稚

營業中

休息中

就黎農曆新年，一個喺英國工作嘅朋友返咗黎香港，咁梗係要一齊食餐好嘅聚舊一下！我地去咗朗屏西鐵站附近嘅一間日本餐廳食野。餐廳門口睇落去細細間咁，但內裡裝修非常別緻，牆上面好多好日本動漫海報，好有日本嘅感覺。我地叫咗一個原條招牌蒲燒鰻魚($138) 同蔥燒牛舌（$78）。原條招牌蒲燒鰻魚非常大條！味道調校得非常好，外層脆脆地，裡面嫩滑。朋友叫嘅牛舌分量都非常足夠。兩個主食都分別再加$30升級至定食。定食包括：前菜， 漬物，煎茶，味增湯，珍珠米。前菜方面有白蘿蔔、麻糬豆皮包及獅子狗魚蛋。白蘿蔔非常清甜，英國工作嘅朋友表示好掛住白蘿蔔，佢話因為喺英國搵到咁大條嘅。麻糬豆皮包，豆皮外層包住裡面嘅麻糬，咬落去煙煙靭靭，好特別！至於佢嘅味增湯，用料非常豐富，有兩三舊蜆肉係入面！小食方面，我地叫咗黃金醬燒蠔($38) 同流心芝士年糕（$28)。蠔嘅賣相好吸引，上面有一層滿滿嘅芝士，食落又唔會鹹。流心芝士年糕，外層脆脆地，咬落去有芝士溶，值得一試！

店內座位約有15個，必須到齊方可入座，通風系統尚可接受，店內亦有提供籃子放物品，但要注意通道很狹窄容易絆倒人。汁煮豬軟骨，如果只叫主菜就沒有飯所以基本上是一定要加$30升級定食，本身汁煮豬軟骨份量適中，豬軟骨煮好後有用火槍炙燒過，味道適中沒有太甜或太咸，有些軟熟有些就比較韌。升級定食包括了蜆肉面豉湯、前菜是關東煮有一舊福袋年糕，中間質地軟熟口感不錯、珍珠飯有些少味素。大阪燒面頭是煎香了的豚肉片和大量紫菜碎加醬汁，大阪燒質地做得不錯，不會太淋有椰菜絲混入中間。流心芝士年糕當然是串燒店必點。雞軟骨脆卜卜幾好吃。日本青椒豚肉串豬肉的臊味有點突出，整體幾香口。

而家出街食飯都希望試下唔同嘅小店, 朋友介紹左元朗呢間由90後開嘅日本小餐廳 就專程去試下~今次5個人叫左3個主食同小食share 份量都好足夠因爲出名貓飯, 所以點左幾個試下~原來貓飯嘅意思係一碗白飯加上味噌湯, 同或以紫菜、木魚花同醬油撈成汁煮豬軟骨$74(定食+$30)汁煮豬軟骨係廚師推薦 所以都點左個試吓。豬軟骨炆得又淋又入味, 唔會太膩, 十分推薦！豚肉生薑燒 $68 (定食+$30)豚肉口感似豬頸肉, 配合淡淡生薑味都幾refreshing 但味道偏鹹。和風牛肉$64正常發揮🤭蟹膏蜆肉炒飯 $98有鑊氣嘅炒飯, 應該係即叫即炒, 而且粒粒分明,好香蟹膏濃郁嘅味道！流心芝士年糕$28大阪燒$78成個好厚身, 表面舖左好多木魚同紫菜絲, 個頂同底都非常香脆, 中間有一層豚肉,又夾住菜絲同粟米粒粒~不過略為有少少太多醬串燒同小食雖然餐廳座位未算坐得好舒服, 不過食物質素而言係十分推薦嘅小店

入元朗搵朋友，佢帶左我去一間日系小店食定食，覺得都幾唔錯，抵食又大份。門口附近幅畫勁靚😍有好多動漫人物⛩招牌蒲燒鰻魚🐟（半條）$72加定食$30 轉貓飯$10鰻魚偏多汁，同飯分開唔洗俾啲汁整到啲飯濕晒，味道夠，鰻魚汁偏甜，半條份量都夠食。定食好豐富，包左兩個前菜，一個係胡麻醬玉子豆腐，另一個係帶子裙邊。另外仲有幾款漬物放係旁邊，酸酸地好開胃。開頭唔知咩係貓飯🤣見到個名幾得意就叫左。貓飯入面有紫菜、木魚花、日本醬油、牛油，淨係撈勻食已經好入味⛩和風紫菜吉列豬扒🐷$62 加定食 $30 轉茶漬飯 $10豬扒唔算厚肉勝在炸得脆，配埋紫菜都幾夾。茶漬飯建議食快啲，浸太耐會脹晒。上面加左茶漬飯素，有口感。另外要讚嘅係佢地個味增湯，非常足料，有蜆有豚肉係入面，唔同平時果啲咁單調⛩芝麻雞翼🐥（3件） $42炸得勁香脆，咬落去食到粒粒芝麻香🤤⛩流心芝士年糕 🧀（2件）$28芝士年糕真係有流心效果🤩皮皮脆脆地，入面軟糯，芝士味濃郁，趁熱食好正呢到係朗屏站隔黎，去開附近黎呢到食都唔錯，夠方便

