影片
更多
2014-01-19
9137 瀏覽
朋友早前試過超萌Keroro炒飯, 極力推薦, 搞到我都心癢難耐... 今天已吃了一頓失意午餐, 希望晚餐不要再多踩我地一腳啦... 訂枱時職員會問是否慶祝生日或紀念日之類, 我問慶祝紀念日有何優惠, 職員話無, 有公仔炒飯...原先訂了6:30PM的枱, 計劃Lunch與Dinner之間看電影, 可惜聖誕檔期前夕, 沒有什麼大片, 早前想看的亦已落畫, 勉強可看的, 地點與時間亦不理想, 最後提前6:00PM到來, 一個客人也未到...門外掛上色彩斑斕的和服, 手工精緻, 不禁註足欣賞...餐廳內的裝潢走簡潔風, 卻滲出濃濃的日本味道... 大大小小的鐵板區, 我地坐的小鐵板區可容納7人... 較大的鐵板區更可容納十多人, 晚一點到來的一群商務客將大鐵板區填滿了, 好不熱鬧... 嗯... 佢地唔除西裝, 唔驚吸晒油煙味嘅咩?!! 雖然呢度的抽氣系統都好強勁, 但當所有鐵板區同時全力開動時, 都有少少油煙味...二人前套餐有2-3款, 我選了"秋田"二人前套餐 (每位 $638), 其實只要加多幾十蚊, 銀鱈魚柳會升Lev為鮑魚, 十分超值, 但我N年前係北海道食過一次"舞燒鮑魚"後
訂枱時職員會問是否慶祝生日或紀念日之類, 我問慶祝紀念日有何優惠, 職員話無, 有公仔炒飯...
原先訂了6:30PM的枱, 計劃Lunch與Dinner之間看電影, 可惜聖誕檔期前夕, 沒有什麼大片, 早前想看的亦已落畫, 勉強可看的, 地點與時間亦不理想, 最後提前6:00PM到來, 一個客人也未到...
門外掛上色彩斑斕的和服, 手工精緻, 不禁註足欣賞...餐廳內的裝潢走簡潔風, 卻滲出濃濃的日本味道... 大大小小的鐵板區, 我地坐的小鐵板區可容納7人... 較大的鐵板區更可容納十多人, 晚一點到來的一群商務客將大鐵板區填滿了, 好不熱鬧... 嗯... 佢地唔除西裝, 唔驚吸晒油煙味嘅咩?!! 雖然呢度的抽氣系統都好強勁, 但當所有鐵板區同時全力開動時, 都有少少油煙味...
二人前套餐有2-3款, 我選了"秋田"二人前套餐 (每位 $638), 其實只要加多幾十蚊, 銀鱈魚柳會升Lev為鮑魚, 十分超值, 但我N年前係北海道食過一次"舞燒鮑魚"後有陰影, 要親眼睇住活生生的鮑魚在鐵板上掙扎至死實在太殘忍, 況且鮑魚難消化, 好彩無叫, 今晚食得好飽, 滯咗幾日, 食埋鮑魚肯定滯上加滯...
"秋田"二人前套餐包括季節沙律、活伊勢龍蝦、香煎頂級鵝肝、銀鱈魚柳、澳洲頂級和牛薄燒、招牌秋田炒飯、炒野菜、龍蝦麵豉湯、精選甜品... 超級豐富!!!
年輕靚仔廚師出馬!!! 手上捧著龍蝦及2隻蛋... 原來隻龍蝦仲識郁, 不停係度抺嘴... 喂!!! 你就來成為我的晚餐喇, 抺咩嘴喎, 係都係我抺啦...
季節沙律-- 廚師準備期間, 先吃吃蕃茄沙律, 蕃茄切得相當厚, 用蕃茄扒來形容也不為過, 配上開胃可口的芝麻醬, Yummy Yummy...
服務員奉上小吃... 香甜的銀魚、微酸的蕎頭、鹹鮮的牛蒡, 邊吃邊欣賞廚師忙著蒸蛋, 想得週到...鵝肝蒸蛋
-- 廚師將鵝肝煎香, 放入蛋漿內, 加點水在鐵板上, 蓋上鑊蓋蒸熟, 更不時用手Chok下隻蛋用眼去Check下熟的程度, 完成後再加上黑魚子, 鵝肝的油香滲到蒸蛋內, 又香又滑, 好好味哦!!! 我超低能囉, 初時唔知係蛋漿, 以前廚師想煮流心蛋, 仲同廚師講話要熟D, 好大鄉里呀!!! 嘩咔咔咔...
香煎頂級鵝肝
-- 同多士一樣厚的Blink Blink鵝肝正在向我地招手, 好邪惡呀!!! 靈魂不斷發出"危險"警號, 但肉體已不受控, 伸手去攞起煎鵝肝慢慢放入口一咬... 嘩!!! 鵝肝表面煎得焦脆, 鵝肝甘香豐腴, 油潤幼滑, 鵝肝的油香在口中盤旋歷久不散... 噹... 噹... 噹... 噹... 幸福的鐘聲響起了!!! 好好味呀!!! 好幸福呀!!!
