Grill ขุนทอง (和安里)

營業中

休息中

#MC帶你去中環.嚟到酒吧林立既老蘭（蘭桂坊），又點可以唔試下斜路依間老蘭名物–泰式串燒店 Grill ขุนทอง 。喺深宵時段，唔少人玩樂微醺過後，都會忍不住來幾串。➖➖➖➖➖➖➖➖➖➖➖➖➖➖➖➖✨ Grill ขุนทอง (和安里).餐廳主打泰式串燒，而且即叫即燒，除咗串燒外，仲有主食、小食等，款式多樣化。雖然餐廳以外賣為主，但亦設有堂食座位，可以坐得舒舒服服。➖➖➖➖➖➖➖➖➖➖➖➖➖➖➖➖🥢 泰式酸辣豬頸肉沙律 $75.豬頸肉有6至8片，份量超足料！豬頸肉咬落香嫩多汁，配埋芹菜、紅蘿蔔絲、洋蔥絲，口感豐富；味道酸酸辣辣，越食越惹味。➖➖➖➖➖➖➖➖➖➖➖➖➖➖➖➖🥢 冬蔭功湯 $40.冬蔭功湯非常惹味，味道香濃，酸辣做得剛好，陣陣椰香味，飲落酸辣帶甜。雖然用咖啡杯盛載裝，但配料都好足料，內有草菇同大蝦，大蝦已經剝殼，食落超方便！➖➖➖➖➖➖➖➖➖➖➖➖➖➖➖➖🥢 泰式串燒配炒飯及雜菜 $75.有齊雞肉、牛肉、豬肉，肉質鮮嫩，帶少少炭燒香味！或者可以蘸埋沙嗲醬，甜甜地，極具風味！炒飯粒粒分明，飯粒乾爽硬身，炒飯內有唔少豆角，口感豐富。➖➖➖➖➖➖➖➖➖➖➖➖➖➖➖➖🥢 魷魚鬚

差唔多成年無黎呢間老蘭既泰式串燒吧Grill食野，今日心血來潮，一於黎食返餐。串燒吧地點非常方便，係正中環既中心。Grill主打泰式串燒，有多款串燒肉類，海鮮同蔬菜，餐牌亦有海南雞，幾款泰式飯，沙律，湯，小食，仲有飲品。平日午市有午餐餐牌。主菜4選1，跟簡單飲品。首先去收銀處落單俾錢，然後自己揾位坐低放低數字牌，等服務員送上食物。呢度無加一服務費。識食當然先黎一個抵食午餐，然後再加串燒同其他食物。今日叫左兩款沙律，半隻去骨海南雞，同一串串燒。青木瓜手撕雞沙律 $69青木瓜手撕雞沙律份量好多，首先手撕雞成座山，雞肉又瘦又稔，完全唔鞋。下底青木瓜絲好爽脆，撈埋青瓜絲同紅蘿蔔絲。甜酸汁另上，食落味道酸酸甜甜，好開胃。泰式酸辣豬頸肉沙律 $72泰式酸辣豬頸肉沙律有8片豬頸肉，有大有細，薄薄哋都可以，相對較瘦。沙律有辣芹菜，蔥，洋蔥，紅蘿蔔絲，芫荽，味道我覺得算幾辣。墊底有一塊生菜。去骨海南雞半隻 $135去骨海南雞半隻都好多肉食，真係全部去哂骨，除左雞翼尖。鷄腿位特別滑溜，肉質嫩滑，好好味道！雞胸肉都唔差，真係幾好食。雞下底墊左腍梛菜同伴有幾條紅蘿蔔仔。附上甜豉油同酸辣醬。兩款醬汁都好味。豬肉

呢排冬天來臨，成日都食熱氣野，今晚繼續熱氣，不過唔係韓燒或者日式燒肉，而係泰式串燒。地點係老蘭既泰式串燒吧叫Grill，非常方便，係正中環既中心。一日既往，呢度主打泰式串燒，有多款唔同肉類，海鮮同蔬菜既串燒，餐牌亦有海南雞，幾款泰式飯，沙律，仲有飲品。原來呢度都有酒類飲品供應。首先去收銀處落單俾錢，然後自己揾位坐低放低數字牌，等服務員送上食物。呢度無加一服務費。今晚叫左1款沙律，半隻去骨海南雞，同幾串串燒。泰式酸辣豬頸肉沙律 $65泰式酸辣豬頸肉沙律有8片豬頸肉，有大有細，味道我覺得算幾辣。上面有芹菜，下面有一塊生菜。串燒我叫左4串，左起分別係牛仔骨，魷魚鬚，豬頸肉同白鱔，全部加左青辣椒係上面。牛仔骨 $43 都算淋，味道入味。魷魚鬚 $25 就無特別。豬頸肉 $22 爽口。白鱔 $60 超爽滑，少少彈牙，質感好似鰻魚。 如果熱d會好食d。去骨海南雞半隻 $135去骨海南雞半隻都好多肉食，夠肥又夠油。真係全部去哂骨，除左雞翼尖。鷄腿位特別滑溜，肉質嫩滑，好好味道！雞下底墊左腍梛菜，吸左啲雞油得黎又唔太肥。附上甜豉油同酸辣醬。

