亞參雞飯 (康怡廣場北座)

營業中

休息中

上星期同幾個同事去太古食lunch，十五十六之際，經過亞參見有位新嚟培訓中嘅靚女侍應同我哋講（而家落單八五折喎）。反正一段時間冇去過，又鍾意食亞參嘅海南雞，就入去食啦。靚女再解釋我哋聽12:30前埋單就有八五折，但係我哋得番四個字時間驚唔夠，佢話只要我哋埋咗單可以繼續食的，當時覺得好感激，即刻話唔該晒。反正有八五折梗係叫多幾個小食一齊食啦！重點係一定會食至愛海南雞，正👍！咁我哋都知情識趣嘅，見有人等位就讓比其他人座。其實靚女好醒目，見佢做嘢好快手，又有禮貌。聽靚女講優惠做到四月尾，就算有冇優惠，我都會再嚟嘅，真心好食😋

和爸爸一起午餐，11：50到達，趕在 office 放午餐前到達。由康怡廣場近茶木位置入。3間餐廳是連在一起的，先穿過“敏華冰室”，就到“阿參”，再行就是“靠得住”。人不多，我們選擇坐卡位。用 qr code 手機落單。我點了海南雞飯 （$79） ，和班蘭咖啡（+$10）。記得 2017年去新加坡開會，周圍都食到又平又好味的海南雞飯，應該是食物原材料的影響。雞是滑的，有雞味。油飯乾身香口。甜豉油正常發揮，薑蓉唔夠香。記得十多年前在佐敦的翠華茶餐廳叫過海南雞飯，那個甜豉油和薑蓉是可以把整個飯提升一個層次。班蘭咖啡比預期甜，沒有班蘭味。爸爸點了蝦麵 （$69）+ 青檸水 （+$3）。他沒有評價好味與否。海南雞飯的來源眾說紛紜，有人說來自海南，但普遍相信發揚光大的是新加坡或馬來西亞。據說馬來西亞的書店也相當有特色，而且也有賣香港文學書和詩刊。