款脂肪分佈得適中, 每片都較厚身, 食落好有口感且牛味十分濃郁~比特級手切肥牛更好食''*另外這個必食推介 ~ 三秒腐皮 (HK$56)即叫即炸既新鮮既炸腐皮, 熱辣辣又脆卜卜；浸落湯底 1秒至3秒就好拎返上黎啦, 半淋半脆既口感, 好味!!!新鮮炸起既果然唔同D 喔''*仲有這個海鮮蛋角 (HK$72)看似普通但確實令人意想不到, 即叫即整, 上台時還熱辣辣的~內裡包著好多海鮮, 有帶子, 鮮蝦等, 餡料好足又彈牙, 入面仲有D 蛋汁添；而且包得好實, 夾上黎都唔會散開!!!!海鮮方面都好多選擇, 我地就揀左桶蠔同埋蟶子''*❤ 美國桶蠔 (HK$138)一碟有 4隻蠔, 隻隻都好大隻架!!!熟左之後都冇縮到水, 啖啖肉, 好鮮味~❤ 蟶子皇 (每隻HK$36)大大隻既蟶子同樣冇縮水, 肉質肥厚又非常新鮮!!非常爽口鮮甜, HK$36 一隻亦不算貴~~最後仲點左女人至愛既滋補花膠仔 (HK$62)花膠雖然唔算大舊及厚身, 但十分嫩滑~好少可用花膠黎打邊爐, 真係好正''*今餐 4個人食都食到非常飽, 而且清哂所有野食呢!!!!樣樣都好味又新鮮, 真係值得再 encore 啊~~價錢算中等, 真係一分錢一分貨, 值得推介比大家''*…查看更多

講起食，我好有要求同心得咖。所以泥緊我會一口氣為大家介紹三家我近排食左，而且覺得直推薦的食府。分享一下我的味覺之旅。先介紹第一個，我至喜歡的打邊爐，今次就泥到美食雲集的九龍城了。咪睇九龍城好似舊區呀，間間舖都有料到，你去街邊食串串燒都有驚喜咖。所以今次我去的地點就係個名好有型的大邊爐了。上樓的大邊爐，唔怕開門關門攻一道熱氣同塵入泥，環境好舒適，冷氣充足。枱同枱之間間隔充裕，坐得舒服，一到歩叫左兩jar 邊爐孖寶，酸梅湯同竹蔗茅根。呢度的職員個個都好有禮貌。同我地介紹有咩正野食。好啦。最後我叫左麻辣湯底+ 皮蛋清湯(一濃一淡，balance 點)安格斯牛肉，本地手切牛肩肉，牛係打邊爐唔少得的美食，叫左安格斯牛同本地手切牛肩肉。安格斯牛勁嫩滑，充滿牛鮮味，厚薄適中。一食唔停口，滾五秒就剛剛好，口感同質感到一流！因為想試多一種牛，所以叫左細，但份量都好夠，果然真材實料。再泥本地牛肩肉，牛肩肉係牛味最重，最有質感彈性同均勻的部分。所以係我必吃的部份，呢個肩肉就算滾耐左都唔會硬，正到不得，絕對係愛牛人士必吃。海鮮蛋角，呢個直情要比5個like , 首先呢個菜式之前未見過，原來蛋角要即叫即整。上枱熱辣辣，可以即食可以滾係湯度吸下味。廚師包得好功夫，不會散不會爆。蛋角內海鮮足料，有鮮蝦，同大大嚄帶子，好甜好正，絕對係一定要叫再泥多round ！另外一個必點三秒腐皮。這裡的炸腐皮係自家製，即叫即整，炸腐皮炸得夠鬆化，層數多而且夠薄，又大嚄，師父預先吸好油，上台不會油膩膩的。滾三秒。有説不出的好味道。新鮮程度爆燈。嘆過大邊爐的食評，發現大家都鐘愛佢地的餃子，可惜當日無食到。但叫左另外一樣我覺得好出色的。就係魚皮餃。呢個魚皮餃，大隻又多汁，而且唔易散。睇得出用料靚。當然仲有必吃炸魚皮啦。乾身卜卜脆。而且大片唔易碎。我仲叫左竹苼，生根，手打蝦丸，墨魚丸。要讚大邊爐用料真係靚，你睇竹苼好白好靚，份量夠大不欺場。手打丸起彈牙。一口氣連食四粒。到尾聲，當然叫個麵食下啦。我最中意魚麵，有得玩有得食。大邊爐的魚麵同平時食到的不同，佢地用左鯪魚肉，一樣咁正，配上陳皮香味。不搶更帶出鯪魚肉味。比起平時食開的白魚魚面更清新而且有彈性。perfect .唔知大家有無同我一樣的諗法，最怕去打邊爐抽氣力不足，攪到周圍佈滿水氣，但人都無咩心情，係大邊爐就完全無呢個問題，抽風系統完善，食完唔會一陣味。而且環境乾淨舒適，乾淨。服務周到。價格合理，份量夠大。 …查看更多