Bugis@叻沙・海南雞飯

行山前要食個飯先，黎到鑽石山唔知食乜好，都係食返呢間😂 好耐先會黎一次，咁岩都係行山！時間比較早，所以冇乜人，環境都好闊落！今次好似係坐返上次個卡位！😅😅午餐都算多野揀！但我都係揀返我最愛既海南雞飯😍😍一盤咁上！賣相都係咁吸引！咁岩被分配到有雞背/雞脾位！超滑，但係冇紅卜卜嚇死你既生肉😂！不過當日d醬除左黑醬油之外，全部都好咸，懷疑佢地加錯左野，不過我唔係好點醬，所以由佢。個飯都好食，油香，😋😋😋同行朋友叫左個肉骨茶！係馬來風味！我比較鐘意馬來既藥材口味！試左一啖，唔錯！排骨大大舊！如果係用油炸鬼代替豆卜就好喇！😆杯桔仔特飲幾清新XD總結，如果黎開鑽石山都會再黎食！不過午市都差唔多成一百蚊個，有d貴🤫🤫🤫…Read More

今天潛水後去了鑽石山的荷李活廣場覓食，非常肚餓，所以想食海南雞飯，夠碳水化合物。然後就搵到呢間一睇就知道係東南亞風情餐廳 BUGIS 啦！有想過叫下午茶餐，不過怕下午茶份量少，所以叫返普通海南雞飯餐。招牌菜通常不需要等待很久，很快就上菜。飯真的很大碗呀，是非常香的油飯！吃海南雞飯最正就是油飯呀！平時的我一定吃不完，但今天真的比較肚餓，雞的份量也很多，而且肉質很滑嫩，配上我最喜愛的甜醬油和薑蓉，非常美味！…Read More

平時都會嚟呢間食海南雞飯，今次我哋3個大人1個細路叫咗3個海南雞飯餐，同埋1個酸菜魚米線。😍😍✨✨海南雞飯真係又嫩滑又唔會有肥膏，仲會係每一碟都係比雞髀🍗部位，真係值得推介(⁎⁍̴̛ᴗ⁍̴̛⁎)✨✨海南雞飯嘅汁有薑溶、酸辣汁、同埋海南雞飯必配嘅醬油，小朋友好鍾意食呢個醬油，非常嘢味😆✨✨（＾ω＾）佢哋個酸菜魚味道亦做得啱啱好，唔係太酸，都啱晒唔係咁想食濃味食物嘅朋友仔(*≧ω≦)✨都有少少辣味😊😌餐廳服務員態度都有善，座位都坐得舒服。✨✨…Read More

自己都算係鍾意食雞既人，海南雞飯當然唔少得，平時都好難搵到出色既雞飯。呢間野平時行呢個商場都望到，今日入去試下，見到好多枱客都嗌海南雞飯一於試一試。海南雞飯，連飲品，最平$72，午市免加一飲品方面有3樣唔駛加錢既，黑糖豆漿，桔仔特飲同羅漢果水不過勁多桃有排挑講番個雞飯，有驚喜喎份量足夠，而且刀工幾好，真係啖啖肉一半雞胸，一半髀肉肉質光滑，胸肉一定有少少嚡但雞味都濃郁，油脂白味濃，部分肉甚至有啫喱。如果咁既價錢我覺得值既，比起某『天X』更高質今餐唯一要挑剔係醬料問題黑醬油太重胡椒味呢間絕對可以encore…Read More

經過見到依間新加坡餐廳，招牌寫住叻沙·海南雞飯，一於試試佢地既招牌菜。點了海鮮叻沙摻摻。叻沙既湯好濃，兩種麵條係入面，有好多海鮮，青口大蝦都非常新鮮。亦有晚餐set，點了海南雞飯套餐。主食揀左海南雞飯，仲包一個小食同埋飲品。海南雞很夠味，而且每一件都很嫩滑，配埋三款醬汁，正。黃油飯好香，食落唔會太油。仲有配咗清湯。小食選了豬頸肉，大大粒好厚肉，配沙嗲醬另外加錢要左個肉骨茶。藥材味好重好好味。但係配既油炸鬼太硬。野飲係桔仔特飲，有粒粒桔仔，不會太甜。食左餐又豐富又正宗既新加坡菜。…Read More

