新記煲仔雞粥 (已結業)

呢排想清清地食下粥，即刻諗起新記雞粥😋成日都聽朋友講話佢嘅粥好食！🔹貴妃雞粥 $56一上檯就聞到好香嘅雞粥味，粥底夠綿，d雞油佈滿粥底，好香雞味！佢成碗雞粥份量好大碗，雞嘅數量好多，係必食之選！🔹酥炸魷魚酥 $58魷魚酥🦑大大條，炸到勁香脆！一向都鍾意食魷魚酥嘅我，真係食到停唔到！佢咬落好彈牙，係新鮮嘅感覺！🔹紅燒元朗脆皮乳鴿 $73乳鴿都係我嘅最愛，佢嘅外皮炸到好脆，食落脆卜卜，配上准鹽真係好味道😋乳鴿唔會好細隻，食落都幾多肉。🔹海哲手撕雞 $55呢個冷盤大大碟，海哲爽口入味，配上手撕雞，成個配搭都好夾😆成碟海哲手撕雞嘅醬汁都好足，食落好香麻油味、雞絲肉質唔會好鞋👍

收工路過去食嘅小店，武漢肺炎期間都全場爆滿，生意唔錯。主打食雞粥，除此之外都有炒粉炒麵，種類繁多，我地點咗幾個前菜，加個貴妃雞粥。炸兩皮非常薄，但豉油過咸。皮蛋味道正常，涼拌汁雖然唔辣，但有淡淡蒜味。魷魚鬚味道正常，但略微炸得太乾。海哲手撕雞就真係麻麻地，可能個人真係唔太鍾意食海哲，前菜涼菜整體一般。至於主打嘅貴妃雞粥，我覺得係出色！個雞好滑，就咗睇會以為佢好似白切雞咁無味無道，一咬落去係好香酒味，咸味適中，我都係而家先知貴妃雞係咩味。粥底就好綿，係好食嘅粥底一鍋粥其實唔多，一個人都食得晒，下次黎我會叫多個粥！

元朗人今次要講下新記雞粥，新記係又新街呢條競爭大既美食街開到咁耐，係有原因既～海哲手撕雞$49必叫之選，去到就知差不多每一台都叫，夏天咁熱，食手撕雞係唔會錯既選擇！雞肉同海哲撈埋d醬汁好香，多多芝麻，少少辣（少過bb辣）海哲同雞肉都好足料，唔似其他鋪會溝大量涼皮同菜。紅燒脆皮乳鴿$59乳鴿控根本抵抗不了😋肉汁同油脂香到呢，仲有脆皮，一切都太吸引🤤火腿炒米粉$29簡單既餸，其實最考師傅功力，呢間水準都保持到～椒絲腐乳炒時菜$42呢味菜永遠唔會伏，大大碟菜食多d罪惡感都無咁大（食飽先可以減肥）七喜龍眼冰$22最後飲返杯有大大粒龍眼肉既少冷七喜，夏日炎炎最解渴！

放假入元朗探完朋友, 見天氣凍凍地朋友帶我去食煲仔粥, 煲仔飯就食得多, 煲仔粥唔係周圍有得食當晚6點半到達, 店內已經坐滿, 在門外等候都可以睇到有咩招牌菜可以點, 另一邊門外亦有姐姐即場整腸粉店內空間不算很大但容納到有多食客, 沒有擠迫的感覺, 原來門外的招牌菜單只是一部份, 餐牌內還有更多選擇, 粥粉麵飯一應俱全, 真是眼花撩亂. 就算是煲仔粥, 你想到怎樣配搭的都可以點, 這應該是我見過最多款式的粥店馳名貴妃雞粥當然要點, 雙拼都係加幾蚊, 雞粥果然真材實料, 每件雞都好嫩滑, 有雞味, 肉丸亦彈牙, 雞粥一d都唔油膩, 入晒味另點了, 田雞黃鱔粥, 粥底又綿又滑帶一點鮮味, 黃鱔無骨爽滑, 田雞好Q彈. 對比雞粥又是另一翻風味鯪魚球每一粒如乒乓波般大, 炸至金黃色, 啖啖魚肉爽口彈牙, 配上蜆介汁咸咸地, 更惹味炸大腸外層好香脆, 煙韌耐咀嚼, 不算油膩,外表細碟其實挺多的, 配上汁醬酸酸甜甜海哲手撕雞真是不能不點, 混入芝麻醬/ 炸菜, 味道獨特, 好麻香, 口感又有韌性, 非常讚蒜茸炒螺肉, 連同洋蔥/青椒/蔥頭一齊炒, 蒜味不算重但螺肉咬感十足, 是巧手小菜之一硬豆腐