家賀屋

放工黎到銅鑼灣家賀屋食日本餐～呢度既壽司刺身好高質！最近仲有做緊啤酒半價，同埋原隻伊勢龍蝦刺身特價288蚊～今次黎都同朋友叫左好幾款野share食！勁高質而且仲有大熱既龍珠卷！正！1️⃣月見—極丼（$198）（定食+$45）定食配埋海帶味噌湯、沙律同埋海鮮茶碗蒸。茶碗蒸好足料入面仲有蜆肉、帆立貝、菇。另外主食有得揀烏冬同蕎麥麵，揀左月見明太子伴烏冬，烏冬彈牙再加上蛋汁增加滑溜口感👍重點係個月見丼！滿滿吞拿魚蓉加海膽、三文魚籽，再加上生食既蛋黃，邪惡值max！食落creamy漿口，但係又加上三文魚籽脆脆口感，口感豐富！2️⃣特選海鮮丼（$338）呢個魚生鋪滿曬碗邊🤩全部都好新鮮而且款式超多。仲有平時魚生丼少見既磯煮鮑魚、大拖羅！魚生質素好高，兩隻牡丹蝦好大隻厚肉，然後仲有海膽、赤貝、炙燒左口魚呢啲我好鍾意既食材，大滿足！3️⃣海膽龍珠卷（$138）冇諗過呢度有得食大熱既龍珠卷！每一粒都包住靚靚既醬油漬蛋黃，加上海膽同埋吞拿魚蓉，勁正😍4️⃣活赤貝壽司（$88）活赤貝食落好爽口！一份兩件，啱啱好可以一人一件～5️⃣黑松露煙燻帆立貝（$35/件）好大粒帶子！食落帶微微黑松露香味😋6️⃣三文魚腩刺身（$72）勁厚！食

活赤貝壽司($88)，將赤貝開呈花既形狀，賣相相當靚，餘下既赤貝肉造成軍艦壽司，活赤貝鮮甜，而且好重腥味，口感超爽口，我好鐘意，所以價錢較為昂貴一d。火炙左口魚裙邊($45)，油脂重，入口即溶，好似食緊棉花糖一樣，火炙過帶點焦香。赤貝($32)，相比起活赤貝，赤貝色澤較淡，腥味不濃郁，但口感方面同樣都咁爽口，而且size都幾厚肉，價錢相當抵食。海膽龍珠卷($138)，日本新興既龍珠卷，將海膽、吞拿魚蓉、醬油漬蛋黃捲埋做壽司，蛋黃黏黏既口感，加埋滑溜溜既海膽，兩者互相揮影，口感層次豐富。特選海鮮丼($338)，有十三款食材鋪滿整個碗，見到已經忍唔住想馬上開餐，海膽、牡丹蝦、大拖羅、鮑魚都最令我印象深刻，因為實在太好味，每款一件實在唔夠喉，牡丹蝦夠大隻而且係有2隻，蝦肉彈牙帶有黏黏口感，大拖買入口即溶，非常新鮮，不過這裏赤貝就稍為簿身一點，但仍然都好爽口。鹽燒仙台熟成牛舌心($118)，共6件左右，牛舌心肉質會更加煙韌爽口，黃色醬汁係類似黃芥末，一般係匹羊架食，原來配牛舌一樣咁夾。汁燒免治雞軟骨棒配日本蛋黃醬油($35)，免治雞表面燒至金黃色再帶少少焦香，肉質軟腍仲有粒粒雞軟骨增加咬口口