今日嚟到中環一間泰式串燒店，喺中環站D2出口行上去就見到，呢度嘅招牌係泰式串燒同去骨海南雞泰式酸辣豬頸肉沙律：豬頸肉烤得幾香，不過偏瘦，下面嘅沙律菜酸酸辣辣，好開胃，不過都真係幾辣串燒我哋揀咗牛仔骨，菠蘿，白鱔同魷魚鬚，牛仔骨醃得好入味，烤到好香；菠蘿都唔錯，唔會太酸；白鱔冇骨，外面香脆，入邊肉汁都可以鎖住；魷魚鬚都好香脆，不過咬嘅時候好容易彈到成身都係汁去骨海南雞：肉質嫩滑，外皮爽口唔油膩，最重要係去晒骨，食起嚟好方便泰式串燒配炒飯及雜菜：個炒飯雖然好深色不過其實唔會好鹹，配埋味道較濃嘅串燒食啱啱好，串燒有雞牛豬三款

今日收工落左老蘭去呢間泰式串燒吧叫Grill既食晚餐。Grill位置非常方便，係正中環既中心地帶。呢度主打泰式串燒，有多款唔同肉類，海鮮同蔬菜既串燒，餐牌亦有沙律，海南雞，幾款泰式飯，仲有飲品。首先係收銀處落單俾錢先，然後自己揾位坐低，等服務員送上食物，並無收加一。今晚叫左1款沙律，1/4隻去骨海南雞，同幾串串燒，再加一杯野飲。泰式酸辣豬頸肉沙律 $65泰式酸辣豬頸肉沙律有6片豬頸肉，味道少少辣。上面有芹菜，下面有一塊生菜。去骨海南雞1/4隻 $70去骨海南雞有8大件，夠肥又夠油。真係全部去哂骨，除左雞翼尖。雞下底墊左腍梛菜，吸左啲雞油得黎又唔太肥。附上甜豉油同酸辣醬，好味道。串燒叫左我最鍾意既大花蝦一串同白鱔兩串。叫左少辣，厨師加左青辣椒同蒜蓉醬係上面。大花蝦 $70大花蝦超香蝦殼味，d肉食到係新鮮既，保持水準。白鱔 $60白鱔超爽滑，少少彈牙，質感好似鰻魚，亦都保持水準。 龍眼冰 $25另外叫左杯龍眼冰，我數過真係有12粒龍眼肉，都甜既，飲黎解辣都幾好。  總括而言，食物基本上保持一貫水準。

喺香港即叫即燒嘅泰式串燒唔多，係中環老蘭的Grill 就搵得到，而且一、兩串都有交易，所以經常有一堆人喺門口等，尤其是中午食晏晝，上班族都喜歡來這裡叫外賣做晏晝。泰式酸辣豬頸肉沙律一片片的燒豬頸肉份量超多，他的配菜有中國芹菜絲、紅蘿蔔絲、洋蔥絲等。沙律略為偏辣，我朋友食唔到辣，只係了兩口。我很喜歡這種泰式酸辣味，所以整個沙律被我一個人吃完。另外我們也叫了一些泰式串燒：大花蝦、牛仔骨、燒鰻魚、泰式魚餅、燒菠蘿、魷魚鬚，兩個人確實有點多，但由於熱辣辣，即叫即燒實在太吸引。燒鰻魚和燒大花蝦真是勁好味勁好食，鰻魚油脂豐富，口感豐潤；新鮮的大花蝦燒得外殼脆卜卜，蝦肉彈牙，鮮味十足。

友人相約老蘭 happy hour, 離遠就望到’’GRILL’’個大招牌，招牌下面🔥火光熊熊🔥, 加上傳出陣陣燒烤味，忍唔住入去整返幾串頂頂肚先啦！😃。諗住叫個小食+串燒，見到隔離枱啲嘢食咁吸引，點忍⋯⋯.📌去骨海南雞飯 $70 ～ 去骨海南雞（雞翼除外）啖啖肉，肉汁豐富，雞油飯比一般的少油，冇咁油之餘又不失香味！☝️📌泰式串燒配炒飯及雜菜 $70 ～ 豬、牛、雞肉各一串，外皮焦脆，炒飯上枱仲出晒煙，泰式醬油包住每粒飯，色香味俱全，好味呀！🤤📌泰式酸辣豬頸肉沙律 $65 ～ 呢個都好驚喜，濃邊豬頸肉作為冷盤出面少有，酸酸辣辣，夾埋芫茜、香芹、紅蘿蔔絲，爽口過癮！👏📌各式串燒 ～ 即燒串燒脆卜卜，蝦餅、雞翼好入味，配埋自家製泰式醬汁，同喺泰國食嘅一樣味！Lunch Set 更抵食👍

