天天海南雞飯 (ELEMENTS圓方)

營業中

休息中

Seafood loves sake椒鹽魷魚 配 帝松 辛口個味道普通，魷魚🦑幾嫩滑爽口酸菜石斑 配 龍勢 夜之帝王個湯底酸中帶辣，酸同辣嘅程度都恰到好處，唔會好酸好辣，而石斑嘅肉質鮮嫩緊實（但個人認為用石斑做酸菜魚唔係太match，覺得酸菜魚比較適合用肉質比較軟嫩嘅魚🐟）海南雞啲雞肉皮薄肉滑，雞皮冇肥膏唔會油膩，雞皮食落口感似好軟嘅果凍，涼嘅雞肉配上暖暖嘅秘制雞汁食落香滑又多汁，配搭嘅三色醬每個醬都好出色，黑色：黑醬油、橙色：特色秘制辣醬、白色：醬蓉雞油飯色香味俱全，一帶開就香味撲鼻，飯都粒粒分明超級水果茶（👍🏻超級推薦）水果又新鮮又豐富，每種水果都大大塊貨真價實，清香嘅茶底加上水果嘅鮮甜認真好飲，而且💰38就有1L咁大杯（兩個人飲都飲到好飽）價錢雖然唔平，但味道好出色非常值得食

今次一家四口在圓方搵晏食（3大1BB），行吓行吓發現來自新加坡嘅天天海南雞，二話不說，就呢間啦餐廳環境光猛闊落，座位都幾舒服，之前已食過沙田新城市分店嗰間，諗住一人一set海南雞飯，再加小食，一睇餐牌，圓方分店係冇set嘅，全部都係單點小菜，都唔緊要，反正我哋一家四口都食得晒我哋叫咗半隻招牌海南雞，大石鍋雞油飯（已足夠四個人份量）及3款小菜，食物味道一般，同新加坡嘅天天有距離，麻辣雞翼不是很入味，比較淡口可能期望太高啦，有些失望

圓方食物種類不算太多, 知道有新店開了就過來試試看, 來光顧的客人都不少, 來晚了的人還需要排隊看店家的名字就知道應該是吃海南雞馳名的, 這道菜必須點吧? 點了一份例牌海南雞, 油飯需另外加$48屬於單點的不負所望, 他家的海南雞真是名不虛傳, 雞肉滑滑的, 尤其是他家的獨門雞汁, 絕對昇華了平凡的海南雞, 是從未吃過的味道另外店員介紹了牛乳蛋白龍蝦($298), 據說是得獎菜式, 也就試試吧貌相擺設出位, 實質上龍蝦肉數量只有少少幾片, 不值這個價錢, 在龍蝦肉上鋪了蒜蓉醬再合併於牛乳和蛋白之中是新穎的嘗試, 但個人還是比較喜歡吃啖啖肉的龍蝦最後, 店員的服務不敢恭維, 看見他們都只是集中招呼熟客, 可能住在附近的熟客多所以不憂做吧吃了兩道菜加一個飯, 二人共消費了近$800, 值與不值真是見仁見智了

原來海南雞係咁好味!今晚約左朋友去左圓方睇戲，睇完戲好肚餓，所以當然喺附近搵野食醫肚，行行下先知道原來圓方有”天天海南雞”，久聞呢間新加坡米芝連餐廳既大名好耐喇，諗都唔駛諗就去拎位試下。餐廳環境雅潔，有東南亞風味之餘亦相當有格調，坐位闊落舒適，員工非常有禮貌，招呼好好，抵讚!一坐低就點左兩杯飲品先，杯超級果茶味道好重熱情果味，酸酸甜甜咁，好好飲! 另外果杯火龍爆檸亦係驚喜，酸中帶甜，有種好快想飲哂佢既感覺!先試試一D小食，呢個蒜泥黑豚: 麻辣青瓜同黑豚白肉，豚肉切得幾薄下，咬落去感覺新鮮，點埋個麻辣汁，口感更特別，十分不俗。緊係唔少得人人都慕名而來既海南雞，我地點左例牌既天天海南雞，就咁睇表面都覺得好滑，一食落去真係好嫩口，皮薄肉滑，冇乜肥膏，加上佢地秘制既濃雞汁，配埋搭一流，未食過咁好食既海南雞，一定要來試試!食海南雞緊係要同雞油飯一齊食，呢個天天石鍋雞飯油香十足，但又唔會覺得油琳琳咁，好好口感。另外仲叫左水煮和牛，肉質好嫩，唔算好辣，剛剛好，又唔油膩，仲配埋青瓜、雜菌同芋絲，賣相同味道都好好，好有誠意。總括黎講，環境舒服，員工十分有禮，主打既海南雞係小弟食過既最好味，而其他非主打既

圓方係我放工約人食飯的其中一個心水地方，方便我立即歸家。不過圓方餐廳都偏貴，我係openrice搵左好耐，發現呢間每人二百元左右埋單，是沒選擇的選擇而已！海南雞，無論快餐店至茶餐廳，我都未食過覺得唔好食嘅，令我好期待呢間專食海南雞嘅餐廳啊！叫左一份海南雞，配任何飯都係單售，我地叫左一個油飯！油飯用木桶裝，食落口好惹味！至於個雞，超級失望，鞋口，雖然明知冇一間會用新鮮雞，但呢間食落口雪藏感好明顯！醬料係海南雞嘅靈魂，佢冇咩特別，我比較喜歡美心的！另外叫左杯芝芝芒芒，芒果味唔算香，茶味比較重，都可以嘅，感低芝士的膩！小食吖左兩個，一個係併盤，我唔想影，因為好難食，佢係又酒浸的，有雞干，雞腳，鴨舌，仲有樣唔記得左，難食原因係只係得酒味，冇其他味，而且酒味太濃，鼎泰豐做得好好多，會食唔停口！最後呢個唔記得叫咩名嘅炸墨魚餅，呢個好食，而且出面未食過，食完一舊會想食多舊！總括黎講，重點都做得唔好，又唔係平，冇下次！

每次經過銅鑼灣"天天海南雞飯"都大排長龍, 絕對係長期既人氣之店, 馳名既海南雞好食得街知巷聞, 食過一次, 令人回味無窮!今日同朋友係Elements shopping, 發現原來呢度都有分店, 朋友未試過, 就一於同佢去食返餐!店內裝修跟銅鑼灣分店同樣富有新加坡風味, 設部分卡位, 平日晚全場已經爆滿, 很有人氣!【松露蝦多士】 HK$108多士唔會過油, 蝦黏附住面層, 中間除左夾住松露之外, 仲有唔少墨魚粒, 松露香配上鮮甜爽口既蝦同粒粒墨魚, 層次豐富, 味道很正!! 足料!【騰雲駕霧】 HK$108賣相很吸晴, 下層有乾冰煙霧增加賣相吸引度, 其實呢道菜係平時中式酒樓食開既咕嚕肉, 以黑豚肉沾上脆漿炸, 炸皮完全吸左酸酸甜甜醬汁, 非常惹味開胃! 肉質比較札實, 但KEEP到肉汁唔會好乾。【小炒之皇】 HK$98蝦乾有咬口感, 鹹鹹地又甜甜地, 加上韭菜, 很有穫氣!【海南雞】 HK$158黎到必點當然係海南雞! 海南雞已被去骨, 每件雞件都沒有肥油層連帶, 只有薄薄淡黃色既雞皮, 肉質超級嫩滑, 淋上杰杰地帶少少鹹既秘製醬汁, 令雞件入口更加滑, 配上三款醬汁包括: 新加