🍻 啤酒🐷食評 🍖 💁🏻‍♀️｜稚｜💁🏻‍♂️稚·時間過得好快，突然就畢業，突然就出黎社會做野，突然就變得成熟，少左份稚氣。成熟左，係好事黎，但多少都會掛住細細個既自己，單純簡單小編幾中意呢間餐廳個名😌入到去發現，雖然間鋪偏細，座位唔多，但都幾有人氣，好彩早左一步黎到，唔洗排咁耐隊，而呢到既野食都唔錯，晏就仲有午市套餐，價錢都算抵食·—·—·—·—·—·—·—·—·—·—·#🍻🍖 質素：🍡章魚小丸子｜$42熱辣辣既小丸子食落唔厚粉，入面既章魚都幾有咬口😋配埋面頭既紫菜·木魚·燒汁一齊食，味道好濃郁✨評分：7 / 10 分🥠流心芝士年糕｜$28芝士年糕既表面整得幾脆🤭咬落係外脆內軟既感覺，入面既芝士都好香，年糕又煙煙韌韌咁，幾好食✨評分：8 / 10 分🦪酥炸生蠔｜$38炸生蠔食落幾鬆脆，但唔會覺得好油，味道正正常常，都冇乜腥味😌✨評分：6.5 / 10 分🍱午市定食，跟餐有｜前菜·煎茶·味噌湯·珍珠米｜🍱汁煮豬軟骨定食｜$68轉 茶漬飯｜+ $10呢到既豬軟骨煮得好冧身，肥瘦適中🤤豬肉索曬啲醬汁，味道香濃得黎又唔會太咸幾欣賞個茶漬飯既茶底幾清香，本身茶漬同木魚都已經帶咸，配埋個茶湯一齊食就

今日響元朗附近收工，附近都係茶餐廳，但突然見到有間日本餐廳，俾佢吸引左，於是入去食晚餐😊🌟 芝麻雞翼 x 流心芝士年糕 ($42 & $28)芝麻雞翼即叫即炸，外層炸得香脆，肉質嫩滑，而且無雪藏嘅味道，調味剛剛好，唔會太咸😋芝士年糕都係即叫即炸，芝士香濃，而且流心，做到拉絲既效果，外層皮軟熟，必點😋😋🌟 蟹膏蜆肉炒飯 （$98）即叫即炒，好有鑊氣，炒飯唔會太咸，而且粒粒分明，加上用海鮮炒，好香嘅海鮮味，加上蟹膏濃郁，蜆肉新鮮，而且無沙，加埋蔥花同醬油炒，香味十足，價錢亦都唔貴😋😋🌟 大阪燒 （$78）好耐無去日本🇯🇵，見到大阪燒於是即刻點，果然無令我失望，醬汁，紫菜，木魚鋪滿全個大阪燒，而且大份，粉漿調教得岩岩好😋😋

呢間日本菜之前都聽好多人講 都有啲小名氣 所以就去試吓入到去比佢個裝修吸引 因為有One Piece啊😍😍嗌咗兩個set「招牌蒲燒鰻魚定食」同「吉列豬扒定食」 包前菜、漬物、煎茶、味增湯同珍珠米 招牌蒲燒鰻魚定食 ⭐️⭐️⭐️⭐️鰻魚肥瘦適中 好厚 咬口軟林林 魚身燒得香口 微微有焦香 呢個價錢食到咁高質嘅鰻魚真係超值吉列豬扒定食 ⭐️⭐️⭐️⭐️⭐️豬扒肉質厚實 好大條勁足料 炸粉唔厚 炸至金黃色 十分香脆 點埋燒烤醬配沙律醬 十分夾！流心芝士年糕 ⭐️⭐️⭐️⭐️⭐️呢個年糕真係出色 炸得好脆 未食已經聞到濃濃芝士香 一咬芝士漏出 正呀！整體 ⭐️⭐️⭐️⭐️⭐️真係會再encore嘅一間店 前菜好豐富 海蜇皮同豆腐都好正 而味增湯仲有香菇 成個定食CP值極高呀！