之前成日都見到呢間好多人聚集，因為聞到好香燒蝦味，要因為一年要去泰國一次嘅我，去泰國班機取消咗，所以就揀咗呢度嘅串燒黎試吓。一路以為呢間野喺蘭桂坊，仲要係幾顯眼嘅位置，應該都唔平，但原來其實唔貴都係十幾蚊串！泰式酸辣豬頸肉沙律個辣味剛剛好，唔會太辣，酸酸地好開胃！豬頸肉爽口彈牙！醃料酸酸甜甜，仰好味嘅！泰式串燒配炒飯及雜菜應該係用左泰式醬料炒嘅炒飯，有少少似豉油味，鹹鹹地，食唔停口，串燒係有豬牛雞3條，串燒燒得非常嘢味！不過我覺得個沙嗲醬偏甜，點少少就足夠。試過呢幾款串燒覺得ok, 決定要齋叫串燒填飽個肚🤣！睇吓我哋個串燒陣😆😆😆賣相超靚，未食已經覺得興奮🥰有六款醬料任點！其實我已經好滿意串燒本身嘅醃料味道，唔需要點樣點醬料都巳經好夠味👍🏾有牛肉、豬頸肉（狂點！因為超鍾意食🤣）、鰻魚、雞翼同有機露筍。牛肉幾好味，唔會硬有肉味，鰻魚少貴但必點！爽口質感味道都係要讚嘅！總括來講，唔貴，家聲比高，喺中環呢個價錢，係抵食嘅，難怪平時都幾多人，推薦👍🏾

與朋友在蘭桂坊見面, 喝了一點酒後便想吃小吃,在附近看到這間小店便進入試試看。裏面空間與一般的take away店差不多，牆壁上塗鴉不錯，店比較少也沒有廁所。見菜單上除了燒烤食品也有其他主菜選擇因為不太肚餓，便想叫幾串不同的串燒試試看。我們叫了有機露荀、泰國魚餅，和雞中翼。這幾個燒烤還算不錯，特別喜歡它的泰式配醬。我也特別喜歡那雞中翼串燒，香辣適宜。那串燒烤菠蘿和牛仔骨特別好吃，可是牛仔骨價錢略嫌貴因為$43只能買一串。那豬頸肉沙律也很好吃，豬頸肉非常香口，不能吃得太辣的朋友要注意在點餐的時候要小辣。個人而言我不太喜歡沙律配料，因為也是一些生香蒜和生洋蔥。

位於開心地段蘭桂坊有間泰式串燒店，放工行過黎chill一chill，啤酒配串燒，一樂事也。泰式串燒最正就係醬汁，呢度有成7款選擇，有辣有唔辣。我地兩個人食，叫左個飯打打底先，再加沙律同埋串燒。串燒(左起)：雞肉$18, 豬肉$18, 雞中翼$22, 魷魚鬚$25, 牛仔骨$43醬汁(左起)：沙嗲醬, 烤牛肉醬, 芫茜酸辣醬串燒每款都好正！唔會燒得太過乾身，帶少少焦香。魷魚鬚有驚喜，佢揀既鬚偏幼身，食落唔會韌，同埋排得密密麻麻無欺場。牛仔骨鬆化美味，近筋既位置越趙越香，牛味滲曬出黎。最精彩既就係啲醬汁，沙嗲醬偏甜，味道幾好。烤牛肉醬同芫茜酸辣醬係傳統泰式風味，辣得黎唔係辣椒油既”死辣”，而係辣得好爽好過癮果種！啤酒分別點左Singha Draugt$40同埋Stella$25，兩款都係淡口既啤酒，Stella會比Singha多少少麥味。去骨海南雞飯$70雞肉夠滑，辣汁同黑醬油亦好出色，水準OK。泰式酸辣豬頸肉沙律$65 豬頸肉爽口好味，辣度幾高但越食越惹味。呢個沙律要留意既係佢唔係一般生菜，係以蔥段、芹菜為主。餐牌

好耐之前都食過呢間串燒，咁啱約既朋友係中環返工而佢又想食下串燒，就揀咗呢間係蘭桂芳出面既呢間餐廳。之前嚟食都係經過企係門口食，其實都係朋友話我知原來有得坐先至揀呢間。平日八點幾嚟到，唔算太多人，對老蘭嚟講呢個時間實在太早喇。我地兩個人都好肚餓，好快就揀咗好多唔同嘢食。因為好肚餓，所以一定要嚟個餓肚啲既野食先，就叫咗呢個泰式串燒配炒飯及雜菜，$68一個晚飯嚟講係中環其實都算幾平，如果下次一個人嚟呢頭都可以揀呢個食，仲有啲菜，食咁多肉可以balance返。對我唔太辣得既人嚟講，啲飯都有啲辣，但都算幾惹味！肉汁都好多！叫咗好多唔同既串燒，雞牛豬、白豬肉腸，豬頸肉，泰式魚餅，自己最鐘意就係個泰式魚餅，食落去真係好有泰國既味道，咬落去又好煙韌！我地仲叫咗個豬頸肉沙律，呢個食落去真係辣，如果食辣既朋友就要留意返。再叫咗兩杯嘢飲，一杯Mojito同Apple Cider，價錢係餐廳嚟講都唔貴，一杯分別係$45同$25。