返到屋企幾粒鐘後仍然回味, 亦不斷Repeat"好邪惡呀"呢句對白... 天使與惡魔之戰, 誰勝誰負, 不言而喻...
活伊勢龍蝦-- 好生猛的伊勢海老, 廚師用雙手將佢按住係鐵板上, 海老兄仍然數度嘗試來個蜈蚣彈, 嚇得我閃轉身叫了出來, 超低能, 好"火羅"呀, 嘩咔咔咔...
廚師將海老兄分身後, 將龍蝦頭內的蝦膏挖出, 煮成馥郁香濃的醬汁, 好好味哦...
方才仍紮紮跳的海老兄, 一煮好即時放係面前, 熱呼呼的, 會有可能不好吃嗎?!! 爽脆彈牙是必然的, 鮮味十足是肯定的, 馥郁香濃的龍蝦膏醬汁才是亮點, 將龍蝦肉的甘香鮮味昇華, 太美味啦!!!
Show Time!!! 廚師準備將燒滾了的酒灑到龍蝦頭上... ♫ 令我呼叫, 令我心跳, 是你一個燦爛名字 ♫
溤!!!!!! 嘩, 烈焰衝天, 好驚呀, 搵位閃先... 拍緊「烈火雄心」龍蝦版呀而家?!! 心跳加速-ing... 廚師甫出場時, 我已留意到佢手背有燒傷痕跡, 台上1分鐘, 台下10年功, 輕鬆演出背後一定付出了很多...
我驚魂未定之際, 同Honey講張相可能有少少朦, 影唔晒D火, 廚師聽到即刻話再來多一次... 吓?!! 再來?!! 講笑咋嘛?!! 說時遲, 那時快, 又來了!!! 好驚, 但又扮鎮定, 今次一定要影張靚相, 以免辜負廚師一番心意!!!
Hmm... 其實有人驚咪同廚師講唔使Encore咪得囉, 但佢又要貪小便宜, 典型C9無得救, 哈哈...
銀鱈魚柳-- 銀鱈魚柳表現略遜, 魚肉滑溜, 魚油稍為不夠香, 重點係無BB醬蘸, 嘿, 呢個係我地嘅癖好... 廚師可能太年輕, 不知BB醬為何物...
澳洲頂級和牛薄燒-- 澳洲頂級和牛雪花分佈均勻, 好吸引呀!!!
生蒜片要連續炒數分鐘直至金黃色, 都咪話唔手軟, 要用超多油先唔會黐底, 跟住又要隔3次油, 都幾繁複...
加蔥花再炒一會, 廚師三兩下手腳就將澳洲頂級和牛薄燒捲好放係我地面前, 本應我話要全熟, 但廚師話無人食全熟, 多數食5成熟, Arrr... 好啦, 試下7成熟啦...
蔥蒜炒得好香, 配薄牛肉真是一絕, 滿口肉香, 油而不膩, 我好食多幾件呀!!!
招牌秋田炒飯-- 今晚的戲肉, 公仔炒飯!!! 先來Blink Blink眼, 然後是包包面...
接著是紅粉緋緋的面珠仔...
加上耳珠仔... 呢一刻係最Cutie...
加上珠唇後有點跌Watt, 哈哈... 再附上粉頸... 足足用了15分鐘才完成的大制作唷!!!
廚師果然能做出任何公仔, 我只係比咗張公仔圖佢睇, 佢就做到出來, 望住佢一步一步咁完成Kenmerry公仔, 內心興奮莫名!!! 15分鐘內講咗幾百次"好Duck意呀!!!", 嘿嘿...
Kenmerry與Kenmerry炒飯合照!!!影完相就要被炒, 好唔捨得呀!!! 嗚嗚嗚嗚... 忍著淚說一聲Good Bye...
殊途同歸, 飯歸飯, 料歸料... 嗚嗚嗚嗚... 炒飯材料豐富, 但整公仔需時長久, 飯的水氣流失了, 口感難免會硬一點, 有利亦有弊...炒野菜
-- 璀璨過後, 回歸平淡... 沒有特別的炒野菜...
龍蝦麵豉湯
-- 剛才的烈火焚身的龍蝦頭, 煮成麵豉湯, 多出一份鮮味...
精選甜品-- 單看"精選甜品"4字, 沒有任何期待之下卻教人驚喜... 原來連甜品都係鐵板Show, 好特別呀!!!
先做餅底, 再炒紅豆蓉...
將紅豆蓉放上餅皮上, 再蓋上餅皮壓扁...
熱辣辣... 軟綿綿... 銅鑼燒登場!!! WoW... 我第一次食鐵板即制銅鑼燒, 好興奮呀!!! 餅皮係即開的, 好香好軟, 好好味呀!!! 好開心呀!!!
原來仲有雪糕食, 綠茶&芝麻, 賣飛佛!!!
今晚好開心呀, 係最有驚喜的鐵板燒之夜!!! 當然, 我心目中最好味的仍然係松菱...
最怕食鐵板燒無鐵板枱坐, 送到來冷冰冰, 又失去欣賞的樂趣... 秋田9成座位都係鐵板枱, 正!!!
服務都好貼心, 抵讚!!!
張貼
