海膽手卷

朋友生日揀咗呢間食放題，非常多人，我哋book咗位都仲要等15分鐘先可入座，店內以QR code 落單，除咗落單食物外，出面還有前菜食物及甜品選擇，食物種類都算多，上菜速度快，整體食物質素還好，我哋食得好滿足！…查看更多

耐唔耐刺身癮又起，會好想瘋狂任食一番，人氣日式放題「極尚大瀛喜」放題限時兩個鐘，旺角同元朗分店都幫襯過，今次第一次嚟觀塘店，餐廳環境好大樓底高，獨立卡座寛敞坐得舒服，私隱度高，同朋友盡情食嘢傾偈都好放鬆。我哋用QR code落單，餐廳另設有熟食、冷盤、飲品、甜品自助區，任飲任食。⊙刺身安排入座後即刻點一round刺身先，刺身款式都好多，松葉蟹腳、磯煮凍鮑魚呢類型放題比較少有，三文魚、油金魚、吞拿魚、北寄貝、帶子、酒煮榮螺、八爪魚，赤貝、赤蝦、甜蝦，點完一陣就好快送到上枱，擺盤好靚，嗰種鋪滿刺身澎湃感一定要打卡先。個人最鍾意赤貝肉厚爽脆，油金魚厚切肥美，帶子、甜蝦全部鮮甜，以二百幾蚊一位嚟講，淨係呢盤刺身絕對已經超值，我仲點咗幾轉。⊙創意刺身有四款選擇全部都好味，放題嚟講提供嘅食材都幾矜貴。⦿松露柚子醋池魚王一入口散發松露香氣，池魚王勁鮮味，配柚子醋酸酸的更清新開胃。⦿魚籽柚子醋鰺魚刺身三文魚籽鹹鮮，鰺魚口感滑溜帶少許爽脆，配柚子醋更突出鮮甜風味。⊙壽司壽司款式都唔少，仲有空運鮮魚壽司、火焰壽司同迷你手卷，試唔晒全部。⦿藍鰭拖羅壽司厚切大片超肥美，入口即溶，飯又細嚿，呢個價錢食到藍鰭拖羅勁高質，回本encore之選。⦿海膽手卷手卷係迷你，唔會食一件就飽晒，鍾意食幾多先叫幾多唔浪費，海膽好新鮮，見到一瓣瓣，唔會一出場已經溶溶哋，奶滑甘甜，入口即溶，回本encore之選，最緊要飯係細細嚿，如果唔會飽嘅話，我會一路食落去。⦿油甘魚腩壽司入口油脂豐富，配一點松露醬。⦿火炙三文魚腩三文魚腩豐富油脂經過火炙後更香口，入口充滿魚油香。⦿三文魚筋子壽司筋子新鮮，滲出鹹香。⦿醬燒左囗魚邊壽司醬汁香濃，充滿魚油香，必食之選。⦿鵝肝壽司鵝肝掃上醬汁經過火焰，表面更焦香，口感綿滑，一啲都唔腥，配上蔥絲，飯糰沾上芝麻，口味層次豐富。⊙串燒⦿鹽燒牛舌燒得熟度剛好，勝過出面好多串燒店，用鹽醃燒至焦香，爽彈有嚼勁，唧上檸檬汁更滋味，必食之選。⊙燒物⦿川燒珍寶鮮蠔燒剛剛燒好出嚟好有水準，蒜蓉釀滿成隻蠔嚟燒，好香蒜蓉味，蠔肉新鮮飽滿juicy，好鮮味，唔會燒到乾晒縮水，出面食川燒蠔價錢都唔平，無限encore之選。⦿極品金枕頭榴槤燒金枕頭都係任食太爽，燒後表面焦香，口感更creamy香甜，濃郁香味更突出，啱晒榴槤控。⦿西京燒比目魚西京醬漬醃魚肉，燒好後表面金黃，魚肉滑，魚油好香帶點淡淡的甘甜味。⧁一品料理⦿涼拌藤椒魚皮麻中帶清香嘅藤椒味，魚皮爽口惹味。⦿椰皇3.6牛乳燕窩燉蛋白用原隻椰皇燉，蛋白滑溜啖啖充滿奶香，仲有燕窩放面，感覺矜貴，食完都覺得美顏咗，啱晒女士們。⊙自助區有多款前菜、沙律、生果、熟凍蝦、青口、蜆、豉椒蒸鱔球、鹽水鴨⋯⋯⦿ D24蘇丹王榴槤蓉放題都有一整盤榴槤蓉任𢳂，當雪糕食，都幾瘋狂。⦿蟲草花膠雞湯味道清甜濃郁，足料有花膠，食得多刺身凍嘢，都會想飲碗熱湯。⦿飲品區一排雪櫃放滿飲品，款式多過便利店，汽水、茶類、自家製冷泡茶，亦有啤酒類提供。自由斟咖啡、冷熱清酒、梅酒、if椰青水⋯⋯⦿甜品區凍櫃放滿泡芙、布甸、豆腐花、乳酪⋯⋯名牌雪糕雪條款式都唔少，自助軟雪糕機俾你自己唧軟雪糕。無漏單，上菜同執枱有效率，埋單$268/ 1位，呢個價錢呢種質素，性價比極高，食得好滿足，飽到扶牆走，想食最好預先book定位。#極尚大瀛喜日本料理地址：觀塘觀塘道414號1亞太中心5樓…查看更多