唔好睇小元朗小店「稚」外表平平無奇，其實係深藏不露，令人食過翻尋味！見到餐牌上嘅午市定食，每款都好吸引，我最終揀咗個👉🏻招牌蒲燒鰻魚定食，我見到可以加$10由珍珠米轉做貓飯/茶漬飯/湯烏冬，我就揀咗茶漬飯！我仲揀咗個流心芝士年糕！可能我近期食得太多減醣餐，需要啲邪惡芝士衝擊我嘅味蕾🤣招牌蒲燒鰻魚定食放喺我面前，我先攪勻個味噌湯，估唔到湯入面有幾片冬菇片，咬落好鮮！而青瓜片做前菜，表面有啲蒜粒，食落濃香清爽，好特別！夾起舊鰻魚，軟硬厚度適中👍🏻我最怕厚身加硬兼有好多軟骨嘅鰻魚，但呢個鰻魚揀得好好，好juice，仲有好多油脂，大大刺激起我食慾，加上個茶漬飯，飯上加上木魚絲同紫菜絲，用料相當豐富，令口感更加層次😋食食吓突然諗起四年前去過福岡時食過鰻魚茶漬飯，好好食！但當我食咗「稚」嘅鰻魚茶漬飯，仲好食過日本嗰個，食完返唔到轉頭！我仲話係叫少飯，但我都差唔多食哂啲飯，真係忍唔住一啖又一啖咁食😋😋😋流心芝士年糕名符其實，一咬芝士不斷流出嚟，食得慢啲都接唔住呀🤣我以前都有食過嗰啲流心芝士年糕，但從來都未有過芝士流出嚟囉！呢度食真係好得，勁好食😋😋😋難得有咁用心製作食物嘅小店，大至定食好味到不得了，

朋友新屋入伙今日去左佢屋企參觀，佢話之前搞裝修果陣發掘左呢間高水準既日本菜舖頭仔想帶我試下，但由於座位唔多所以我地六點鐘就去食～晚市未開已經有幾個人係度等佢開門😮我叫咗半條招牌鰻魚定食，朋友叫左汁煮豬軟骨定食轉貓飯加小食酥炸生蠔同埋流心芝士年糕～鰻魚燒得好靚，鰻魚汁甜甜地唔會“漏”送飯一流👍豬軟骨無論係啲肉定軟骨都好淋好入味，朋友話貓飯口感豐富啲同香啲～我本身唔係特別中意生蠔，但朋友話呢間既生蠔我一定要試下😅 外面炸得勁香脆但唔油膩，裡面唔係好覺有我唔中意既腥味，確實係唔錯👍 (我諗唔係特別喜好某樣食物而最容易接受佢既方法就係炸左佢黎食😂)芝士年糕裡面係好濃郁既忌廉芝士，朋友食得勁滋味🙈小店製作比較仔細認真，值得支持👏

特登來元朗探朋友，他說不吃連鎖店，帶我吃一間隱世小店。.的確不在大街，不是local 帶路也真miss 掉。.⭐️和風牛肉飯層層疊。牛肉是肥牛，不會太肥。份量多，疊疊層。加上洋蔥，又帶點清新感。.⭐️汁煮豬軟骨我平時不太喜歡吃豬肉的，但這個豬軟骨不得不讚真的好好食。煮得稔身，但又不去失去肉的質感，軟骨彈牙好口感。醬汁煮得入味又不會太鹹，伴飯食好開胃！.加$20轉定食，另外$10白飯可轉猫飯/味漬飯。猫飯即是加木魚紫菜的飯，另具日本風！.⭐️流心芝士年糕外薄又脆，不會食完太飽飽膩膩，芝士香濃又流心，芝士控必叫！.小店是由數個年輕人打理，要加油努力！

那天是平日的晚上9時，小編與友人共2人到這間小小的日本料理小店吃晚餐。2人共要了2個定食、一個小食和一支飲品，先說說定食：看到其他的食評都很推介鰻魚定食，那就來一份吧。簡約的菜單中，在「料理」中的浦燒鰻魚有半條或原條選擇，分別是$70和$118，小編要了半條，再加$20轉成定食套餐(有味噌湯、珍珠米和茶)。還有，小編想起很久沒有吃過茶漬飯了，所以就再加$10轉成茶漬飯。看到半條鰻魚都已經覺得份量很夠，又有厚度，所以女生要半條應該夠了。魚的肉質較軟，很入味，伴飯一流。茶漬飯上面有木魚絲、紫菜絲、條狀的脆脆和些少芥末，配料十足，所以味道上和口感上都很足夠，再倒入一半清濃的茶，令到整碗飯的味道得以調和。剩下一半的茶，小編把它喝光了。而另一個定食是汁煮豬軟骨($60)，加$20 (有味噌湯、珍珠米和茶)。豬軟骨佈滿了在飯上，大約有6小件；每件都很入味，還有微微的炭燒味；軟骨煮到很軟很軟，而不是脆軟的那種，而且很黏口，充滿膠質。小食就要了流心芝士年糕($24，有3件，平均$8/件)，芝士年糕的外層炸得很薄脆，年糕的質感較軟，而不是有韌度的那種，然後裡面的流心芝士很夠熱，味道較偏向奶味。最後的飲品