黎到2019年最後一日，正常黎講旺區都係人逼人架啦所以就同屋企人去左鑽石山荷里活商場食今年既最後一個晚餐行行下見到Bugis@叻沙.海南雞飯醒起上次係荔枝角D2 Place食過覺得質素幾好，見到佢又暫時無人排隊，就決定今晚食呢間啦本身想叫一人套餐，因為一人套餐都幾抵食咁，但因為我地太多野想試，所以都係決定散叫餐廳座位大部份都係梳化位，枱與枱之間既距離都算大，坐得幾舒服職員服務態度幾好同埋好有禮貌，見到佢會主動提一啲長者客人所點既菜式會帶有辣味，咁好既態度都好少見由於上次食過海南雞印象幾好，今次都係忍唔住再叫海南雞，不過今次叫干撈麵屋企人就叫左海南雞飯另外再加點什錦拼盤，入面有棒棒脆蝦、沙嗲雞肉串燒、香煎魚餅、海鮮春卷上菜速度好快，十分鐘左右已經黎齊哂我個碗海南雞干撈麵係以甜醬油、乾蔥做調味甜醬油唔會過甜，份量恰到好處順帶一提，干撈麵有得揀油麵定係粗麵，我就揀左油麵雖然粗麵會掛汁得好啲，但個人認為油麵應該會比較襯海南雞海南雞份量唔少，佢係一半雞胸一半雞脾肉質同樣好鮮嫩，當然雞脾肉既質感會更勝一籌啦點配三色醬黎食更加惹味，不過下次再黎我應該會加錢指定要雞脾跟餐有個例湯，飲落好清甜，應該係羅漢果，唔錯屋企人既海南雞飯都無失手油飯偏乾身，唔會食到成口油，個人喜好黎講鐘意呢種海南雞同我個份一樣係半胸半脾什錦拼盤大份到我地食唔哂要打包~棒棒脆蝦就即係吉列蝦，炸得幾香脆，內裡蝦身幾大隻，有驚喜香煎魚餅有濃香茅味，魚餅食落無怪味同埋彈牙，屋企人好滿意呢一個魚飯沙嗲雞肉串燒肉質鬆軟，沙嗲醬汁非常惹味帶香濃花生味，我最鐘意呢味小食海鮮春卷外層有少少硬唔夠脆，內裡唔熱，似係整定左好耐食完埋單$315，呢個價錢好食之餘仲要飽到要打包，我覺得非常抵食!值得一試!…Read More

平時都會去鑽石山行下街，經常都會路過呢一間食新加坡菜嘅餐廳，試過幾次感覺都唔錯，久唔久都會嚟幫襯，自從去完新加坡之後對新加坡菜都念念不忘，所以都想寫返啲評價。今次係午餐時間嚟到，人流唔算太多，餐廳空間都算大，坐得幾舒服。餐牌內見到唔少特色嘅新加坡菜都有，例如肉骨茶、海南雞、叻沙，當然唔少得小食同飲品啦！⭐️海南雞飯新加坡菜點少得海南雞飯，滑雞份量唔少，一個人嘅份量啱啱好，仲配有黑豉油、辣醬同姜蓉，三種將一齊點，十分配合。油飯唔會過鹹，亦可以帶出飯香味！⭐️沙嗲串燒呢度嘅串燒都好好味，忘記咗上面係豬定係雞肉，但係我就兩款都食過，十分推薦！食用時點充滿花生味嘅沙嗲醬，醬汁很濃郁，同肉類好夾，肉嫩又唔會柴之前仲有試過喇沙同肉骨茶嗰啲招牌菜，味道都唔錯，最緊要係可以喺香港食到新加坡菜，可以頂下癮吖嘛🤣🤣🤣會再來幫襯的…Read More

認識我久了的人都知我最喜歡食海南雞和小籠包～ 這年生日就有位朋友約我到荷里活食晚餐～ 沒想到她帶我吃這間的海南雞飯竟是如此美味～ 不是雞髀位的海南雞都勁香滑且份量充足、油飯勁香，醬油都是我喜歡的味道，跟餐附上的冬瓜湯也幫助人體每日所需的蔬果份量，餐飲要了最普通且較為健怡解渴的熱檸水～那碟無骨鳳爪更是爽口彈牙並且惹味，我想起都有點想流口水🤤🤤🤤 份量都物有所值～ 但事隔很久，不知現在是否還是這麼美味的水準～ …Read More

黎呢度最主要係睇到啲叻沙同海南雞飯嘅相非常之吸引，所以先想黎試試嘅首先係個叻沙其實一嚟到賣相已經覺得非常之吸引！飲落去，個湯底十分之香口！好重嘅椰香同蝦乾味，個湯底好惹味！好回味！麵方面，佢地加入左米粉同埋少少嘅油麵，咬落去唔單止咬口好好，同時可以索到個湯底嘅湯汁，呢個麵令人有驚喜！第二個係海南雞飯 個油飯味道算係ok，普普通通嘅味道，無咩好出色嘅油飯香。雞唔知點解有一半係好嫩滑，另外一半係好鞋口，有一兩件都仲有少少啫喱，味道都係普普通通，無咩特色。但不得不提，嗰三碟醬完全個味道就唔知點，豉油唔夠香，個辣嘅就唔夠酸辣，個薑蓉亦都唔夠薑味。 食後感：叻沙比海南雞飯味道好得多，如果係要食嘅話，我只會再返去食叻沙。順帶一提，下午茶係冇下午茶餐，係午餐嘅價錢…Read More