因為父親生日book咗七大一細食放題,一嚟到就食刺身,刺身質素都幾高,刺身蝦好爽,又有希靈魚,又有帶子,又有甜蝦同吞拿魚刺身,款式都好多.另外海膽手卷一口size都幾好,反而太大舊仲浪費,一口就啱曬!另外出面熟食自己攞嘅有個鱔魚都幾林嘅好食！另外下單熟食方面,羊架都幾好食,另外酒煮花螺同埋鮑魚都幾淋幾入味！另外牛舌串燒都幾好味！如果其中有人生日,佢地會送movenpick雪糕,有四款畀你揀,唔錯！…查看更多

開到成行成市既放題店名無獨有偶地都有大、滿、喜、吉、極等字眼，老實講撞名撞到我完全分唔到，當中居然有一間亮眼地做到有口皆碑，朋友話「極尚」字頭就代表好食喎。係唔肯定有冇點錯相既情況下黎到，佔地極廣又開揚既場地坐無虛席，令我隱隱帶點期待。 好在book定位，坐低即時怒點刺身先。三文魚同北海道帶子好新鮮嫩滑又肥美，以此質素如果可以再厚切d，帶子原個片開咁上就完美喇。 珍寶大赤蝦爽口鮮甜，大塊又厚身，絕無欺場。 俄羅斯甜蝦估唔到會好似手指咁粗，食落有彈性唔會粉。　吞拿魚不過不失。壽司細細件，黑松露赤蝦面頭個督黑松露醬散發出濃烈香醇既煤氣味，同爽口新鮮既赤蝦好夾，必叫。 帆立貝如想像般啖啖肉又清甜；三文魚腩就比較薄，可以不試。海膽手卷單睇色澤竟然有幾分似我係日本食到既靚海膽，味道新鮮香醇，餘味帶甜。 最感人既係原來手卷飯量得一啖仔，香脆既紫菜底部原來空心，莫名地好開心。御品鮑汁燴花膠絕對係誠意之作！ 花膠炆得軟腍入味，雖然唔係頂級花膠，但大大塊、厚身又彈牙，忍唔住encore左幾次。 鮑汁調味咸淡得宜，連底下既紹菜都煮得岩岩好，朋友唔好花膠都話好味。炸物方面，芝麻雞翼一如所料地香脆，反而吉列炸蠔驚喜地幾鮮甜軟滑，完全唔會水汪汪。 一口芝士咬開係濃稠帶咸香既巴馬臣芝士，外脆內creamy，好味。榴槤炸彈既榴槤餡唔會太甜，榴槤味香濃，有少少似流心奶皇包既質感。燒物需時較長，無論熱度定選材都令人滿意。 燒紐西蘭香草羊鞍表面燒得焦黃，啖啖肉滑嘟嘟，好香孜然粉味。鹽燒牛舌彈牙又有肉汁，再厚切d就更佳。 鹽燒海蝦夠鮮甜，唔洗點醬都夠味。蒲燒鰻魚即燒至微脆，甘香冇幼骨。 黃金燒帆立貝夠大粒，味道不過不失。香芒鳳尾蝦以中蝦走油後同雜椒、千島醬同炒，酸酸甜甜好開胃，連伴碟既新鮮芒果粒都好甜。蒜片和風汁炒牛柳粒夠嫩滑大粒，好有鑊氣。 雖然強調係二人份量，其實只有十粒左右，我自己都食得完。小炒之中我最欣賞醬炒香辣牛孖寶，牛柏葉同金錢肚夠爽脆就不在話下，最正係用左豉椒猛火快炒，熱辣辣又香口，好有大排檔風味。受猶如肉蟹粥既圖片吸引，叫左個瑤柱鮮蟹肉粥。 當然現實中隻蟹細左好多，粥底亦只有輕微鮮味、似食緊粟米粥多d，但估唔到原隻蟹仔肉質扎實清甜，仲挖到好多金黃蟹膏添。食咁多年放題除左自取飲品之外，都未試過場內有大大個buffet區，放滿前菜、熟食、飲品同甜品。前菜有中華沙律、味付螺肉、茄子同白雲鳳爪等，食到尾都仲有refill，保持到夠凍。熟食有薯角等炸物，仲有兜菜，由於落單紙已經夠多野食，所以我係冇食既。 唯一有試既係黃金蝦，估唔到半煎炸到連殼都食得，咸蛋黃醬又夠咸香，最重要係選用左鮮甜、成隻手掌咁大既大蝦，啖啖肉好好味，雖然部分比較多油。飲品佔左成面凍櫃，數量直頭多過一般既便利店。 除左汽水、檸茶之外，仲有唔少韓國特飲同啤油，款式幾齊全。 當日天氣凍，居然仲貼心地有個暖櫃放左熱維他奶，好加分。甜品細細杯，又係佔左成個凍櫃自取。 當中隨意試左木槺布甸同朱古力mousse，幼滑香甜，比想像中出色。最欣賞係雪糕櫃足足有9款選擇，除左雪糕杯同大腳板，仲有我最愛既mega脆皮雪糕！ 第一次食mocha味，熟悉中帶點驚喜，畫下圓滿句號。二百蚊左右既放題，本來冇好高期望，意外地每道菜都好有水準，單售亦唔失禮，絕對值回票價。…查看更多

