晴空日本料理

營業中

休息中

如果你係小食生野既又想試下，呢度啲生野可以放心食，因為你唔會怕食到啲魚唔新鮮呀，雪藏貨呀，或者低質數既食材，影響左你對刺身既初體驗，因為我女朋友麻麻地食生野，佢係晴空食過之後發現原來係咁好食😂,佢都開始食唔同既刺身，但除左係晴空，係其他地方食都係唔會叫...當然呢度都有好多熟食，西京銀雪魚超正，定食有前菜沙律，蒸蛋，湯，主菜同甜品，留言返呢個係午餐黎，都只係百幾蚊！而我覺得性價比高既原因係所有細節！1.前菜既沙律菜新鮮，沙律醋調過好夠味同份量岩岩好，啲菜唔會食到後面無哂沙律醋。2.蒸蛋唔係普通蒸蛋，佢有個好似蟹肉汁既野係面頭，食落好鮮味，而且係熱既😂，食完個人暖哂。3.麵豉湯你飲過會覺得其他地方跟果個麵豉湯好難飲😂，佢個麵豉湯比較清甜，唔似出面果啲咁咸。而且啲湯料有豆腐豆卜絲同海帶，個人覺得好有誠意。4.我食果個係西京銀雪魚既定食，魚好大件，而且有2件，燒得岩岩好唔會乾，所以望落去好肥美，而且個底唔係平時果啲生菜線或者耶菜絲，而係個炒野菜，重要好好食！所以成碟野係有菜有魚食，勁開心，好滿足。令外女朋友食既係海之幸丼，三文魚油甘魚同蝦都係肥美大件，而且好新鮮，個海膽係鮮甜,而且重有其他配

約咗friend去韓國街食lunch，無啦啦落起雨，見到呢間新開嘅日本餐廳個lunch menu幾吸引，對日本🇯🇵嘢毫無抵抗力嘅我哋決定試一試🤤！驚。喜。驚。喜估唔到lunch set嘅食材都咁高質！叫左1️⃣海之幸丼同2️⃣炙燒魚生丼。1️⃣有三文魚、海膽、甜蝦、帆立貝靚膽一入口就溶，好香，三文魚同帆立貝都好厚切，物有所值。2️⃣炙燒魚生燒得啱啱好魚油必哂出嚟好香呀my god我地決定下次嚟試下佢個omakase,相信lunch d 食材都咁正，omakase應該唔會令人失望掛！試完再匯報🤤🇯🇵❣️

#lunch #尖沙嘴呢間新開嘅小清新日本料理店座落係金巴利街(｡･ω･｡)ﾉ！唔好好似我咁大頭蝦行咗去金巴利道搵極都搵唔到( ･᷄ὢ･᷅ )如果行啱路嘅話好快就行到。海之幸丼🌊呢個丼集合咗我最鍾意嘅三文魚、甜蝦、帆立貝同海膽，一次過滿足晒4個願望(⁎⁍̴̛ᴗ⁍̴̛⁎)甜蝦同帆立貝都非常鮮甜同新鮮，三文魚今次切咗魚腩，好香魚油味٩(˃̶͈̀௰˂̶͈́)و海膽都幾creamy，整體魚生都幾不錯！下面嘅丼飯仲有菇、蟹柳同紫菜，唔會得魚生咁單調，呢樣十分抵讚！豪華海之寶石丼💎呢間餐廳啲名全部都改得好好聽'(*ﾟ▽ﾟ*)其實姐係角切魚生飯，咩都有少少(三文魚、吞拿魚、海膽、甜蝦等等)，輕微炙燒面頭嘅魚生，下面嘅丼飯同樣有菇、蟹柳同紫菜。如果咩都想食少少嘅話呢個飯就啱你喇ʕ •ᴥ•ʔ午市套餐包：茶碗蒸🍵個杯好靚(⁎⁍̴̛ᴗ⁍̴̛⁎)有啲瑤柱係面，個蛋都幾滑，入面有菇同一粒帆立貝仔。沙律🥗一條條個啲應該係薯條嚟！估唔到加落沙律都幾好食٩(˃̶͈̀௰˂̶͈́)و麵豉湯🥣甜品🍽今日嘅甜品係日式黃豆粉蕨餅，食咗咁多嘢都唔會覺得濟，好滿足٩(˃̶͈̀௰˂̶͈́)و