去到呢度都兩點半喇！但可能係週末，所有下午茶都係三點！都餓左咁耐，無理由仲等幾個字食下午茶丫。反正麵食都有野飲。兩個人，一人叫一樣野食。老公叫左豬頸肉叻沙。超多配料。重要既芽菜份量唔小，仲有豆卜，蛋！主菜既豬頸肉都唔小，而且煎香左先放湯！湯底椰汁味豐富帶辣。好惹味👍🏼我就叫左海南雞飯。可以㨂油飯或配麵。我就㨂左白飯！由於我唔食得好多飯，就叫左侍應小飯，但黎到都超大碗！有浪費既感覺。雞滑得黎都小小啫哩狀物！配上一碗冬瓜湯，湯比較清淡。三隻醬都正！平時只點薑蓉既我，今日點得最多係中間呢隻甜甜酸酸辣辣地既汁！令雞更加好味。野飲方面，熱飲唔洗加錢，凍飲就加$6。…Read More

去荷里活睇戲，睇完戲黎到呢間野，因為之前夜晚見過好多人食，咁今日見有假日午市套餐，咁又唔駛等位，就入去食啦！坐位都舒服，有卡位，以為枱面個壺係水，點知原來係茶黎嘅諗左陣，叫1個海南雞飯餐同一個新加坡茄汁紅飯，配香茅豬扒另外送野飲，可以揀熱或凍嘅斑蘭薏米水另外仲可以加錢叫小食，但都唔算平，所以無加小食個海南雞飯黎到，賣相都幾好，雞油飯都好香，雞滑無骨，幾好但個新加坡茄汁紅飯就好一般，其實即係西炒飯，個香茅豬扒又細份，又乾又無味，呢個價錢唔值斑蘭薏米水，都幾多薏米，但唔覺有斑蘭味，味道不錯總括黎講，價錢頗貴，質素好一般…Read More

睇佢門面靚靚估唔到會咁難食，叫左兩個一人套餐，我食豬扒椰漿飯，個豬扒又乾又硬，好差，完全食唔落，男友人食海南雞飯，都好一般，個餐有串燒同春卷，還可以，仲有杯薏米水，好難飲，無下次。…Read More

就咁睇間餐廳既門面係完全估唔到食泰國野⋯⋯呢間應該算係新式既泰國餐廳。晚餐1個set有1個主菜同1款小食，主菜我揀左海南雞飯，D雞一半係雞胸肉，一半係比較滑身既肉，我覺得有少少失望，諗住呢個價錢可以有雞脾既位置，而且D雞無咩雞味餐湯係冬瓜湯，但係無咩味！小食我叫左魚餅，煎得幾香口，但係竟然有骨朋友主菜就叫左個喇吵米線，碗米線好香喇吵味，而且都有幾多餸，比起我個海南雞飯吸引好多！佢小食叫左南乳雞翼，又係炸得好香口，都幾夠南乳味！以我自己黎講，呢間餐廳就未必有第二次，因為價錢同味道都唔太成正比（埋單仲要加一），不過如果想搵間餐廳同朋友坐底，一路食一路傾計，呢間都算係一個唔錯既選擇既～…Read More

一個人睇完醫生，黎到荷里活商場搵食，雖然一個人食，但都唔求其，好肚餓都要揀間要等位叫號碼既😂！.呢間未食過，只係我想食米飯，就揀呢間！.叫左個一人餐，小食揀左沙嗲雞肉串，主菜揀海南雞飯，飲品揀檸檬薏米水！.沙嗲雞肉串: 沙嗲醬好香，雞肉唔似燒，似炸🤔，入口好熱，見碟上好多油，所以覺得似炸！.海南雞飯: 中湯係冬瓜湯，夠熱，味道ok! 油飯都有雞油味，米飯軟硬適中。 雞肉都幾滑，無骨係基本野，但伴菜既 甘筍味道口感有啲怪，只有酸酸地怪味 同林林地既口感。.熱檸檬薏米水：見到餐牌話係班蘭味所以就叫，嚟到只係一杯普通嘅檸檬冬瓜薏米水，但味道可以！.…Read More

荷里活新開餐廳，又點少得我去試下呢夜晚8點幾先去食，都要排一陣隊。三個人食，點左兩個88蚊一人餐（一個餐有一小食，一主菜，一飲品），跟餐加左兩個肉骨茶，再額外加左個小食。跟餐小食，串燒雞同果個炸春卷都ok 。主食海南雞飯我就覺得麻麻，個飯冇椰香味，雞肉冇鮮味，而且有點油，同新加坡嘅真正海南雞差很遠好掛住新加坡嘅海南雞飯啦，香港好難食到好食嘅海南雞飯另外主食海鮮喇沙，味道幾好，有椰香味，少少辣，而且好多海鮮，不過佢係配粗麵同米粉，增加左佢個口感，:)我幾欣賞佢個湯底啦豬頸肉就炸到又乾又韌，咬都咬5到啦:(:(:(我加左兩個湯，肉骨茶，味道有點太濃，不太喜歡，好似飲緊送飯嘅汁咁，太濃唔好味。不過原來佢個海南雞飯入面有個餐湯送，雖然只係啲冬瓜清雞湯，早知唔加咁多個肉骨茶。總括而言，我俾個好評只係因為個喇沙幾岩我口味，其他食物只係普通啦…Read More