窩夫與蝦子餅有一段時間沒有吃過日式放題，最近去試了位於觀塘的極尚大瀛喜，沒想到平日晚上也座無虛席，水準應該有保證吧。落單紙以外，設有自助區，可以隨便取沙律、前菜、中湯和小食等，蝦子餅取了青口、小丸子和蟲草花魚翅花膠烏雞湯，青口很鮮味，蟲草花魚翅花膠烏雞湯有驚喜。極尚大瀛喜的飲品選擇可能是全港最多，有汽水、汽酒、啤酒、橙汁、豆漿和咖啡等。海膽手卷上桌時紫菜還是脆的，要趁新鮮快點消滅它。即日空運抵港的刺身，有挪威三文魚、日本油甘魚、劍魚腩、北寄貝、北海道帶子、榮螺片、珍寶大赤蝦和虎蝦刺身，窩夫特別喜歡北海道帶子，劍魚腩也很肥美。蝦子餅愛上了鹽燒左口裙邊壽司。超人氣黃金燒帆立貝的帆立貝比預期中大粒。風味醂魚乾的水準有點參差，有一兩條過硬咬不開呢。上菜的速度很快，小小的桌面放滿了食物，有鹽燒海蝦、虎蝦天婦羅、皇帝蟹棒天婦羅、北海道牛乳炸鮮奶和鹽燒牛舌。燒紐西蘭香草羊鞍很好吃啊！燒有機新鮮菠蘿切得比其他放題餐廳厚，多汁香甜，一定要安歌。日式放題竟然會吃到御品鮑汁燴花膠，還要是超水準之作。香蔥鵝肝帶子壽司，稍嫌鵝肝不夠甘香。帆立貝壽司的帆立貝很大隻，味道鮮甜。鄰桌的比目魚西京燒看來不錯，窩夫與蝦子餅也點了一客，燒過的比目魚肉汁豐富，肉質嫩滑。甜品的選擇不少，窩夫吃了古力樂雪條，也嚐了平日較少見的阿波羅香芋味雪糕。…查看更多

難得放假當然要好好享受假期食返個日式料理放題.. 今次我地一早訂左位食5點半嗰一轉.. 可以食到8點又唔洗點同人迫.. 哈哈.. 不過一去到坐無虛席.. 而且壽司熟食選擇多.. 仲有自助吧.. 好多甜品小食飲品都有得揀.. 識叫當然點左刺身先.. 樣樣都不錯.. 特別係帶子我喜歡夠大粒.. 夠晒口感.. 而蝦刺身都有3款當然最大隻係最好味喇.. 仲有一大堆冷盤壽司小食.. 全部都係自助吧拿的.. 喜出望外嘅係連海膽都有得食.. 細細件手卷一口剛剛好.. 唔係間間日式放題都有.. 海膽色澤靚食落口更係無得彈.. 每一款嘅特色壽司都各有賣點而且好味道.. 讚不絕口.. 當然食左咁多壽司都已經飽飽地咯.. 熟食方面牛舌, 燒菠蘿, 炸雞翼及羊架就係我首選喇.. 天婦羅就略為普通.. 不過食得放題當然要試埋啦..…查看更多

啱啱去到係十二點十幾分， 可以食到係三點但係就兩點半收單食了2個半鍾。一入到去，張檯都幾細，但成個場都好精緻，d人嘅服務好到爆，由於是午市，使用手機apps落單，個服務員幫我地連Wi-Fi,dow埋，set埋個帳，掃咗張檯，就真接用手機落單，落咗5使2mins，即刻上到黎，快到d野擺5落張檯，要cancel 剩下嘅，每隔一陣會有人黎收骨盛同埋自己隻碟，同埋換個新嘅碟同骨盛俾你，d野係高質嘅，可惜嘅係火灸三文魚壽司上面冇沙律醬一齊。佢有勁大個雪櫃俾你任攞野飲，甚至有埋擠乳酪雪糕，三款口味，9種配料。佢一見到你5識用，會出聲幫你。另一面有自助甜品區， 馬卡龍嘛嘛，泡芙good，牛奶布甸高質， 布朗尼高質，etc.隔離係自助小食區，有沙律，八爪魚，螺肉，帶子綑邊，好好食。壽司同魚生都好好食，種類都好多。最緊要係，佢呢到令人freel到佢地員工嘅heart，全心為你服務。 仲有用手機落單嘅好處呢， 佢有時間顯示幾時落咗單， 上咗嚟之後佢就會側邊有個剔， 避免咗漏單嘅情況， 要等好耐之後再交張紙上去， 又慳時間又慳紙。 快捷又方便， 想食咩就手機loop兩loop。 注意佢啲wasabi好辣落小小已經好gong鼻。午市特價188加一服務費。…查看更多

永遠同朋友食大餐最好既方式就一定係放題既，不過大家都知放題都有分好同壞，不過今次根據朋友經驗分享，就一大班人去左品嚐下lee個放題一入餐廳就已經比餐廳既service吸引到，因爲餐廳唔係用普通既寫放題紙落單，反而系好有gimmick甘用手機app落單，超級方便然後當然，放題既第一彈梗系新鮮魚生唔係講笑，魚生普遍都好大塊，而且款多鮮甜，擺盤都好精緻，我地都翻叫左幾round然後就當然挑選左一d比較偏門系其他放題餐廳好少見及菜式，包括以上lee個海膽手捲海膽鮮甜唔腥，而細細舊亦都比我地可以翻叫好多次去滿足我地既食量，認真好推介，諗翻起都流曬口水而且仲有好少見既蒲燒鰻魚，作爲鼎鼎大名及鰻魚迷我當然系任何有鰻魚既餐廳都要好好品嘗一下果然賣相已經好唔錯，唔單指燒得岩岩好無過多燒焦既黑色，燒得好有色澤，而且厨房系系塗上鰻魚汁之後先燒，所以可以聞得出鰻魚本身既香味，再加上size切得好好，可以一口過但又滿口鮮肉，我翻叫左超多次最後好推薦餐廳既甜品，餐廳有甜品用app叫，亦都有自助甜品區for好似自助餐甘自己ling，而哥度最受歡迎既莫過於馬卡龍，成日都見到被清曬，而且超多款味道而最後我就嘗試到僅餘既一個芒果馬卡龍，焗得好脆，芒果漿亦都好甜好膩，不過我好中意個texture，一定列入好評行列總的來説，今餐雖然真係食得豪，不過真係好好享受到好多美食，一定要再食既餐廳…查看更多

我，放題達人又食放題la今日黎同小學同學聚會我地一齊book呢間極尚大瀛喜先叫刺身個人覺得呢度ge蝦係最靚刺身蝦又新鮮又爽口少少腥味都無食落仲好肥味仲有最愛的虎蝦啊！唔係間放題有得食好爽口！完全無霉如果有得配泰式辣汁就更好壽司方面，我叫咗花之戀三文魚相當大片，好肥美配上沙律醬同蟹子真心一流最好係飯細細舊食多幾舊都唔飽海膽手卷都不錯海膽大大舊配上脆的紫菜香口的飯一流！甜品我叫了macaron超級脆口！而且好好味我最愛就係朱古力味個個小學同學都話要黎反呢間食…查看更多